꧙. ꦱꦱ꧀ꦱꦠꦢꦶꦛ꧀ꦜꦶꦱꦸꦠ꧀ꦠꦁ

꧒꧑꧔. ꦱꦴꦮꦠ꧀ꦡꦶꦤꦶꦢꦴꦤꦁ. ‘‘ꦏꦶꦱ꧀ꦩꦶꦁ ꦤꦸ ꦑꦺꦴ, ꦨꦶꦏ꧀ꦑꦮꦺ, ꦱꦠꦶ, ꦏꦶꦁ ꦈꦥꦴꦢꦴꦪ, ꦏꦶꦁ ꦄꦨꦶꦤꦶꦮꦶꦱ꧀ꦱ ꦌꦮꦁ ꦢꦶꦛ꧀ꦜꦶ ꦈꦥ꧀ꦥꦗ꧀ꦗꦠꦶ – ‘ꦱꦱ꧀ꦱꦠꦺꦴ ꦭꦺꦴꦏꦺꦴ’’’ꦠꦶ? ꦨꦒꦮꦁꦩꦹꦭꦏꦴ ꦤꦺꦴ, ꦨꦤ꧀ꦠꦺ, ꦣꦩ꧀ꦩꦴ…ꦥꦺ… ‘‘ꦫꦹꦥꦺ ꦑꦺꦴ, ꦨꦶꦏ꧀ꦑꦮꦺ, ꦱꦠꦶ, ꦫꦹꦥꦁ ꦈꦥꦴꦢꦴꦪ, ꦫꦹꦥꦁ ꦄꦨꦶꦤꦶꦮꦶꦱ꧀ꦱ ꦌꦮꦁ ꦢꦶꦛ꧀ꦜꦶ ꦈꦥ꧀ꦥꦗ꧀ꦗꦠꦶ – ‘ꦱꦱ꧀ꦱꦠꦺꦴ ꦭꦺꦴꦏꦺꦴ’ꦠꦶ. ꦮꦺꦢꦤꦴꦪ ꦱꦠꦶ…ꦥꦺ… ꦱꦚ꧀ꦚꦴꦪ ꦱꦠꦶ… ꦱꦔ꧀ꦑꦴꦫꦺꦱꦸ ꦱꦠꦶ… ꦮꦶꦚ꧀ꦚꦴꦟꦺ ꦱꦠꦶ, ꦮꦶꦚ꧀ꦚꦴꦟꦁ ꦈꦥꦴꦢꦴꦪ, ꦮꦶꦚ꧀ꦚꦴꦟꦁ ꦄꦨꦶꦤꦶꦮꦶꦱ꧀ꦱ ꦌꦮꦁ ꦢꦶꦛ꧀ꦜꦶ ꦈꦥ꧀ꦥꦗ꧀ꦗꦠꦶ – ‘ꦱꦱ꧀ꦱꦠꦺꦴ ꦭꦺꦴꦏꦺꦴ’’’ꦠꦶ.

‘‘ꦠꦁ ꦏꦶꦁ ꦩꦚ꧀ꦚꦡ, ꦨꦶꦏ꧀ꦑꦮꦺ, ꦫꦹꦥꦁ ꦤꦶꦕ꧀ꦕꦁ ꦮꦴ ꦄꦤꦶꦕ꧀ꦕꦁ ꦮꦴ’’ꦠꦶ? ‘‘ꦄꦤꦶꦕ꧀ꦕꦁ, ꦨꦤ꧀ꦠꦺ’’…ꦥꦺ… ꦮꦶꦥꦫꦶꦟꦴꦩꦣꦩ꧀ꦩꦁ, ꦄꦥꦶ ꦤꦸ ꦠꦁ ꦄꦤꦸꦥꦴꦢꦴꦪ ꦌꦮꦁ ꦢꦶꦛ꧀ꦜꦶ ꦈꦥ꧀ꦥꦗ꧀ꦗꦺꦪ꧀ꦪ – ‘ꦱꦱ꧀ꦱꦠꦺꦴ ꦭꦺꦴꦏꦺꦴ’ꦠꦶ? ‘‘ꦤꦺꦴ ꦲꦺꦠꦁ, ꦨꦤ꧀ꦠꦺ’’. ‘‘ꦮꦺꦢꦤꦴ … ꦱꦚ꧀ꦚꦴ… ꦱꦔ꧀ꦑꦴꦫꦴ… ꦮꦶꦚ꧀ꦚꦴꦟꦁ ꦤꦶꦕ꧀ꦕꦁ ꦮꦴ ꦄꦤꦶꦕ꧀ꦕꦁ ꦮꦴ’’ꦠꦶ? ‘‘ꦄꦤꦶꦕ꧀ꦕꦁ, ꦨꦤ꧀ꦠꦺ…ꦥꦺ… ꦄꦥꦶ ꦤꦸ ꦠꦁ ꦄꦤꦸꦥꦴꦢꦴꦪ ꦌꦮꦁ ꦢꦶꦛ꧀ꦜꦶ ꦈꦥ꧀ꦥꦗ꧀ꦗꦺꦪ꧀ꦪ – ‘ꦱꦱ꧀ꦱꦠꦺꦴ ꦭꦺꦴꦏꦺꦴ’’’ꦠꦶ? ‘‘ꦤꦺꦴ ꦲꦺꦠꦁ, ꦨꦤ꧀ꦠꦺ’’. ‘‘ꦪꦩ꧀ꦥꦶꦢꦁ ꦢꦶꦛ꧀ꦜꦁ ꦱꦸꦠꦁ ꦩꦸꦠꦁ ꦮꦶꦚ꧀ꦚꦴꦠꦁ ꦥꦠ꧀ꦠꦁ ꦥꦫꦶꦪꦺꦱꦶꦠꦁ ꦄꦤꦸꦮꦶꦕꦫꦶꦠꦁ ꦩꦤꦱꦴ ꦠꦩ꧀ꦥꦶ ꦤꦶꦕ꧀ꦕꦁ ꦮꦴ ꦄꦤꦶꦕ꧀ꦕꦁ ꦮꦴ’’ꦠꦶ? ‘‘ꦄꦤꦶꦕ꧀ꦕꦁ, ꦨꦤ꧀ꦠꦺ’’. ‘‘ꦪꦁ ꦥꦤꦴꦤꦶꦕ꧀ꦕꦁ ꦢꦸꦏ꧀ꦑꦁ ꦮꦴ ꦠꦁ ꦱꦸꦑꦁ ꦮꦴ’’ꦠꦶ? ‘‘ꦢꦸꦏ꧀ꦑꦁ, ꦨꦤ꧀ꦠꦺ’’. ‘‘ꦪꦁ ꦥꦤꦴꦤꦶꦕ꧀ꦕꦁ ꦢꦸꦏ꧀ꦑꦁ ꦮꦶꦥꦫꦶꦟꦴꦩꦣꦩ꧀ꦩꦁ, ꦄꦥꦶ ꦤꦸ ꦠꦁ ꦄꦤꦸꦥꦴꦢꦴꦪ ꦌꦮꦁ ꦢꦶꦛ꧀ꦜꦶ ꦈꦥ꧀ꦥꦗ꧀ꦗꦺꦪ꧀ꦪ – ‘ꦱꦱ꧀ꦱꦠꦺꦴ ꦭꦺꦴꦏꦺꦴ’’’ꦠꦶ? ‘‘ꦤꦺꦴ ꦲꦺꦠꦁ, ꦨꦤ꧀ꦠꦺ’’.

‘‘ꦪꦠꦺꦴ ꦑꦺꦴ, ꦨꦶꦏ꧀ꦑꦮꦺ, ꦄꦫꦶꦪꦱꦴꦮꦏꦱ꧀ꦱ ꦆꦩꦺꦱꦸ ꦕ ꦜꦴꦤꦺꦱꦸ ꦏꦔ꧀ꦑꦴ ꦥꦲꦷꦤꦴ ꦲꦺꦴꦠꦶ, ꦢꦸꦏ꧀ꦑꦺꦥꦶꦱ꧀ꦱ ꦏꦔ꧀ꦑꦴ ꦥꦲꦷꦤꦴ ꦲꦺꦴꦠꦶ…ꦥꦺ… ꦢꦸꦏ꧀ꦑꦤꦶꦫꦺꦴꦣꦒꦴꦩꦶꦤꦶꦪꦴ ꦥꦛꦶꦥꦢꦴꦪꦥꦶꦱ꧀ꦱ ꦏꦔ꧀ꦑꦴ ꦥꦲꦷꦤꦴ ꦲꦺꦴꦠꦶ – ꦄꦪꦁ ꦮꦸꦕ꧀ꦕꦠꦶ, ꦨꦶꦏ꧀ꦑꦮꦺ, ꦄꦫꦶꦪꦱꦴꦮꦏꦺꦴ ꦱꦺꦴꦠꦴꦥꦤ꧀ꦤꦺꦴ ꦄꦮꦶꦤꦶꦥꦴꦠꦣꦩ꧀ꦩꦺꦴ ꦤꦶꦪꦠꦺꦴ ꦱꦩ꧀ꦧꦺꦴꦣꦶꦥꦫꦴꦪꦤꦺꦴ’’ꦠꦶ. ꦤꦮꦩꦁ.