꧑꧔. ꦱꦧ꧀ꦧꦏꦴꦩꦶꦠ꧀ꦡꦺꦫꦒꦴꦡꦴ

꧔꧕꧓. ‘‘ꦢ꧀ꦮꦶꦥꦴꦢꦏꦺꦴꦪꦁ ꦄꦱꦸꦕꦶ, ꦢꦸꦒ꧀ꦒꦤ꧀ꦣꦺꦴ ꦥꦫꦶꦲꦷꦫꦠꦶ [ꦥꦫꦶꦲꦫꦠꦶ (ꦏ.)];

ꦤꦴꦤꦴꦏꦸꦟꦥꦥꦫꦶꦥꦹꦫꦺꦴ, ꦮꦶꦱ꧀ꦱꦮꦤ꧀ꦠꦺꦴ ꦠꦠꦺꦴ ꦠꦠꦺꦴ.

꧔꧕꧔. ‘‘ꦩꦶꦒꦁ ꦤꦶꦭꦷꦤꦁ ꦏꦹꦛꦺꦤ, ꦧꦭ꦳ꦶꦱꦺꦤꦺꦮ ꦄꦩ꧀ꦧꦸꦗꦁ;

ꦮꦴꦤꦫꦁ ꦮꦶꦪ ꦭꦺꦥꦺꦤ, ꦧꦴꦣꦪꦤ꧀ꦠꦶ ꦥꦸꦡꦸꦗ꧀ꦗꦤꦁ.

꧔꧕꧕. ‘‘ꦫꦹꦥꦴ ꦱꦢ꧀ꦢꦴ ꦫꦱꦴ ꦒꦤ꧀ꦣꦴ, ꦦꦺꦴꦛ꧀ꦜꦧ꧀ꦧꦴ ꦕ ꦩꦤꦺꦴꦫꦩꦴ;

ꦥꦚ꧀ꦕ ꦏꦴꦩꦒꦸꦟꦴ ꦌꦠꦺ, ꦆꦠ꧀ꦡꦶꦫꦹꦥꦱ꧀ꦩꦶ ꦢꦶꦱ꧀ꦱꦫꦺ.

꧔꧕꧖. ‘‘ꦪꦺ ꦌꦠꦴ ꦈꦥꦱꦺꦮꦤ꧀ꦠꦶ, ꦫꦠ꧀ꦠꦕꦶꦠ꧀ꦠꦴ ꦥꦸꦡꦸꦗ꧀ꦗꦤꦴ;

ꦮꦝ꧀ꦞꦺꦤ꧀ꦠꦶ ꦏꦛꦱꦶꦁ ꦓꦺꦴꦫꦁ, ꦄꦴꦕꦶꦤꦤ꧀ꦠꦶ ꦥꦸꦤꦧ꧀ꦨꦮꦁ.

꧔꧕꧗. ‘‘ꦪꦺꦴ ꦕꦺꦠꦴ ꦥꦫꦶꦮꦗ꧀ꦗꦺꦠꦶ, ꦱꦥ꧀ꦥꦱ꧀ꦱꦺꦮ ꦥꦢꦴ ꦱꦶꦫꦺꦴ;

ꦱꦺꦴꦩꦁ ꦮꦶꦱꦠ꧀ꦠꦶꦏꦁ ꦭꦺꦴꦏꦺ, ꦱꦠꦺꦴ ꦱꦩꦠꦶꦮꦠ꧀ꦠꦠꦶ.

꧔꧕꧘. ‘‘ꦏꦴꦩꦺꦱ꧀ꦮꦴꦢꦷꦤꦮꦁ ꦢꦶꦱ꧀ꦮꦴ, ꦤꦺꦏ꧀ꦑꦩ꧀ꦩꦁ ꦢꦛ꧀ꦜꦸ ꦑꦺꦩꦠꦺꦴ;

ꦤꦶꦱ꧀ꦱꦛꦺꦴ ꦱꦧ꧀ꦧꦏꦴꦩꦺꦲꦶ, ꦥꦠ꧀ꦠꦺꦴ ꦩꦺ ꦄꦴꦱꦮꦏ꧀ꦑꦪꦺꦴ’’ꦠꦶ.

… ꦱꦧ꧀ꦧꦏꦴꦩꦶꦠ꧀ꦡꦺꦫꦺꦴ….

ꦖꦏ꧀ꦏꦤꦶꦥꦴꦠꦺꦴ ꦤꦶꦛ꧀ꦜꦶꦠꦺꦴ.