꧑꧑. ꦠꦶꦁꦱꦩꦠ꧀ꦠꦴꦡꦺꦫꦷꦒꦴꦡꦴ

꧑꧑꧗. ‘‘‘ꦩꦸꦱꦭꦴꦤꦶ ꦒꦲꦺꦠ꧀ꦮꦴꦤ, ꦣꦚ꧀ꦚꦁ ꦏꦺꦴꦛ꧀ꦛꦺꦤ꧀ꦠꦶ ꦩꦴꦟꦮꦴ [ꦩꦴꦤꦮꦴ (ꦱꦷ.)];

ꦥꦸꦠ꧀ꦠꦢꦴꦫꦴꦤꦶ ꦥꦺꦴꦱꦺꦤ꧀ꦠꦴ, ꦣꦤꦁ ꦮꦶꦤ꧀ꦢꦤ꧀ꦠꦶ ꦩꦴꦟꦮꦴ.

꧑꧑꧘. ‘‘‘ꦏꦫꦺꦴꦡ ꦧꦸꦢ꧀ꦣꦱꦴꦱꦤꦁ, ꦪꦁ ꦏꦠ꧀ꦮꦴ ꦤꦴꦤꦸꦠꦥ꧀ꦥꦠꦶ;

ꦑꦶꦥ꧀ꦥꦁ ꦥꦴꦢꦴꦤꦶ ꦣꦺꦴꦮꦶꦠ꧀ꦮꦴ, ꦌꦏꦩꦤ꧀ꦠꦺ ꦤꦶꦱꦷꦢꦡ;

ꦕꦺꦠꦺꦴꦱꦩꦡꦩꦤꦸꦪꦸꦠ꧀ꦠꦴ, ꦏꦫꦺꦴꦡ ꦧꦸꦢ꧀ꦣꦱꦴꦱꦤꦁ’.

꧑꧑꧙. ‘‘ꦠꦱ꧀ꦱꦴ ꦠꦴ [ꦠꦁ (ꦱꦷ.)] ꦮꦕꦤꦁ ꦱꦸꦠ꧀ꦮꦴ, ꦥꦛꦴꦕꦴꦫꦴꦪ ꦱꦴꦱꦤꦁ;

ꦥꦴꦢꦺ ꦥꦏ꧀ꦑꦴꦭꦪꦶꦠ꧀ꦮꦴꦤ, ꦌꦏꦩꦤ꧀ꦠꦁ ꦈꦥꦴꦮꦶꦱꦸꦁ;

ꦕꦺꦠꦺꦴꦱꦩꦡꦩꦤꦸꦪꦸꦠ꧀ꦠꦴ, ꦄꦏꦁꦱꦸ ꦧꦸꦢ꧀ꦣꦱꦴꦱꦤꦁ.

꧑꧒꧐. ‘‘ꦫꦠ꧀ꦠꦶꦪꦴ ꦥꦸꦫꦶꦩꦺ ꦪꦴꦩꦺ, ꦥꦸꦧ꧀ꦧꦗꦴꦠꦶꦩꦤꦸꦱ꧀ꦱꦫꦸꦁ;

ꦫꦠ꧀ꦠꦶꦪꦴ ꦩꦗ꧀ꦙꦶꦩꦺ ꦪꦴꦩꦺ, ꦢꦶꦧ꧀ꦧꦕꦏ꧀ꦑꦸꦁ ꦮꦶꦱꦺꦴꦣꦪꦸꦁ;

ꦫꦠ꧀ꦠꦶꦪꦴ ꦥꦕ꧀ꦖꦶꦩꦺ ꦪꦴꦩꦺ, ꦠꦩꦺꦴꦑꦤ꧀ꦣꦁ ꦥꦢꦴꦭꦪꦸꦁ.

꧑꧒꧑. ‘‘ꦈꦛ꧀ꦜꦴꦪ ꦥꦴꦢꦺ ꦮꦤ꧀ꦢꦶꦁꦱꦸ, ‘ꦏꦠꦴ ꦠꦺ ꦄꦤꦸꦱꦴꦱꦤꦷ;

ꦆꦤ꧀ꦢꦁꦮ ꦢꦺꦮꦴ ꦠꦶꦢꦱꦴ, ꦱꦔ꧀ꦒꦴꦩꦺ ꦄꦥꦫꦴꦗꦶꦠꦁ;

ꦥꦸꦫꦏ꧀ꦑꦠ꧀ꦮꦴ ꦮꦶꦲꦱ꧀ꦱꦴꦩ [ꦮꦶꦲꦫꦴꦩ (ꦱꦷ.), ꦮꦶꦲꦫꦶꦱ꧀ꦱꦴꦩ (ꦱ꧀ꦪꦴ.)], ꦠꦺꦮꦶꦗ꧀ꦗꦴꦩ꧀ꦲ ꦄꦤꦴꦱꦮꦴ’’’ꦠꦶ.

ꦆꦠ꧀ꦡꦁ ꦱꦸꦢꦁ ꦠꦶꦁꦱꦩꦠ꧀ꦠꦴ ꦡꦺꦫꦷ ꦨꦶꦏ꧀ꦑꦸꦤꦶꦪꦺꦴ ꦥꦛꦴꦕꦴꦫꦴꦪ ꦱꦤ꧀ꦠꦶꦏꦺ ꦄꦚ꧀ꦚꦁ ꦧ꧀ꦪꦴꦏꦫꦶꦁꦱꦹꦠꦶ.