꧒. ꦮꦏ꧀ꦏꦭꦶꦠ꧀ꦡꦺꦫꦄꦥꦢꦴꦤꦁ

꧒꧘. ‘‘ꦆꦠꦺꦴ ꦱꦠꦱꦲꦱ꧀ꦱꦩ꧀ꦲꦶ, ꦏꦥ꧀ꦥꦺ ꦈꦥ꧀ꦥꦗ꧀ꦗꦶ ꦤꦴꦪꦏꦺꦴ;

ꦄꦤꦺꦴꦩꦤꦴꦩꦺꦴ ꦄꦩꦶꦠꦺꦴ, ꦤꦴꦩꦺꦤ ꦥꦢꦸꦩꦸꦠ꧀ꦠꦫꦺꦴ.

꧒꧙. ‘‘ꦥꦢꦸꦩꦴꦏꦴꦫꦮꦢꦤꦺꦴ, ꦥꦢꦸꦩꦴꦩꦭꦱꦸꦕ꧀ꦖꦮꦷ;

ꦭꦺꦴꦏꦺꦤꦴꦤꦸꦥꦭꦶꦠ꧀ꦠꦺꦴꦮ ꦠꦺꦴꦪꦺꦤ ꦥꦢꦸꦩꦁ ꦪꦡꦴ.

꧓꧐. ‘‘ꦮꦷꦫꦺꦴ ꦥꦢꦸꦩꦥꦠ꧀ꦠꦏ꧀ꦑꦺꦴ, ꦏꦤ꧀ꦠꦺꦴ ꦕ ꦥꦢꦸꦩꦁ ꦪꦡꦴ;

ꦥꦢꦸꦩꦸꦠ꧀ꦠꦫꦒꦤ꧀ꦣꦺꦴꦮ, ꦠꦱ꧀ꦩꦴ ꦱꦺꦴ ꦥꦢꦸꦩꦸꦠ꧀ꦠꦫꦺꦴ.

꧓꧑. ‘‘ꦭꦺꦴꦏꦗꦺꦛ꧀ꦜꦺꦴ ꦕ ꦤꦶꦩ꧀ꦩꦴꦤꦺꦴ, ꦄꦤ꧀ꦣꦴꦤꦁ ꦤꦪꦤꦹꦥꦩꦺꦴ;

ꦱꦤ꧀ꦠꦮꦺꦱꦺꦴ ꦒꦸꦟꦤꦶꦣꦶ, ꦏꦫꦸꦟꦴꦩꦠꦶꦱꦴꦒꦫꦺꦴ.

꧓꧒. ‘‘ꦱ ꦏꦢꦴꦕꦶ ꦩꦲꦴꦮꦷꦫꦺꦴ, ꦧ꧀ꦫꦲ꧀ꦩꦴꦱꦸꦫꦱꦸꦫꦕ꧀ꦕꦶꦠꦺꦴ;

ꦱꦢꦺꦮꦩꦤꦸꦗꦴꦏꦶꦟ꧀ꦟꦺ, ꦗꦤꦩꦗ꧀ꦙꦺ ꦗꦶꦤꦸꦠ꧀ꦠꦩꦺꦴ [ꦗꦤꦸꦠ꧀ꦠꦩꦺꦴ (ꦱ꧀ꦪꦴ. ꦥꦷ.), ꦄꦤꦸꦠ꧀ꦠꦩꦺꦴ (ꦏ.) ꦮꦔ꧀ꦒꦷꦱꦠ꧀ꦡꦺꦫꦴꦥꦢꦴꦤꦺꦥꦶ].

꧓꧓. ‘‘ꦮꦢꦤꦺꦤ ꦱꦸꦒꦤ꧀ꦣꦺꦤ, ꦩꦣꦸꦫꦺꦤ ꦫꦸꦠꦺꦤ ꦕ;

ꦫꦚ꧀ꦗꦪꦁ ꦥꦫꦶꦱꦁ ꦱꦧ꧀ꦧꦁ, ꦱꦤ꧀ꦡꦮꦷ ꦱꦴꦮꦏꦁ ꦱꦏꦁ.

꧓꧔. ‘‘ꦱꦢ꧀ꦣꦴꦣꦶꦩꦸꦠ꧀ꦠꦺꦴ ꦱꦸꦩꦠꦶ, ꦩꦩ ꦢꦱ꧀ꦱꦤꦭꦴꦭꦱꦺꦴ [ꦢꦱ꧀ꦱꦤꦱꦴꦭꦪꦺꦴ (ꦱ꧀ꦪꦴ.)];

ꦤꦠ꧀ꦡꦶ ꦌꦠꦴꦢꦶꦱꦺꦴ ꦄꦚ꧀ꦚꦺꦴ, ꦪꦡꦴꦪꦁ ꦨꦶꦏ꧀ꦑꦸ ꦮꦏ꧀ꦏꦭꦶ.

꧓꧕. ‘‘ꦠꦢꦴꦲꦁ ꦲꦁꦱꦮꦠꦶꦪꦁ, ꦤꦒꦫꦺ ꦧ꧀ꦫꦴꦲ꧀ꦩꦟꦠ꧀ꦫꦗꦺꦴ;

ꦲꦸꦠ꧀ꦮꦴ ꦱꦸꦠ꧀ꦮꦴ ꦕ ꦠꦁ ꦮꦴꦏ꧀ꦪꦁ, ꦠꦁ ꦜꦴꦤꦩꦨꦶꦫꦺꦴꦕꦪꦶꦁ.

꧓꧖. ‘‘ꦱꦱꦴꦮꦏꦁ ꦠꦁ ꦮꦶꦩꦭꦁ, ꦤꦶꦩꦤ꧀ꦠꦺꦠ꧀ꦮꦴ ꦠꦡꦴꦒꦠꦁ;

ꦱꦠ꧀ꦠꦴꦲꦁ ꦨꦺꦴꦗꦪꦶꦠ꧀ꦮꦴꦤ, ꦢꦸꦱ꧀ꦱꦺꦲꦕ꧀ꦖꦴꦢꦪꦶꦁ ꦠꦢꦴ.

꧓꧗. ‘‘ꦤꦶꦥꦕ꧀ꦕ ꦱꦶꦫꦱꦴ ꦠꦱ꧀ꦱ, ꦄꦤꦤ꧀ꦠꦒꦸꦟꦱꦴꦒꦫꦺ;

ꦤꦶꦩꦸꦒ꧀ꦒꦺꦴ ꦥꦷꦠꦶꦱꦩ꧀ꦥꦸꦟ꧀ꦟꦺꦴ, ꦆꦢꦁ ꦮꦕꦤꦩꦧ꧀ꦫꦮꦶꦁ.

꧓꧘. ‘‘‘ꦪꦺꦴ ꦱꦺꦴ ꦠꦪꦴ ꦱꦤ꧀ꦡꦮꦶꦠꦺꦴ, ꦆꦠꦺꦴ ꦱꦠ꧀ꦠꦩꦏꦺ ꦩꦸꦤꦶ [ꦆꦣ ꦱꦢ꧀ꦣꦴꦣꦶꦩꦸꦠ꧀ꦠꦺꦴ ꦆꦱꦶ (ꦱ꧀ꦪꦴ.), ꦆꦠꦺꦴ ꦱꦠ꧀ꦠꦩꦏꦺꦲꦤꦶ (ꦱꦷ. ꦥꦷ.)];

ꦨꦶꦏ꧀ꦑꦸ ꦱꦢ꧀ꦣꦴꦮꦠꦁ ꦄꦒ꧀ꦒꦺꦴ, ꦠꦴꦢꦶꦱꦺꦴ ꦲꦺꦴꦩꦲꦁ ꦩꦸꦤꦺ’.

꧓꧙. ‘‘ꦌꦮꦁ ꦮꦸꦠ꧀ꦠꦺ ꦩꦲꦴꦮꦷꦫꦺꦴ, ꦄꦤꦴꦮꦫꦟꦢꦱ꧀ꦱꦤꦺꦴ;

ꦆꦩꦁ ꦮꦴꦏ꧀ꦪꦁ ꦈꦢꦷꦫꦺꦱꦶ, ꦥꦫꦶꦱꦴꦪ ꦩꦲꦴꦩꦸꦤꦶ.

꧔꧐. ‘‘‘ꦥꦱ꧀ꦱꦡꦺꦠꦁ ꦩꦴꦟꦮꦏꦁ, ꦥꦷꦠꦩꦛ꧀ꦜꦤꦶꦮꦴꦱꦤꦁ;

ꦲꦺꦩꦪꦚ꧀ꦚꦺꦴꦥꦕꦶꦠꦔ꧀ꦒꦁ [ꦲꦺꦩꦪꦚ꧀ꦚꦺꦴꦥꦮꦷꦠꦔ꧀ꦒꦁ (ꦱꦷ.)], ꦗꦤꦤꦺꦠ꧀ꦠꦩꦤꦺꦴꦲꦫꦁ.

꧔꧑. ‘‘‘ꦌꦱꦺꦴ ꦄꦤꦴꦒꦠꦢ꧀ꦣꦴꦤꦺ, ꦒꦺꦴꦠꦩꦱ꧀ꦱ ꦩꦲꦺꦱꦶꦤꦺꦴ;

ꦄꦒ꧀ꦒꦺꦴ ꦱꦢ꧀ꦣꦴꦣꦶꦩꦸꦠ꧀ꦠꦴꦤꦁ, ꦱꦴꦮꦏꦺꦴꦪꦁ ꦨꦮꦶꦱ꧀ꦱꦠꦶ.

꧔꧒. ‘‘‘ꦢꦺꦮꦨꦹꦠꦺꦴ ꦩꦤꦸꦱ꧀ꦱꦺꦴ ꦮꦴ, ꦱꦧ꧀ꦧꦱꦤ꧀ꦠꦴꦥꦮꦗ꧀ꦗꦶꦠꦺꦴ;

ꦱꦧ꧀ꦧꦨꦺꦴꦒꦥꦫꦶꦧ꧀ꦪꦹꦭ꦳꧀ꦲꦺꦴ, ꦱꦸꦑꦶꦠꦺꦴ ꦱꦁꦱꦫꦶꦱ꧀ꦱꦠꦶ.

꧔꧓. ‘‘‘ꦱꦠꦱꦲꦱ꧀ꦱꦶꦠꦺꦴ ꦏꦥ꧀ꦥꦺ, ꦎꦏ꧀ꦏꦴꦏꦏꦸꦭꦱꦩ꧀ꦨꦮꦺꦴ;

ꦒꦺꦴꦠꦩꦺꦴ ꦤꦴꦩ ꦒꦺꦴꦠ꧀ꦠꦺꦤ, ꦱꦠ꧀ꦡꦴ ꦭꦺꦴꦏꦺ ꦨꦮꦶꦱ꧀ꦱꦠꦶ.

꧔꧔. ‘‘‘ꦠꦱ꧀ꦱ ꦣꦩ꧀ꦩꦺꦱꦸ ꦢꦴꦪꦴꦢꦺꦴ, ꦎꦫꦱꦺꦴ ꦣꦩ꧀ꦩꦤꦶꦩ꧀ꦩꦶꦠꦺꦴ;

ꦮꦏ꧀ꦏꦭꦶ ꦤꦴꦩ ꦤꦴꦩꦺꦤ, ꦲꦺꦱ꧀ꦱꦠꦶ ꦱꦠ꧀ꦡꦸ ꦱꦴꦮꦏꦺꦴ’.

꧔꧕. ‘‘ꦠꦺꦤ ꦏꦩ꧀ꦩꦮꦶꦱꦺꦱꦺꦤ, ꦕꦺꦠꦤꦴꦥꦟꦶꦣꦷꦲꦶ ꦕ;

ꦗꦲꦶꦠ꧀ꦮꦴ ꦩꦴꦤꦸꦱꦁ ꦢꦺꦲꦁ, ꦠꦴꦮꦠꦶꦁꦱꦩꦒꦕ꧀ꦖꦲꦁ.

꧔꧖. ‘‘ꦱꦧ꧀ꦧꦠ꧀ꦡ ꦱꦸꦑꦶꦠꦺꦴ ꦲꦸꦠ꧀ꦮꦴ, ꦱꦁꦱꦫꦤ꧀ꦠꦺꦴ ꦨꦮꦴꦨꦮꦺ;

ꦱꦴꦮꦠ꧀ꦡꦶꦪꦁ ꦥꦸꦫꦺ ꦗꦴꦠꦺꦴ, ꦏꦸꦭꦺ ꦄꦚ꧀ꦚꦠꦫꦺ ꦄꦲꦁ.

꧔꧗. ‘‘ꦤꦺꦴꦤꦷꦠꦱꦸꦑꦸꦩꦴꦭꦁ ꦩꦁ, ꦗꦴꦠꦥꦭ꧀ꦭꦮꦏꦺꦴꦩꦭꦁ;

ꦩꦤ꧀ꦢꦁ ꦈꦠ꧀ꦠꦴꦤꦱꦪꦤꦁ, ꦥꦶꦱꦴꦕꦨꦪꦠꦗ꧀ꦗꦶꦠꦴ.

꧔꧘. ‘‘ꦥꦴꦢꦩꦹꦭꦺ ꦩꦲꦺꦱꦶꦱ꧀ꦱ, ꦱꦴꦪꦺꦱꦸꦁ ꦢꦷꦤꦩꦴꦤꦱꦴ;

ꦆꦩꦁ ꦢꦢꦴꦩ ꦠꦺ ꦤꦴꦡ, ꦱꦫꦟꦁ ꦲꦺꦴꦲꦶ ꦤꦴꦪꦏ.

꧔꧙. ‘‘ꦠꦢꦴ ꦥꦛꦶꦒ꧀ꦒꦲꦶ ꦱꦺꦴ ꦩꦁ, ꦨꦷꦠꦴꦤꦁ ꦱꦫꦟꦺꦴ ꦩꦸꦤꦶ;

ꦗꦴꦭꦶꦤꦴ ꦕꦏ꧀ꦏꦔ꧀ꦏꦶꦠꦺꦤ [ꦱꦔ꧀ꦏꦭꦔ꧀ꦏꦺꦤ (ꦱꦷ.)], ꦩꦸꦢꦸꦏꦺꦴꦩꦭꦥꦴꦟꦶꦤꦴ.

꧕꧐. ‘‘ꦠꦢꦴ ꦥꦨꦸꦠꦶ ꦠꦺꦤꦴꦲꦁ, ꦄꦫꦏ꧀ꦑꦺꦪ꧀ꦪꦺꦤ ꦫꦏ꧀ꦑꦶꦠꦺꦴ;

ꦱꦧ꧀ꦧꦮꦺꦫꦮꦶꦤꦶꦩꦸꦠ꧀ꦠꦺꦴ [ꦱꦧ꧀ꦧꦧ꧀ꦪꦴꦣꦶꦮꦶꦤꦶꦩꦸꦠ꧀ꦠꦺꦴ (ꦱ꧀ꦪꦴ.), ꦱꦧ꧀ꦧꦹꦥꦣꦶꦮꦶꦤꦶꦩꦸꦠ꧀ꦠꦺꦴ (ꦥꦷ.)], ꦱꦸꦑꦺꦤ ꦥꦫꦶꦮꦸꦢ꧀ꦣꦶꦠꦺꦴ.

꧕꧑. ‘‘ꦱꦸꦒꦠꦺꦤ ꦮꦶꦤꦴ ꦨꦹꦠꦺꦴ, ꦈꦏ꧀ꦏꦟ꧀ꦜꦴꦩꦶ ꦩꦸꦲꦸꦠ꧀ꦠꦏꦁ;

ꦗꦴꦠꦶꦪꦴ ꦱꦠ꧀ꦠꦮꦱ꧀ꦱꦺꦴꦲꦁ, ꦥꦧ꧀ꦧꦗꦶꦁ ꦄꦤꦒꦴꦫꦶꦪꦁ.

꧕꧒. ‘‘ꦱꦧ꧀ꦧꦥꦴꦫꦩꦶꦱꦩ꧀ꦨꦹꦠꦁ, ꦤꦷꦭꦏ꧀ꦑꦶꦤꦪꦤꦁ [ꦭꦔ꧀ꦏꦶꦤꦷꦭꦪꦤꦁ (ꦱꦷ.)] ꦮꦫꦁ;

ꦫꦹꦥꦁ ꦱꦧ꧀ꦧꦱꦸꦨꦴꦏꦶꦟ꧀ꦟꦁ, ꦄꦠꦶꦠ꧀ꦠꦺꦴ ꦮꦶꦲꦫꦴꦩꦲꦁ [ꦮꦶꦲꦪꦴꦩꦲꦁ (ꦱꦷ. ꦥꦷ.)].

꧕꧓. ‘‘ꦧꦸꦢ꧀ꦣꦫꦹꦥꦫꦠꦶꦁ [ꦧꦸꦢ꧀ꦣꦺꦴ ꦫꦹꦥꦫꦠꦶꦁ (ꦱꦷ.)] ꦚꦠ꧀ꦮꦴ, ꦠꦢꦴ ꦎꦮꦢꦶ ꦩꦁ ꦗꦶꦤꦺꦴ;

‘ꦄꦭꦁ ꦮꦏ꧀ꦏꦭꦶ ꦏꦶꦁ ꦫꦹꦥꦺ, ꦫꦩꦱꦺ ꦧꦴꦭꦤꦤ꧀ꦢꦶꦠꦺ.

꧕꧔. ‘‘‘ꦪꦺꦴ ꦲꦶ ꦥꦱ꧀ꦱꦠꦶ ꦱꦢ꧀ꦣꦩ꧀ꦩꦁ, ꦱꦺꦴ ꦩꦁ ꦥꦱ꧀ꦱꦠꦶ ꦥꦟ꧀ꦝꦶꦠꦺꦴ;

ꦄꦥꦱ꧀ꦱꦩꦴꦤꦺꦴ ꦱꦢ꧀ꦣꦩ꧀ꦩꦁ, ꦩꦁ ꦥꦱ꧀ꦱꦩ꧀ꦥꦶ ꦤ ꦥꦱ꧀ꦱꦠꦶ.

꧕꧕. ‘‘‘ꦄꦤꦤ꧀ꦠꦴꦢꦷꦤꦮꦺꦴ ꦏꦴꦪꦺꦴ, ꦮꦶꦱꦫꦸꦏ꧀ꦑꦱꦩꦹꦥꦩꦺꦴ;

ꦄꦴꦮꦴꦱꦺꦴ ꦱꦧ꧀ꦧꦫꦺꦴꦒꦴꦤꦁ, ꦥꦸꦚ꧀ꦗꦺꦴ ꦢꦸꦏ꧀ꦑꦱ꧀ꦱ ꦏꦺꦮꦭꦺꦴ.

꧕꧖. ‘‘‘ꦤꦶꦧ꧀ꦧꦶꦤ꧀ꦢꦶꦪ ꦠꦠꦺꦴ ꦫꦹꦥꦺ, ꦑꦤ꧀ꦣꦴꦤꦁ ꦈꦢꦪꦧ꧀ꦧꦪꦁ;

ꦥꦱ꧀ꦱ ꦈꦥꦏ꧀ꦏꦶꦭꦺꦱꦴꦤꦁ, ꦱꦸꦑꦺꦤꦤ꧀ꦠꦁ ꦒꦩꦶꦱ꧀ꦱꦠꦶ’.

꧕꧗. ‘‘ꦌꦮꦁ ꦠꦺꦤꦴꦤꦸꦱꦶꦛ꧀ꦜꦺꦴꦲꦁ, ꦤꦴꦪꦏꦺꦤ ꦲꦶꦠꦺꦱꦶꦤꦴ;

ꦒꦶꦗ꧀ꦙꦏꦹꦛꦁ ꦱꦩꦴꦫꦸꦪ꧀ꦲ, ꦙꦴꦪꦴꦩꦶ ꦒꦶꦫꦶꦏꦤ꧀ꦢꦫꦺ.

꧕꧘. ‘‘ꦜꦶꦠꦺꦴ ꦥꦧ꧀ꦧꦠꦥꦴꦢꦩ꧀ꦲꦶ, ꦄꦱ꧀ꦱꦴꦱꦪꦶ [ꦩꦩꦴꦲꦱꦺꦴ (ꦱꦷ.)] ꦩꦲꦴꦩꦸꦤꦶ;

ꦮꦏ꧀ꦏꦭꦷꦠꦶ ꦗꦶꦤꦺꦴ ꦮꦴꦕꦁ, ꦠꦁ ꦱꦸꦠ꧀ꦮꦴ ꦩꦸꦢꦶꦠꦺꦴ ꦄꦲꦁ.

꧕꧙. ‘‘ꦥꦏ꧀ꦑꦤ꧀ꦢꦶꦁ ꦱꦺꦭꦥꦧ꧀ꦨꦴꦫꦺ, ꦄꦤꦺꦏꦱꦠꦥꦺꦴꦫꦶꦱꦺ;

ꦠꦢꦴ ꦧꦸꦢ꧀ꦣꦴꦤꦸꦨꦴꦮꦺꦤ, ꦱꦸꦑꦺꦤꦺꦮ ꦩꦲꦶꦁ ꦒꦠꦺꦴ.

꧖꧐. ‘‘ꦥꦸꦤꦺꦴꦥꦶ [ꦥꦸꦤꦴꦥꦶ (ꦱ꧀ꦪꦴ.), ꦩꦸꦤꦶ ꦩꦁ (ꦏ.)] ꦣꦩ꧀ꦩꦁ ꦢꦺꦱꦺꦠꦶ, ꦑꦤ꧀ꦣꦴꦤꦁ ꦈꦢꦪꦧ꧀ꦧꦪꦁ;

ꦠꦩꦲꦁ ꦣꦩ꧀ꦩꦩꦚ꧀ꦚꦴꦪ, ꦄꦫꦲꦠ꧀ꦠꦩꦥꦴꦥꦸꦟꦶꦁ.

꧖꧑. ‘‘ꦱꦸꦩꦲꦴꦥꦫꦶꦱꦩꦗ꧀ꦙꦺ, ꦠꦢꦴ ꦩꦁ ꦕꦫꦟꦤ꧀ꦠꦒꦺꦴ;

ꦄꦒ꧀ꦒꦁ ꦱꦢ꧀ꦣꦴꦣꦶꦩꦸꦠ꧀ꦠꦴꦤꦁ, ꦥꦚ꧀ꦚꦥꦺꦱꦶ ꦩꦲꦴꦩꦠꦶ.

꧖꧒. ‘‘ꦱꦠꦱꦲꦱ꧀ꦱꦶꦠꦺꦴ ꦏꦥ꧀ꦥꦺ, ꦪꦁ ꦏꦩ꧀ꦩꦩꦏꦫꦶꦁ ꦠꦢꦴ;

ꦢꦸꦒ꧀ꦒꦠꦶꦁ ꦤꦴꦨꦶꦗꦴꦤꦴꦩꦶ, ꦧꦸꦢ꧀ꦣꦥꦹꦗꦴꦪꦶꦢꦁ ꦦꦭꦁ.

꧖꧓. ‘‘ꦏꦶꦭꦺꦱꦴ ꦙꦴꦥꦶꦠꦴ ꦩꦪ꧀ꦲꦁ…ꦥꦺ… ꦮꦶꦲꦫꦴꦩꦶ ꦄꦤꦴꦱꦮꦺꦴ.

꧖꧔. ‘‘ꦱ꧀ꦮꦴꦒꦠꦁ ꦮꦠ ꦩꦺ ꦄꦴꦱꦶ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ.

꧖꧕. ‘‘ꦥꦛꦶꦱꦩ꧀ꦨꦶꦢꦴ ꦕꦠꦱ꧀ꦱꦺꦴ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ’’.

ꦆꦠ꧀ꦡꦁ ꦱꦸꦢꦁ ꦄꦴꦪꦱ꧀ꦩꦴ ꦮꦏ꧀ꦏꦭꦶꦠ꧀ꦡꦺꦫꦺꦴ ꦆꦩꦴ ꦒꦴꦡꦴꦪꦺꦴ

ꦄꦨꦴꦱꦶꦠ꧀ꦡꦴꦠꦶ.

ꦮꦏ꧀ꦏꦭꦶꦠ꧀ꦡꦺꦫꦱ꧀ꦱꦴꦥꦢꦴꦤꦁ ꦢꦸꦠꦶꦪꦁ.