꧗. ꦒꦢ꧀ꦢꦸꦭꦧꦢ꧀ꦣꦱꦸꦠ꧀ꦠꦮꦟ꧀ꦟꦤꦴ

꧙꧙. ꦱꦠ꧀ꦠꦩꦺ ꦪꦁ ꦩꦲꦴꦱꦩꦸꦢ꧀ꦢꦺꦴꦠꦶ ꦪꦱ꧀ꦩꦶꦁ ꦱꦩꦪꦺ ꦥꦚ꧀ꦕꦩꦺ ꦱꦹꦫꦶꦪꦺ ꦈꦛ꧀ꦜꦶꦠꦺ ꦩꦲꦴꦱꦩꦸꦢ꧀ꦢꦺꦴ ꦈꦱ꧀ꦱꦸꦱ꧀ꦱꦠꦶ. ꦢꦸꦏ꧀ꦑꦱ꧀ꦱ ꦄꦤ꧀ꦠꦏꦶꦫꦶꦪꦤ꧀ꦠꦶ ꦕꦠ꧀ꦠꦴꦫꦶ ꦱꦕ꧀ꦕꦴꦤꦶ ꦄꦥ꧀ꦥꦛꦶꦮꦶꦗ꧀ꦙꦶꦠ꧀ꦮꦴ ꦄꦮꦶꦗ꧀ꦗꦴꦪ ꦤꦶꦮꦸꦠꦴꦤꦁꦪꦺꦮ ꦱꦠꦁ ꦮꦛ꧀ꦛꦢꦸꦏ꧀ꦑꦱ꧀ꦱ ꦄꦤ꧀ꦠꦏꦶꦫꦶꦪꦁ ꦥꦫꦶꦕ꧀ꦖꦺꦢꦁ ꦤ ꦮꦢꦴꦩꦶ. ꦱꦴ ꦒꦢ꧀ꦢꦸꦭꦧꦢ꧀ꦣꦺꦴꦠꦶ ꦒꦢ꧀ꦢꦸꦭꦺꦤ ꦧꦢ꧀ꦣꦱꦸꦤꦑꦺꦴ. ꦑꦷꦭꦺꦠꦶ ꦥꦡꦮꦶꦪꦁ ꦄꦴꦏꦺꦴꦛꦶꦠꦺ ꦩꦲꦴꦑꦷꦭꦺ. ꦡꦩ꧀ꦨꦺꦠꦶ ꦤꦶꦑꦟꦶꦠ꧀ꦮꦴ ꦜꦥꦶꦠꦺ ꦡꦩ꧀ꦨꦺ. ꦌꦮꦩꦺꦮ ꦑꦺꦴꦠꦶ ꦌꦠ꧀ꦡ ꦱꦸꦤꦑꦺꦴ ꦮꦶꦪ ꦮꦛ꧀ꦛꦤꦶꦱ꧀ꦱꦶꦠꦺꦴ ꦧꦴꦭꦺꦴ, ꦒꦢ꧀ꦢꦸꦭꦺꦴ ꦮꦶꦪ ꦢꦶꦛ꧀ꦜꦶ, ꦡꦩ꧀ꦨꦺꦴ ꦮꦶꦪ ꦱꦏ꧀ꦏꦴꦪꦺꦴ, ꦒꦢ꧀ꦢꦸꦭꦫꦗ꧀ꦗꦸꦪꦴ ꦡꦩ꧀ꦨꦺ ꦈꦥꦤꦶꦧꦢ꧀ꦣꦱꦸꦤꦑꦱ꧀ꦱ ꦡꦩ꧀ꦨꦴꦤꦸꦥꦫꦶꦮꦠ꧀ꦠꦤꦁ ꦮꦶꦪ ꦢꦶꦛ꧀ꦜꦶꦠꦟ꧀ꦲꦴꦪ ꦱꦏ꧀ꦏꦴꦪꦺ ꦧꦢ꧀ꦣꦱ꧀ꦱ ꦥꦸꦡꦸꦗ꧀ꦗꦤꦱ꧀ꦱ ꦱꦏ꧀ꦏꦴꦪꦴꦤꦸꦥꦫꦶꦮꦠ꧀ꦠꦤꦁ ꦮꦺꦢꦶꦠꦧ꧀ꦧꦁ. ꦱꦠ꧀ꦠꦩꦁ.