꧔. ꦄꦢ꧀ꦣꦴꦱꦸꦠ꧀ꦠꦁ

꧖꧓. ꦮꦸꦠ꧀ꦠꦚ꧀ꦲꦺꦠꦁ ꦨꦒꦮꦠꦴ, ꦮꦸꦠ꧀ꦠꦩꦫꦲꦠꦴꦠꦶ ꦩꦺ ꦱꦸꦠꦁ –

‘‘ꦠꦪꦺꦴꦩꦺ, ꦨꦶꦏ꧀ꦑꦮꦺ, ꦄꦢ꧀ꦣꦴ. ꦏꦠꦩꦺ ꦠꦪꦺꦴ? ꦄꦠꦷꦠꦺꦴ ꦄꦢ꧀ꦣꦴ, ꦄꦤꦴꦒꦠꦺꦴ ꦄꦢ꧀ꦣꦴ, ꦥꦕ꧀ꦕꦸꦥ꧀ꦥꦤ꧀ꦤꦺꦴ ꦄꦢ꧀ꦣꦴ – ꦆꦩꦺ ꦑꦺꦴ, ꦨꦶꦏ꧀ꦑꦮꦺ, ꦠꦪꦺꦴ ꦄꦢ꧀ꦣꦴ’’ꦠꦶ. ꦌꦠꦩꦠ꧀ꦡꦁ ꦨꦒꦮꦴ ꦄꦮꦺꦴꦕ. ꦠꦠ꧀ꦡꦺꦠꦁ ꦆꦠꦶ ꦮꦸꦕ꧀ꦕꦠꦶ –

‘‘ꦄꦏ꧀ꦑꦺꦪ꧀ꦪꦱꦚ꧀ꦚꦶꦤꦺꦴ ꦱꦠ꧀ꦠꦴ, ꦄꦏ꧀ꦑꦺꦪ꧀ꦪꦱ꧀ꦩꦶꦁ ꦥꦠꦶꦛ꧀ꦜꦶꦠꦴ;

ꦄꦏ꧀ꦑꦺꦪ꧀ꦪꦁ ꦄꦥꦫꦶꦚ꧀ꦚꦴꦪ, ꦪꦺꦴꦒꦩꦴꦪꦤ꧀ꦠꦶ ꦩꦕ꧀ꦕꦸꦤꦺꦴ.

‘‘ꦄꦏ꧀ꦑꦺꦪ꧀ꦪꦚ꧀ꦕ ꦥꦫꦶꦚ꧀ꦚꦴꦪ, ꦄꦏ꧀ꦑꦴꦠꦴꦫꦁ ꦤ ꦩꦚ꧀ꦚꦠꦶ;

ꦦꦸꦛ꧀ꦜꦺꦴ ꦮꦶꦩꦺꦴꦏ꧀ꦑꦺꦴ ꦩꦤꦱꦴ, ꦱꦤ꧀ꦠꦶꦥꦢꦩꦤꦸꦠ꧀ꦠꦫꦁ.

‘‘ꦱ ꦮꦺ [ꦱꦕꦺ (ꦏ.)] ꦄꦏ꧀ꦑꦺꦪ꧀ꦪꦱꦩ꧀ꦥꦤ꧀ꦤꦺꦴ, ꦱꦤ꧀ꦠꦺꦴ ꦱꦤ꧀ꦠꦶꦥꦢꦺ ꦫꦠꦺꦴ;

ꦱꦔ꧀ꦑꦴꦪꦱꦺꦮꦷ ꦣꦩ꧀ꦩꦛ꧀ꦜꦺꦴ, ꦱꦔ꧀ꦑ꧀ꦪꦁ ꦤꦺꦴꦥꦺꦠꦶ ꦮꦺꦢꦒꦹ’’ꦠꦶ.

ꦄꦪꦩ꧀ꦥꦶ ꦄꦠ꧀ꦡꦺꦴ ꦮꦸꦠ꧀ꦠꦺꦴ ꦨꦒꦮꦠꦴ, ꦆꦠꦶ ꦩꦺ ꦱꦸꦠꦤ꧀ꦠꦶ. ꦕꦠꦸꦠ꧀ꦡꦁ.