꧑꧐. ꦢꦸꦠꦶꦪꦱꦩꦟꦧ꧀ꦫꦴꦲ꧀ꦩꦟꦱꦸꦠ꧀ꦠꦁ

꧕꧐꧐. ‘‘ꦪꦺ ꦲꦶ ꦏꦺꦕꦶ, ꦨꦶꦏ꧀ꦑꦮꦺ, ꦱꦩꦟꦴ ꦮꦴ ꦧ꧀ꦫꦴꦲ꧀ꦩꦟꦴ ꦮꦴ ꦕꦏ꧀ꦑꦸꦤ꧀ꦢ꧀ꦫꦶꦪꦁ ꦤꦥ꧀ꦥꦗꦴꦤꦤ꧀ꦠꦶ, ꦕꦏ꧀ꦑꦸꦤ꧀ꦢ꧀ꦫꦶꦪꦱꦩꦸꦢꦪꦁ ꦤꦥ꧀ꦥꦗꦴꦤꦤ꧀ꦠꦶ, ꦕꦏ꧀ꦑꦸꦤ꧀ꦢ꧀ꦫꦶꦪꦤꦶꦫꦺꦴꦣꦁ ꦤꦥ꧀ꦥꦗꦴꦤꦤ꧀ꦠꦶ, ꦕꦏ꧀ꦑꦸꦤ꧀ꦢ꧀ꦫꦶꦪꦤꦶꦫꦺꦴꦣꦒꦴꦩꦶꦤꦶꦁ ꦥꦛꦶꦥꦢꦁ ꦤꦥ꧀ꦥꦗꦴꦤꦤ꧀ꦠꦶ; ꦱꦺꦴꦠꦶꦤ꧀ꦢ꧀ꦫꦶꦪꦁ…ꦥꦺ… ꦓꦴꦤꦶꦤ꧀ꦢ꧀ꦫꦶꦪꦁ…ꦥꦺ… ꦗꦶꦮ꧀ꦲꦶꦤ꧀ꦢ꧀ꦫꦶꦪꦁ…ꦥꦺ… ꦏꦴꦪꦶꦤ꧀ꦢ꧀ꦫꦶꦪꦁ…ꦥꦺ… ꦩꦤꦶꦤ꧀ꦢ꧀ꦫꦶꦪꦁ ꦤꦥ꧀ꦥꦗꦴꦤꦤ꧀ꦠꦶ, ꦩꦤꦶꦤ꧀ꦢ꧀ꦫꦶꦪꦱꦩꦸꦢꦪꦁ ꦤꦥ꧀ꦥꦗꦴꦤꦤ꧀ꦠꦶ, ꦩꦤꦶꦤ꧀ꦢ꧀ꦫꦶꦪꦤꦶꦫꦺꦴꦣꦁ ꦤꦥ꧀ꦥꦗꦴꦤꦤ꧀ꦠꦶ, ꦩꦤꦶꦤ꧀ꦢ꧀ꦫꦶꦪꦤꦶꦫꦺꦴꦣꦒꦴꦩꦶꦤꦶꦁ ꦥꦛꦶꦥꦢꦁ ꦤꦥ꧀ꦥꦗꦴꦤꦤ꧀ꦠꦶ. ꦤ ꦩꦺ ꦠꦺ, ꦨꦶꦏ꧀ꦑꦮꦺ…ꦥꦺ… ꦱꦪꦁ ꦄꦨꦶꦚ꧀ꦚꦴ ꦱꦕ꧀ꦖꦶꦏꦠ꧀ꦮꦴ ꦈꦥꦱꦩ꧀ꦥꦗ꧀ꦗ ꦮꦶꦲꦫꦤ꧀ꦠꦶ.

‘‘ꦪꦺ ꦕ ꦑꦺꦴ ꦏꦺꦕꦶ, ꦨꦶꦏ꧀ꦑꦮꦺ, ꦱꦩꦟꦴ ꦮꦴ ꦧ꧀ꦫꦴꦲ꧀ꦩꦟꦴ ꦮꦴ ꦕꦏ꧀ꦑꦸꦤ꧀ꦢ꧀ꦫꦶꦪꦁ ꦥꦗꦴꦤꦤ꧀ꦠꦶ, ꦕꦏ꧀ꦑꦸꦤ꧀ꦢ꧀ꦫꦶꦪꦱꦩꦸꦢꦪꦁ ꦥꦗꦴꦤꦤ꧀ꦠꦶ, ꦕꦏ꧀ꦑꦸꦤ꧀ꦢ꧀ꦫꦶꦪꦤꦶꦫꦺꦴꦣꦁ ꦥꦗꦴꦤꦤ꧀ꦠꦶ, ꦕꦏ꧀ꦑꦸꦤ꧀ꦢ꧀ꦫꦶꦪꦤꦶꦫꦺꦴꦣꦒꦴꦩꦶꦤꦶꦁ ꦥꦛꦶꦥꦢꦁ ꦥꦗꦴꦤꦤ꧀ꦠꦶ, ꦱꦺꦴꦠꦶꦤ꧀ꦢ꧀ꦫꦶꦪꦁ…ꦥꦺ… ꦓꦴꦤꦶꦤ꧀ꦢ꧀ꦫꦶꦪꦁ…ꦥꦺ… ꦗꦶꦮ꧀ꦲꦶꦤ꧀ꦢ꧀ꦫꦶꦪꦁ…ꦥꦺ… ꦏꦴꦪꦶꦤ꧀ꦢ꧀ꦫꦶꦪꦁ…ꦥꦺ… ꦩꦤꦶꦤ꧀ꦢ꧀ꦫꦶꦪꦁ ꦥꦗꦴꦤꦤ꧀ꦠꦶ, ꦩꦤꦶꦤ꧀ꦢ꧀ꦫꦶꦪꦱꦩꦸꦢꦪꦁ ꦥꦗꦴꦤꦤ꧀ꦠꦶ, ꦩꦤꦶꦤ꧀ꦢ꧀ꦫꦶꦪꦤꦶꦫꦺꦴꦣꦁ ꦥꦗꦴꦤꦤ꧀ꦠꦶ, ꦩꦤꦶꦤ꧀ꦢ꧀ꦫꦶꦪꦤꦶꦫꦺꦴꦣꦒꦴꦩꦶꦤꦶꦁ ꦥꦛꦶꦥꦢꦁ ꦥꦗꦴꦤꦤ꧀ꦠꦶ, ꦠꦺ ꦑꦺꦴ ꦩꦺ, ꦨꦶꦏ꧀ꦑꦮꦺ, ꦱꦩꦟꦴ ꦮꦴ ꦧ꧀ꦫꦴꦲ꧀ꦩꦟꦴ ꦮꦴ ꦱꦩꦟꦺꦱꦸ ꦕꦺꦮ ꦱꦩꦟꦱꦩ꧀ꦩꦠꦴ ꦧ꧀ꦫꦴꦲ꧀ꦩꦟꦺꦱꦸ ꦕ ꦧ꧀ꦫꦴꦲ꧀ꦩꦟꦱꦩ꧀ꦩꦠꦴ, ꦠꦺ ꦕ ꦥꦤꦴꦪꦱ꧀ꦩꦤ꧀ꦠꦺꦴ ꦱꦴꦩꦚ꧀ꦚꦠ꧀ꦡꦚ꧀ꦕ ꦧ꧀ꦫꦲ꧀ꦩꦚ꧀ꦚꦠ꧀ꦡꦚ꧀ꦕ ꦢꦶꦛ꧀ꦜꦺꦮ ꦣꦩ꧀ꦩꦺ ꦱꦪꦁ ꦄꦨꦶꦚ꧀ꦚꦴ ꦱꦕ꧀ꦖꦶꦏꦠ꧀ꦮꦴ ꦈꦥꦱꦩ꧀ꦥꦗ꧀ꦗ ꦮꦶꦲꦫꦤ꧀ꦠꦷ’’ꦠꦶ. ꦢꦱꦩꦁ.

ꦖꦭ꦳ꦶꦤ꧀ꦢ꧀ꦫꦶꦪꦮꦒ꧀ꦒꦺꦴ ꦠꦠꦶꦪꦺꦴ.

ꦠꦱ꧀ꦱꦸꦢ꧀ꦢꦴꦤꦁ –

ꦥꦸꦤꦧ꧀ꦨꦮꦺꦴ ꦗꦷꦮꦶꦠꦚ꧀ꦚꦴꦪ, ꦌꦏꦧꦷꦗꦷ ꦕ ꦱꦸꦢ꧀ꦣꦏꦁ;

ꦱꦺꦴꦠꦺꦴ ꦄꦫꦲꦱꦩ꧀ꦧꦸꦢ꧀ꦣꦺꦴ, ꦢ꧀ꦮꦺ ꦕ ꦱꦩꦟꦧ꧀ꦫꦴꦲ꧀ꦩꦟꦴꦠꦶ.