꧑. ꦏꦺꦴꦣꦥꦺꦪ꧀ꦪꦴꦭꦁ

꧑꧘꧑. ꦆꦠꦺꦴ ꦥꦫꦺꦱꦸ ꦏꦺꦴꦣꦮꦒ꧀ꦒꦴꦢꦷꦱꦸ ꦈꦥꦤꦤ꧀ꦣꦤꦭꦏ꧀ꦑꦟꦺꦴꦠꦶ ꦏꦸꦗ꧀ꦙꦤꦮꦱꦺꦤ ‘‘ꦄꦏ꧀ꦏꦺꦴꦕ꧀ꦖꦶ ꦩꦁ ꦄꦮꦣꦶ ꦩ’’ꦤ꧀ꦠꦶꦄꦴꦢꦶꦤꦴ (ꦣ. ꦥ. ꧓, ꧔) ꦕꦶꦠ꧀ꦠꦥꦫꦶꦪꦺꦴꦤꦤ꧀ꦣꦤꦭꦏ꧀ꦑꦟꦺꦴ. ꦥꦸꦧ꧀ꦧꦏꦴꦭꦶꦏꦁ ꦏꦺꦴꦣꦁ ꦈꦥꦤꦪ꧀ꦲꦠꦶ ꦧꦤ꧀ꦣꦠꦶ, ꦏꦸꦗ꧀ꦙꦤꦴꦏꦴꦫꦁ ꦥꦧꦤ꧀ꦣꦠꦶ ꦓꦛꦺꦠꦶ. ꦄꦴꦓꦴꦠꦮꦠ꧀ꦡꦸꦤꦴ ꦕꦶꦠ꧀ꦠꦁ ꦧꦤ꧀ꦣꦤ꧀ꦠꦷ ꦮꦶꦪ ꦲꦺꦴꦠꦷꦠꦶ ꦄꦥꦫꦏꦴꦭꦺꦴ ꦏꦺꦴꦣꦺꦴ ꦈꦥꦤꦴꦲꦺꦴ. ꦱꦸꦛ꧀ꦜꦸ ꦏꦠꦁ ꦏꦴꦫꦟꦁ ꦈꦥꦏꦴꦫꦺꦴ ꦱꦸꦏꦠꦏꦴꦫꦟꦁ, ꦠꦱ꧀ꦱ ꦥꦸꦧ꧀ꦧꦏꦴꦫꦶꦠꦴꦭꦏ꧀ꦑꦟꦱ꧀ꦱ ꦒꦸꦟꦱ꧀ꦱ ꦩꦏ꧀ꦑꦤꦁ ꦈꦢꦏꦥꦸꦚ꧀ꦖꦤꦶꦪꦴ ꦮꦶꦪ ꦱꦫꦷꦫꦴꦤꦸꦒꦠꦱ꧀ꦱ ꦈꦢꦏꦱ꧀ꦱ ꦥꦸꦚ꧀ꦖꦤꦁ ꦮꦶꦤꦴꦱꦤꦁ ꦭꦏ꧀ꦑꦟꦩꦺꦠꦱ꧀ꦱꦴꦠꦶ ꦱꦸꦏꦠꦏꦫꦟꦩꦏ꧀ꦑꦤꦭꦏ꧀ꦑꦟꦺꦴ. ꦠꦡꦴ ꦲꦶ ꦱꦺꦴ ꦥꦫꦺꦱꦁ ꦒꦸꦟꦴꦤꦁ ꦩꦏ꧀ꦑꦤꦛ꧀ꦜꦺꦤ ꦩꦏ꧀ꦑꦺꦴꦠꦶ ꦮꦸꦕ꧀ꦕꦠꦶ. ꦧꦲꦸꦱ꧀ꦱꦸꦠꦺꦥꦶ ꦥꦸꦒ꧀ꦒꦭꦺ ꦄꦗ꧀ꦙꦺꦴꦠ꧀ꦡꦫꦶꦁꦱꦸ, ‘‘ꦇꦢꦶꦱꦱ꧀ꦱ ꦕ ꦧꦲꦸꦱ꧀ꦱꦸꦠꦱ꧀ꦱ ꦄꦤꦶꦪꦠꦴ ꦒꦲꦶꦠꦴ, ꦠꦮ ꦕ ꦩꦩ ꦕ ꦏꦺꦴ ꦮꦶꦱꦺꦱꦺꦴ’’ꦠꦶꦄꦴꦢꦶꦤꦴ ꦤꦪꦺꦤ ꦈꦥ꧀ꦥꦗ꧀ꦗꦩꦴꦤꦺꦴ ꦪꦸꦒꦒ꧀ꦒꦴꦲꦷ ꦥꦭꦴꦱꦺꦴꦠꦶ ꦄꦴꦲ ‘‘ꦪꦸꦒꦒ꧀ꦒꦴꦲꦭꦏ꧀ꦑꦟꦺꦴ ꦥꦭꦴꦱꦺꦴ’’ꦠꦶ. ꦠꦠ꧀ꦡ ꦪꦸꦒꦒ꧀ꦒꦴꦲꦺꦴ ꦤꦴꦩ ꦱꦩꦣꦸꦫꦒ꧀ꦒꦴꦲꦺꦴ, ꦄꦱꦩꦩ꧀ꦥꦶ ꦄꦠ꧀ꦠꦤꦴ ꦱꦩꦁ ꦏꦠ꧀ꦮꦴ ꦒꦟ꧀ꦲꦤꦁ. ꦥꦭꦴꦱꦠꦷꦠꦶ ꦥꦭꦴꦱꦺꦴ, ꦥꦫꦺꦱꦁ ꦒꦸꦟꦺ ꦝꦁꦱꦶꦠ꧀ꦮꦴ ꦢꦤ꧀ꦠꦺꦲꦶ ꦮꦶꦪ ꦖꦶꦤ꧀ꦢꦶꦠ꧀ꦮꦴ ꦄꦠ꧀ꦠꦤꦺꦴ ꦒꦸꦟꦺꦲꦶ ꦱꦩꦺ ꦏꦫꦺꦴꦠꦷꦠꦶ ꦄꦠ꧀ꦡꦺꦴ.

ꦈꦱꦹꦪꦤꦭꦏ꧀ꦑꦟꦴꦠꦶ ꦥꦫꦺꦱꦁ ꦱꦏ꧀ꦏꦴꦫꦴꦢꦷꦤꦶ ꦑꦶꦪ꧀ꦪꦤꦭꦏ꧀ꦑꦟꦴ. ꦩꦕ꧀ꦖꦺꦫꦱ꧀ꦱ ꦨꦴꦮꦺꦴ ꦩꦕ꧀ꦖꦫꦶꦪꦁ. ꦠꦚ꧀ꦕ ꦄꦴꦮꦴꦱꦩꦕ꧀ꦖꦫꦶꦪꦴꦢꦶꦮꦱꦺꦤ ꦥꦚ꧀ꦕꦮꦶꦣꦤ꧀ꦠꦶ ꦄꦴꦲ ‘‘ꦥꦚ꧀ꦕꦩꦕ꧀ꦖꦺꦫꦨꦴꦮꦺꦴ ꦩꦕ꧀ꦖꦫꦶꦪ’’ꦤ꧀ꦠꦶ. ꦩꦕ꧀ꦖꦫꦴꦪꦤꦭꦏ꧀ꦑꦟꦤ꧀ꦠꦶ ꦄꦠ꧀ꦠꦤꦺꦴ ꦱꦩ꧀ꦥꦠ꧀ꦠꦶꦪꦴ ꦥꦫꦺꦲꦶ ꦱꦴꦣꦴꦫꦟꦨꦴꦮꦺ ꦄꦱꦲꦤꦭꦏ꧀ꦑꦟꦁ. ꦏꦠꦥ꧀ꦥꦛꦶꦕ꧀ꦖꦴꦢꦤꦭꦏ꧀ꦑꦟꦴꦠꦶ ꦏꦠꦥꦴꦥꦥ꧀ꦥꦛꦶꦕ꧀ꦖꦴꦢꦤꦭꦏ꧀ꦑꦟꦴ. ꦏꦺꦫꦴꦛꦶꦏꦨꦴꦮꦺꦤ ꦈꦥ꧀ꦥꦗ꧀ꦗꦩꦴꦤꦁ ꦱꦴꦜꦺꦪ꧀ꦪꦤ꧀ꦠꦶ ꦄꦴꦲ ‘‘ꦏꦺꦫꦴꦛꦶꦏꦭꦏ꧀ꦑꦟꦁ ꦱꦴꦜꦺꦪ꧀ꦪ’’ꦤ꧀ꦠꦶ. ꦄꦚ꧀ꦚꦡꦴ ꦄꦠ꧀ꦠꦤꦺꦴ ꦥꦮꦺꦢꦤꦥꦸꦒ꧀ꦒꦭꦺꦴ ꦏꦺꦫꦴꦛꦶꦏꦺꦴ ꦤꦺꦏꦠꦶꦏꦮꦴꦟꦶꦗꦺꦴꦠꦶ ꦮꦢꦤ꧀ꦠꦶ. ꦏꦺꦫꦴꦛꦶꦏꦺꦴ ꦲꦶ ꦥꦸꦒ꧀ꦒꦭꦺꦴ ꦄꦴꦤꦤ꧀ꦢꦩꦕ꧀ꦖꦺꦴ ꦮꦶꦪ ꦲꦺꦴꦠꦶ.

꧑꧘꧗. ꦪꦡꦴꦨꦠꦁ ꦤꦶꦏ꧀ꦑꦶꦠ꧀ꦠꦺꦴ ꦌꦮꦁ ꦤꦶꦫꦪꦺꦠꦶ ꦪꦡꦴ ꦄꦴꦨꦠꦁ ꦏꦚ꧀ꦕꦶ ꦄꦴꦲꦫꦶꦠ꧀ꦮꦴ ꦜꦥꦶꦠꦺꦴ, ꦌꦮꦁ ꦄꦠ꧀ꦠꦤꦺꦴ ꦏꦩ꧀ꦩꦸꦤꦴ ꦤꦶꦏ꧀ꦑꦶꦠ꧀ꦠꦺꦴ ꦤꦶꦫꦪꦺ ꦜꦥꦶꦠꦺꦴꦪꦺꦮꦴꦠꦶ ꦄꦠ꧀ꦡꦺꦴ.