꧕. ꦄꦔ꧀ꦏꦺꦴꦭꦏꦠ꧀ꦡꦺꦫꦄꦥꦢꦴꦤꦁ

꧒꧓. ‘‘ꦄꦔ꧀ꦏꦺꦴꦭꦁ ꦥꦸꦥ꧀ꦦꦶꦠꦁ ꦢꦶꦱ꧀ꦮꦴ, ꦩꦴꦭꦴꦮꦫꦁ ꦱꦏꦺꦴꦱꦏꦁ [ꦱꦩꦺꦴꦒꦣꦁ (ꦱ꧀ꦪꦴ.)];

ꦎꦕꦶꦤꦶꦠ꧀ꦮꦴꦤ ꦠꦁ ꦥꦸꦥ꧀ꦦꦁ, ꦄꦒꦩꦁ ꦧꦸꦢ꧀ꦣꦱꦤ꧀ꦠꦶꦏꦁ.

꧒꧔. ‘‘ꦱꦶꦢ꧀ꦣꦠ꧀ꦡꦺꦴ ꦠꦩ꧀ꦲꦶ ꦱꦩꦪꦺ, ꦥꦠꦶꦭꦷꦤꦺꦴ ꦩꦲꦴꦩꦸꦤꦶ;

ꦩꦸꦲꦸꦠ꧀ꦠꦁ ꦥꦛꦶꦩꦴꦤꦺꦠ꧀ꦮꦴ, ꦒꦸꦲꦴꦪꦁ ꦥꦸꦥ꧀ꦦꦩꦺꦴꦏꦶꦫꦶꦁ.

꧒꧕. ‘‘ꦕꦠꦸꦤ꧀ꦤꦮꦸꦠꦶꦠꦺꦴ ꦏꦥ꧀ꦥꦺ, ꦪꦁ ꦥꦸꦥ꧀ꦦꦩꦨꦶꦥꦹꦗꦪꦶꦁ;

ꦢꦸꦒ꧀ꦒꦠꦶꦁ ꦤꦴꦨꦶꦗꦴꦤꦴꦩꦶ, ꦥꦸꦥ꧀ꦦꦢꦴꦤꦱ꧀ꦱꦶꦢꦁ [ꦧꦸꦢ꧀ꦣꦥꦹꦗꦴꦪꦶꦢꦁ (ꦱꦷ. ꦱ꧀ꦪꦴ.)] ꦦꦭꦁ.

꧒꧖. ‘‘ꦖꦠ꧀ꦠꦶꦁꦱꦩ꧀ꦲꦶ ꦆꦠꦺꦴ ꦏꦥ꧀ꦥꦺ, ꦄꦴꦱꦺꦏꦺꦴ ꦢꦺꦮꦒꦗ꧀ꦗꦶꦠꦺꦴ;

ꦱꦠ꧀ꦠꦫꦠꦤꦱꦩ꧀ꦥꦤ꧀ꦤꦺꦴ, ꦕꦏ꧀ꦏꦮꦠ꧀ꦠꦷ ꦩꦲꦧ꧀ꦧꦭꦺꦴ.

꧒꧗. ‘‘ꦥꦛꦶꦱꦩ꧀ꦨꦶꦢꦴ ꦕꦠꦱ꧀ꦱꦺꦴ…ꦥꦺ… ꦏꦠꦁ ꦧꦸꦢ꧀ꦣꦱ꧀ꦱ ꦱꦴꦱꦤꦁ’’.

ꦆꦠ꧀ꦡꦁ ꦱꦸꦢꦁ ꦄꦴꦪꦱ꧀ꦩꦴ ꦄꦔ꧀ꦏꦺꦴꦭꦏꦺꦴ ꦡꦺꦫꦺꦴ ꦆꦩꦴ ꦒꦴꦡꦴꦪꦺꦴ ꦄꦨꦴꦱꦶꦠ꧀ꦡꦴꦠꦶ.

ꦄꦔ꧀ꦏꦺꦴꦭꦏꦠ꧀ꦡꦺꦫꦱ꧀ꦱꦴꦥꦢꦴꦤꦁ ꦥꦚ꧀ꦕꦩꦁ.