꧖. ꦥꦜꦩꦱꦩꦟꦧ꧀ꦫꦴꦲ꧀ꦩꦟꦱꦸꦠ꧀ꦠꦁ

꧔꧗꧖. ‘‘ꦥꦚ꧀ꦕꦶꦩꦴꦤꦶ, ꦨꦶꦏ꧀ꦑꦮꦺ, ꦆꦤ꧀ꦢ꧀ꦫꦶꦪꦴꦤꦶ. ꦏꦠꦩꦴꦤꦶ ꦥꦚ꧀ꦕ? ꦱꦢ꧀ꦣꦶꦤ꧀ꦢ꧀ꦫꦶꦪꦁ…ꦥꦺ… ꦥꦚ꧀ꦚꦶꦤ꧀ꦢ꧀ꦫꦶꦪꦁ. ꦪꦺ ꦲꦶ ꦏꦺꦕꦶ, ꦨꦶꦏ꧀ꦑꦮꦺ, ꦱꦩꦟꦴ ꦮꦴ ꦧ꧀ꦫꦴꦲ꧀ꦩꦟꦴ ꦮꦴ ꦆꦩꦺꦱꦁ ꦥꦚ꧀ꦕꦤ꧀ꦤꦁ ꦆꦤ꧀ꦢ꧀ꦫꦶꦪꦴꦤꦁ ꦄꦱ꧀ꦱꦴꦢꦚ꧀ꦕ ꦄꦴꦢꦷꦤꦮꦚ꧀ꦕ ꦤꦶꦱ꧀ꦱꦫꦟꦚ꧀ꦕ ꦪꦡꦴꦨꦹꦠꦁ ꦤꦥ꧀ꦥꦗꦴꦤꦤ꧀ꦠꦶ, ꦤ ꦩꦺ ꦠꦺ, ꦨꦶꦏ꧀ꦑꦮꦺ, ꦱꦩꦟꦴ ꦮꦴ ꦧ꧀ꦫꦴꦲ꧀ꦩꦟꦴ ꦮꦴ ꦱꦩꦟꦺꦱꦸ ꦮꦴ ꦱꦩꦟꦱꦩ꧀ꦩꦠꦴ ꦧ꧀ꦫꦴꦲ꧀ꦩꦟꦺꦱꦸ ꦮꦴ ꦧ꧀ꦫꦴꦲ꧀ꦩꦟꦱꦩ꧀ꦩꦠꦴ, ꦤ ꦕ ꦥꦤꦺꦠꦺ ꦄꦴꦪꦱ꧀ꦩꦤ꧀ꦠꦺꦴ ꦱꦴꦩꦚ꧀ꦚꦠ꧀ꦡꦁ ꦮꦴ ꦧ꧀ꦫꦲ꧀ꦩꦚ꧀ꦚꦠ꧀ꦡꦁ ꦮꦴ ꦢꦶꦛ꧀ꦜꦺꦮ ꦣꦩ꧀ꦩꦺ ꦱꦪꦁ ꦄꦨꦶꦚ꧀ꦚꦴ ꦱꦕ꧀ꦖꦶꦏꦠ꧀ꦮꦴ ꦈꦥꦱꦩ꧀ꦥꦗ꧀ꦗ ꦮꦶꦲꦫꦤ꧀ꦠꦶ.

‘‘ꦪꦺ ꦕ ꦑꦺꦴ ꦏꦺꦕꦶ [ꦪꦺ ꦕ ꦑꦺꦴ ꦠꦺ (ꦱ꧀ꦪꦴ. ꦏꦁ. ꦏ.) ꦱꦁ. ꦤꦶ. ꧒.꧑꧗꧔], ꦨꦶꦏ꧀ꦑꦮꦺ, ꦱꦩꦟꦴ ꦮꦴ ꦧ꧀ꦫꦴꦲ꧀ꦩꦟꦴ ꦮꦴ ꦆꦩꦺꦱꦁ ꦥꦚ꧀ꦕꦤ꧀ꦤꦁ ꦆꦤ꧀ꦢ꧀ꦫꦶꦪꦴꦤꦁ ꦱꦩꦸꦢꦪꦚ꧀ꦕ ꦄꦠ꧀ꦡꦔ꧀ꦒꦩꦚ꧀ꦕ ꦄꦱ꧀ꦱꦴꦢꦚ꧀ꦕ ꦄꦴꦢꦷꦤꦮꦚ꧀ꦕ ꦤꦶꦱ꧀ꦱꦫꦟꦚ꧀ꦕ ꦪꦡꦴꦨꦹꦠꦁ ꦥꦗꦴꦤꦤ꧀ꦠꦶ, ꦠꦺ ꦑꦺꦴ ꦩꦺ, ꦨꦶꦏ꧀ꦑꦮꦺ, ꦱꦩꦟꦴ ꦮꦴ ꦧ꧀ꦫꦴꦲ꧀ꦩꦟꦴ ꦮꦴ ꦱꦩꦟꦺꦱꦸ ꦕꦺꦮ ꦱꦩꦟꦱꦩ꧀ꦩꦠꦴ ꦧ꧀ꦫꦴꦲ꧀ꦩꦟꦺꦱꦸ ꦕ ꦧ꧀ꦫꦴꦲ꧀ꦩꦟꦱꦩ꧀ꦩꦠꦴ; ꦠꦺ ꦕ ꦥꦤꦴꦪꦱ꧀ꦩꦤ꧀ꦠꦺꦴ ꦱꦴꦩꦚ꧀ꦚꦠ꧀ꦡꦚ꧀ꦕ ꦧ꧀ꦫꦲ꧀ꦩꦚ꧀ꦚꦠ꧀ꦡꦚ꧀ꦕ ꦢꦶꦛ꧀ꦜꦺꦮ ꦣꦩ꧀ꦩꦺ ꦱꦪꦁ ꦄꦨꦶꦚ꧀ꦚꦴ ꦱꦕ꧀ꦖꦶꦏꦠ꧀ꦮꦴ ꦈꦥꦱꦩ꧀ꦥꦗ꧀ꦗ ꦮꦶꦲꦫꦤ꧀ꦠꦷ’’ꦠꦶ. ꦖꦛ꧀ꦜꦁ.