꧓. ꦥꦕ꧀ꦕꦴꦒꦩꦤꦶꦪꦠ꧀ꦡꦺꦫꦄꦥꦢꦴꦤꦁ

꧑꧓. ‘‘ꦱꦶꦤ꧀ꦣꦸꦪꦴ ꦤꦢꦶꦪꦴ ꦠꦷꦫꦺ, ꦕꦏ꧀ꦏꦮꦴꦏꦺꦴ ꦄꦲꦁ ꦠꦢꦴ;

ꦱꦸꦢ꧀ꦣꦱꦺꦮꦴꦭꦨꦏ꧀ꦑꦺꦴꦲꦁ, ꦥꦴꦥꦺꦱꦸ ꦕ ꦱꦸꦱꦚ꧀ꦚꦠꦺꦴ.

꧑꧔. ‘‘ꦄꦢ꧀ꦢꦱꦁ ꦮꦶꦫꦗꦁ ꦧꦸꦢ꧀ꦣꦁ, ꦒꦕ꧀ꦖꦤ꧀ꦠꦁ ꦄꦤꦶꦭꦚ꧀ꦗꦱꦺ;

ꦠꦸꦟ꧀ꦝꦺꦤ ꦱꦴꦭꦁ ꦥꦒ꧀ꦒꦪ꧀ꦲ, ꦮꦶꦥꦱ꧀ꦱꦶꦱ꧀ꦱꦴꦨꦶꦫꦺꦴꦥꦪꦶꦁ.

꧑꧕. ‘‘ꦪꦱ꧀ꦱ ꦱꦢ꧀ꦣꦴ ꦠꦡꦴꦒꦠꦺ, ꦄꦕꦭꦴ ꦱꦸꦥꦠꦶꦛ꧀ꦜꦶꦠꦴ;

ꦠꦺꦤ ꦕꦶꦠ꧀ꦠꦥ꧀ꦥꦱꦴꦢꦺꦤ, ꦢꦸꦒ꧀ꦒꦠꦶꦁ ꦱꦺꦴ ꦤ ꦒꦕ꧀ꦖꦠꦶ.

꧑꧖. ‘‘ꦱ꧀ꦮꦴꦒꦠꦁ ꦮꦠ ꦩꦺ ꦄꦴꦱꦶ, ꦧꦸꦢ꧀ꦣꦱꦺꦛ꧀ꦜꦱ꧀ꦱ ꦱꦤ꧀ꦠꦶꦏꦺ;

ꦮꦶꦲꦔ꧀ꦒꦩꦺꦤ ꦱꦤ꧀ꦠꦺꦤ, ꦱꦸꦧꦷꦗꦁ ꦫꦺꦴꦥꦶꦠꦁ ꦩꦪꦴ.

꧑꧗. ‘‘ꦌꦏꦤꦮꦸꦠꦶꦠꦺꦴ ꦏꦥ꧀ꦥꦺ, ꦪꦁ ꦥꦸꦥ꧀ꦦꦩꦨꦶꦫꦺꦴꦥꦪꦶꦁ;

ꦢꦸꦒ꧀ꦒꦠꦶꦁ ꦤꦴꦨꦶꦗꦴꦤꦴꦩꦶ, ꦧꦸꦢ꧀ꦣꦥꦹꦗꦴꦪꦶꦢꦁ [ꦥꦸꦥ꧀ꦦꦥꦹꦗꦴꦪꦶꦢꦁ (ꦱꦷ.)] ꦦꦭꦁ.

꧑꧘. ‘‘ꦱꦸꦕꦴꦫꦸꦢꦱ꧀ꦱꦤꦴ ꦤꦴꦩ, ꦄꦛ꧀ꦜꦺꦠꦺ ꦌꦏꦤꦴꦩꦏꦴ;

ꦏꦥ꧀ꦥꦺ ꦱꦠ꧀ꦠꦫꦱꦺ ꦄꦴꦱꦸꦁ, ꦕꦏ꧀ꦏꦮꦠ꧀ꦠꦷ ꦩꦲꦧ꧀ꦧꦭꦴ.

꧑꧙. ‘‘ꦥꦛꦶꦱꦩ꧀ꦨꦶꦢꦴ ꦕꦠꦱ꧀ꦱꦺꦴ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ’’.

ꦆꦠ꧀ꦡꦁ ꦱꦸꦢꦁ ꦄꦴꦪꦱ꧀ꦩꦴ ꦥꦕ꧀ꦕꦴꦒꦩꦤꦶꦪꦺꦴ ꦡꦺꦫꦺꦴ ꦆꦩꦴ ꦒꦴꦡꦴꦪꦺꦴ ꦄꦨꦴꦱꦶꦠ꧀ꦡꦴꦠꦶ.

ꦥꦕ꧀ꦕꦴꦒꦩꦤꦶꦪꦠ꧀ꦡꦺꦫꦱ꧀ꦱꦴꦥꦢꦴꦤꦁ ꦠꦠꦶꦪꦁ.