꧙-꧑꧐. ꦥꦚ꧀ꦕꦏꦔ꧀ꦒꦱꦸꦠ꧀ꦠꦴꦢꦶꦮꦟ꧀ꦟꦤꦴ

꧒꧖꧗-꧒꧖꧘. ꦤꦮꦩꦺ ꦥꦚ꧀ꦕꦏꦔ꧀ꦒꦺꦴ ꦡꦥꦠꦷꦠꦶ ꦥꦚ꧀ꦕꦏꦔ꧀ꦒꦺꦴꦠꦶ ꦠꦱ꧀ꦱ ꦤꦴꦩꦁ, ꦮꦴꦱꦶꦦꦫꦱꦸꦤꦶꦑꦴꦢꦤꦢꦟ꧀ꦝꦩꦸꦒ꧀ꦒꦫꦏꦴꦭ꦳ꦱꦸꦠ꧀ꦠꦤꦴꦭ꦳ꦶꦱꦔ꧀ꦑꦴꦠꦺꦲꦶ ꦮꦴ ꦥꦚ꧀ꦕꦲꦶ ꦄꦔ꧀ꦒꦺꦲꦶ ꦱꦩꦤ꧀ꦤꦴꦒꦠꦠ꧀ꦠꦴ ꦱꦺꦴ ꦥꦚ꧀ꦕꦏꦔ꧀ꦒꦺꦴꦠꦶ ꦥꦚ꧀ꦚꦴꦠꦺꦴ. ꦡꦥꦠꦷꦠꦶ ꦮꦝ꧀ꦞꦏꦷꦗꦺꦛ꧀ꦜꦏꦺꦴ. ꦈꦢꦴꦪꦷꦠꦶ ꦥꦟ꧀ꦝꦶꦠꦈꦢꦴꦪꦶꦠ꧀ꦡꦺꦫꦺꦴ. ꦥꦫꦶꦪꦴꦪꦤ꧀ꦠꦶ ꦏꦴꦫꦟꦁ. ꦢ꧀ꦮꦺꦥꦴꦤꦤ꧀ꦢꦴꦠꦶ ꦢ꧀ꦮꦺꦥꦶ, ꦄꦴꦤꦤ꧀ꦢ, ꦥꦫꦶꦪꦴꦪꦺꦤꦴꦠꦶ ꦏꦴꦫꦟꦺꦤ. ꦌꦠ꧀ꦡ ꦕ ꦏꦴꦪꦶꦏꦕꦺꦠꦱꦶꦏꦮꦱꦺꦤ ꦢ꧀ꦮꦺ ꦮꦺꦢꦶꦠꦧ꧀ꦧꦴ, ꦱꦸꦑꦴꦢꦶꦮꦱꦺꦤ ꦠꦶꦱ꧀ꦱꦺꦴꦥꦶ, ꦆꦤ꧀ꦢ꧀ꦫꦶꦪꦮꦱꦺꦤ ꦱꦸꦑꦶꦤ꧀ꦢ꧀ꦫꦶꦪꦴꦢꦶꦏꦴ ꦥꦚ꧀ꦕ, ꦢ꧀ꦮꦴꦫꦮꦱꦺꦤ ꦕꦏ꧀ꦑꦸꦱꦩ꧀ꦦꦱ꧀ꦱꦗꦴꦢꦶꦏꦴ ꦖ, ꦈꦥꦮꦶꦕꦴꦫꦮꦱꦺꦤ ‘‘ꦕꦏ꧀ꦑꦸꦤꦴ ꦫꦹꦥꦁ ꦢꦶꦱ꧀ꦮꦴ ꦱꦺꦴꦩꦤꦱ꧀ꦱꦜꦴꦤꦶꦪꦁ ꦫꦹꦥꦁ ꦈꦥꦮꦶꦕꦫꦠꦷ’’ꦠꦶꦄꦴꦢꦶꦏꦴ ꦄꦛ꧀ꦜꦴꦫꦱ, ꦖ ꦒꦺꦲꦱꦶꦠꦴꦤꦶ ꦱꦺꦴꦩꦤꦱ꧀ꦱꦴꦤꦶ, ꦖ ꦤꦺꦏ꧀ꦑꦩ꧀ꦩꦱꦶꦠꦴꦤꦶ, ꦖ ꦒꦺꦲꦱꦶꦠꦴꦤꦶ ꦢꦺꦴꦩꦤꦱ꧀ꦱꦴꦤꦶ, ꦖ ꦤꦺꦏ꧀ꦑꦩ꧀ꦩꦱꦶꦠꦴꦤꦶ, ꦖ ꦒꦺꦲꦱꦶꦠꦴ ꦈꦥꦺꦏ꧀ꦑꦴ, ꦖ ꦤꦺꦏ꧀ꦑꦩ꧀ꦩꦱꦶꦠꦴꦠꦶ ꦌꦮꦁ ꦖꦠ꧀ꦠꦶꦁꦱ. ꦠꦴ ꦄꦠꦷꦠꦺ ꦖꦠ꧀ꦠꦶꦁꦱ, ꦄꦤꦴꦒꦠꦺ ꦖꦠ꧀ꦠꦶꦁꦱ, ꦥꦕ꧀ꦕꦸꦥ꧀ꦥꦤ꧀ꦤꦺ ꦖꦠ꧀ꦠꦶꦁꦱꦴꦠꦶ ꦌꦮꦁ ꦄꦛ꧀ꦜꦱꦠꦁ ꦮꦺꦢꦤꦴ ꦮꦺꦢꦶꦠꦧ꧀ꦧꦴ.

ꦥꦚ꧀ꦕꦶꦩꦺ ꦄꦴꦤꦤ꧀ꦢ ꦏꦴꦩꦒꦸꦟꦴꦠꦶ ꦄꦪꦁ ꦥꦴꦛꦶꦪꦺꦏ꧀ꦏꦺꦴ ꦄꦤꦸꦱꦤ꧀ꦣꦶ. ꦤ ꦏꦺꦮꦭꦚ꧀ꦲꦶ ꦢ꧀ꦮꦺ ꦄꦴꦢꦶꦁ ꦏꦠ꧀ꦮꦴ ꦮꦺꦢꦤꦴ ꦨꦒꦮꦠꦴ ꦥꦚ꧀ꦚꦠ꧀ꦠꦴ, ꦥꦫꦶꦪꦴꦪꦺꦤ ꦌꦏꦴꦥꦶ ꦮꦺꦢꦤꦴ ꦏꦡꦶꦠꦴ, ꦠꦁ ꦢꦱ꧀ꦱꦺꦤ꧀ꦠꦺꦴ ꦥꦚ꧀ꦕꦏꦔ꧀ꦒꦱ꧀ꦱ ꦡꦥꦠꦶꦤꦺꦴ ꦮꦴꦢꦁ ꦈꦥꦠ꧀ꦡꦩ꧀ꦨꦺꦠꦸꦁ ꦆꦩꦁ ꦢꦺꦱꦤꦁ ꦄꦴꦫꦨꦶ. ꦄꦨꦶꦏ꧀ꦏꦤ꧀ꦠꦠꦫꦤ꧀ꦠꦶ ꦱꦸꦤ꧀ꦢꦫꦠꦫꦁ. ꦥꦟꦷꦠꦠꦫꦤ꧀ꦠꦶ ꦄꦠꦥ꧀ꦥꦏꦠꦫꦁ. ꦌꦠ꧀ꦡ ꦕ ꦕꦠꦸꦠ꧀ꦡꦗ꧀ꦙꦴꦤꦠꦺꦴ ꦥꦛ꧀ꦜꦴꦪ ꦄꦢꦸꦏ꧀ꦑꦩꦱꦸꦑꦴ ꦮꦺꦢꦤꦴ, ꦱꦴꦥꦶ ꦱꦤ꧀ꦠꦛ꧀ꦜꦺꦤ ꦥꦟꦷꦠꦛ꧀ꦜꦺꦤ ꦕ ꦱꦸꦑꦤ꧀ꦠꦶ ꦮꦸꦠ꧀ꦠꦴ. ꦤꦶꦫꦺꦴꦣꦺꦴ ꦄꦮꦺꦢꦪꦶꦠꦱꦸꦑꦮꦱꦺꦤ ꦱꦸꦑꦁ ꦤꦴꦩ ꦗꦴꦠꦺꦴ. ꦥꦚ꧀ꦕꦏꦴꦩꦒꦸꦟꦮꦱꦺꦤ ꦲꦶ ꦄꦛ꧀ꦜꦱꦩꦴꦥꦠ꧀ꦠꦶꦮꦱꦺꦤ ꦕ ꦈꦥ꧀ꦥꦤ꧀ꦤꦁ ꦮꦺꦢꦪꦶꦠꦁ ꦱꦸꦑꦁ ꦤꦴꦩ, ꦤꦶꦫꦺꦴꦣꦺꦴ ꦄꦮꦺꦢꦪꦶꦠꦱꦸꦑꦁ ꦤꦴꦩ. ꦆꦠꦶ ꦮꦺꦢꦪꦶꦠꦱꦸꦑꦁ ꦮꦴ ꦲꦺꦴꦠꦸ ꦄꦮꦺꦢꦪꦶꦠꦱꦸꦑꦁ ꦮꦴ, ꦤꦶꦢ꧀ꦢꦸꦏ꧀ꦑꦨꦴꦮꦱꦔ꧀ꦑꦴꦠꦺꦤ ꦱꦸꦑꦛ꧀ꦜꦺꦤ ꦌꦏꦤ꧀ꦠꦱꦸꦑꦩꦺꦮ ꦗꦴꦠꦁ.

ꦪꦠ꧀ꦡ ꦪꦠ꧀ꦡꦴꦠꦶ ꦪꦱ꧀ꦩꦶꦁ ꦪꦱ꧀ꦩꦶꦁ ꦜꦴꦤꦺ. ꦱꦸꦑꦁ ꦈꦥꦭꦧ꧀ꦨꦠꦷꦠꦶ ꦮꦺꦢꦪꦶꦠꦁ ꦱꦸꦑꦁ ꦮꦴ ꦄꦮꦺꦢꦪꦶꦠꦁ ꦱꦸꦑꦁ ꦮꦴ ꦈꦥꦭꦧ꧀ꦨꦠꦶ. ꦠꦁ ꦠꦁ ꦠꦡꦴꦒꦠꦺꦴ ꦱꦸꦑꦱ꧀ꦩꦶꦁ ꦥꦚ꧀ꦚꦥꦺꦠꦶ, ꦠꦁ ꦱꦧ꧀ꦧꦁ ꦠꦡꦴꦒꦠꦺꦴ ꦤꦶꦢ꧀ꦢꦸꦏ꧀ꦑꦨꦴꦮꦁ ꦱꦸꦑꦱ꧀ꦩꦶꦁꦪꦺꦮ ꦥꦚ꧀ꦚꦥꦺꦠꦷꦠꦶ ꦆꦣ ꦨꦒꦮꦴ ꦤꦶꦫꦺꦴꦣꦱꦩꦴꦥꦠ꧀ꦠꦶꦁ ꦱꦷꦱꦁ ꦏꦠ꧀ꦮꦴ ꦤꦺꦪ꧀ꦪꦥꦸꦒ꧀ꦒꦭꦱ꧀ꦱ ꦮꦱꦺꦤ ꦄꦫꦲꦠ꧀ꦠꦤꦶꦏꦹꦛꦺꦤꦺꦮ ꦢꦺꦱꦤꦁ ꦤꦶꦛ꧀ꦜꦴꦥꦺꦱꦶ. ꦢꦱꦩꦁ ꦈꦠ꧀ꦠꦴꦤꦠ꧀ꦡꦩꦺꦮꦴꦠꦶ.

ꦫꦲꦺꦴꦒꦠꦮꦒ꧀ꦒꦺꦴ ꦢꦸꦠꦶꦪꦺꦴ.