꧙. ꦮꦶꦱꦴꦑꦴꦱꦸꦠ꧀ꦠꦁ

꧑꧙. ꦌꦮꦁ ꦩꦺ ꦱꦸꦠꦁ – ꦌꦏꦁ ꦱꦩꦪꦁ ꦨꦒꦮꦴ ꦱꦴꦮꦠ꧀ꦡꦶꦪꦁ ꦮꦶꦲꦫꦠꦶ ꦥꦸꦧ꧀ꦧꦴꦫꦴꦩꦺ ꦩꦶꦒꦴꦫꦩꦴꦠꦸꦥꦴꦱꦴꦢꦺ. ꦠꦺꦤ ꦑꦺꦴ ꦥꦤ ꦱꦩꦪꦺꦤ ꦮꦶꦱꦴꦑꦴꦪ ꦩꦶꦒꦴꦫꦩꦴꦠꦸꦪꦴ ꦏꦺꦴꦕꦶꦢꦺꦮ ꦄꦠ꧀ꦡꦺꦴ ꦫꦚ꧀ꦚꦺ ꦥꦱꦺꦤꦢꦶꦩ꧀ꦲꦶ ꦏꦺꦴꦱꦭꦺ ꦥꦛꦶꦧꦢ꧀ꦣꦺꦴ [ꦥꦛꦶꦧꦤ꧀ꦣꦺꦴ (ꦥꦷ. ꦏ.)] ꦲꦺꦴꦠꦶ. ꦠꦁ ꦫꦴꦗꦴ ꦥꦱꦺꦤꦢꦶ ꦏꦺꦴꦱꦭꦺꦴ ꦤ ꦪꦡꦴꦣꦶꦥ꧀ꦥꦴꦪꦁ ꦠꦷꦫꦺꦠꦶ.

ꦄꦡ ꦑꦺꦴ ꦮꦶꦱꦴꦑꦴ ꦩꦶꦒꦴꦫꦩꦴꦠꦴ ꦢꦶꦮꦴ ꦢꦶꦮꦱ꧀ꦱ [ꦢꦶꦮꦴꦢꦶꦮꦱ꧀ꦱꦺꦮ (ꦱ꧀ꦪꦴ.), ꦢꦶꦮꦴꦢꦶꦮꦱ꧀ꦱꦺꦪꦺꦮ (ꦥꦷ.), ꦢꦶꦮꦴ ꦢꦶꦮꦱ꧀ꦱꦪꦺꦮ (ꦏ.)] ꦪꦺꦤ ꦨꦒꦮꦴ ꦠꦺꦤꦸꦥꦱꦔ꧀ꦏꦩꦶ; ꦈꦥꦱꦔ꧀ꦏꦩꦶꦠ꧀ꦮꦴ ꦨꦒꦮꦤ꧀ꦠꦁ ꦄꦨꦶꦮꦴꦢꦺꦠ꧀ꦮꦴ ꦌꦏꦩꦤ꧀ꦠꦁ ꦤꦶꦱꦷꦢꦶ. ꦌꦏꦩꦤ꧀ꦠꦁ ꦤꦶꦱꦶꦤ꧀ꦤꦁ ꦑꦺꦴ ꦮꦶꦱꦴꦑꦁ ꦩꦶꦒꦴꦫꦩꦴꦠꦫꦁ ꦨꦒꦮꦴ ꦌꦠꦢꦮꦺꦴꦕ – ‘‘ꦲꦤ꧀ꦢ ꦏꦸꦠꦺꦴ ꦤꦸ ꦠ꧀ꦮꦁ, ꦮꦶꦱꦴꦑꦺ, ꦄꦴꦒꦕ꧀ꦖꦱꦶ ꦢꦶꦮꦴ ꦢꦶꦮꦱ꧀ꦱꦴ’’ꦠꦶ? ‘‘ꦆꦣ ꦩꦺ, ꦨꦤ꧀ꦠꦺ, ꦏꦺꦴꦕꦶꦢꦺꦮ ꦄꦠ꧀ꦡꦺꦴ ꦫꦚ꧀ꦚꦺ ꦥꦱꦺꦤꦢꦶꦩ꧀ꦲꦶ ꦏꦺꦴꦱꦭꦺ ꦥꦛꦶꦧꦢ꧀ꦣꦺꦴ; ꦠꦁ ꦫꦴꦗꦴ ꦥꦱꦺꦤꦢꦶ ꦏꦺꦴꦱꦭꦺꦴ ꦤ ꦪꦡꦴꦣꦶꦥ꧀ꦥꦴꦪꦁ ꦠꦷꦫꦺꦠꦷ’’ꦠꦶ.

ꦄꦡ ꦑꦺꦴ ꦨꦒꦮꦴ ꦌꦠꦩꦠ꧀ꦡꦁ ꦮꦶꦢꦶꦠ꧀ꦮꦴ ꦠꦴꦪꦁ ꦮꦺꦭꦴꦪꦁ ꦆꦩꦁ ꦈꦢꦴꦤꦁ ꦈꦢꦴꦤꦺꦱꦶ –

‘‘ꦱꦧ꧀ꦧꦁ ꦥꦫꦮꦱꦁ ꦢꦸꦏ꧀ꦑꦁ, ꦱꦧ꧀ꦧꦁ ꦆꦱ꧀ꦱꦫꦶꦪꦁ ꦱꦸꦑꦁ;

ꦱꦴꦣꦴꦫꦟꦺ ꦮꦶꦲꦚ꧀ꦚꦤ꧀ꦠꦶ, ꦪꦺꦴꦒꦴ ꦲꦶ ꦢꦸꦫꦠꦶꦏ꧀ꦏꦩꦴ’’ꦠꦶ. ꦤꦮꦩꦁ;