꧑. ꦩꦤꦸꦱ꧀ꦱꦕꦸꦠꦶꦤꦶꦫꦪꦱꦸꦠ꧀ꦠꦁ

꧑꧑꧗꧒. ꦄꦡ ꦑꦺꦴ ꦨꦒꦮꦴ ꦥꦫꦶꦠ꧀ꦠꦁ ꦤꦑꦱꦶꦑꦴꦪꦁ ꦥꦁꦱꦸꦁ ꦄꦴꦫꦺꦴꦥꦺꦠ꧀ꦮꦴ ꦨꦶꦏ꧀ꦑꦹ ꦄꦴꦩꦤ꧀ꦠꦺꦱꦶ – ‘‘ꦠꦁ ꦏꦶꦁ ꦩꦚ꧀ꦚꦡ, ꦨꦶꦏ꧀ꦑꦮꦺ, ꦏꦠꦩꦁ ꦤꦸ ꦑꦺꦴ ꦧꦲꦸꦠꦫꦁ – ꦪꦺꦴ ꦮꦴꦪꦁ ꦩꦪꦴ ꦥꦫꦶꦠ꧀ꦠꦺꦴ ꦤꦑꦱꦶꦑꦴꦪꦁ ꦥꦁꦱꦸ ꦄꦴꦫꦺꦴꦥꦶꦠꦺꦴ, ꦄꦪꦁ ꦮꦴ ꦩꦲꦴꦥꦡꦮꦷ’’ꦠꦶ? ‘‘ꦌꦠꦢꦺꦮ, ꦨꦤ꧀ꦠꦺ, ꦧꦲꦸꦠꦫꦁ, ꦪꦢꦶꦢꦁ – ꦩꦲꦴꦥꦡꦮꦷ; ꦄꦥ꧀ꦥꦩꦠ꧀ꦠꦏꦴꦪꦁ ꦨꦒꦮꦠꦴ ꦥꦫꦶꦠ꧀ꦠꦺꦴ ꦤꦑꦱꦶꦑꦴꦪꦁ ꦥꦁꦱꦸ ꦄꦴꦫꦺꦴꦥꦶꦠꦺꦴ. ꦱꦔ꧀ꦑꦩ꧀ꦥꦶ ꦤ ꦈꦥꦺꦠꦶ, ꦈꦥꦤꦶꦣꦩ꧀ꦥꦶ ꦤ ꦈꦥꦺꦠꦶ, ꦏꦭꦨꦴꦒꦩ꧀ꦥꦶ ꦤ ꦈꦥꦺꦠꦶ ꦩꦲꦴꦥꦡꦮꦶꦁ ꦈꦥꦤꦶꦣꦴꦪ ꦨꦒꦮꦠꦴ ꦥꦫꦶꦠ꧀ꦠꦺꦴ ꦤꦑꦱꦶꦑꦴꦪꦁ ꦥꦁꦱꦸ ꦄꦴꦫꦺꦴꦥꦶꦠꦺꦴ’’ꦠꦶ. ꦌꦮꦩꦺꦮ ꦑꦺꦴ, ꦨꦶꦏ꧀ꦑꦮꦺ, ꦄꦥ꧀ꦥꦏꦴ ꦠꦺ ꦱꦠ꧀ꦠꦴ ꦪꦺ ꦩꦤꦸꦱ꧀ꦱꦴ ꦕꦸꦠꦴ ꦩꦤꦸꦱ꧀ꦱꦺꦱꦸ ꦥꦕ꧀ꦕꦴꦗꦴꦪꦤ꧀ꦠꦶ; ꦄꦡ ꦑꦺꦴ ꦌꦠꦺꦮ ꦧꦲꦸꦠꦫꦴ ꦱꦠ꧀ꦠꦴ ꦪꦺ ꦩꦤꦸꦱ꧀ꦱꦴ ꦕꦸꦠꦴ ꦤꦶꦫꦪꦺ ꦥꦕ꧀ꦕꦴꦗꦴꦪꦤ꧀ꦠꦶ…ꦥꦺ…. ꦥꦜꦩꦁ.