꧖. ꦠꦟ꧀ꦲꦴꦱꦔ꧀ꦑꦪꦱꦸꦠ꧀ꦠꦁ

꧖꧖. ꦌꦮꦁ ꦩꦺ ꦱꦸꦠꦁ – ꦌꦏꦁ ꦱꦩꦪꦁ ꦨꦒꦮꦴ ꦱꦴꦮꦠ꧀ꦡꦶꦪꦁ ꦮꦶꦲꦫꦠꦶ ꦗꦺꦠꦮꦤꦺ ꦄꦤꦴꦡꦥꦶꦟ꧀ꦝꦶꦏꦱ꧀ꦱ ꦄꦴꦫꦴꦩꦺ. ꦠꦺꦤ ꦑꦺꦴ ꦥꦤ ꦱꦩꦪꦺꦤ ꦄꦴꦪꦱ꧀ꦩꦴ ꦄꦚ꧀ꦚꦴꦱꦶꦏꦺꦴꦟ꧀ꦝꦚ꧀ꦚꦺꦴ [ꦄꦚ꧀ꦚꦴꦠꦏꦺꦴꦟ꧀ꦝꦚ꧀ꦚꦺꦴ (ꦱꦧ꧀ꦧꦠ꧀ꦡ)] ꦨꦒꦮꦠꦺꦴ ꦄꦮꦶꦢꦹꦫꦺ ꦤꦶꦱꦶꦤ꧀ꦤꦺꦴ ꦲꦺꦴꦠꦶ ꦥꦭ꧀ꦭꦔ꧀ꦏꦁ ꦄꦴꦨꦸꦗꦶꦠ꧀ꦮꦴ ꦈꦗꦸꦁ ꦏꦴꦪꦁ ꦥꦟꦶꦣꦴꦪ ꦠꦟ꧀ꦲꦴꦱꦔ꧀ꦑꦪꦮꦶꦩꦸꦠ꧀ꦠꦶꦁ ꦥꦕ꧀ꦕꦮꦺꦏ꧀ꦑꦩꦴꦤꦺꦴ.

ꦄꦢ꧀ꦢꦱꦴ ꦑꦺꦴ ꦨꦒꦮꦴ ꦄꦴꦪꦱ꧀ꦩꦤ꧀ꦠꦁ ꦄꦚ꧀ꦚꦴꦱꦶꦏꦺꦴꦟ꧀ꦝꦚ꧀ꦚꦁ ꦄꦮꦶꦢꦹꦫꦺ ꦤꦶꦱꦶꦤ꧀ꦤꦁ ꦥꦭ꧀ꦭꦔ꧀ꦏꦁ ꦄꦴꦨꦸꦗꦶꦠ꧀ꦮꦴ ꦈꦗꦸꦁ ꦏꦴꦪꦁ ꦥꦟꦶꦣꦴꦪ ꦠꦟ꧀ꦲꦴꦱꦔ꧀ꦑꦪꦮꦶꦩꦸꦠ꧀ꦠꦶꦁ ꦥꦕ꧀ꦕꦮꦺꦏ꧀ꦑꦩꦴꦤꦁ.

ꦄꦡ ꦑꦺꦴ ꦨꦒꦮꦴ ꦌꦠꦩꦠ꧀ꦡꦁ ꦮꦶꦢꦶꦠ꧀ꦮꦴ ꦠꦴꦪꦁ ꦮꦺꦭꦴꦪꦁ ꦆꦩꦁ ꦈꦢꦴꦤꦁ ꦈꦢꦴꦤꦺꦱꦶ –

‘‘ꦪꦱ꧀ꦱ ꦩꦹꦭꦁ ꦖꦩꦴ ꦤꦠ꧀ꦡꦶ, ꦥꦟ꧀ꦟꦴ ꦤꦠ꧀ꦡꦶ ꦏꦸꦠꦺꦴ ꦭꦠꦴ;

ꦠꦁ ꦣꦷꦫꦁ ꦧꦤ꧀ꦣꦤꦴ ꦩꦸꦠ꧀ꦠꦁ, ꦏꦺꦴ ꦠꦁ ꦤꦶꦤ꧀ꦢꦶꦠꦸꦩꦫꦲꦠꦶ;

ꦢꦺꦮꦴꦥꦶ ꦤꦁ ꦥꦱꦁꦱꦤ꧀ꦠꦶ, ꦧ꧀ꦫꦲ꧀ꦩꦸꦤꦴꦥꦶ ꦥꦱꦁꦱꦶꦠꦺꦴ’’ꦠꦶ. ꦖꦛ꧀ꦜꦁ;