꧔. ꦢꦸꦠꦶꦪꦱꦴꦫꦶꦥꦸꦠ꧀ꦠꦏꦺꦴꦛ꧀ꦜꦶꦏꦱꦸꦠ꧀ꦠꦁ

꧔꧑꧓. ꦌꦏꦁ ꦱꦩꦪꦁ ꦄꦴꦪꦱ꧀ꦩꦴ ꦕ ꦱꦴꦫꦶꦥꦸꦠ꧀ꦠꦺꦴ, ꦄꦴꦪꦱ꧀ꦩꦴ ꦕ ꦩꦲꦴꦏꦺꦴꦛ꧀ꦜꦶꦏꦺꦴ ꦧꦴꦫꦴꦟꦱꦶꦪꦁ ꦮꦶꦲꦫꦤ꧀ꦠꦶ ꦆꦱꦶꦥꦠꦤꦺ ꦩꦶꦒꦢꦴꦪꦺ…ꦥꦺ… (ꦱꦴꦪꦺꦮ ꦥꦸꦕ꧀ꦖꦴ) ‘‘ꦏꦺꦴ ꦤꦸ ꦑꦺꦴ, ꦄꦴꦮꦸꦱꦺꦴ, ꦲꦺꦠꦸ, ꦏꦺꦴ ꦥꦕ꧀ꦕꦪꦺꦴ, ꦪꦺꦤꦺꦠꦁ ꦄꦧ꧀ꦪꦴꦏꦠꦁ ꦨꦒꦮꦠꦴ’’ꦠꦶ? ‘‘ꦫꦹꦥꦁ ꦑꦺꦴ, ꦄꦴꦮꦸꦱꦺꦴ, ꦄꦗꦴꦤꦠꦺꦴ ꦄꦥꦱ꧀ꦱꦠꦺꦴ ꦪꦡꦴꦨꦹꦠꦁ, ꦫꦹꦥꦱꦩꦸꦢꦪꦁ ꦄꦗꦴꦤꦠꦺꦴ ꦄꦥꦱ꧀ꦱꦠꦺꦴ ꦪꦡꦴꦨꦹꦠꦁ, ꦫꦹꦥꦤꦶꦫꦺꦴꦣꦁ ꦄꦗꦴꦤꦠꦺꦴ ꦄꦥꦱ꧀ꦱꦠꦺꦴ ꦪꦡꦴꦨꦹꦠꦁ, ꦫꦹꦥꦤꦶꦫꦺꦴꦣꦒꦴꦩꦶꦤꦶꦁ ꦥꦛꦶꦥꦢꦁ ꦄꦗꦴꦤꦠꦺꦴ ꦄꦥꦱ꧀ꦱꦠꦺꦴ ꦪꦡꦴꦨꦹꦠꦁ, ‘ꦲꦺꦴꦠꦶ ꦠꦡꦴꦒꦠꦺꦴ ꦥꦫꦁ ꦩꦫꦟꦴ’ꦠꦶꦥꦶꦱ꧀ꦱ ꦲꦺꦴꦠꦶ; ‘ꦤ ꦲꦺꦴꦠꦶ ꦠꦡꦴꦒꦠꦺꦴ ꦥꦫꦁ ꦩꦫꦟꦴ’ꦠꦶꦥꦶꦱ꧀ꦱ ꦲꦺꦴꦠꦶ; ‘ꦲꦺꦴꦠꦶ ꦕ ꦤ ꦕ ꦲꦺꦴꦠꦶ ꦠꦡꦴꦒꦠꦺꦴ ꦥꦫꦁ ꦩꦫꦟꦴ’ꦠꦶꦥꦶꦱ꧀ꦱ ꦲꦺꦴꦠꦶ; ‘ꦤꦺꦮ ꦲꦺꦴꦠꦶ ꦤ ꦤ ꦲꦺꦴꦠꦶ ꦠꦡꦴꦒꦠꦺꦴ ꦥꦫꦁ ꦩꦫꦟꦴ’ꦠꦶꦥꦶꦱ꧀ꦱ ꦲꦺꦴꦠꦶ. ꦮꦺꦢꦤꦁ…ꦥꦺ… ꦱꦚ꧀ꦚꦁ…ꦥꦺ… ꦱꦔ꧀ꦑꦴꦫꦺ…ꦥꦺ… ꦮꦶꦚ꧀ꦚꦴꦟꦁ ꦄꦗꦴꦤꦠꦺꦴ ꦄꦥꦱ꧀ꦱꦠꦺꦴ ꦪꦡꦴꦨꦹꦠꦁ, ꦮꦶꦚ꧀ꦚꦴꦟꦱꦩꦸꦢꦪꦁ ꦄꦗꦴꦤꦠꦺꦴ ꦄꦥꦱ꧀ꦱꦠꦺꦴ ꦪꦡꦴꦨꦹꦠꦁ, ꦮꦶꦚ꧀ꦚꦴꦟꦤꦶꦫꦺꦴꦣꦁ ꦄꦗꦴꦤꦠꦺꦴ ꦄꦥꦱ꧀ꦱꦠꦺꦴ ꦪꦡꦴꦨꦹꦠꦁ, ꦮꦶꦚ꧀ꦚꦴꦟꦤꦶꦫꦺꦴꦣꦒꦴꦩꦶꦤꦶꦁ ꦥꦛꦶꦥꦢꦁ ꦄꦗꦴꦤꦠꦺꦴ ꦄꦥꦱ꧀ꦱꦠꦺꦴ ꦪꦡꦴꦨꦹꦠꦁ, ‘ꦲꦺꦴꦠꦶ ꦠꦡꦴꦒꦠꦺꦴ ꦥꦫꦁ ꦩꦫꦟꦴ’ꦠꦶꦥꦶꦱ꧀ꦱ ꦲꦺꦴꦠꦶ; ‘ꦤ ꦲꦺꦴꦠꦶ ꦠꦡꦴꦒꦠꦺꦴ ꦥꦫꦁ ꦩꦫꦟꦴ’ꦠꦶꦥꦶꦱ꧀ꦱ ꦲꦺꦴꦠꦶ; ‘ꦲꦺꦴꦠꦶ ꦕ ꦤ ꦕ ꦲꦺꦴꦠꦶ ꦠꦡꦴꦒꦠꦺꦴ ꦥꦫꦁ ꦩꦫꦟꦴ’ꦠꦶꦥꦶꦱ꧀ꦱ ꦲꦺꦴꦠꦶ; ‘ꦤꦺꦮ ꦲꦺꦴꦠꦶ ꦤ ꦤ ꦲꦺꦴꦠꦶ ꦠꦡꦴꦒꦠꦺꦴ ꦥꦫꦁ ꦩꦫꦟꦴ’’’ꦠꦶꦥꦶꦱ꧀ꦱ ꦲꦺꦴꦠꦶ.

‘‘ꦫꦹꦥꦚ꧀ꦕ ꦑꦺꦴ, ꦄꦴꦮꦸꦱꦺꦴ, ꦗꦴꦤꦠꦺꦴ ꦥꦱ꧀ꦱꦠꦺꦴ ꦪꦡꦴꦨꦹꦠꦁ, ꦫꦹꦥꦱꦩꦸꦢꦪꦁ ꦗꦴꦤꦠꦺꦴ ꦥꦱ꧀ꦱꦠꦺꦴ ꦪꦡꦴꦨꦹꦠꦁ, ꦫꦹꦥꦤꦶꦫꦺꦴꦣꦁ ꦗꦴꦤꦠꦺꦴ ꦥꦱ꧀ꦱꦠꦺꦴ ꦪꦡꦴꦨꦹꦠꦁ, ꦫꦹꦥꦤꦶꦫꦺꦴꦣꦒꦴꦩꦶꦤꦶꦁ ꦥꦛꦶꦥꦢꦁ ꦗꦴꦤꦠꦺꦴ ꦥꦱ꧀ꦱꦠꦺꦴ ꦪꦡꦴꦨꦹꦠꦁ, ‘ꦲꦺꦴꦠꦶ ꦠꦡꦴꦒꦠꦺꦴ ꦥꦫꦁ ꦩꦫꦟꦴ’ꦠꦶꦥꦶꦱ꧀ꦱ ꦤ ꦲꦺꦴꦠꦶ…ꦥꦺ… ‘ꦤꦺꦮ ꦲꦺꦴꦠꦶ ꦤ ꦤ ꦲꦺꦴꦠꦶ ꦠꦡꦴꦒꦠꦺꦴ ꦥꦫꦁ ꦩꦫꦟꦴ’ꦠꦶꦥꦶꦱ꧀ꦱ ꦤ ꦲꦺꦴꦠꦶ. ꦮꦺꦢꦤꦁ…ꦥꦺ… ꦱꦚ꧀ꦚꦁ…ꦥꦺ… ꦱꦔ꧀ꦑꦴꦫꦺ…ꦥꦺ… ꦮꦶꦚ꧀ꦚꦴꦟꦁ ꦗꦴꦤꦠꦺꦴ ꦥꦱ꧀ꦱꦠꦺꦴ ꦪꦡꦴꦨꦹꦠꦁ, ꦮꦶꦚ꧀ꦚꦴꦟꦱꦩꦸꦢꦪꦁ ꦗꦴꦤꦠꦺꦴ ꦥꦱ꧀ꦱꦠꦺꦴ ꦪꦡꦴꦨꦹꦠꦁ, ꦮꦶꦚ꧀ꦚꦴꦟꦤꦶꦫꦺꦴꦣꦁ ꦗꦴꦤꦠꦺꦴ ꦥꦱ꧀ꦱꦠꦺꦴ ꦪꦡꦴꦨꦹꦠꦁ, ꦮꦶꦚ꧀ꦚꦴꦟꦤꦶꦫꦺꦴꦣꦒꦴꦩꦶꦤꦶꦁ ꦥꦛꦶꦥꦢꦁ ꦗꦴꦤꦠꦺꦴ ꦥꦱ꧀ꦱꦠꦺꦴ ꦪꦡꦴꦨꦹꦠꦁ, ‘ꦲꦺꦴꦠꦶ ꦠꦡꦴꦒꦠꦺꦴ ꦥꦫꦁ ꦩꦫꦟꦴ’ꦠꦶꦥꦶꦱ꧀ꦱ ꦤ ꦲꦺꦴꦠꦶ; ‘ꦤ ꦲꦺꦴꦠꦶ ꦠꦡꦴꦒꦠꦺꦴ ꦥꦫꦁ ꦩꦫꦟꦴ’ꦠꦶꦥꦶꦱ꧀ꦱ ꦤ ꦲꦺꦴꦠꦶ; ‘ꦲꦺꦴꦠꦶ ꦕ ꦤ ꦕ ꦲꦺꦴꦠꦶ ꦠꦡꦴꦒꦠꦺꦴ ꦥꦫꦁ ꦩꦫꦟꦴ’ꦠꦶꦥꦶꦱ꧀ꦱ ꦤ ꦲꦺꦴꦠꦶ; ‘ꦤꦺꦮ ꦲꦺꦴꦠꦶ ꦤ ꦤ ꦲꦺꦴꦠꦶ ꦠꦡꦴꦒꦠꦺꦴ ꦥꦫꦁ ꦩꦫꦟꦴ’ꦠꦶꦥꦶꦱ꧀ꦱ ꦤ ꦲꦺꦴꦠꦶ. ꦄꦪꦁ ꦑꦺꦴ, ꦄꦴꦮꦸꦱꦺꦴ, ꦲꦺꦠꦸ ꦄꦪꦁ ꦥꦕ꧀ꦕꦪꦺꦴ, ꦪꦺꦤꦺꦠꦁ ꦄꦧ꧀ꦪꦴꦏꦠꦁ ꦨꦒꦮꦠꦴ’’ꦠꦶ. ꦕꦠꦸꦠ꧀ꦡꦁ.