꧕. ꦢꦸꦠꦶꦪꦄꦥꦫꦶꦗꦴꦤꦤꦱꦸꦠ꧀ꦠꦁ

꧒꧗. ‘‘ꦱꦧ꧀ꦧꦁ, ꦨꦶꦏ꧀ꦑꦮꦺ, ꦄꦤꦨꦶꦗꦴꦤꦁ ꦄꦥꦫꦶꦗꦴꦤꦁ ꦄꦮꦶꦫꦴꦗꦪꦁ ꦄꦥ꧀ꦥꦗꦲꦁ ꦄꦨꦧ꧀ꦧꦺꦴ ꦢꦸꦏ꧀ꦑꦏ꧀ꦑꦪꦴꦪ. ꦏꦶꦚ꧀ꦕ, ꦨꦶꦏ꧀ꦑꦮꦺ, ꦱꦧ꧀ꦧꦁ ꦄꦤꦨꦶꦗꦴꦤꦁ ꦄꦥꦫꦶꦗꦴꦤꦁ ꦄꦮꦶꦫꦴꦗꦪꦁ ꦄꦥ꧀ꦥꦗꦲꦁ ꦄꦨꦧ꧀ꦧꦺꦴ ꦢꦸꦏ꧀ꦑꦏ꧀ꦑꦪꦴꦪ? ꦪꦚ꧀ꦕ, ꦨꦶꦏ꧀ꦑꦮꦺ, ꦕꦏ꧀ꦑꦸ, ꦪꦺ ꦕ ꦫꦹꦥꦴ, ꦪꦚ꧀ꦕ ꦕꦏ꧀ꦑꦸꦮꦶꦚ꧀ꦚꦴꦟꦁ, ꦪꦺ ꦕ ꦕꦏ꧀ꦑꦸꦮꦶꦚ꧀ꦚꦴꦟꦮꦶꦚ꧀ꦚꦴꦠꦧ꧀ꦧꦴ ꦣꦩ꧀ꦩꦴ…ꦥꦺ… ꦪꦴ ꦕ ꦗꦶꦮ꧀ꦲꦴ, ꦪꦺ ꦕ ꦫꦱꦴ, ꦪꦚ꧀ꦕ ꦗꦶꦮ꧀ꦲꦴꦮꦶꦚ꧀ꦚꦴꦟꦁ, ꦪꦺ ꦕ ꦗꦶꦮ꧀ꦲꦴꦮꦶꦚ꧀ꦚꦴꦟꦮꦶꦚ꧀ꦚꦴꦠꦧ꧀ꦧꦴ ꦣꦩ꧀ꦩꦴ; ꦪꦺꦴ ꦕ ꦏꦴꦪꦺꦴ, ꦪꦺ ꦕ ꦦꦺꦴꦛ꧀ꦜꦧ꧀ꦧꦴ, ꦪꦚ꧀ꦕ ꦏꦴꦪꦮꦶꦚ꧀ꦚꦴꦟꦁ, ꦪꦺ ꦕ ꦏꦴꦪꦮꦶꦚ꧀ꦚꦴꦟꦮꦶꦚ꧀ꦚꦴꦠꦧ꧀ꦧꦴ ꦣꦩ꧀ꦩꦴ; ꦪꦺꦴ ꦕ ꦩꦤꦺꦴ, ꦪꦺ ꦕ ꦣꦩ꧀ꦩꦴ, ꦪꦚ꧀ꦕ ꦩꦤꦺꦴꦮꦶꦚ꧀ꦚꦴꦟꦁ, ꦪꦺ ꦕ ꦩꦤꦺꦴꦮꦶꦚ꧀ꦚꦴꦟꦮꦶꦚ꧀ꦚꦴꦠꦧ꧀ꦧꦴ ꦣꦩ꧀ꦩꦴ – ꦆꦢꦁ ꦑꦺꦴ, ꦨꦶꦏ꧀ꦑꦮꦺ, ꦱꦧ꧀ꦧꦁ ꦄꦤꦨꦶꦗꦴꦤꦁ ꦄꦥꦫꦶꦗꦴꦤꦁ ꦄꦮꦶꦫꦴꦗꦪꦁ ꦄꦥ꧀ꦥꦗꦲꦁ ꦄꦨꦧ꧀ꦧꦺꦴ ꦢꦸꦏ꧀ꦑꦏ꧀ꦑꦪꦴꦪ.

‘‘ꦱꦧ꧀ꦧꦁ, ꦨꦶꦏ꧀ꦑꦮꦺ, ꦄꦨꦶꦗꦴꦤꦁ ꦥꦫꦶꦗꦴꦤꦁ ꦮꦶꦫꦴꦗꦪꦁ ꦥꦗꦲꦁ ꦨꦧ꧀ꦧꦺꦴ ꦢꦸꦏ꧀ꦑꦏ꧀ꦑꦪꦴꦪ. ꦏꦶꦚ꧀ꦕ, ꦨꦶꦏ꧀ꦑꦮꦺ, ꦱꦧ꧀ꦧꦁ ꦄꦨꦶꦗꦴꦤꦁ ꦥꦫꦶꦗꦴꦤꦁ ꦮꦶꦫꦴꦗꦪꦁ ꦥꦗꦲꦁ ꦨꦧ꧀ꦧꦺꦴ ꦢꦸꦏ꧀ꦑꦏ꧀ꦑꦪꦴꦪ? ꦪꦚ꧀ꦕ, ꦨꦶꦏ꧀ꦑꦮꦺ, ꦕꦏ꧀ꦑꦸ, ꦪꦺ ꦕ ꦫꦹꦥꦴ, ꦪꦚ꧀ꦕ ꦕꦏ꧀ꦑꦸꦮꦶꦚ꧀ꦚꦴꦟꦁ, ꦪꦺ ꦕ ꦕꦏ꧀ꦑꦸꦮꦶꦚ꧀ꦚꦴꦟꦮꦶꦚ꧀ꦚꦴꦠꦧ꧀ꦧꦴ ꦣꦩ꧀ꦩꦴ…ꦥꦺ… ꦪꦴ ꦕ ꦗꦶꦮ꧀ꦲꦴ, ꦪꦺ ꦕ ꦫꦱꦴ, ꦪꦚ꧀ꦕ ꦗꦶꦮ꧀ꦲꦴꦮꦶꦚ꧀ꦚꦴꦟꦁ, ꦪꦺ ꦕ ꦗꦶꦮ꧀ꦲꦴꦮꦶꦚ꧀ꦚꦴꦟꦮꦶꦚ꧀ꦚꦴꦠꦧ꧀ꦧꦴ ꦣꦩ꧀ꦩꦴ; ꦪꦺꦴ ꦕ ꦏꦴꦪꦺꦴ, ꦪꦺ ꦕ ꦦꦺꦴꦛ꧀ꦜꦧ꧀ꦧꦴ, ꦪꦚ꧀ꦕ ꦏꦴꦪꦮꦶꦚ꧀ꦚꦴꦟꦁ, ꦪꦺ ꦕ ꦏꦴꦪꦮꦶꦚ꧀ꦚꦴꦟꦮꦶꦚ꧀ꦚꦴꦠꦧ꧀ꦧꦴ ꦣꦩ꧀ꦩꦴ; ꦪꦺꦴ ꦕ ꦩꦤꦺꦴ, ꦪꦺ ꦕ ꦣꦩ꧀ꦩꦴ, ꦪꦚ꧀ꦕ ꦩꦤꦺꦴꦮꦶꦚ꧀ꦚꦴꦟꦁ, ꦪꦺ ꦕ ꦩꦤꦺꦴꦮꦶꦚ꧀ꦚꦴꦟꦮꦶꦚ꧀ꦚꦴꦠꦧ꧀ꦧꦴ ꦣꦩ꧀ꦩꦴ – ꦆꦢꦁ ꦑꦺꦴ, ꦨꦶꦏ꧀ꦑꦮꦺ, ꦱꦧ꧀ꦧꦁ ꦄꦨꦶꦗꦴꦤꦁ ꦥꦫꦶꦗꦴꦤꦁ ꦮꦶꦫꦴꦗꦪꦁ ꦥꦗꦲꦁ ꦨꦧ꧀ꦧꦺꦴ ꦢꦸꦏ꧀ꦑꦏ꧀ꦑꦪꦴꦪꦴ’’ꦠꦶ. ꦥꦚ꧀ꦕꦩꦁ.