꧒꧕. ꦠꦸꦮꦫꦢꦴꦪꦏꦮꦒ꧀ꦒꦺꦴ

꧑. ꦠꦸꦮꦫꦢꦴꦪꦏꦠ꧀ꦡꦺꦫꦄꦥꦢꦴꦤꦁ

꧑. ‘‘ꦩꦶꦒꦭꦸꦢ꧀ꦢꦺꦴ ꦥꦸꦫꦺ ꦄꦴꦱꦶꦁ, ꦄꦫꦚ꧀ꦚꦺ ꦏꦴꦤꦤꦺ ꦄꦲꦁ;

ꦨꦫꦶꦠ꧀ꦮꦴ ꦠꦸꦮꦫꦩꦴꦢꦴꦪ [ꦨꦫꦶꦠ꧀ꦮꦴ ꦠꦸꦫꦮꦩꦴꦢꦴꦪ (ꦏ.), ꦨꦗ꧀ꦗꦶꦠꦁ ꦠꦸꦮꦫꦩꦴꦢꦴꦪ (?) ꦌꦠ꧀ꦡ ꦠꦸꦮꦫꦤ꧀ꦠꦶ ꦩꦸꦒ꧀ꦒꦏꦭꦴꦪꦱꦢꦶꦱꦁ ꦠꦸꦮꦫꦛ꧀ꦜꦶꦤ꧀ꦠꦶ ꦠꦢꦛ꧀ꦜꦏꦡꦴ; ꦠꦸꦮꦫꦺꦴ ꦣꦚ꧀ꦚꦨꦺꦢꦺꦠꦶ ꦱꦏ꧀ꦏꦠꦴꦨꦶꦣꦴꦤꦺ], ꦱꦔ꧀ꦓꦱ꧀ꦱ ꦄꦢꦢꦶꦁ ꦄꦲꦁ.

꧒. ‘‘ꦌꦏꦤꦮꦸꦠꦶꦠꦺꦴ ꦏꦥ꧀ꦥꦺ, ꦪꦁ ꦢꦴꦤꦩꦢꦢꦶꦁ ꦠꦢꦴ;

ꦢꦸꦒ꧀ꦒꦠꦶꦁ ꦤꦴꦨꦶꦗꦴꦤꦴꦩꦶ, ꦠꦸꦮꦫꦱ꧀ꦱ ꦆꦢꦁ ꦦꦭꦁ.

꧓. ‘‘ꦥꦛꦶꦱꦩ꧀ꦨꦶꦢꦴ ꦕꦠꦱ꧀ꦱꦺꦴ, ꦮꦶꦩꦺꦴꦏ꧀ꦑꦴꦥꦶ ꦕ ꦄꦛ꧀ꦜꦶꦩꦺ;

ꦖꦭ꦳ꦨꦶꦚ꧀ꦚꦴ ꦱꦕ꧀ꦖꦶꦏꦠꦴ, ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ’’.

ꦆꦠ꧀ꦡꦁ ꦱꦸꦢꦁ ꦄꦴꦪꦱ꧀ꦩꦴ ꦠꦸꦮꦫꦢꦴꦪꦏꦺꦴ ꦡꦺꦫꦺꦴ ꦆꦩꦴ ꦒꦴꦡꦴꦪꦺꦴ ꦄꦨꦴꦱꦶꦠ꧀ꦡꦴꦠꦶ.

ꦠꦸꦮꦫꦢꦴꦪꦏꦠ꧀ꦡꦺꦫꦱ꧀ꦱꦴꦥꦢꦴꦤꦁ ꦥꦜꦩꦁ.

꧒. ꦤꦴꦒꦏꦺꦱꦫꦶꦪꦠ꧀ꦡꦺꦫꦄꦥꦢꦴꦤꦁ

꧔. ‘‘ꦣꦤꦸꦁ ꦄꦢ꧀ꦮꦺꦗ꧀ꦙꦁ ꦏꦠ꧀ꦮꦴꦤ, ꦮꦤꦩꦗ꧀ꦙꦺꦴꦒꦲꦶꦁ ꦄꦲꦁ;

ꦏꦺꦱꦫꦁ ꦎꦒꦠꦁ [ꦎꦱꦫꦁ (ꦱ꧀ꦪꦴ.), ꦎꦱꦛꦁ (ꦱꦷ.)] ꦢꦶꦱ꧀ꦮꦴ, ꦥꦠꦥꦠ꧀ꦠꦁ ꦱꦩꦸꦛ꧀ꦜꦶꦠꦁ.

꧕. ‘‘ꦈꦨꦺꦴ ꦲꦠ꧀ꦡꦺꦲꦶ ꦥꦒ꧀ꦒꦪ꧀ꦲ, ꦱꦶꦫꦺ ꦏꦠ꧀ꦮꦴꦤ ꦄꦚ꧀ꦗꦭꦶꦁ;

ꦧꦸꦢ꧀ꦣꦱ꧀ꦱ ꦄꦨꦶꦫꦺꦴꦥꦺꦱꦶꦁ, ꦠꦶꦱ꧀ꦱꦱ꧀ꦱ ꦭꦺꦴꦏꦧꦤ꧀ꦣꦸꦤꦺꦴ.

꧖. ‘‘ꦢ꧀ꦮꦺꦤꦮꦸꦠꦺ ꦆꦠꦺꦴ ꦏꦥ꧀ꦥꦺ, ꦪꦁ ꦥꦸꦥ꧀ꦦꦩꦨꦶꦥꦹꦗꦪꦶꦁ;

ꦢꦸꦒ꧀ꦒꦠꦶꦁ ꦤꦴꦨꦶꦗꦴꦤꦴꦩꦶ, ꦧꦸꦢ꧀ꦣꦥꦹꦗꦴꦪꦶꦢꦁ ꦦꦭꦁ.

꧗. ‘‘ꦠꦺꦱꦠ꧀ꦠꦠꦶꦩ꧀ꦲꦶ ꦏꦥ꧀ꦥꦩ꧀ꦲꦶ [ꦱꦠ꧀ꦠꦱꦠ꧀ꦠꦠꦶꦩꦺ ꦏꦥ꧀ꦥꦺ (ꦱ꧀ꦪꦴ.)], ꦱꦠ꧀ꦠ ꦏꦺꦱꦫꦤꦴꦩꦏꦴ;

ꦱꦠ꧀ꦠꦫꦠꦤꦱꦩ꧀ꦥꦤ꧀ꦤꦴ, ꦕꦏ꧀ꦏꦮꦠ꧀ꦠꦷ ꦩꦲꦧ꧀ꦧꦭꦴ.

꧘. ‘‘ꦥꦛꦶꦱꦩ꧀ꦨꦶꦢꦴ ꦕꦠꦱ꧀ꦱꦺꦴ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ’’.

ꦆꦠ꧀ꦡꦁ ꦱꦸꦢꦁ ꦄꦴꦪꦱ꧀ꦩꦴ ꦤꦴꦒꦏꦺꦱꦫꦶꦪꦺꦴ ꦡꦺꦫꦺꦴ ꦆꦩꦴ ꦒꦴꦡꦴꦪꦺꦴ ꦄꦨꦴꦱꦶꦠ꧀ꦡꦴꦠꦶ.

ꦤꦴꦒꦏꦺꦱꦫꦶꦪꦠ꧀ꦡꦺꦫꦱ꧀ꦱꦴꦥꦢꦴꦤꦁ ꦢꦸꦠꦶꦪꦁ.

꧓. ꦤꦭ꦳ꦶꦤꦏꦺꦱꦫꦶꦪꦠ꧀ꦡꦺꦫꦄꦥꦢꦴꦤꦁ

꧙. ‘‘ꦗꦴꦠꦱ꧀ꦱꦫꦱ꧀ꦱ ꦮꦺꦩꦗ꧀ꦙꦺ, ꦮꦱꦴꦩꦶ ꦗꦭꦏꦸꦏ꧀ꦏꦸꦛꦺꦴ;

ꦄꦢ꧀ꦢꦱꦴꦲꦁ [ꦄꦡꦢ꧀ꦢꦱꦁ (ꦱꦷ. ꦱ꧀ꦪꦴ.)] ꦢꦺꦮꦢꦺꦮꦁ, ꦒꦕ꧀ꦖꦤ꧀ꦠꦁ ꦄꦤꦶꦭꦚ꧀ꦗꦱꦺ.

꧑꧐. ‘‘ꦠꦸꦟ꧀ꦝꦺꦤ ꦏꦺꦱꦫꦶꦁ [ꦏꦺꦱꦫꦁ (ꦱ꧀ꦪꦴ.)] ꦒꦪ꧀ꦲ, ꦮꦶꦥ꧀ꦥꦱꦤ꧀ꦤꦺꦤ ꦕꦺꦠꦱꦴ;

ꦧꦸꦢ꧀ꦣꦱ꧀ꦱ ꦄꦨꦶꦫꦺꦴꦥꦺꦱꦶꦁ, ꦠꦶꦱ꧀ꦱꦱ꧀ꦱ ꦭꦺꦴꦏꦧꦤ꧀ꦣꦸꦤꦺꦴ.

꧑꧑. ‘‘ꦢ꧀ꦮꦺꦤꦮꦸꦠꦺ ꦆꦠꦺꦴ ꦏꦥ꧀ꦥꦺ, ꦪꦁ ꦥꦸꦥ꧀ꦦꦩꦨꦶꦥꦹꦗꦪꦶꦁ;

ꦢꦸꦒ꧀ꦒꦠꦶꦁ ꦤꦴꦨꦶꦗꦴꦤꦴꦩꦶ, ꦧꦸꦢ꧀ꦣꦥꦹꦗꦴꦪꦶꦢꦁ ꦦꦭꦁ.

꧑꧒. ‘‘ꦠꦺꦱꦠ꧀ꦠꦠꦶꦩ꧀ꦲꦶ ꦏꦥ꧀ꦥꦩ꧀ꦲꦶ, ꦱꦠ꧀ꦠ ꦏꦺꦱꦫꦤꦴꦩꦏꦴ [ꦱꦠꦥꦠ꧀ꦠꦱꦤꦴꦩꦏꦺꦴ (ꦱꦷ. ꦱ꧀ꦪꦴ.)];

ꦱꦠ꧀ꦠꦫꦠꦤꦱꦩ꧀ꦥꦤ꧀ꦤꦴ, ꦕꦏ꧀ꦏꦮꦠ꧀ꦠꦷ ꦩꦲꦧ꧀ꦧꦭꦴ.

꧑꧓. ‘‘ꦥꦛꦶꦱꦩ꧀ꦨꦶꦢꦴ ꦕꦠꦱ꧀ꦱꦺꦴ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ’’.

ꦆꦠ꧀ꦡꦁ ꦱꦸꦢꦁ ꦄꦴꦪꦱ꧀ꦩꦴ ꦤꦭ꦳ꦶꦤꦏꦺꦱꦫꦶꦪꦺꦴ ꦡꦺꦫꦺꦴ ꦆꦩꦴ ꦒꦴꦡꦴꦪꦺꦴ ꦄꦨꦴꦱꦶꦠ꧀ꦡꦴꦠꦶ.

ꦤꦭ꦳ꦶꦤꦏꦺꦱꦫꦶꦪꦠ꧀ꦡꦺꦫꦱ꧀ꦱꦴꦥꦢꦴꦤꦁ ꦠꦠꦶꦪꦁ.

꧔. ꦮꦶꦫꦮꦥꦸꦥ꧀ꦦꦶꦪꦠ꧀ꦡꦺꦫꦄꦥꦢꦴꦤꦁ

꧑꧔. ‘‘ꦑꦷꦟꦴꦱꦮꦱꦲꦱ꧀ꦱꦺꦲꦶ, ꦤꦶꦪ꧀ꦪꦴꦠꦶ ꦭꦺꦴꦏꦤꦴꦪꦏꦺꦴ;

ꦮꦶꦫꦮꦥꦸꦥ꧀ꦦꦩꦴꦢꦴꦪ [ꦮꦶꦫꦮꦶꦥꦸꦥ꧀ꦦꦁ ꦥꦒ꧀ꦒꦪ꧀ꦲ (ꦱꦷ.)], ꦧꦸꦢ꧀ꦣꦱ꧀ꦱ ꦄꦨꦶꦫꦺꦴꦥꦪꦶꦁ.

꧑꧕. ‘‘ꦌꦏꦤꦮꦸꦠꦶꦠꦺꦴ ꦏꦥ꧀ꦥꦺ, ꦪꦁ ꦥꦸꦥ꧀ꦦꦩꦨꦶꦥꦹꦗꦪꦶꦁ;

ꦢꦸꦒ꧀ꦒꦠꦶꦁ ꦤꦴꦨꦶꦗꦴꦤꦴꦩꦶ, ꦧꦸꦢ꧀ꦣꦥꦹꦗꦴꦪꦶꦢꦁ ꦦꦭꦁ.

꧑꧖. ‘‘ꦥꦛꦶꦱꦩ꧀ꦨꦶꦢꦴ ꦕꦠꦱ꧀ꦱꦺꦴ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ’’.

ꦆꦠ꧀ꦡꦁ ꦱꦸꦢꦁ ꦄꦴꦪꦱ꧀ꦩꦴ ꦮꦶꦫꦮꦥꦸꦥ꧀ꦦꦶꦪꦺꦴ ꦡꦺꦫꦺꦴ ꦆꦩꦴ ꦒꦴꦡꦴꦪꦺꦴ ꦄꦨꦴꦱꦶꦠ꧀ꦡꦴꦠꦶ.

ꦮꦶꦫꦮꦥꦸꦥ꧀ꦦꦶꦪꦠ꧀ꦡꦺꦫꦱ꧀ꦱꦴꦥꦢꦴꦤꦁ ꦕꦠꦸꦠ꧀ꦡꦁ.

꧕. ꦏꦸꦛꦶꦣꦹꦥꦏꦠ꧀ꦡꦺꦫꦄꦥꦢꦴꦤꦁ

꧑꧗. ‘‘ꦱꦶꦢ꧀ꦣꦠ꧀ꦡꦱ꧀ꦱ ꦨꦒꦮꦠꦺꦴ, ꦄꦲꦺꦴꦱꦶꦁ ꦏꦸꦛꦶꦒꦺꦴꦥꦏꦺꦴ;

ꦏꦴꦭꦺꦤ ꦏꦴꦭꦁ ꦣꦹꦥꦺꦱꦶꦁ, ꦥꦱꦤ꧀ꦤꦺꦴ ꦱꦺꦲꦶ ꦥꦴꦟꦶꦨꦶ.

꧑꧘. ‘‘ꦕꦠꦸꦤ꧀ꦤꦮꦸꦠꦶꦠꦺꦴ ꦏꦥ꧀ꦥꦺ, ꦪꦁ ꦏꦩ꧀ꦩꦩꦏꦫꦶꦁ ꦠꦢꦴ;

ꦢꦸꦒ꧀ꦒꦠꦶꦁ ꦤꦴꦨꦶꦗꦴꦤꦴꦩꦶ, ꦣꦹꦥꦢꦴꦤꦱ꧀ꦱꦶꦢꦁ [ꦧꦸꦢ꧀ꦣꦥꦹꦗꦴꦪꦶꦢꦁ (ꦱꦷ.)] ꦦꦭꦁ.

꧑꧙. ‘‘ꦥꦛꦶꦱꦩ꧀ꦨꦶꦢꦴ ꦕꦠꦱ꧀ꦱꦺꦴ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ’’.

ꦆꦠ꧀ꦡꦁ ꦱꦸꦢꦁ ꦄꦴꦪꦱ꧀ꦩꦴ ꦏꦸꦛꦶꦣꦹꦥꦏꦺꦴ ꦡꦺꦫꦺꦴ ꦆꦩꦴ ꦒꦴꦡꦴꦪꦺꦴ ꦄꦨꦴꦱꦶꦠ꧀ꦡꦴꦠꦶ.

ꦏꦸꦛꦶꦣꦹꦥꦏꦠ꧀ꦡꦺꦫꦱ꧀ꦱꦴꦥꦢꦴꦤꦁ ꦥꦚ꧀ꦕꦩꦁ.

꧖. ꦥꦠ꧀ꦠꦢꦴꦪꦏꦠ꧀ꦡꦺꦫꦄꦥꦢꦴꦤꦁ

꧒꧐. ‘‘ꦥꦫꦩꦺꦤ ꦢꦩꦡꦺꦤ, ꦱꦶꦢ꧀ꦣꦠ꧀ꦡꦱ꧀ꦱ ꦩꦲꦺꦱꦶꦤꦺꦴ;

ꦥꦠ꧀ꦠꦢꦴꦤꦁ ꦩꦪꦴ ꦢꦶꦤ꧀ꦤꦁ, ꦈꦗꦸꦨꦹꦠꦱ꧀ꦱ ꦠꦴꦢꦶꦤꦺꦴ.

꧒꧑. ‘‘ꦕꦠꦸꦤ꧀ꦤꦮꦸꦠꦶꦠꦺꦴ ꦏꦥ꧀ꦥꦺ, ꦪꦁ ꦢꦴꦤꦩꦢꦢꦶꦁ ꦠꦢꦴ;

ꦢꦸꦒ꧀ꦒꦠꦶꦁ ꦤꦴꦨꦶꦗꦴꦤꦴꦩꦶ, ꦥꦠ꧀ꦠꦢꦴꦤꦱ꧀ꦱꦶꦢꦁ ꦦꦭꦁ.

꧒꧒. ‘‘ꦥꦛꦶꦱꦩ꧀ꦨꦶꦢꦴ ꦕꦠꦱ꧀ꦱꦺꦴ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ’’.

ꦆꦠ꧀ꦡꦁ ꦱꦸꦢꦁ ꦄꦴꦪꦱ꧀ꦩꦴ ꦥꦠ꧀ꦠꦢꦴꦪꦏꦺꦴ ꦡꦺꦫꦺꦴ ꦆꦩꦴ ꦒꦴꦡꦴꦪꦺꦴ ꦄꦨꦴꦱꦶꦠ꧀ꦡꦴꦠꦶ.

ꦥꦠ꧀ꦠꦢꦴꦪꦏꦠ꧀ꦡꦺꦫꦱ꧀ꦱꦴꦥꦢꦴꦤꦁ ꦖꦛ꧀ꦜꦁ.

꧗. ꦣꦴꦠꦸꦥꦹꦗꦏꦠ꧀ꦡꦺꦫꦄꦥꦢꦴꦤꦁ

꧒꧓. ‘‘ꦤꦶꦧ꧀ꦧꦸꦠꦺ ꦭꦺꦴꦏꦤꦴꦡꦩ꧀ꦲꦶ, ꦱꦶꦢ꧀ꦣꦠ꧀ꦡꦩ꧀ꦲꦶ ꦤꦫꦸꦠ꧀ꦠꦩꦺ;

ꦌꦏꦴ ꦣꦴꦠꦸ ꦩꦪꦴ ꦭꦢ꧀ꦣꦴ, ꦢ꧀ꦮꦶꦥꦢꦶꦤ꧀ꦢꦱ꧀ꦱ ꦠꦴꦢꦶꦤꦺꦴ.

꧒꧔. ‘‘ꦠꦴꦲꦁ ꦣꦴꦠꦸꦁ ꦒꦲꦺꦠ꧀ꦮꦴꦤ, ꦧꦸꦢ꧀ꦣꦱ꧀ꦱꦴꦢꦶꦕ꧀ꦕꦧꦤ꧀ꦣꦸꦤꦺꦴ;

ꦥꦚ꧀ꦕꦮꦱ꧀ꦱꦺ ꦥꦫꦶꦕꦫꦶꦁ, ꦠꦶꦛ꧀ꦜꦤ꧀ꦠꦁꦮ ꦤꦫꦸꦠ꧀ꦠꦩꦁ.

꧒꧕. ‘‘ꦕꦠꦸꦤ꧀ꦤꦮꦸꦠꦶꦠꦺꦴ ꦏꦥ꧀ꦥꦺ, ꦪꦁ ꦣꦴꦠꦸꦁ ꦥꦹꦗꦪꦶꦁ ꦠꦢꦴ;

ꦢꦸꦒ꧀ꦒꦠꦶꦁ ꦤꦴꦨꦶꦗꦴꦤꦴꦩꦶ, ꦣꦴꦠꦸꦥꦛ꧀ꦜꦲꦤꦺ ꦦꦭꦁ.

꧒꧖. ‘‘ꦥꦛꦶꦱꦩ꧀ꦨꦶꦢꦴ ꦕꦠꦱ꧀ꦱꦺꦴ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ’’.

ꦆꦠ꧀ꦡꦁ ꦱꦸꦢꦁ ꦄꦴꦪꦱ꧀ꦩꦴ ꦣꦴꦠꦸꦥꦹꦗꦏꦺꦴ ꦡꦺꦫꦺꦴ ꦆꦩꦴ ꦒꦴꦡꦴꦪꦺꦴ ꦄꦨꦴꦱꦶꦠ꧀ꦡꦴꦠꦶ.

ꦣꦴꦠꦸꦥꦹꦗꦏꦠ꧀ꦡꦺꦫꦱ꧀ꦱꦴꦥꦢꦴꦤꦁ ꦱꦠ꧀ꦠꦩꦁ.

꧘. ꦱꦠ꧀ꦠꦭꦶꦥꦸꦥ꧀ꦦꦥꦹꦗꦏꦠ꧀ꦡꦺꦫꦄꦥꦢꦴꦤꦁ

꧒꧗. ‘‘ꦱꦠ꧀ꦠ ꦱꦠ꧀ꦠꦭꦶꦥꦸꦥ꧀ꦦꦴꦤꦶ, ꦱꦷꦱꦺ ꦏꦠ꧀ꦮꦴꦤꦲꦁ ꦠꦢꦴ;

ꦧꦸꦢ꧀ꦣꦱ꧀ꦱ ꦄꦨꦶꦫꦺꦴꦥꦺꦱꦶꦁ, ꦮꦺꦱ꧀ꦱꦨꦸꦩ꧀ꦲꦶ ꦤꦫꦸꦠ꧀ꦠꦩꦺ [ꦮꦶꦨꦠ꧀ꦠꦶꦮꦶꦥꦭ꧀ꦭꦴꦱꦺꦴ ꦕꦶꦤ꧀ꦠꦺꦠꦧ꧀ꦧꦺꦴ].

꧒꧘. ‘‘ꦌꦏꦠ꧀ꦠꦶꦁꦱꦺ ꦆꦠꦺꦴ ꦏꦥ꧀ꦥꦺ, ꦪꦁ ꦥꦸꦥ꧀ꦦꦩꦨꦶꦥꦹꦗꦪꦶꦁ;

ꦢꦸꦒ꧀ꦒꦠꦶꦁ ꦤꦴꦨꦶꦗꦴꦤꦴꦩꦶ, ꦧꦸꦢ꧀ꦣꦥꦹꦗꦴꦪꦶꦢꦁ ꦦꦭꦁ.

꧒꧙. ‘‘ꦥꦛꦶꦱꦩ꧀ꦨꦶꦢꦴ ꦕꦠꦱ꧀ꦱꦺꦴ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ’’.

ꦆꦠ꧀ꦡꦁ ꦱꦸꦢꦁ ꦄꦴꦪꦱ꧀ꦩꦴ ꦱꦠ꧀ꦠꦭꦶꦥꦸꦥ꧀ꦦꦥꦹꦗꦏꦺꦴ ꦡꦺꦫꦺꦴ ꦆꦩꦴ ꦒꦴꦡꦴꦪꦺꦴ ꦄꦨꦴꦱꦶꦠ꧀ꦡꦴꦠꦶ.

ꦱꦠ꧀ꦠꦭꦶꦥꦸꦥ꧀ꦦꦥꦹꦗꦏꦠ꧀ꦡꦺꦫꦱ꧀ꦱꦴꦥꦢꦴꦤꦁ ꦄꦛ꧀ꦜꦩꦁ.

꧙. ꦧꦶꦩ꧀ꦧꦶꦗꦴꦭꦶꦪꦠ꧀ꦡꦺꦫꦄꦥꦢꦴꦤꦁ

꧓꧐. ‘‘ꦥꦢꦸꦩꦸꦠ꧀ꦠꦫꦺꦴ ꦤꦴꦩ ꦗꦶꦤꦺꦴ, ꦱꦪꦩ꧀ꦨꦹ ꦄꦒ꧀ꦒꦥꦸꦒ꧀ꦒꦭꦺꦴ;

ꦕꦠꦸꦱꦕ꧀ꦕꦁ ꦥꦏꦴꦱꦺꦠꦶ, ꦢꦷꦥꦺꦠꦶ ꦄꦩꦠꦁ ꦥꦢꦁ.

꧓꧑. ‘‘ꦧꦶꦩ꧀ꦧꦶꦗꦴꦭꦏꦥꦸꦥ꧀ꦦꦴꦤꦶ [ꦧꦶꦩ꧀ꦧꦗꦴꦭꦏꦥꦸꦥ꧀ꦦꦴꦤꦶ (ꦏ.)], ꦥꦸꦡꦸ ꦏꦠ꧀ꦮꦴꦤꦲꦁ ꦠꦢꦴ;

ꦧꦸꦢ꧀ꦣꦱ꧀ꦱ ꦄꦨꦶꦫꦺꦴꦥꦺꦱꦶꦁ, ꦢ꧀ꦮꦶꦥꦢꦶꦤ꧀ꦢꦱ꧀ꦱ ꦠꦴꦢꦶꦤꦺꦴ.

꧓꧒. ‘‘ꦄꦛ꧀ꦜꦱꦛ꧀ꦜꦶꦩ꧀ꦲꦶꦠꦺꦴ ꦏꦥ꧀ꦥꦺ, ꦕꦠꦸꦫꦺꦴ ꦏꦶꦚ꧀ꦗꦏꦺꦱꦫꦴ;

ꦱꦠ꧀ꦠꦫꦠꦤꦱꦩ꧀ꦥꦤ꧀ꦤꦴ, ꦕꦏ꧀ꦏꦮꦠ꧀ꦠꦷ ꦩꦲꦧ꧀ꦧꦭꦴ.

꧓꧓. ‘‘ꦥꦛꦶꦱꦩ꧀ꦨꦶꦢꦴ ꦕꦠꦱ꧀ꦱꦺꦴ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ’’.

ꦆꦠ꧀ꦡꦁ ꦱꦸꦢꦁ ꦄꦴꦪꦱ꧀ꦩꦴ ꦧꦶꦩ꧀ꦧꦶꦗꦴꦭꦶꦪꦺꦴ ꦡꦺꦫꦺꦴ ꦆꦩꦴ ꦒꦴꦡꦴꦪꦺꦴ ꦄꦨꦴꦱꦶꦠ꧀ꦡꦴꦠꦶ.

ꦧꦶꦩ꧀ꦧꦶꦗꦴꦭꦶꦪꦠ꧀ꦡꦺꦫꦱ꧀ꦱꦴꦥꦢꦴꦤꦁ ꦤꦮꦩꦁ.

꧑꧐. ꦈꦢ꧀ꦢꦴꦭꦏꦢꦴꦪꦏꦠ꧀ꦡꦺꦫꦄꦥꦢꦴꦤꦁ

꧓꧔. ‘‘ꦏꦏꦸꦣꦺꦴ ꦤꦴꦩ ꦤꦴꦩꦺꦤ, ꦱꦪꦩ꧀ꦨꦹ ꦄꦥꦫꦴꦗꦶꦠꦺꦴ;

ꦥꦮꦤꦴ ꦤꦶꦏ꧀ꦑꦩꦶꦠ꧀ꦮꦴꦤ, ꦄꦤꦸꦥ꧀ꦥꦠ꧀ꦠꦺꦴ ꦩꦲꦴꦤꦢꦶꦁ.

꧓꧕. ‘‘ꦈꦢ꧀ꦢꦴꦭꦏꦁ ꦒꦲꦺꦠ꧀ꦮꦴꦤ, ꦱꦪꦩ꧀ꦨꦸꦱ꧀ꦱ ꦄꦢꦴꦱꦲꦁ;

ꦱꦁꦪꦠꦱ꧀ꦱꦸꦗꦸꦨꦹꦠꦱ꧀ꦱ, ꦥꦱꦤ꧀ꦤꦩꦴꦤꦱꦺꦴ ꦄꦲꦁ.

꧓꧖. ‘‘ꦌꦏꦠ꧀ꦠꦶꦁꦱꦺ ꦆꦠꦺꦴ ꦏꦥ꧀ꦥꦺ, ꦪꦁ ꦥꦸꦥ꧀ꦦꦩꦨꦶꦥꦹꦗꦪꦶꦁ;

ꦢꦸꦒ꧀ꦒꦠꦶꦁ ꦤꦴꦨꦶꦗꦴꦤꦴꦩꦶ, ꦥꦸꦥ꧀ꦦꦢꦴꦤꦱ꧀ꦱꦶꦢꦁ ꦦꦭꦁ.

꧓꧗. ‘‘ꦥꦛꦶꦱꦩ꧀ꦨꦶꦢꦴ ꦕꦠꦱ꧀ꦱꦺꦴ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ’’.

ꦆꦠ꧀ꦡꦁ ꦱꦸꦢꦁ ꦄꦴꦪꦱ꧀ꦩꦴ ꦈꦢ꧀ꦢꦴꦭꦏꦢꦴꦪꦏꦺꦴ ꦡꦺꦫꦺꦴ ꦆꦩꦴ ꦒꦴꦡꦴꦪꦺꦴ ꦄꦨꦴꦱꦶꦠ꧀ꦡꦴꦠꦶ.

ꦈꦢ꧀ꦢꦴꦭꦏꦢꦴꦪꦏꦠ꧀ꦡꦺꦫꦱ꧀ꦱꦴꦥꦢꦴꦤꦁ ꦢꦱꦩꦁ.

ꦠꦸꦮꦫꦢꦴꦪꦏꦮꦒ꧀ꦒꦺꦴ ꦥꦚ꧀ꦕꦮꦷꦱꦠꦶꦩꦺꦴ.