꧘. ꦎꦓꦮꦒ꧀ꦒꦺꦴ

꧑-꧑꧐. ꦎꦓꦴꦢꦶꦱꦸꦠ꧀ꦠꦢꦱꦏꦁ

꧘꧘꧙-꧘꧙꧘. ‘‘ꦥꦚ꧀ꦕꦶꦩꦴꦤꦶ, ꦨꦶꦏ꧀ꦑꦮꦺ, ꦈꦢ꧀ꦣꦩ꧀ꦨꦴꦒꦶꦪꦴꦤꦶ ꦱꦁꦪꦺꦴꦗꦤꦴꦤꦶ. ꦏꦠꦩꦴꦤꦶ ꦥꦚ꧀ꦕ? ꦫꦹꦥꦫꦴꦒꦺꦴ, ꦄꦫꦹꦥꦫꦴꦒꦺꦴ, ꦩꦴꦤꦺꦴ, ꦈꦢ꧀ꦣꦕ꧀ꦕꦁ, ꦄꦮꦶꦗ꧀ꦗꦴ – ꦆꦩꦴꦤꦶ ꦑꦺꦴ, ꦨꦶꦏ꧀ꦑꦮꦺ, ꦥꦚ꧀ꦕꦸꦢ꧀ꦣꦩ꧀ꦨꦴꦒꦶꦪꦴꦤꦶ ꦱꦁꦪꦺꦴꦗꦤꦴꦤꦶ. ꦆꦩꦺꦱꦁ ꦑꦺꦴ, ꦨꦶꦏ꧀ꦑꦮꦺ, ꦥꦚ꧀ꦕꦤ꧀ꦤꦁ ꦈꦢ꧀ꦣꦩ꧀ꦨꦴꦒꦶꦪꦴꦤꦁ ꦱꦁꦪꦺꦴꦗꦤꦴꦤꦁ ꦄꦨꦶꦚ꧀ꦚꦴꦪ ꦥꦫꦶꦚ꧀ꦚꦴꦪ ꦥꦫꦶꦏ꧀ꦑꦪꦴꦪ ꦥꦲꦴꦤꦴꦪ ꦕꦠ꧀ꦠꦴꦫꦺꦴ ꦆꦢ꧀ꦣꦶꦥꦴꦢꦴ ꦨꦴꦮꦺꦠꦧ꧀ꦧꦴ. ꦏꦠꦩꦺ ꦕꦠ꧀ꦠꦴꦫꦺꦴ? ꦆꦣ, ꦨꦶꦏ꧀ꦑꦮꦺ, ꦨꦶꦏ꧀ꦑꦸ ꦖꦤ꧀ꦢꦱꦩꦴꦣꦶꦥ꧀ꦥꦣꦴꦤꦱꦔ꧀ꦑꦴꦫꦱꦩꦤ꧀ꦤꦴꦒꦠꦁ ꦆꦢ꧀ꦣꦶꦥꦴꦢꦁ ꦨꦴꦮꦺꦠꦶ, ꦮꦷꦫꦶꦪꦱꦩꦴꦣꦶ…ꦥꦺ… ꦕꦶꦠ꧀ꦠꦱꦩꦴꦣꦶ …ꦥꦺ… ꦮꦷꦩꦁꦱꦴꦱꦩꦴꦣꦶꦥ꧀ꦥꦣꦴꦤꦱꦔ꧀ꦑꦴꦫꦱꦩꦤ꧀ꦤꦴꦒꦠꦁ ꦆꦢ꧀ꦣꦶꦥꦴꦢꦁ ꦨꦴꦮꦺꦠꦶ. ꦆꦩꦺꦱꦁ ꦑꦺꦴ, ꦨꦶꦏ꧀ꦑꦮꦺ, ꦥꦚ꧀ꦕꦤ꧀ꦤꦁ ꦈꦢ꧀ꦣꦩ꧀ꦨꦴꦒꦶꦪꦴꦤꦁ ꦱꦁꦪꦺꦴꦗꦤꦴꦤꦁ ꦄꦨꦶꦚ꧀ꦚꦴꦪ ꦥꦫꦶꦚ꧀ꦚꦴꦪ ꦥꦫꦶꦏ꧀ꦑꦪꦴꦪ ꦥꦲꦴꦤꦴꦪ ꦆꦩꦺ ꦕꦠ꧀ꦠꦴꦫꦺꦴ ꦆꦢ꧀ꦣꦶꦥꦴꦢꦴ ꦨꦴꦮꦺꦠꦧ꧀ꦧꦴ’’ꦠꦶ.

(ꦪꦡꦴ ꦩꦒ꧀ꦒꦱꦁꦪꦸꦠ꧀ꦠꦁ ꦠꦡꦴ ꦮꦶꦠ꧀ꦡꦴꦫꦺꦠꦧ꧀ꦧꦁ).

ꦎꦓꦮꦒ꧀ꦒꦺꦴ ꦄꦛ꧀ꦜꦩꦺꦴ.

ꦠꦱ꧀ꦱꦸꦢ꧀ꦢꦴꦤꦁ –

ꦎꦓꦺꦴ ꦪꦺꦴꦒꦺꦴ ꦈꦥꦴꦢꦴꦤꦁ, ꦒꦤ꧀ꦡꦴ ꦄꦤꦸꦱꦪꦺꦤ ꦕ;

ꦏꦴꦩꦒꦸꦟꦴ ꦤꦷꦮꦫꦟꦴ, ꦑꦤ꧀ꦣꦴ ꦎꦫꦸꦢ꧀ꦣꦩ꧀ꦨꦴꦒꦶꦪꦴꦠꦶ.

ꦆꦢ꧀ꦣꦶꦥꦴꦢꦱꦁꦪꦸꦠ꧀ꦠꦁ ꦱꦠ꧀ꦠꦩꦁ.