꧑꧐. ꦢꦱꦩꦱꦶꦏ꧀ꦑꦴꦥꦢꦮꦟ꧀ꦟꦤꦴ

꧑꧑꧖꧔. ꦢꦱꦩꦺ – ꦄꦤꦴꦥꦸꦕ꧀ꦖꦴꦠꦶ ꦄꦤꦴꦥꦸꦕ꧀ꦖꦶꦠ꧀ꦮꦴ. ꦨꦶꦏ꧀ꦑꦸꦤꦷꦲꦶ ꦢ꧀ꦮꦶꦏ꧀ꦑꦠ꧀ꦠꦸꦁ ꦄꦴꦥꦸꦕ꧀ꦖꦶꦠꦧ꧀ꦧꦁ – ꦥꦧ꧀ꦧꦗ꧀ꦗꦴꦏꦴꦭꦺ ꦕ ꦈꦥꦱꦩ꧀ꦥꦢꦴꦏꦴꦭꦺ ꦕ, ꦨꦶꦏ꧀ꦑꦹꦤꦁ ꦥꦤ ꦱꦏꦶꦁ ꦄꦴꦥꦸꦕ꧀ꦖꦶꦠꦺꦥꦶ ꦮꦛ꧀ꦛꦠꦶ.

꧑꧑꧖꧕. ꦄꦗꦴꦤꦤ꧀ꦠꦷꦠꦶ ꦩꦴꦠꦴꦢꦷꦤꦁ ꦄꦠ꧀ꦡꦶꦨꦴꦮꦁ ꦄꦗꦴꦤꦤ꧀ꦠꦷ. ꦱꦺꦱꦁ ꦈꦠ꧀ꦠꦴꦤꦩꦺꦮ. ꦆꦢꦁ ꦄꦥꦸꦧ꧀ꦧꦱꦩꦸꦛ꧀ꦜꦴꦤꦱꦷꦱꦁ. ꦕꦠꦸꦱꦩꦸꦛ꧀ꦜꦴꦤꦁ – ꦮꦴꦕꦠꦺꦴ ꦏꦴꦪꦮꦴꦕꦠꦺꦴ ꦮꦴꦕꦴꦕꦶꦠ꧀ꦠꦠꦺꦴ ꦏꦴꦪꦮꦴꦕꦴꦕꦶꦠ꧀ꦠꦠꦺꦴ ꦕ ꦱꦩꦸꦛ꧀ꦜꦴꦠꦶ. ꦏꦡꦁ? ꦄꦧ꧀ꦨꦴꦤꦏꦩ꧀ꦩꦴꦢꦷꦱꦸ ꦏꦺꦤꦕꦶꦢꦺꦮ ꦏꦫꦟꦷꦪꦺꦤ ꦑꦟ꧀ꦝꦱꦷꦩꦴꦪꦁ ꦤꦶꦱꦶꦤ꧀ꦤꦴ ‘‘ꦥꦏ꧀ꦏꦺꦴꦱꦡ ꦱꦶꦏ꧀ꦑꦩꦴꦤꦁ, ꦆꦣꦺꦮ ꦤꦁ ꦈꦥꦱꦩ꧀ꦥꦴꦢꦺꦱ꧀ꦱꦴꦩꦴ’’ꦠꦶ ꦈꦥꦱꦩ꧀ꦥꦴꦢꦺꦠꦶ; ꦌꦮꦁ ꦮꦴꦕꦠꦺꦴ ꦱꦩꦸꦛ꧀ꦜꦴꦠꦶ. ꦈꦥꦱ꧀ꦱꦪꦠꦺꦴ ꦥꦛ꧀ꦜꦴꦪ ꦈꦥꦱꦩ꧀ꦥꦴꦢꦺꦱ꧀ꦱꦴꦩꦷꦠꦶ ꦮꦠ꧀ꦮꦴ ꦑꦟ꧀ꦝꦱꦷꦩꦁ ꦒꦕ꧀ꦖꦤ꧀ꦠꦶꦪꦴ ꦏꦴꦪꦮꦴꦕꦠꦺꦴ ꦱꦩꦸꦛ꧀ꦜꦴꦠꦶ. ꦢ꧀ꦮꦷꦱꦸꦥꦶ ꦜꦴꦤꦺꦱꦸ ꦥꦟ꧀ꦟꦠ꧀ꦠꦶꦨꦴꦮꦁ ꦗꦴꦤꦶꦠ꧀ꦮꦴꦮ ꦮꦷꦠꦶꦏ꧀ꦏꦩꦁ ꦏꦫꦺꦴꦤ꧀ꦠꦶꦪꦴ ꦮꦴꦕꦴꦕꦶꦠ꧀ꦠꦠꦺꦴ ꦏꦴꦪꦮꦴꦕꦴꦕꦶꦠ꧀ꦠꦠꦺꦴ ꦕ ꦱꦩꦸꦛ꧀ꦜꦴꦠꦶ. ꦄꦤꦤꦸꦗꦴꦤꦴꦥꦺꦠ꧀ꦮꦴ ꦈꦥꦱꦩ꧀ꦥꦴꦢꦤꦠꦺꦴ ꦏꦶꦫꦶꦪꦴꦏꦶꦫꦶꦪꦁ, ꦤꦺꦴꦱꦚ꧀ꦚꦴꦮꦶꦩꦺꦴꦏ꧀ꦑꦁ, ꦄꦕꦶꦠ꧀ꦠꦏꦁ, ꦥꦟ꧀ꦟꦠ꧀ꦠꦶꦮꦗ꧀ꦗꦁ, ꦏꦴꦪꦏꦩ꧀ꦩꦁ, ꦮꦕꦷꦏꦩ꧀ꦩꦁ, ꦠꦶꦕꦶꦠ꧀ꦠꦁ, ꦠꦶꦮꦺꦢꦤꦤ꧀ꦠꦶ.

ꦢꦱꦩꦱꦶꦏ꧀ꦑꦴꦥꦢꦁ.