꧑-꧑꧐. ꦎꦓꦴꦢꦶꦱꦸꦠ꧀ꦠꦢꦱꦏꦁ

꧖꧔꧑-꧖꧕꧐. ‘‘ꦥꦚ꧀ꦕꦶꦩꦴꦤꦶ, ꦨꦶꦏ꧀ꦑꦮꦺ, ꦈꦢ꧀ꦣꦩ꧀ꦨꦴꦒꦶꦪꦴꦤꦶ ꦱꦁꦪꦺꦴꦗꦤꦴꦤꦶ. ꦏꦠꦩꦴꦤꦶ ꦥꦚ꧀ꦕ? ꦫꦹꦥꦫꦴꦒꦺꦴ, ꦄꦫꦹꦥꦫꦴꦒꦺꦴ, ꦩꦴꦤꦺꦴ, ꦈꦢ꧀ꦣꦕ꧀ꦕꦁ, ꦄꦮꦶꦗ꧀ꦗꦴ – ꦆꦩꦴꦤꦶ ꦑꦺꦴ, ꦨꦶꦏ꧀ꦑꦮꦺ, ꦥꦚ꧀ꦕꦸꦢ꧀ꦣꦩ꧀ꦨꦴꦒꦶꦪꦴꦤꦶ ꦱꦁꦪꦺꦴꦗꦤꦴꦤꦶ. ꦆꦩꦺꦱꦁ ꦑꦺꦴ, ꦨꦶꦏ꧀ꦑꦮꦺ, ꦥꦚ꧀ꦕꦤ꧀ꦤꦁ ꦈꦢ꧀ꦣꦩ꧀ꦨꦴꦒꦶꦪꦴꦤꦁ ꦱꦁꦪꦺꦴꦗꦤꦴꦤꦁ ꦄꦨꦶꦚ꧀ꦚꦴꦪ ꦥꦫꦶꦚ꧀ꦚꦴꦪ ꦥꦫꦶꦏ꧀ꦑꦪꦴꦪ ꦥꦲꦴꦤꦴꦪ ꦥꦚ꧀ꦕꦶꦤ꧀ꦢ꧀ꦫꦶꦪꦴꦤꦶ ꦨꦴꦮꦺꦠꦧ꧀ꦧꦴꦤꦶ. ꦏꦠꦩꦴꦤꦶ ꦥꦚ꧀ꦕ? ꦆꦣ, ꦨꦶꦏ꧀ꦑꦮꦺ, ꦨꦶꦏ꧀ꦑꦸ ꦱꦢ꧀ꦣꦶꦤ꧀ꦢ꧀ꦫꦶꦪꦁ ꦨꦴꦮꦺꦠꦶ ꦫꦴꦒꦮꦶꦤꦪꦥꦫꦶꦪꦺꦴꦱꦴꦤꦁ ꦢꦺꦴꦱꦮꦶꦤꦪꦥꦫꦶꦪꦺꦴꦱꦴꦤꦁ ꦩꦺꦴꦲꦮꦶꦤꦪꦥꦫꦶꦪꦺꦴꦱꦴꦤꦁ. ꦮꦷꦫꦶꦪꦶꦤ꧀ꦢ꧀ꦫꦶꦪꦁ …ꦥꦺ… ꦱꦠꦶꦤ꧀ꦢ꧀ꦫꦶꦪꦁ… ꦱꦩꦴꦣꦶꦤ꧀ꦢ꧀ꦫꦶꦪꦁ … ꦥꦚ꧀ꦚꦶꦤ꧀ꦢ꧀ꦫꦶꦪꦁ ꦨꦴꦮꦺꦠꦶ ꦫꦴꦒꦮꦶꦤꦪꦥꦫꦶꦪꦺꦴꦱꦴꦤꦁ ꦢꦺꦴꦱꦮꦶꦤꦪꦥꦫꦶꦪꦺꦴꦱꦴꦤꦁ ꦩꦺꦴꦲꦮꦶꦤꦪꦥꦫꦶꦪꦺꦴꦱꦴꦤꦁ. ꦆꦩꦺꦱꦁ ꦑꦺꦴ, ꦨꦶꦏ꧀ꦑꦮꦺ, ꦥꦚ꧀ꦕꦤ꧀ꦤꦁ ꦈꦢ꧀ꦣꦩ꧀ꦨꦴꦒꦶꦪꦴꦤꦁ ꦱꦁꦪꦺꦴꦗꦤꦴꦤꦁ ꦄꦨꦶꦚ꧀ꦚꦴꦪ ꦥꦫꦶꦚ꧀ꦚꦴꦪ ꦥꦫꦶꦏ꧀ꦑꦪꦴꦪ ꦥꦲꦴꦤꦴꦪ ꦆꦩꦴꦤꦶ ꦥꦚ꧀ꦕꦶꦤ꧀ꦢ꧀ꦫꦶꦪꦴꦤꦶ ꦨꦴꦮꦺꦠꦧ꧀ꦧꦴꦤꦷ’’ꦠꦶ.

ꦎꦓꦮꦒ꧀ꦒꦺꦴ ꦱꦠ꧀ꦠꦫꦱꦩꦺꦴ.

ꦠꦱ꧀ꦱꦸꦢ꧀ꦢꦴꦤꦁ –

ꦎꦓꦺꦴ ꦪꦺꦴꦒꦺꦴ ꦈꦥꦴꦢꦴꦤꦁ, ꦒꦤ꧀ꦡꦴ ꦄꦤꦸꦱꦪꦺꦤ ꦕ;

ꦏꦴꦩꦒꦸꦟꦴ ꦤꦷꦮꦫꦟꦴ, ꦑꦤ꧀ꦣꦴ ꦎꦫꦸꦢ꧀ꦣꦩ꧀ꦨꦴꦒꦶꦪꦴꦠꦶ.

ꦆꦤ꧀ꦢ꧀ꦫꦶꦪꦱꦁꦪꦸꦠ꧀ꦠꦁ ꦕꦠꦸꦠ꧀ꦡꦁ.