꧒. ꦕꦶꦫꦛ꧀ꦜꦶꦠꦶꦱꦸꦠ꧀ꦠꦁ

꧓꧘꧘. ꦠꦁꦪꦺꦮ ꦤꦶꦢꦴꦤꦁ. ꦌꦏꦩꦤ꧀ꦠꦁ ꦤꦶꦱꦶꦤ꧀ꦤꦺꦴ ꦑꦺꦴ ꦄꦴꦪꦱ꧀ꦩꦴ ꦨꦢ꧀ꦢꦺꦴ ꦄꦴꦪꦱ꧀ꦩꦤ꧀ꦠꦁ ꦄꦴꦤꦤ꧀ꦢꦁ ꦌꦠꦢꦮꦺꦴꦕ – ‘‘ꦏꦺꦴ ꦤꦸ ꦑꦺꦴ, ꦄꦴꦮꦸꦱꦺꦴ ꦄꦴꦤꦤ꧀ꦢ, ꦲꦺꦠꦸ, ꦏꦺꦴ ꦥꦕ꧀ꦕꦪꦺꦴ ꦪꦺꦤ ꦠꦡꦴꦒꦠꦺ ꦥꦫꦶꦤꦶꦧ꧀ꦧꦸꦠꦺ ꦱꦢ꧀ꦣꦩ꧀ꦩꦺꦴ ꦤ ꦕꦶꦫꦛ꧀ꦜꦶꦠꦶꦏꦺꦴ ꦲꦺꦴꦠꦶ? ꦏꦺꦴ ꦥꦤꦴꦮꦸꦱꦺꦴ ꦄꦴꦤꦤ꧀ꦢ, ꦲꦺꦠꦸ, ꦏꦺꦴ ꦥꦕ꧀ꦕꦪꦺꦴ ꦪꦺꦤ ꦠꦡꦴꦒꦠꦺ ꦥꦫꦶꦤꦶꦧ꧀ꦧꦸꦠꦺ ꦱꦢ꧀ꦣꦩ꧀ꦩꦺꦴ ꦕꦶꦫꦛ꧀ꦜꦶꦠꦶꦏꦺꦴ ꦲꦺꦴꦠꦷ’’ꦠꦶ?

‘‘ꦱꦴꦣꦸ ꦱꦴꦣꦸ, ꦄꦴꦮꦸꦱꦺꦴ ꦨꦢ꧀ꦢ! ꦨꦢ꧀ꦢꦏꦺꦴ ꦑꦺꦴ ꦠꦺ, ꦄꦴꦮꦸꦱꦺꦴ ꦨꦢ꧀ꦢ, ꦈꦩ꧀ꦩꦔ꧀ꦒꦺꦴ, ꦨꦢ꧀ꦢꦏꦁ ꦥꦛꦶꦨꦴꦤꦁ, ꦏꦭ꧀ꦪꦴꦟꦷ ꦥꦫꦶꦥꦸꦕ꧀ꦖꦴ. ꦌꦮꦚ꧀ꦲꦶ ꦠ꧀ꦮꦁ, ꦄꦴꦮꦸꦱꦺꦴ ꦨꦢ꧀ꦢ, ꦥꦸꦕ꧀ꦖꦱꦶ – ‘ꦏꦺꦴ ꦤꦸ ꦑꦺꦴ, ꦄꦴꦮꦸꦱꦺꦴ ꦄꦴꦤꦤ꧀ꦢ, ꦲꦺꦠꦸ, ꦏꦺꦴ ꦥꦕ꧀ꦕꦪꦺꦴ ꦪꦺꦤ ꦠꦡꦴꦒꦠꦺ ꦥꦫꦶꦤꦶꦧ꧀ꦧꦸꦠꦺ ꦱꦢ꧀ꦣꦩ꧀ꦩꦺꦴ ꦤ ꦕꦶꦫꦛ꧀ꦜꦶꦠꦶꦏꦺꦴ ꦲꦺꦴꦠꦶ? ꦏꦺꦴ ꦥꦤꦴꦮꦸꦱꦺꦴ ꦄꦴꦤꦤ꧀ꦢ, ꦲꦺꦠꦸ, ꦏꦺꦴ ꦥꦕ꧀ꦕꦪꦺꦴ ꦪꦺꦤ ꦠꦡꦴꦒꦠꦺ ꦥꦫꦶꦤꦶꦧ꧀ꦧꦸꦠꦺ ꦱꦢ꧀ꦣꦩ꧀ꦩꦺꦴ ꦕꦶꦫꦛ꧀ꦜꦶꦠꦶꦏꦺꦴ ꦲꦺꦴꦠꦷ’’’ꦠꦶ? ‘‘ꦌꦮꦩꦴꦮꦸꦱꦺꦴ’’ꦠꦶ. ‘‘ꦕꦠꦸꦤ꧀ꦤꦁ ꦑꦺꦴ, ꦄꦴꦮꦸꦱꦺꦴ, ꦱꦠꦶꦥꦛ꧀ꦜꦴꦤꦴꦤꦁ ꦄꦨꦴꦮꦶꦠꦠ꧀ꦠꦴ ꦄꦧꦲꦸꦭꦷꦏꦠꦠ꧀ꦠꦴ ꦠꦡꦴꦒꦠꦺ ꦥꦫꦶꦤꦶꦧ꧀ꦧꦸꦠꦺ ꦱꦢ꧀ꦣꦩ꧀ꦩꦺꦴ ꦤ ꦕꦶꦫꦛ꧀ꦜꦶꦠꦶꦏꦺꦴ ꦲꦺꦴꦠꦶ. ꦕꦠꦸꦤ꧀ꦤꦚ꧀ꦕ ꦑꦺꦴ, ꦄꦴꦮꦸꦱꦺꦴ, ꦱꦠꦶꦥꦛ꧀ꦜꦴꦤꦴꦤꦁ ꦨꦴꦮꦶꦠꦠ꧀ꦠꦴ ꦧꦲꦸꦭꦷꦏꦠꦠ꧀ꦠꦴ ꦠꦡꦴꦒꦠꦺ ꦥꦫꦶꦤꦶꦧ꧀ꦧꦸꦠꦺ ꦱꦢ꧀ꦣꦩ꧀ꦩꦺꦴ ꦕꦶꦫꦛ꧀ꦜꦶꦠꦶꦏꦺꦴ ꦲꦺꦴꦠꦶ’’.

‘‘ꦏꦠꦩꦺꦱꦁ ꦕꦠꦸꦤ꧀ꦤꦁ? ꦆꦣꦴꦮꦸꦱꦺꦴ, ꦨꦶꦏ꧀ꦑꦸ ꦏꦴꦪꦺ ꦏꦴꦪꦴꦤꦸꦥꦱ꧀ꦱꦷ ꦮꦶꦲꦫꦠꦶ ꦄꦴꦠꦴꦥꦷ ꦱꦩ꧀ꦥꦗꦴꦤꦺꦴ ꦱꦠꦶꦩꦴ, ꦮꦶꦤꦺꦪ꧀ꦪ ꦭꦺꦴꦏꦺ ꦄꦨꦶꦗ꧀ꦙꦴꦢꦺꦴꦩꦤꦱ꧀ꦱꦁ; ꦮꦺꦢꦤꦴꦱꦸ…ꦥꦺ… ꦕꦶꦠ꧀ꦠꦺ…ꦥꦺ… ꦣꦩ꧀ꦩꦺꦱꦸ ꦣꦩ꧀ꦩꦴꦤꦸꦥꦱ꧀ꦱꦷ ꦮꦶꦲꦫꦠꦶ ꦄꦴꦠꦴꦥꦷ ꦱꦩ꧀ꦥꦗꦴꦤꦺꦴ ꦱꦠꦶꦩꦴ, ꦮꦶꦤꦺꦪ꧀ꦪ ꦭꦺꦴꦏꦺ ꦄꦨꦶꦗ꧀ꦙꦴꦢꦺꦴꦩꦤꦱ꧀ꦱꦁ. ꦆꦩꦺꦱꦁ ꦑꦺꦴ, ꦄꦴꦮꦸꦱꦺꦴ, ꦕꦠꦸꦤ꧀ꦤꦁ ꦱꦠꦶꦥꦛ꧀ꦜꦴꦤꦴꦤꦁ ꦄꦨꦴꦮꦶꦠꦠ꧀ꦠꦴ ꦄꦧꦲꦸꦭꦷꦏꦠꦠ꧀ꦠꦴ ꦠꦡꦴꦒꦠꦺ ꦥꦫꦶꦤꦶꦧ꧀ꦧꦸꦠꦺ ꦱꦢ꧀ꦣꦩ꧀ꦩꦺꦴ ꦤ ꦕꦶꦫꦛ꧀ꦜꦶꦠꦶꦏꦺꦴ ꦲꦺꦴꦠꦶ. ꦆꦩꦺꦱꦚ꧀ꦕ ꦑꦺꦴ, ꦄꦴꦮꦸꦱꦺꦴ, ꦕꦠꦸꦤ꧀ꦤꦁ ꦱꦠꦶꦥꦛ꧀ꦜꦴꦤꦴꦤꦁ ꦨꦴꦮꦶꦠꦠ꧀ꦠꦴ ꦧꦲꦸꦭꦷꦏꦠꦠ꧀ꦠꦴ ꦠꦡꦴꦒꦠꦺ ꦥꦫꦶꦤꦶꦧ꧀ꦧꦸꦠꦺ ꦱꦢ꧀ꦣꦩ꧀ꦩꦺꦴ ꦕꦶꦫꦛ꧀ꦜꦶꦠꦶꦏꦺꦴ ꦲꦺꦴꦠꦷ’’ꦠꦶ. ꦢꦸꦠꦶꦪꦁ.