꧕꧑꧑. ꦏꦶꦁꦖꦤ꧀ꦢꦗꦴꦠꦏꦁ (꧑)

꧑. ꦏꦶꦁꦖꦤ꧀ꦢꦺꦴ ꦏꦶꦩꦣꦶꦥ꧀ꦥꦴꦪꦺꦴ, ꦌꦏꦺꦴ ꦱꦩ꧀ꦩꦱꦶ ꦓꦩ꧀ꦩꦤꦶ;

ꦏꦶꦁ ꦥꦠ꧀ꦡꦪꦴꦤꦺꦴ ꦏꦶꦁ ꦌꦱꦁ, ꦏꦺꦤ ꦄꦠ꧀ꦡꦺꦤ ꦧ꧀ꦫꦴꦲ꧀ꦩꦟ.

꧒. ꦪꦡꦴ ꦩꦲꦴ ꦮꦴꦫꦶꦣꦫꦺꦴ, ꦏꦸꦩ꧀ꦨꦺꦴ ꦱꦸꦥꦫꦶꦟꦴꦲꦮꦴ [ꦱꦸꦥꦫꦶꦟꦴꦩꦮꦴ (ꦏ.)];

ꦠꦡꦹꦥꦩꦁ ꦄꦩ꧀ꦧꦥꦏ꧀ꦏꦁ, ꦮꦟ꧀ꦟꦒꦤ꧀ꦣꦫꦱꦸꦠ꧀ꦠꦩꦁ.

꧓. ꦠꦁ ꦮꦸꦪ꧀ꦲꦩꦴꦤꦁ ꦱꦺꦴꦠꦺꦤ, ꦢꦶꦱ꧀ꦮꦴꦤꦴꦩꦭꦩꦗ꧀ꦙꦶꦩꦺ;

ꦥꦴꦟꦷꦲꦶ ꦤꦁ ꦒꦲꦺꦠ꧀ꦮꦴꦤ, ꦄꦒ꧀ꦪꦴꦪꦠꦤꦩꦴꦲꦫꦶꦁ.

꧔. ꦠꦠꦺꦴ ꦏꦢꦭꦶꦥꦠ꧀ꦠꦺꦱꦸ, ꦤꦶꦏ꧀ꦑꦶꦥꦶꦠ꧀ꦮꦴ ꦱꦪꦁ ꦄꦲꦁ;

ꦱꦠ꧀ꦡꦺꦤ ꦤꦁ ꦮꦶꦏꦥ꧀ꦥꦺꦠ꧀ꦮꦴ, ꦑꦸꦥ꧀ꦥꦶꦥꦴꦱꦁ ꦄꦲꦴꦱꦶ ꦩꦺ.

꧕. ꦱꦺꦴꦲꦁ ꦄꦥꦺꦠꦢꦫꦡꦺꦴ, ꦧ꧀ꦪꦤ꧀ꦠꦷꦨꦹꦠꦺꦴ [ꦧ꧀ꦪꦤ꧀ꦠꦶꦨꦹꦠꦺꦴ (ꦱꦷ. ꦥꦷ. ꦏ.)] ꦢꦸꦑꦏ꧀ꦑꦩꦺꦴ;

ꦄꦱ꧀ꦱꦴꦢꦁ ꦤꦴꦣꦶꦒꦕ꧀ꦖꦴꦩꦶ, ꦦꦭꦺꦱ꧀ꦮꦚ꧀ꦚꦺꦱꦸ ꦏꦺꦱꦸꦕꦶ [ꦏꦺꦱꦸꦥꦶ (ꦏ. ꦱꦷ.)].

꧖. ꦱꦺꦴꦱꦺꦠ꧀ꦮꦴ ꦤꦹꦤ ꦩꦫꦟꦁ, ꦠꦁ ꦩꦩꦁ ꦄꦴꦮꦲꦶꦱ꧀ꦱꦠꦶ;

ꦄꦩ꧀ꦧꦁ ꦪꦱ꧀ꦱ ꦦꦭꦁ ꦱꦴꦢꦸ, ꦩꦣꦸꦫꦒ꧀ꦒꦁ ꦩꦤꦺꦴꦫꦩꦁ;

ꦪꦩꦸꦢ꧀ꦣꦫꦶꦁ ꦮꦸꦪ꧀ꦲꦩꦴꦤꦁ, ꦈꦢꦣꦶꦱ꧀ꦩꦴ ꦩꦲꦟ꧀ꦟꦮꦺ.

꧗. ꦄꦏ꧀ꦑꦴꦠꦁ ꦠꦺ ꦩꦪꦴ ꦱꦧ꧀ꦧꦁ, ꦪꦱ꧀ꦩꦴ ꦈꦥꦮꦱꦴꦩꦲꦁ;

ꦫꦩ꧀ꦩꦁ ꦥꦠꦶ ꦤꦶꦱꦶꦤ꧀ꦤꦺꦴꦱ꧀ꦩꦶ, ꦥꦸꦡꦸꦭꦺꦴꦩꦴꦪꦸꦠꦴ ꦥꦸꦡꦸ.

꧘. ꦠ꧀ꦮꦚ꧀ꦕ ꦑꦺꦴ ꦩꦺꦮ [ꦩꦺ (ꦱꦷ.), ꦩꦩ (?)] ꦄꦏ꧀ꦑꦴꦲꦶ, ꦄꦠ꧀ꦠꦴꦤꦩꦥꦭꦴꦪꦶꦤꦶ;

ꦏꦴ ꦮꦴ ꦠ꧀ꦮꦩꦱꦶ ꦏꦭ꧀ꦪꦴꦟꦶ, ꦏꦶꦱ꧀ꦱ ꦮꦴ ꦠ꧀ꦮꦁ ꦱꦸꦩꦗ꧀ꦙꦶꦩꦺ.

꧙. ꦫꦸꦥ꧀ꦥꦥꦛ꧀ꦛꦥꦭꦶꦩꦛ꧀ꦜꦷꦮ [ꦫꦸꦥ꧀ꦥꦥꦛ꧀ꦛꦥ꧀ꦭꦩꦛ꧀ꦜꦷꦮ (ꦱ꧀ꦪꦴ.), ꦫꦹꦥꦥꦛ꧀ꦛꦥꦩꦛ꧀ꦜꦷꦮ (ꦏ.)], ꦧ꧀ꦪꦒ꧀ꦓꦷꦮ ꦒꦶꦫꦶꦱꦴꦤꦸꦗꦴ;

ꦪꦴ ꦱꦤ꧀ꦠꦶ ꦤꦴꦫꦶꦪꦺꦴ ꦢꦺꦮꦺꦱꦸ, ꦢꦺꦮꦴꦤꦁ ꦥꦫꦶꦕꦴꦫꦶꦏꦴ.

꧑꧐. ꦪꦴ ꦕ ꦩꦤꦸꦱ꧀ꦱꦭꦺꦴꦏꦱ꧀ꦩꦶꦁ, ꦫꦹꦥꦺꦤꦴꦤ꧀ꦮꦴꦒꦠꦶꦠ꧀ꦡꦶꦪꦺꦴ;

ꦫꦹꦥꦺꦤ ꦠꦺ ꦱꦢꦶꦱꦷ ꦤꦠ꧀ꦡꦶ, ꦢꦺꦮꦺꦱꦸ ꦒꦤ꧀ꦣꦧ꧀ꦧꦩꦤꦸꦱ꧀ꦱꦭꦺꦴꦏꦺ [ꦢꦺꦮꦒꦤ꧀ꦣꦧ꧀ꦧꦩꦴꦤꦸꦱꦺ (ꦱ꧀ꦪꦴ.)];

ꦥꦸꦛ꧀ꦜꦴꦱꦶ ꦩꦺ ꦕꦴꦫꦸꦥꦸꦧ꧀ꦧꦔ꧀ꦒꦶ, ꦧ꧀ꦫꦹꦲꦶ ꦤꦴꦩꦚ꧀ꦕ ꦧꦤ꧀ꦣꦮꦺ.

꧑꧑. ꦪꦁ ꦠ꧀ꦮꦁ ꦥꦠꦶ ꦤꦶꦱꦶꦤ꧀ꦤꦺꦴꦱꦶ, ꦫꦩ꧀ꦩꦁ ꦧ꧀ꦫꦴꦲ꧀ꦩꦟ ꦏꦺꦴꦱꦶꦏꦶꦁ;

ꦱꦴꦲꦁ ꦨꦸꦱꦴꦭꦪꦴ ꦮꦸꦠ꧀ꦡꦴ, ꦮꦫꦮꦴꦫꦶꦮꦲꦺꦴꦓꦱꦴ.

꧑꧒. ꦤꦴꦤꦴꦢꦸꦩꦒꦟꦴꦏꦶꦟ꧀ꦟꦴ, ꦧꦲꦸꦏꦴ ꦒꦶꦫꦶꦏꦤ꧀ꦢꦫꦴ;

ꦩꦩꦺꦮ ꦥꦩꦸꦑꦴ ꦲꦺꦴꦤ꧀ꦠꦶ, ꦄꦨꦶꦱꦤ꧀ꦢꦤ꧀ꦠꦶ ꦥꦴꦮꦸꦱꦺ.

꧑꧓. ꦄꦡꦺꦴ ꦧꦲꦹ ꦮꦤꦠꦺꦴꦢꦴ, ꦤꦷꦭꦮꦴꦫꦶꦮꦲꦶꦤ꧀ꦣꦫꦴ;

ꦧꦲꦸꦏꦴ ꦤꦴꦒꦮꦶꦠ꧀ꦠꦺꦴꦢꦴ, ꦄꦨꦶꦱꦤ꧀ꦢꦤ꧀ꦠꦶ ꦮꦴꦫꦶꦤꦴ.

꧑꧔. ꦠꦴ ꦄꦩ꧀ꦧꦗꦩ꧀ꦧꦸꦭꦧꦸꦗꦴ, ꦤꦷꦥꦴ ꦠꦴꦭꦴ ꦕꦸꦢꦸꦩ꧀ꦧꦫꦴ [ꦠꦴꦭꦩꦸꦢꦸꦩ꧀ꦧꦫꦴ (ꦱ꧀ꦪꦴ. ꦏ.)];

ꦧꦲꦹꦤꦶ ꦦꦭꦗꦴꦠꦴꦤꦶ, ꦄꦴꦮꦲꦤ꧀ꦠꦶ ꦄꦨꦶꦟ꧀ꦲꦱꦺꦴ.

꧑꧕. ꦪꦁ ꦏꦶꦚ꧀ꦕꦶ ꦈꦨꦠꦺꦴ ꦠꦷꦫꦺ, ꦦꦭꦁ ꦥꦠꦠꦶ ꦄꦩ꧀ꦧꦸꦤꦶ;

ꦄꦱꦁꦱꦪꦁ ꦠꦁ ꦱꦺꦴꦠꦱ꧀ꦱ, ꦦꦭꦁ ꦲꦺꦴꦠꦶ ꦮꦱꦴꦤꦸꦒꦁ.

꧑꧖. ꦌꦠꦢꦚ꧀ꦚꦴꦪ ꦩꦺꦣꦴꦮꦶ, ꦥꦸꦡꦸꦥꦚ꧀ꦚ ꦱꦸꦟꦺꦴꦲꦶ ꦩꦺ;

ꦩꦴ ꦫꦺꦴꦕꦪ ꦩꦨꦶꦱꦔ꧀ꦒꦁ, ꦥꦛꦶꦱꦺꦣ ꦗꦤꦴꦣꦶꦥ.

꧑꧗. ꦤ ꦮꦴꦲꦁ ꦮꦝ꧀ꦞꦮꦁ [ꦮꦢ꧀ꦣꦮꦁ (ꦱꦷ. ꦥꦷ.)] ꦩꦚ꧀ꦚꦺ, ꦪꦁ ꦠ꧀ꦮꦁ ꦫꦛ꧀ꦜꦴꦨꦶꦮꦝ꧀ꦞꦤ;

ꦄꦴꦕꦺꦪ꧀ꦪꦩꦴꦤꦺꦴ ꦫꦴꦗꦶꦱꦶ, ꦩꦫꦟꦁ ꦄꦨꦶꦏꦔ꧀ꦑꦱꦶ.

꧑꧘. ꦠꦱ꧀ꦱ ꦗꦴꦤꦤ꧀ꦠꦶ ꦥꦶꦠꦫꦺꦴ, ꦒꦤ꧀ꦣꦧ꧀ꦧꦴ ꦕ ꦱꦢꦺꦮꦏꦴ;

ꦪꦺ ꦕꦴꦥꦶ ꦆꦱꦪꦺꦴ ꦭꦺꦴꦏꦺ, ꦱꦚ꧀ꦚꦠꦠ꧀ꦠꦴ ꦠꦥꦱ꧀ꦱꦶꦤꦺꦴ;

ꦄꦱꦁꦱꦪꦁ ꦠꦺꦥꦶ [ꦠꦺ (ꦱꦷ. ꦥꦷ.)] ꦗꦴꦤꦤ꧀ꦠꦶ, ꦥꦛ꧀ꦜꦨꦹꦠꦴ [ꦮꦢ꧀ꦣꦨꦹꦠꦴ (ꦱꦷ. ꦥꦷ.)] ꦪꦱꦱ꧀ꦱꦶꦤꦺꦴ.

꧑꧙. ꦌꦮꦁ ꦮꦶꦢꦶꦠ꧀ꦮꦴ ꦮꦶꦢꦹ ꦱꦧ꧀ꦧꦣꦩ꧀ꦩꦁ, ꦮꦶꦢ꧀ꦣꦁꦱꦤꦁ ꦕꦮꦤꦁ ꦗꦷꦮꦶꦠꦱ꧀ꦱ;

ꦤ ꦕꦷꦪꦠꦷ ꦠꦱ꧀ꦱ ꦤꦫꦱ꧀ꦱ ꦥꦴꦥꦁ, ꦱꦕꦺ ꦤ ꦕꦺꦠꦺꦠꦶ ꦮꦣꦴꦪ ꦠꦱ꧀ꦱ.

꧒꧐. ꦆꦱꦶꦥꦹꦒꦱꦩꦚ꧀ꦚꦴꦠꦺ, ꦌꦮꦁ ꦭꦺꦴꦏ꧀ꦪꦴ ꦮꦶꦢꦶꦠꦴ ꦱꦠꦶ [ꦥꦠꦶ (ꦏ. ꦱ꧀ꦪꦴ. ꦏ.)];

ꦄꦤꦫꦶꦪꦥꦫꦶꦱꦩ꧀ꦨꦴꦱꦺ, ꦥꦴꦥꦏꦩ꧀ꦩꦁ ꦗꦶꦒꦷꦱꦱꦶ [ꦗꦶꦒꦶꦁꦱꦱꦶ (ꦱꦷ. ꦱ꧀ꦪꦴ. ꦥꦷ.)].

꧒꧑. ꦱꦕꦺ ꦄꦲꦁ ꦩꦫꦶꦱ꧀ꦱꦴꦩꦶ, ꦠꦷꦫꦺ ꦠꦺ ꦥꦸꦡꦸꦱꦸꦱ꧀ꦱꦺꦴꦟꦶ;

ꦄꦱꦁꦱꦪꦁ ꦠꦁ ꦄꦱꦶꦭꦺꦴꦏꦺꦴ, ꦩꦪꦶ ꦥꦺꦠꦺ ꦄꦴꦒꦩꦶꦱ꧀ꦱꦠꦶ.

꧒꧒. ꦠꦱ꧀ꦩꦴ ꦲꦶ ꦥꦴꦥꦏꦁ ꦏꦩ꧀ꦩꦁ, ꦫꦏ꧀ꦑꦱ꧀ꦱꦺꦮ [ꦫꦏ꧀ꦑꦱ꧀ꦱꦸ ꦕ (ꦱ꧀ꦪꦴ.)] ꦱꦸꦩꦗ꧀ꦙꦶꦩꦺ;

ꦩꦴ ꦠꦁ ꦱꦧ꧀ꦧꦺꦴ ꦗꦤꦺꦴ ꦥꦕ꧀ꦖꦴ, ꦥꦏꦸꦛ꧀ꦜꦴꦪꦶ [ꦥꦏꦠ꧀ꦡꦴꦱꦶ (ꦱꦷ. ꦥꦷ.), ꦥꦠ꧀ꦮꦏ꧀ꦑꦴꦱꦶ (ꦱ꧀ꦪꦴ.)] ꦩꦪꦶ ꦩꦠꦺ.

꧒꧓. ꦄꦚ꧀ꦚꦴꦠꦩꦺꦠꦁ ꦄꦮꦶꦱꦪ꧀ꦲꦱꦴꦲꦶ, ꦄꦠ꧀ꦠꦴꦤꦩꦩ꧀ꦧꦚ꧀ꦕ ꦢꦢꦴꦩꦶ ꦠꦺ ꦠꦁ;

ꦱꦺꦴ ꦢꦸꦕ꧀ꦕꦗꦺ ꦏꦴꦩꦒꦸꦟꦺ ꦥꦲꦴꦪ, ꦱꦤ꧀ꦠꦶꦚ꧀ꦕ ꦣꦩ꧀ꦩꦚ꧀ꦕ ꦄꦣꦶꦛ꧀ꦜꦶꦠꦺꦴꦱꦶ.

꧒꧔. ꦪꦺꦴ ꦲꦶꦠ꧀ꦮꦴ ꦥꦸꦧ꧀ꦧꦱꦚ꧀ꦚꦺꦴꦒꦁ, ꦥꦕ꧀ꦖꦴ ꦱꦁꦪꦺꦴꦗꦤꦺ ꦜꦶꦠꦺꦴ;

ꦄꦣꦩ꧀ꦩꦚ꧀ꦕꦺꦮ ꦕꦫꦠꦶ, ꦥꦴꦥꦚ꧀ꦕꦱ꧀ꦱ ꦥꦮꦝ꧀ꦞꦠꦶ.

꧒꧕. ꦌꦲꦶ ꦠꦁ ꦥꦴꦥꦪꦶꦱ꧀ꦱꦴꦩꦶ, ꦏꦴꦩꦁ ꦄꦥ꧀ꦥꦺꦴꦱ꧀ꦱꦸꦏꦺꦴ ꦨꦮ;

ꦈꦥꦴꦤꦪꦴꦩꦶ ꦱꦷꦠꦱ꧀ꦩꦶꦁ, ꦮꦶꦲꦫꦴꦲꦶ ꦄꦤꦸꦱ꧀ꦱꦸꦏꦺꦴ.

꧒꧖. ꦠꦁ ꦥꦸꦥ꧀ꦦꦫꦱꦩꦠ꧀ꦠꦺꦨꦶ, ꦮꦏ꧀ꦏꦔ꧀ꦒꦺꦲꦶ ꦄꦫꦶꦤ꧀ꦢꦩ;

ꦏꦺꦴꦚ꧀ꦕꦴ ꦩꦪꦹꦫꦴ ꦢꦶꦮꦶꦪꦴ, ꦏꦺꦴꦭꦛ꧀ꦜꦶꦩꦣꦸꦱꦴꦭ꦳ꦶꦏꦴ;

ꦏꦹꦗꦶꦠꦴ ꦲꦁꦱꦥꦹꦒꦺꦲꦶ, ꦏꦺꦴꦏꦶꦭꦺꦠ꧀ꦡ ꦥꦧꦺꦴꦣꦫꦺ.

꧒꧗. ꦄꦩ꧀ꦧꦺꦠ꧀ꦡ ꦮꦶꦥ꧀ꦥꦱꦴꦑꦒ꧀ꦒꦴ [ꦮꦶꦥ꧀ꦥꦱꦹꦤꦒ꧀ꦒꦴ (ꦱꦷ. ꦱ꧀ꦪꦴ. ꦥꦷ.), ꦮꦶꦥ꧀ꦥꦎꦤꦒ꧀ꦒꦴ (ꦏ.)], ꦥꦭꦴꦭꦑꦭꦱꦤ꧀ꦤꦶꦨꦴ;

ꦏꦺꦴꦱꦩ꧀ꦧꦱꦭ꦳ꦭꦴ [ꦏꦺꦴꦱꦸꦩ꧀ꦨꦱꦭꦭꦴ (ꦱꦷ. ꦱ꧀ꦪꦴ. ꦥꦷ.)] ꦤꦷꦥꦴ, ꦥꦏ꧀ꦏꦠꦴꦭꦮꦶꦭꦩ꧀ꦧꦶꦤꦺꦴ.

꧒꧘. ꦩꦴꦭꦷ ꦠꦶꦫꦶꦛꦷ ꦏꦴꦪꦹꦫꦷ, ꦄꦔ꧀ꦒꦢꦷ ꦕꦤ꧀ꦢꦤꦸꦱ꧀ꦱꦢꦺꦴ [ꦕꦤ꧀ꦢꦤꦱ꧀ꦱꦢꦺꦴ (ꦱꦷ.)];

ꦫꦠ꧀ꦠꦶꦁ ꦠ꧀ꦮꦁ ꦥꦫꦶꦕꦴꦫꦺꦱꦶ, ꦢꦶꦮꦴ ꦮꦺꦢꦺꦱꦶ ꦮꦺꦢꦤꦁ.

꧒꧙. ꦱꦺꦴꦭ꦳ꦱꦶꦠ꧀ꦡꦶꦱꦲꦱ꧀ꦱꦴꦤꦶ, ꦪꦴ ꦠꦺꦩꦴ ꦥꦫꦶꦕꦴꦫꦶꦏꦴ;

ꦌꦮꦁ ꦩꦲꦴꦤꦸꦨꦴꦮꦺꦴꦱꦶ, ꦄꦧ꧀ꦨꦸꦠꦺꦴ ꦭꦺꦴꦩꦲꦁꦱꦤꦺꦴ.

꧓꧐. ꦏꦶꦁ ꦏꦩ꧀ꦩꦩꦏꦫꦷ ꦥꦸꦧ꧀ꦧꦺ, ꦥꦴꦥꦁ ꦄꦠ꧀ꦠꦢꦸꦑꦴꦮꦲꦁ;

ꦪꦁ ꦏꦫꦶꦠ꧀ꦮꦴ ꦩꦤꦸꦱ꧀ꦱꦺꦱꦸ, ꦥꦶꦛ꧀ꦜꦶꦩꦁꦱꦴꦤꦶ ꦑꦴꦢꦱꦶ.

꧓꧑. ꦄꦗ꧀ꦙꦺꦤꦴꦤꦶ ꦥꦛꦶꦒ꧀ꦒꦪ꧀ꦲ, ꦏꦴꦩꦺꦱꦸ ꦒꦣꦶꦠꦺꦴ [ꦒꦡꦶꦠꦺꦴ (ꦱꦷ. ꦥꦷ.), ꦒꦶꦢ꧀ꦣꦶꦠꦺꦴ (ꦱ꧀ꦪꦴ. ꦏ.), ꦒꦶꦢ꧀ꦣꦶꦏꦺꦴ (ꦏ. ꦄꦛ꧀ꦜ.)] ꦄꦲꦁ;

ꦄꦕꦫꦶꦁ ꦢꦷꦓꦩꦢ꧀ꦣꦴꦤꦁ, ꦥꦫꦺꦱꦁ ꦄꦲꦶꦠꦴꦪꦲꦁ.

꧓꧒. ꦪꦺꦴ ꦥꦶꦛ꧀ꦜꦶꦩꦁꦱꦶꦏꦺꦴ ꦲꦺꦴꦠꦶ, ꦌꦮꦁ ꦈꦏ꧀ꦏꦕ꧀ꦕ ꦑꦴꦢꦠꦶ;

ꦪꦡꦴꦲꦁ ꦄꦗ꧀ꦗ ꦑꦴꦢꦴꦩꦶ, ꦥꦶꦛ꧀ꦜꦶꦩꦁꦱꦴꦤꦶ ꦄꦠ꧀ꦠꦤꦺꦴꦠꦶ.

ꦏꦶꦁꦖꦤ꧀ꦢꦗꦴꦠꦏꦁ ꦥꦜꦩꦁ.