꧙. ꦱꦸꦩꦤꦠ꧀ꦡꦺꦫꦄꦥꦢꦴꦤꦁ

꧖꧒. ‘‘ꦱꦸꦩꦤꦺꦴ ꦤꦴꦩ ꦤꦴꦩꦺꦤ, ꦩꦴꦭꦴꦏꦴꦫꦺꦴ ꦄꦲꦁ ꦠꦢꦴ;

ꦄꦢ꧀ꦢꦱꦁ ꦮꦶꦫꦗꦁ ꦧꦸꦢ꧀ꦣꦁ, ꦭꦺꦴꦏꦴꦲꦸꦠꦶꦥꦛꦶꦒ꧀ꦒꦲꦁ.

꧖꧓. ‘‘ꦈꦨꦺꦴ ꦲꦠ꧀ꦡꦺꦲꦶ ꦥꦒ꧀ꦒꦪ꧀ꦲ, ꦱꦸꦩꦤꦁ ꦥꦸꦥ꧀ꦦꦩꦸꦠ꧀ꦠꦩꦁ;

ꦧꦸꦢ꧀ꦣꦱ꧀ꦱ ꦄꦨꦶꦫꦺꦴꦥꦺꦱꦶꦁ, ꦱꦶꦑꦶꦤꦺꦴ ꦭꦺꦴꦏꦧꦤ꧀ꦣꦸꦤꦺꦴ.

꧖꧔. ‘‘ꦆꦩꦴꦪ ꦥꦸꦥ꧀ꦦꦥꦹꦗꦴꦪ, ꦕꦺꦠꦤꦴꦥꦟꦶꦣꦷꦲꦶ ꦕ;

ꦢꦸꦒ꧀ꦒꦠꦶꦁ ꦤꦴꦨꦶꦗꦴꦤꦴꦩꦶ, ꦧꦸꦢ꧀ꦣꦥꦹꦗꦴꦪꦶꦢꦁ ꦦꦭꦁ.

꧖꧕. ‘‘ꦌꦏꦠ꧀ꦠꦶꦁꦱꦺ ꦆꦠꦺꦴ ꦏꦥ꧀ꦥꦺ, ꦪꦁ ꦥꦸꦥ꧀ꦦꦩꦨꦶꦫꦺꦴꦥꦪꦶꦁ;

ꦢꦸꦒ꧀ꦒꦠꦶꦁ ꦤꦴꦨꦶꦗꦴꦤꦴꦩꦶ, ꦧꦸꦢ꧀ꦣꦥꦹꦗꦴꦪꦶꦢꦁ [ꦥꦸꦥ꧀ꦦꦥꦹꦗꦴꦪꦶꦢꦁ (ꦱꦷ.)] ꦦꦭꦁ.

꧖꧖. ‘‘ꦖꦧ꧀ꦧꦷꦱꦠꦶꦩ꧀ꦲꦶ ꦏꦥ꧀ꦥꦩ꧀ꦲꦶ, ꦕꦠ꧀ꦠꦴꦫꦺꦴꦱꦸꦁ ꦩꦲꦴꦪꦱꦴ;

ꦱꦠ꧀ꦠꦫꦠꦤꦱꦩ꧀ꦥꦤ꧀ꦤꦴ, ꦫꦴꦗꦴꦤꦺꦴ ꦕꦏ꧀ꦏꦮꦠ꧀ꦠꦶꦤꦺꦴ.

꧖꧗. ‘‘ꦥꦛꦶꦱꦩ꧀ꦨꦶꦢꦴ ꦕꦠꦱ꧀ꦱꦺꦴ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ’’.

ꦆꦠ꧀ꦡꦁ ꦱꦸꦢꦁ ꦄꦴꦪꦱ꧀ꦩꦴ ꦱꦸꦩꦤꦺꦴ ꦡꦺꦫꦺꦴ ꦆꦩꦴ ꦒꦴꦡꦴꦪꦺꦴ ꦄꦨꦴꦱꦶꦠ꧀ꦡꦴꦠꦶ.

ꦱꦸꦩꦤꦠ꧀ꦡꦺꦫꦱ꧀ꦱꦴꦥꦢꦴꦤꦁ ꦤꦮꦩꦁ.