꧑꧐. ꦢꦸꦠꦶꦪꦖꦤ꧀ꦢꦥ꧀ꦥꦲꦴꦤꦱꦸꦠ꧀ꦠꦁ

꧑꧑꧒. ꦱꦴꦮꦠ꧀ꦡꦶꦤꦶꦢꦴꦤꦁ. ‘‘ꦫꦹꦥꦺ, ꦨꦶꦏ꧀ꦑꦮꦺ, ꦪꦺꦴ ꦖꦤ꧀ꦢꦺꦴ ꦪꦺꦴ ꦫꦴꦒꦺꦴ ꦪꦴ ꦤꦤ꧀ꦢꦷ ꦪꦴ ꦠꦟ꧀ꦲꦴ ꦪꦺ ꦈꦥꦪꦸꦥꦴꦢꦴꦤꦴ ꦕꦺꦠꦱꦺꦴ ꦄꦣꦶꦛ꧀ꦜꦴꦤꦴꦨꦶꦤꦶꦮꦺꦱꦴꦤꦸꦱꦪꦴ, ꦠꦺ ꦥꦗꦲꦡ. ꦌꦮꦁ ꦠꦁ ꦫꦹꦥꦁ ꦥꦲꦷꦤꦁ ꦨꦮꦶꦱ꧀ꦱꦠꦶ ꦈꦕ꧀ꦖꦶꦤ꧀ꦤꦩꦹꦭꦁ…ꦥꦺ… ꦮꦺꦢꦤꦴꦪ… ꦱꦚ꧀ꦚꦴꦪ… ꦱꦔ꧀ꦑꦴꦫꦺꦱꦸ ꦪꦺꦴ ꦖꦤ꧀ꦢꦺꦴ…ꦥꦺ… ꦌꦮꦁ ꦠꦺ ꦱꦔ꧀ꦑꦴꦫꦴ ꦥꦲꦷꦤꦴ ꦨꦮꦶꦱ꧀ꦱꦤ꧀ꦠꦶ ꦈꦕ꧀ꦖꦶꦤ꧀ꦤꦩꦹꦭꦴ ꦠꦴꦭꦴꦮꦠ꧀ꦡꦸꦏꦠꦴ ꦄꦤꦨꦴꦮꦁꦏꦠꦴ ꦄꦴꦪꦠꦶꦁ ꦄꦤꦸꦥ꧀ꦥꦴꦢꦣꦩ꧀ꦩꦴ. ꦮꦶꦚ꧀ꦚꦴꦟꦺ ꦪꦺꦴ ꦖꦤ꧀ꦢꦺꦴ ꦪꦺꦴ ꦫꦴꦒꦺꦴ ꦪꦴ ꦤꦤ꧀ꦢꦷ ꦪꦴ ꦠꦟ꧀ꦲꦴ ꦪꦺ ꦈꦥꦪꦸꦥꦴꦢꦴꦤꦴ ꦕꦺꦠꦱꦺꦴ ꦄꦣꦶꦛ꧀ꦜꦴꦤꦴꦨꦶꦤꦶꦮꦺꦱꦴꦤꦸꦱꦪꦴ, ꦠꦺ ꦥꦗꦲꦡ. ꦌꦮꦁ ꦠꦁ ꦮꦶꦚ꧀ꦚꦴꦟꦁ ꦥꦲꦷꦤꦁ ꦨꦮꦶꦱ꧀ꦱꦠꦶ ꦈꦕ꧀ꦖꦶꦤ꧀ꦤꦩꦹꦭꦁ ꦠꦴꦭꦴꦮꦠ꧀ꦡꦸꦏꦠꦁ ꦄꦤꦨꦴꦮꦁꦏꦠꦁ ꦄꦴꦪꦠꦶꦁ ꦄꦤꦸꦥ꧀ꦥꦴꦢꦣꦩ꧀ꦩ’’ꦤ꧀ꦠꦶ. ꦢꦱꦩꦁ.

ꦄꦤ꧀ꦠꦮꦒ꧀ꦒꦺꦴ ꦌꦏꦴꦢꦱꦩꦺꦴ.

ꦠꦱ꧀ꦱꦸꦢ꧀ꦢꦴꦤꦁ –

ꦄꦤ꧀ꦠꦺꦴ ꦢꦸꦏ꧀ꦑꦚ꧀ꦕ ꦱꦏ꧀ꦏꦴꦪꦺꦴ, ꦥꦫꦶꦚ꧀ꦚꦺꦪ꧀ꦪꦴ ꦱꦩꦟꦴ ꦢꦸꦮꦺ;

ꦱꦺꦴꦠꦴꦥꦤ꧀ꦤꦺꦴ ꦄꦫꦲꦴ ꦕ, ꦢꦸꦮꦺ ꦕ ꦖꦤ꧀ꦢꦥ꧀ꦥꦲꦴꦤꦴꦠꦶ.