꧓. ꦲꦱꦣꦩ꧀ꦩꦱꦶꦏ꧀ꦑꦴꦥꦢꦮꦟ꧀ꦟꦤꦴ

꧓꧓꧕. ꦠꦠꦶꦪꦺ – ꦄꦥ꧀ꦥꦏꦠꦚ꧀ꦚꦸꦤꦺꦴꦠꦶ ꦪꦁ ꦨꦒꦮꦠꦴ ꦥꦏꦠꦁ ꦥꦚ꧀ꦚꦠ꧀ꦠꦁ, ꦠꦁ ꦤ ꦗꦴꦤꦤ꧀ꦠꦷꦠꦶ ꦄꦠ꧀ꦡꦺꦴ.

꧓꧓꧖. ꦈꦢꦏꦺ ꦲꦱꦣꦩ꧀ꦩꦺꦠꦶ ꦈꦢꦏꦏꦷꦭ꦳ꦶꦏꦴ ꦮꦸꦕ꧀ꦕꦠꦶ. ꦈꦥꦫꦶꦒꦺꦴꦥ꧀ꦦꦏꦺꦠꦶ ꦒꦺꦴꦥ꧀ꦦꦏꦴꦤꦁ ꦈꦥꦫꦶꦨꦴꦒꦥ꧀ꦥꦩꦴꦟꦺ. ꦲꦱꦴꦣꦶꦥ꧀ꦥꦴꦪꦺꦴꦠꦶ ꦏꦷꦭ꦳ꦴꦣꦶꦥ꧀ꦥꦴꦪꦺꦴ. ꦤꦶꦩꦸꦗ꧀ꦗꦠꦶ ꦮꦴꦠꦶꦄꦴꦢꦷꦱꦸ ꦤꦶꦩꦸꦗ꧀ꦗꦤꦠ꧀ꦡꦴꦪ ꦎꦫꦺꦴꦲꦤ꧀ꦠꦱ꧀ꦱ ꦥꦢꦮꦴꦫꦺ ꦥꦢꦮꦴꦫꦺ ꦢꦸꦏ꧀ꦏꦛꦁ. ꦤꦶꦩꦸꦗ꧀ꦗꦤꦸꦩ꧀ꦩꦸꦗ꧀ꦗꦤꦺꦱꦸ ꦥꦪꦺꦴꦒꦺ ꦥꦪꦺꦴꦒꦺ ꦥꦴꦕꦶꦠ꧀ꦠꦶꦪꦁ. ꦤꦶꦩꦸꦗ꧀ꦗꦶꦠ꧀ꦮꦴ ꦄꦤ꧀ꦠꦺꦴꦈꦢꦏꦺꦪꦺꦮ ꦒꦕ꧀ꦖꦤ꧀ꦠꦱ꧀ꦱ ꦲꦠ꧀ꦡꦮꦴꦫꦥꦢꦮꦴꦫꦺꦱꦸ ꦱꦧ꧀ꦧꦠ꧀ꦡ ꦥꦴꦕꦶꦠ꧀ꦠꦶꦪꦁ. ꦥꦭꦮꦠꦷꦠꦶ ꦠꦫꦠꦶ. ꦲꦠ꧀ꦡꦺꦲꦶ ꦠꦫꦤ꧀ꦠꦱ꧀ꦱ ꦲꦠ꧀ꦡꦮꦴꦫꦺ ꦲꦠ꧀ꦡꦮꦴꦫꦺ ꦥꦴꦕꦶꦠ꧀ꦠꦶꦪꦁ. ꦥꦴꦢꦺꦱꦸꦥꦶ ꦌꦱꦺꦮ ꦤꦪꦺꦴ. ꦪꦺꦤ ꦪꦺꦤ ꦄꦔ꧀ꦒꦺꦤ ꦠꦫꦠꦶ, ꦠꦱ꧀ꦱ ꦠꦱ꧀ꦱ ꦥꦪꦺꦴꦒꦺ ꦥꦪꦺꦴꦒꦺ ꦥꦴꦕꦶꦠ꧀ꦠꦶꦪꦁ. ꦠꦷꦫꦠꦺꦴ ꦮꦴ ꦫꦸꦏ꧀ꦑꦠꦺꦴ ꦮꦴ ꦈꦢꦏꦺ ꦥꦠꦠꦶ, ꦥꦴꦕꦶꦠ꧀ꦠꦶꦪꦩꦺꦮ. ꦤꦴꦮꦴꦪ ꦏꦷꦭ꦳ꦠꦷꦠꦶ ꦦꦶꦪꦴꦫꦶꦠ꧀ꦠꦴꦢꦷꦲꦶ ꦤꦴꦮꦁ ꦥꦴꦗꦺꦤ꧀ꦠꦺꦴ ꦮꦴ ꦠꦷꦫꦺ ꦈꦱ꧀ꦱꦴꦫꦺꦤ꧀ꦠꦺꦴ ꦮꦴ ꦤꦴꦮꦴꦪ ꦏꦷꦭ꦳ꦠꦶ, ꦢꦸꦏ꧀ꦏꦛꦁ.

ꦲꦠ꧀ꦡꦺꦤ ꦮꦴꦠꦶꦄꦴꦢꦷꦱꦸꦥꦶ ꦥꦪꦺꦴꦒꦺ ꦥꦪꦺꦴꦒꦺ ꦢꦸꦏ꧀ꦏꦛꦁ. ꦏꦺꦕꦶ ꦲꦠ꧀ꦡꦺꦤ ꦈꦢꦏꦺ ꦑꦶꦠ꧀ꦠꦴꦪ ꦏꦡꦭꦴꦪ ꦥꦠꦤꦸꦥ꧀ꦥꦠꦤꦮꦴꦫꦺꦱꦸ ꦢꦸꦏ꧀ꦏꦛꦁ ꦮꦢꦤ꧀ꦠꦶ, ꦠꦁ ꦤ ꦒꦲꦺꦠꦧ꧀ꦧꦁ. ꦠꦠ꧀ꦡ ꦲꦶ ꦌꦏꦥꦪꦺꦴꦒꦠ꧀ꦠꦴ ꦌꦏꦩꦺꦮ ꦢꦸꦏ꧀ꦏꦛꦁ, ꦄꦥꦶꦕ ꦈꦥꦫꦶꦒꦺꦴꦥ꧀ꦦꦏꦺ ꦮꦸꦠ꧀ꦠꦴꦤꦶ ꦈꦩ꧀ꦩꦸꦗ꧀ꦗꦤꦴꦢꦷꦤꦶ ꦜꦥꦺꦠ꧀ꦮꦴ ꦄꦚ꧀ꦚꦺꦤ ꦪꦺꦤ ꦏꦺꦤꦕꦶ ꦄꦴꦏꦴꦫꦺꦤ ꦈꦢꦏꦁ ꦎꦠꦫꦶꦠ꧀ꦮꦴ ꦮꦴ ꦄꦤꦺꦴꦠꦫꦶꦠ꧀ꦮꦴ ꦮꦴ ꦪꦠ꧀ꦡ ꦏꦠ꧀ꦡꦕꦶ ꦜꦶꦠꦁ ꦈꦢꦏꦁ ꦄꦤ꧀ꦠꦩꦱꦺꦴ ꦧꦶꦤ꧀ꦢꦸꦁ ꦒꦲꦺꦠ꧀ꦮꦴ ꦑꦶꦥꦤꦏꦷꦭ꦳ꦴꦪꦥꦶ ꦏꦷꦭ꦳ꦤ꧀ꦠꦱ꧀ꦱ ꦢꦸꦏ꧀ꦏꦛꦩꦺꦮ, ꦄꦠ꧀ꦡꦗꦺꦴꦠꦏꦁ ꦥꦤ ꦄꦏ꧀ꦑꦫꦁ ꦭꦶꦑꦶꦠꦸꦁ ꦮꦛ꧀ꦛꦠꦶ, ꦄꦪꦩꦺꦠ꧀ꦡ ꦮꦶꦤꦶꦕ꧀ꦖꦪꦺꦴ. ꦱꦺꦱꦩꦺꦠ꧀ꦡ ꦈꦠ꧀ꦠꦴꦤꦩꦺꦮ.

ꦥꦜꦩꦥꦴꦫꦴꦗꦶꦏꦱꦩꦸꦛ꧀ꦜꦴꦤꦁ – ꦏꦶꦫꦶꦪꦁ, ꦱꦚ꧀ꦚꦴꦮꦶꦩꦺꦴꦏ꧀ꦑꦁ, ꦱꦕꦶꦠ꧀ꦠꦏꦁ, ꦭꦺꦴꦏꦮꦗ꧀ꦗꦁ, ꦏꦴꦪꦏꦩ꧀ꦩꦁ, ꦄꦏꦸꦱꦭꦕꦶꦠ꧀ꦠꦁ, ꦠꦶꦮꦺꦢꦤꦤ꧀ꦠꦶ.

ꦲꦱꦣꦩ꧀ꦩꦱꦶꦏ꧀ꦑꦴꦥꦢꦁ ꦠꦠꦶꦪꦁ.