꧔. ꦨꦒꦮꦠꦺꦴ ꦧ꧀ꦫꦲ꧀ꦩꦕꦴꦫꦶꦥꦚ꧀ꦲꦺꦴ

꧔. ꦫꦴꦗꦴ ꦄꦴꦲ ‘‘ꦨꦤ꧀ꦠꦺ ꦤꦴꦒꦱꦺꦤ, ꦧꦸꦢ꧀ꦣꦺꦴ ꦧ꧀ꦫꦲ꧀ꦩꦕꦴꦫꦷ’’ꦠꦶ? ‘‘ꦄꦴꦩ, ꦩꦲꦴꦫꦴꦗ, ꦨꦒꦮꦴ ꦧ꧀ꦫꦲ꧀ꦩꦕꦴꦫꦷ’’ꦠꦶ. ‘‘ꦠꦺꦤ ꦲꦶ, ꦨꦤ꧀ꦠꦺ ꦤꦴꦒꦱꦺꦤ, ꦧꦸꦢ꧀ꦣꦺꦴ ꦧ꧀ꦫꦲ꧀ꦩꦸꦤꦺꦴ ꦱꦶꦱ꧀ꦱꦺꦴ’’ꦠꦶ? ‘‘ꦄꦠ꧀ꦡꦶ ꦥꦤ ꦠꦺ, ꦩꦲꦴꦫꦴꦗ, ꦲꦠ꧀ꦡꦶꦥꦴꦩꦺꦴꦏ꧀ꦑꦺꦴ’’ꦠꦶ? ‘‘ꦄꦠ꧀ꦡꦶ, ꦨꦤ꧀ꦠꦺ’’ꦠꦶ. ‘‘ꦏꦶꦁꦤꦸ ꦑꦺꦴ, ꦩꦲꦴꦫꦴꦗ, ꦱꦺꦴ ꦲꦠ꧀ꦡꦷ ꦏꦢꦴꦕꦶ ꦏꦫꦲꦕꦶ ꦏꦺꦴꦚ꧀ꦕꦤꦴꦢꦁ ꦤꦢꦠꦷꦠꦶ? ‘‘ꦄꦴꦩ, ꦨꦤ꧀ꦠꦺ, ꦤꦢꦠꦷ’’ꦠꦶ ‘‘ꦠꦺꦤ ꦲꦶ, ꦩꦲꦴꦫꦴꦗ, ꦱꦺꦴ ꦲꦠ꧀ꦡꦷ ꦏꦺꦴꦚ꧀ꦕꦱꦏꦸꦟꦱ꧀ꦱ ꦱꦶꦱ꧀ꦱꦺꦴ’’ꦠꦶ? ‘‘ꦤ ꦲꦶ, ꦨꦤ꧀ꦠꦺ’’ꦠꦶ. ‘‘ꦏꦶꦁ ꦥꦤ, ꦩꦲꦴꦫꦴꦗ, ꦧ꧀ꦫꦲ꧀ꦩꦴ ꦱꦧꦸꦢ꧀ꦣꦶꦏꦺꦴ ꦄꦧꦸꦢ꧀ꦣꦶꦏꦺꦴ’’ꦠꦶ? ‘‘ꦱꦧꦸꦢ꧀ꦣꦶꦏꦺꦴ, ꦨꦤ꧀ꦠꦺ’’ꦠꦶ. ‘‘ꦠꦺꦤ ꦲꦶ, ꦩꦲꦴꦫꦴꦗ, ꦧ꧀ꦫꦲ꧀ꦩꦴ ꦨꦒꦮꦠꦺꦴ ꦱꦶꦱ꧀ꦱꦺꦴ’’ꦠꦶ.

‘‘ꦏꦭ꧀ꦭꦺꦴꦱꦶ, ꦨꦤ꧀ꦠꦺ ꦤꦴꦒꦱꦺꦤꦴ’’ꦠꦶ.

ꦨꦒꦮꦠꦺꦴ ꦧ꧀ꦫꦲ꧀ꦩꦕꦴꦫꦶꦥꦚ꧀ꦲꦺꦴ ꦕꦠꦸꦠ꧀ꦡꦺꦴ.