꧑꧐. ꦕꦹꦭ꦳ꦥꦤ꧀ꦡꦏꦱꦸꦠ꧀ꦠꦁ

꧕꧐. ꦌꦮꦁ ꦩꦺ ꦱꦸꦠꦁ – ꦌꦏꦁ ꦱꦩꦪꦁ ꦨꦒꦮꦴ ꦱꦴꦮꦠ꧀ꦡꦶꦪꦁ ꦮꦶꦲꦫꦠꦶ ꦗꦺꦠꦮꦤꦺ ꦄꦤꦴꦡꦥꦶꦟ꧀ꦝꦶꦏꦱ꧀ꦱ ꦄꦴꦫꦴꦩꦺ. ꦠꦺꦤ ꦑꦺꦴ ꦥꦤ ꦱꦩꦪꦺꦤ ꦄꦴꦪꦱ꧀ꦩꦴ ꦕꦹꦭ꦳ꦥꦤ꧀ꦡꦏꦺꦴ [ꦕꦸꦭ꧀ꦭꦥꦤ꧀ꦡꦏꦺꦴ (ꦱꦷ.), ꦕꦹꦭꦥꦤ꧀ꦡꦏꦺꦴ (ꦥꦷ.)] ꦨꦒꦮꦠꦺꦴ ꦄꦮꦶꦢꦹꦫꦺ ꦤꦶꦱꦶꦤ꧀ꦤꦺꦴ ꦲꦺꦴꦠꦶ ꦥꦭ꧀ꦭꦔ꧀ꦏꦁ ꦄꦴꦨꦸꦗꦶꦠ꧀ꦮꦴ ꦈꦗꦸꦁ ꦏꦴꦪꦁ ꦥꦟꦶꦣꦴꦪ ꦥꦫꦶꦩꦸꦑꦁ ꦱꦠꦶꦁ ꦈꦥꦛ꧀ꦜꦥꦺꦠ꧀ꦮꦴ.

ꦄꦢ꧀ꦢꦱꦴ ꦑꦺꦴ ꦨꦒꦮꦴ ꦄꦴꦪꦱ꧀ꦩꦤ꧀ꦠꦁ ꦕꦹꦭ꦳ꦥꦤ꧀ꦡꦏꦁ ꦄꦮꦶꦢꦹꦫꦺ ꦤꦶꦱꦶꦤ꧀ꦤꦁ ꦥꦭ꧀ꦭꦔ꧀ꦏꦁ ꦄꦴꦨꦸꦗꦶꦠ꧀ꦮꦴ ꦈꦗꦸꦁ ꦏꦴꦪꦁ ꦥꦟꦶꦣꦴꦪ ꦥꦫꦶꦩꦸꦑꦁ ꦱꦠꦶꦁ ꦈꦥꦛ꧀ꦜꦥꦺꦠ꧀ꦮꦴ.

ꦄꦡ ꦑꦺꦴ ꦨꦒꦮꦴ ꦌꦠꦩꦠ꧀ꦡꦁ ꦮꦶꦢꦶꦠ꧀ꦮꦴ ꦠꦴꦪꦁ ꦮꦺꦭꦴꦪꦁ ꦆꦩꦁ ꦈꦢꦴꦤꦁ ꦈꦢꦴꦤꦺꦱꦶ –

‘‘ꦜꦶꦠꦺꦤ ꦏꦴꦪꦺꦤ ꦜꦶꦠꦺꦤ ꦕꦺꦠꦱꦴ,

ꦠꦶꦛ꧀ꦜꦁ ꦤꦶꦱꦶꦤ꧀ꦤꦺꦴ ꦈꦢ ꦮꦴ ꦱꦪꦴꦤꦺꦴ;

ꦌꦠꦁ [ꦌꦮꦁ (ꦏ.)] ꦱꦠꦶꦁ ꦨꦶꦏ꧀ꦑꦸ ꦄꦣꦶꦛ꧀ꦜꦲꦴꦤꦺꦴ,

ꦭꦨꦺꦡ ꦥꦸꦧ꧀ꦧꦴꦥꦫꦶꦪꦁ ꦮꦶꦱꦺꦱꦁ;

ꦭꦢ꧀ꦣꦴꦤ ꦥꦸꦧ꧀ꦧꦴꦥꦫꦶꦪꦁ ꦮꦶꦱꦺꦱꦁ,

ꦄꦢꦱ꧀ꦱꦤꦁ ꦩꦕ꧀ꦕꦸꦫꦴꦗꦱ꧀ꦱ ꦒꦕ꧀ꦖꦺ’’ꦠꦶ. ꦢꦱꦩꦁ;

ꦱꦺꦴꦟꦮꦒ꧀ꦒꦺꦴ [ꦱꦺꦴꦟꦡꦺꦫꦮꦒ꧀ꦒꦺꦴ (ꦱ꧀ꦪꦴ. ꦏꦁ. ꦏ.) ꦩꦲꦴꦮꦒ꧀ꦒꦺꦴ (ꦄꦛ꧀ꦜꦏꦡꦴꦪ ꦱꦩꦺꦠꦶ)] ꦥꦚ꧀ꦕꦩꦺꦴ ꦤꦶꦛ꧀ꦜꦶꦠꦺꦴ.