꧑. ꦲꦠ꧀ꦡꦶꦢꦴꦪꦏꦠ꧀ꦡꦺꦫꦄꦥꦢꦴꦤꦁ

꧑. ‘‘ꦱꦶꦢ꧀ꦣꦠ꧀ꦡꦱ꧀ꦱ ꦨꦒꦮꦠꦺꦴ, ꦢ꧀ꦮꦶꦥꦢꦶꦤ꧀ꦢꦱ꧀ꦱ ꦠꦴꦢꦶꦤꦺꦴ;

ꦤꦴꦒꦱꦺꦛ꧀ꦜꦺꦴ ꦩꦪꦴ ꦢꦶꦤ꧀ꦤꦺꦴ, ꦇꦱꦴꦢꦤ꧀ꦠꦺꦴ ꦈꦫꦹꦭ꦳꧀ꦲꦮꦴ.

꧒. ‘‘ꦈꦠ꧀ꦠꦩꦠ꧀ꦡꦁ ꦄꦤꦸꦨꦺꦴꦩꦶ, ꦱꦤ꧀ꦠꦶꦥꦢꦩꦤꦸꦠ꧀ꦠꦫꦁ;

ꦤꦴꦒꦢꦴꦤꦁ [ꦄꦒ꧀ꦒꦢꦴꦤꦁ (ꦱꦷ. ꦏ.)] ꦩꦪꦴ ꦢꦶꦤ꧀ꦤꦁ, ꦱꦧ꧀ꦧꦭꦺꦴꦏꦲꦶꦠꦺꦱꦶꦤꦺꦴ.

꧓. ‘‘ꦕꦠꦸꦤ꧀ꦤꦮꦸꦠꦶꦠꦺꦴ ꦏꦥ꧀ꦥꦺ, ꦪꦁ ꦤꦴꦒ [ꦢꦴꦤ (ꦱꦷ. ꦏ.)] ꦩꦢꦢꦶꦁ ꦠꦢꦴ;

ꦢꦸꦒ꧀ꦒꦠꦶꦁ ꦤꦴꦨꦶꦗꦴꦤꦴꦩꦶ, ꦤꦴꦒꦢꦴꦤꦱ꧀ꦱꦶꦢꦁ ꦦꦭꦁ.

꧔. ‘‘ꦄꦛ꧀ꦜꦱꦠ꧀ꦠꦠꦶꦏꦥ꧀ꦥꦩ꧀ꦲꦶ, ꦱꦺꦴꦭ꦳ꦱꦴꦱꦶꦁꦱꦸ ꦑꦠ꧀ꦠꦶꦪꦴ;

ꦱꦩꦤ꧀ꦠꦥꦴꦱꦴꦢꦶꦏꦴ ꦤꦴꦩ, ꦕꦏ꧀ꦏꦮꦠ꧀ꦠꦷ ꦩꦲꦧ꧀ꦧꦭꦴ.

꧕. ‘‘ꦥꦛꦶꦱꦩ꧀ꦨꦶꦢꦴ ꦕꦠꦱ꧀ꦱꦺꦴ, ꦮꦶꦩꦺꦴꦏ꧀ꦑꦴꦥꦶ ꦕ ꦄꦛ꧀ꦜꦶꦩꦺ;

ꦖꦭ꦳ꦨꦶꦚ꧀ꦚꦴ ꦱꦕ꧀ꦖꦶꦏꦠꦴ, ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ’’.

ꦆꦠ꧀ꦡꦁ ꦱꦸꦢꦁ ꦄꦴꦪꦱ꧀ꦩꦴ ꦲꦠ꧀ꦡꦶꦢꦴꦪꦏꦺꦴ ꦡꦺꦫꦺꦴ ꦆꦩꦴ ꦒꦴꦡꦴꦪꦺꦴ ꦄꦨꦴꦱꦶꦠ꧀ꦡꦴꦠꦶ.

ꦲꦠ꧀ꦡꦶꦢꦴꦪꦏꦠ꧀ꦡꦺꦫꦱ꧀ꦱꦴꦥꦢꦴꦤꦁ ꦥꦜꦩꦁ.