꧔꧐꧙. ꦢꦭ꦳꧀ꦲꦣꦩ꧀ꦩꦗꦴꦠꦏꦁ (꧗-꧒-꧔)

꧙꧘. ꦄꦲꦁ ꦕꦺ ꦢꦭ꦳꧀ꦲꦣꦩ꧀ꦩꦱ꧀ꦱ [ꦢꦭ꦳꧀ꦲꦣꦩ꧀ꦩꦴꦪ (ꦥꦷ.)], ꦮꦲꦤ꧀ꦠꦶ ꦤꦴꦨꦶꦫꦴꦣꦪꦶꦁ;

ꦣꦫꦤ꧀ꦠꦷ ꦈꦫꦱꦶ ꦱꦭ꧀ꦭꦁ, ꦪꦸꦢ꧀ꦣꦺ ꦮꦶꦏ꧀ꦏꦤ꧀ꦠꦕꦴꦫꦶꦤꦷ.

꧙꧙. ꦤꦹꦤ ꦫꦴꦗꦴ ꦤ ꦗꦴꦤꦴꦠꦶ [ꦤ ꦲ ꦤꦹꦤ ꦫꦴꦗꦴ ꦗꦴꦤꦴꦠꦶ (ꦱꦷ. ꦥꦷ.)], ꦩꦩ ꦮꦶꦏ꧀ꦏꦩꦥꦺꦴꦫꦶꦱꦁ;

ꦱꦔ꧀ꦒꦴꦩꦺ ꦱꦸꦏꦠꦤ꧀ꦠꦴꦤꦶ, ꦢꦹꦠꦮꦶꦥ꧀ꦥꦲꦶꦠꦴꦤꦶ ꦕ.

꧑꧐꧐. ꦱꦴ ꦤꦹꦤꦴꦲꦁ ꦩꦫꦶꦱ꧀ꦱꦴꦩꦶ, ꦄꦧꦤ꧀ꦣꦸ ꦄꦥꦫꦴꦪꦶꦤꦷ [ꦄꦥꦫꦴꦪꦶꦟꦷ (ꦱꦷ.), ꦄꦥꦫꦴꦪꦟꦷ (?)];

ꦠꦢꦴ ꦲꦶ [ꦠꦡꦴ ꦲꦶ (ꦥꦷ.)] ꦏꦸꦩ꧀ꦨꦏꦴꦫꦱ꧀ꦱ, ꦢꦶꦤ꧀ꦤꦴ ꦖꦏꦟꦲꦴꦫꦶꦏꦴ.

꧑꧐꧑. ꦪꦴꦮꦠꦴꦱꦷꦱꦠꦷ ꦥꦺꦴꦱꦺꦴ, ꦠꦴꦮꦢꦺꦮ ꦥꦮꦷꦟꦠꦶ;

ꦄꦠ꧀ꦡꦴꦥꦴꦪꦺ ꦗꦲꦤ꧀ꦠꦶ ꦤꦁ, ꦎꦛ꧀ꦜꦶꦧ꧀ꦪꦴꦣꦶꦁꦮ ꦑꦠ꧀ꦠꦶꦪꦺꦴ.

꧑꧐꧒. ꦪꦺꦴ ꦥꦸꦧ꧀ꦧꦺ ꦏꦠꦏꦭ꧀ꦪꦴꦟꦺꦴ, ꦏꦠꦠ꧀ꦡꦺꦴ ꦤꦴꦮꦧꦸꦗ꧀ꦙꦠꦶ;

ꦄꦠ꧀ꦡꦴ ꦠꦱ꧀ꦱ ꦥꦭꦸꦗ꧀ꦗꦤ꧀ꦠꦶ, ꦪꦺ ꦲꦺꦴꦤ꧀ꦠꦶ ꦄꦨꦶꦥꦠ꧀ꦡꦶꦠꦴ.

꧑꧐꧓. ꦪꦺꦴ ꦥꦸꦧ꧀ꦧꦺ ꦏꦠꦏꦭ꧀ꦪꦴꦟꦺꦴ, ꦏꦠꦠ꧀ꦡꦺꦴ ꦩꦤꦸꦧꦸꦗ꧀ꦙꦠꦶ;

ꦄꦠ꧀ꦡꦴ ꦠꦱ꧀ꦱ ꦥꦮꦝ꧀ꦞꦤ꧀ꦠꦶ, ꦪꦺ ꦲꦺꦴꦤ꧀ꦠꦶ ꦄꦨꦶꦥꦠ꧀ꦡꦶꦠꦴ.

꧑꧐꧔. ꦠꦁ ꦮꦺꦴ ꦮꦢꦴꦩꦶ ꦨꦢ꧀ꦢꦤ꧀ꦠꦺ [ꦨꦢ꧀ꦢꦁ ꦮꦺꦴ (ꦱꦷ. ꦱ꧀ꦪꦴ. ꦥꦷ.)], ꦪꦴꦮꦤ꧀ꦠꦺꦠ꧀ꦡ ꦱꦩꦴꦒꦠꦴ;

ꦱꦧ꧀ꦧꦺ ꦏꦠꦚ꧀ꦚꦸꦤꦺꦴ ꦲꦺꦴꦡ, ꦕꦶꦫꦁ ꦱꦒ꧀ꦒꦩ꧀ꦲꦶ ꦜꦱ꧀ꦱꦡꦴꦠꦶ.

ꦢꦭ꦳꧀ꦲꦣꦩ꧀ꦩꦗꦴꦠꦏꦁ ꦕꦠꦸꦠ꧀ꦡꦁ.