꧔. ꦕꦠꦸꦠ꧀ꦡꦱꦶꦏ꧀ꦑꦴꦥꦢꦮꦟ꧀ꦟꦤꦴ

꧙꧙꧒. ꦕꦠꦸꦠ꧀ꦡꦺ – ꦪꦴꦒꦸꦁ ꦮꦴꦠꦶꦄꦴꦢꦷꦱꦸ ꦠꦟ꧀ꦝꦸꦭꦏꦺꦴꦛ꧀ꦛꦤꦁ ꦄꦴꦢꦶꦁ ꦏꦠ꧀ꦮꦴ ꦱꦧ꧀ꦧꦺꦱꦸ ꦥꦸꦧ꧀ꦧꦥꦪꦺꦴꦒꦺꦱꦸ ꦥꦪꦺꦴꦒꦒꦟꦤꦴꦪ ꦢꦸꦏ꧀ꦏꦛꦁ. ꦪꦴꦒꦸꦨꦠ꧀ꦠꦺꦱꦸ ꦨꦴꦗꦤꦒꦟꦤꦴꦪ, ꦑꦴꦢꦤꦷꦪꦴꦢꦷꦱꦸ ꦫꦹꦥꦒꦟꦤꦴꦪ ꦥꦴꦕꦶꦠ꧀ꦠꦶꦪꦴꦤꦶ.

꧙꧙꧓. ꦪꦴꦒꦸꦥꦴꦤꦺꦠꦶ ꦩꦤꦸꦱ꧀ꦱꦺꦲꦶ ꦱꦔ꧀ꦓꦱ꧀ꦱꦠ꧀ꦡꦴꦪ ꦏꦫꦶꦪꦩꦴꦤꦺ ꦪꦴꦒꦸꦥꦴꦤꦺ ꦮꦴ ꦱꦔ꧀ꦓꦨꦠ꧀ꦠꦺ ꦮꦴ ꦠꦺꦱꦁ ꦱꦲꦴꦪꦶꦏꦨꦴꦮꦺꦤ ꦪꦁꦏꦶꦚ꧀ꦕꦶ ꦥꦕꦤ꧀ꦠꦶꦪꦴ ꦄꦤꦴꦥꦠ꧀ꦠꦶ. ꦕꦺꦠꦶꦪꦥꦹꦗꦴꦪ ꦱꦲꦴꦪꦶꦏꦴ ꦲꦸꦠ꧀ꦮꦴ ꦒꦤ꧀ꦣꦴꦢꦷꦤꦶ ꦥꦹꦗꦺꦠꦶ, ꦮꦛ꧀ꦛꦠꦶ. ꦄꦠ꧀ꦠꦤꦺꦴ ꦮꦺꦪ꧀ꦪꦴꦮꦕ꧀ꦕꦏꦫꦱ꧀ꦱꦴꦠꦶ ꦱꦕꦺꦥꦶ ꦩꦴꦠꦴꦥꦶꦠꦫꦺꦴ ꦄꦴꦒꦕ꧀ꦖꦤ꧀ꦠꦶ, ꦪꦁꦏꦶꦚ꧀ꦕꦶ ꦧꦷꦗꦤꦶꦁ ꦮꦴ ꦱꦩ꧀ꦩꦸꦚ꧀ꦗꦤꦶꦢꦟ꧀ꦝꦏꦁ ꦮꦴ ꦏꦴꦫꦴꦥꦺꦠ꧀ꦮꦴ ꦮꦺꦪ꧀ꦪꦴꦮꦕ꧀ꦕꦏꦫꦛ꧀ꦜꦴꦤꦺ ꦜꦥꦺꦠ꧀ꦮꦴꦮ ꦪꦁꦏꦶꦚ꧀ꦕꦶ ꦥꦕꦶꦠꦸꦁ ꦮꦛ꧀ꦛꦠꦶ. ꦱꦺꦱꦁ ꦈꦠ꧀ꦠꦴꦤꦩꦺꦮ. ꦱꦩꦸꦛ꧀ꦜꦴꦤꦴꦢꦷꦤꦶ ꦠꦠꦶꦪꦱꦢꦶꦱꦴꦤꦺꦮꦴꦠꦶ.

ꦕꦠꦸꦠ꧀ꦡꦱꦶꦏ꧀ꦑꦴꦥꦢꦁ.