꧙. ꦧꦴꦭꦥꦟ꧀ꦝꦶꦠꦱꦸꦠ꧀ꦠꦮꦟ꧀ꦟꦤꦴ

꧑꧙. ꦤꦮꦩꦺ ꦄꦮꦶꦗ꧀ꦗꦴꦤꦷꦮꦫꦟꦱ꧀ꦱꦴꦠꦶ ꦄꦮꦶꦗ꧀ꦗꦴꦪ ꦤꦶꦮꦴꦫꦶꦠꦱ꧀ꦱ. ꦌꦮꦩꦪꦁ ꦏꦴꦪꦺꦴ ꦱꦩꦸꦢꦴꦒꦠꦺꦴꦠꦶ ꦌꦮꦁ ꦄꦮꦶꦗ꧀ꦗꦴꦪ ꦤꦶꦮꦴꦫꦶꦠꦠ꧀ꦠꦴ ꦠꦟ꧀ꦲꦴꦪ ꦕ ꦱꦩ꧀ꦥꦪꦸꦠ꧀ꦠꦠ꧀ꦠꦴꦪꦺꦮ ꦄꦪꦁ ꦏꦴꦪꦺꦴ ꦤꦶꦧ꧀ꦧꦠ꧀ꦠꦺꦴ. ꦄꦪꦚ꧀ꦕꦺꦮ ꦏꦴꦪꦺꦴꦠꦶ ꦄꦪꦚ꧀ꦕꦱ꧀ꦱ ꦄꦠ꧀ꦠꦤꦺꦴ ꦱꦮꦶꦚ꧀ꦚꦴꦟꦏꦺꦴ ꦏꦴꦪꦺꦴ. ꦧꦲꦶꦢ꧀ꦣꦴ ꦕ ꦤꦴꦩꦫꦹꦥꦤ꧀ꦠꦶ ꦧꦲꦶꦢ꧀ꦣꦴ ꦕ ꦥꦫꦺꦱꦁ ꦱꦮꦶꦚ꧀ꦚꦴꦟꦏꦺꦴ ꦏꦴꦪꦺꦴ. ꦄꦠ꧀ꦠꦤꦺꦴ ꦕ ꦥꦫꦱ꧀ꦱ ꦕ ꦥꦚ꧀ꦕꦲꦶ ꦑꦤ꧀ꦣꦺꦲꦶ ꦖꦲꦶ ꦄꦴꦪꦠꦤꦺꦲꦶ ꦕꦴꦥꦶ ꦄꦪꦁ ꦄꦠ꧀ꦡꦺꦴ ꦢꦷꦥꦺꦠꦧ꧀ꦧꦺꦴꦮ. ꦆꦠ꧀ꦡꦺꦠꦁ ꦢ꧀ꦮꦪꦤ꧀ꦠꦶ ꦌꦮꦩꦺꦠꦁ ꦢ꧀ꦮꦪꦁ. ꦢ꧀ꦮꦪꦁ ꦥꦛꦶꦕ꧀ꦕ ꦦꦱ꧀ꦱꦺꦴꦠꦶ ꦄꦚ꧀ꦚꦠ꧀ꦡ ꦕꦏ꧀ꦑꦸꦫꦹꦥꦴꦢꦷꦤꦶ ꦢ꧀ꦮꦪꦴꦤꦶ ꦥꦛꦶꦕ꧀ꦕ ꦕꦏ꧀ꦑꦸꦱꦩ꧀ꦦꦱ꧀ꦱꦴꦢꦪꦺꦴ ꦮꦸꦠ꧀ꦠꦴ, ꦆꦣ ꦥꦤ ꦄꦗ꧀ꦙꦠ꧀ꦠꦶꦏꦧꦴꦲꦶꦫꦴꦤꦶ ꦄꦴꦪꦠꦤꦴꦤꦶ. ꦩꦲꦴꦢ꧀ꦮꦪꦁ ꦤꦴꦩ ꦏꦶꦫꦺꦠꦁ. ꦱꦭ꦳ꦺꦮꦴꦪꦠꦤꦴꦤꦷꦠꦶ ꦱꦭ꦳ꦺꦮ ꦦꦱ꧀ꦱꦴꦪꦠꦤꦴꦤꦶ ꦦꦱ꧀ꦱꦏꦴꦫꦟꦴꦤꦶ. ꦪꦺꦲꦶ ꦦꦸꦛ꧀ꦜꦺꦴꦠꦶ ꦪꦺꦲꦶ ꦏꦴꦫꦟꦨꦹꦠꦺꦲꦶ ꦄꦴꦪꦠꦤꦺꦲꦶ ꦈꦥ꧀ꦥꦤ꧀ꦤꦺꦤ ꦦꦱ꧀ꦱꦺꦤ ꦦꦸꦛ꧀ꦜꦺꦴ. ꦄꦚ꧀ꦚꦠꦫꦺꦤꦴꦠꦶ ꦌꦠ꧀ꦡ ꦥꦫꦶꦥꦸꦟ꧀ꦟꦮꦱꦺꦤ ꦄꦚ꧀ꦚꦠꦫꦠꦴ ꦮꦺꦢꦶꦠꦧ꧀ꦧꦴ. ꦠꦠ꧀ꦫꦴꦠꦶ ꦠꦱ꧀ꦩꦶꦁ ꦧꦴꦭꦥꦟ꧀ꦝꦶꦠꦴꦤꦁ ꦏꦴꦪꦤꦶꦧ꧀ꦧꦠ꧀ꦠꦤꦴꦢꦶꦩ꧀ꦲꦶ. ꦏꦺꦴ ꦄꦣꦶꦥ꧀ꦥꦪꦴꦱꦺꦴꦠꦶ ꦏꦺꦴ ꦄꦣꦶꦏꦥꦪꦺꦴꦒꦺꦴ.

ꦨꦒꦮꦁꦩꦹꦭꦏꦴꦠꦶ ꦨꦒꦮꦴ ꦩꦹꦭꦁ ꦌꦠꦺꦱꦤ꧀ꦠꦶ ꦨꦒꦮꦁꦩꦹꦭꦏꦴ. ꦆꦢꦁ ꦮꦸꦠ꧀ꦠꦁ ꦲꦺꦴꦠꦶ – ꦆꦩꦺ, ꦨꦤ꧀ꦠꦺ, ꦄꦩ꧀ꦲꦴꦏꦁ ꦣꦩ꧀ꦩꦴ ꦥꦸꦧ꧀ꦧꦺ ꦏꦱ꧀ꦱꦥꦱꦩ꧀ꦩꦴꦱꦩ꧀ꦧꦸꦢ꧀ꦣꦺꦤ ꦈꦥ꧀ꦥꦴꦢꦶꦠꦴ, ꦠꦱ꧀ꦩꦶꦁ ꦥꦫꦶꦤꦶꦧ꧀ꦧꦸꦠꦺ ꦌꦏꦁ ꦧꦸꦢ꧀ꦣꦤ꧀ꦠꦫꦁ ꦄꦚ꧀ꦚꦺꦴ ꦱꦩꦟꦺꦴ ꦮꦴ ꦧ꧀ꦫꦴꦲ꧀ꦩꦟꦺꦴ ꦮꦴ ꦆꦩꦺ ꦣꦩ꧀ꦩꦺ ꦈꦥ꧀ꦥꦴꦢꦺꦠꦸꦁ ꦱꦩꦠ꧀ꦡꦺꦴ ꦤꦴꦩ ꦤꦴꦲꦺꦴꦱꦶ, ꦨꦒꦮꦠꦴ ꦥꦤ ꦤꦺꦴ ꦆꦩꦺ ꦣꦩ꧀ꦩꦴ ꦈꦥ꧀ꦥꦴꦢꦶꦠꦴ. ꦨꦒꦮꦤ꧀ꦠꦚ꧀ꦲꦶ ꦤꦶꦱ꧀ꦱꦴꦪ ꦩꦪꦁ ꦆꦩꦺ ꦣꦩ꧀ꦩꦺ ꦄꦴꦗꦴꦤꦴꦩ ꦥꦛꦶꦮꦶꦗ꧀ꦙꦴꦩꦴꦠꦶ ꦌꦮꦁ ꦨꦒꦮꦁꦩꦹꦭꦏꦴ ꦤꦺꦴ, ꦨꦤ꧀ꦠꦺ, ꦣꦩ꧀ꦩꦴꦠꦶ. ꦨꦒꦮꦁꦤꦺꦠ꧀ꦠꦶꦏꦴꦠꦶ ꦨꦒꦮꦴ ꦲꦶ ꦣꦩ꧀ꦩꦴꦤꦁ ꦤꦺꦠꦴ ꦮꦶꦤꦺꦠꦴ ꦄꦤꦸꦤꦺꦠꦴ, ꦪꦡꦴꦱꦨꦴꦮꦠꦺꦴ ꦥꦴꦛꦶꦪꦺꦏ꧀ꦏꦁ ꦥꦴꦛꦶꦪꦺꦏ꧀ꦏꦁ ꦤꦴꦩꦁ ꦒꦲꦺꦠ꧀ꦮꦴ ꦢꦱ꧀ꦱꦺꦠꦴꦠꦶ ꦣꦩ꧀ꦩꦴ ꦨꦒꦮꦁꦤꦺꦠ꧀ꦠꦶꦏꦴ ꦤꦴꦩ ꦲꦺꦴꦤ꧀ꦠꦶ. ꦨꦒꦮꦁꦥꦛꦶꦱꦫꦟꦴꦠꦶ ꦕꦠꦸꦨꦹꦩꦏꦣꦩ꧀ꦩꦴ ꦱꦧ꧀ꦧꦚ꧀ꦚꦸꦠꦚ꧀ꦚꦴꦟꦱ꧀ꦱ ꦄꦴꦥꦴꦡꦁ ꦄꦴꦒꦕ꧀ꦖꦩꦴꦤꦴ ꦨꦒꦮꦠꦶ ꦥꦛꦶꦱꦫꦤ꧀ꦠꦶ ꦤꦴꦩꦴꦠꦶ ꦨꦒꦮꦁꦥꦛꦶꦱꦫꦟꦴ. ꦥꦛꦶꦱꦫꦤ꧀ꦠꦷꦠꦶ ꦱꦩꦺꦴꦱꦫꦤ꧀ꦠꦶ. ꦄꦥꦶꦕ ꦩꦲꦴꦧꦺꦴꦣꦶꦩꦟ꧀ꦝꦺ ꦤꦶꦱꦶꦤ꧀ꦤꦱ꧀ꦱ ꦨꦒꦮꦠꦺꦴ ꦥꦛꦶꦮꦺꦣꦮꦱꦺꦤ ꦦꦱ꧀ꦱꦺꦴ ꦄꦴꦒꦕ꧀ꦖꦠꦶ ‘‘ꦄꦲꦁ ꦨꦒꦮꦴ ꦏꦶꦤ꧀ꦤꦴꦩꦺꦴ’’ꦠꦶ? ꦠ꧀ꦮꦁ ꦦꦸꦱꦤꦛ꧀ꦜꦺꦤ ꦦꦱ꧀ꦱꦺꦴ ꦤꦴꦩ. ꦮꦺꦢꦤꦴ, ꦱꦚ꧀ꦚꦴ, ꦱꦔ꧀ꦑꦴꦫꦴ, ꦮꦶꦚ꧀ꦚꦴꦟꦁ ꦄꦴꦒꦕ꧀ꦖꦠꦶ ‘‘ꦄꦲꦁ ꦨꦒꦮꦴ ꦏꦶꦤ꧀ꦤꦴꦩ’’ꦤ꧀ꦠꦶ, ꦠ꧀ꦮꦁ ꦮꦶꦗꦴꦤꦤꦛ꧀ꦜꦺꦤ ꦮꦶꦚ꧀ꦚꦴꦟꦁ ꦤꦴꦩꦴꦠꦶ ꦌꦮꦁ ꦕꦠꦸꦨꦹꦩꦏꦣꦩ꧀ꦩꦴꦤꦁ ꦪꦡꦴꦱꦨꦴꦮꦠꦺꦴ ꦥꦴꦛꦶꦪꦺꦏ꧀ꦏꦁ ꦥꦴꦛꦶꦪꦺꦏ꧀ꦏꦁ ꦤꦴꦩꦁ ꦒꦟ꧀ꦲꦤ꧀ꦠꦺꦴ ꦨꦒꦮꦴ ꦣꦩ꧀ꦩꦺ ꦥꦛꦶꦱꦫꦠꦷꦠꦶ ꦨꦒꦮꦁꦥꦛꦶꦱꦫꦟꦴ. ꦨꦒꦮꦤ꧀ꦠꦁꦪꦺꦮ ꦥꦛꦶꦨꦴꦠꦹꦠꦶ ꦨꦒꦮꦠꦺꦴꦮ ꦌꦠꦱ꧀ꦱ ꦨꦴꦱꦶꦠꦱ꧀ꦱ ꦄꦠ꧀ꦡꦺꦴ ꦈꦥꦛ꧀ꦜꦴꦠꦸ, ꦠꦸꦩ꧀ꦲꦺꦪꦺꦮ ꦤꦺꦴ ꦏꦡꦺꦠ꧀ꦮꦴ ꦢꦺꦡꦴꦠꦶ ꦄꦠ꧀ꦡꦺꦴ.

ꦱꦴ ꦕꦺꦮ ꦄꦮꦶꦗ꧀ꦗꦴꦠꦶ ꦌꦠ꧀ꦡ ꦏꦶꦚ꧀ꦕꦴꦥꦶ ꦱꦴ ꦄꦮꦶꦗ꧀ꦗꦴ ꦕ ꦠꦟ꧀ꦲꦴ ꦕ ꦏꦩ꧀ꦩꦁ ꦗꦮꦴꦥꦺꦠ꧀ꦮꦴ ꦥꦛꦶꦱꦤ꧀ꦣꦶꦁ ꦄꦴꦏꦝ꧀ꦞꦶꦠ꧀ꦮꦴ ꦤꦶꦫꦸꦢ꧀ꦣꦴ, ꦪꦡꦴ ꦥꦤ ꦄꦗ꧀ꦗꦴꦥꦶ ꦪꦁ ꦲꦶꦪ꧀ꦪꦺꦴ ꦨꦺꦱꦗ꧀ꦗꦁ ꦥꦷꦠꦁ, ꦠꦢꦺꦮ ꦨꦺꦴꦗꦤꦁ ꦨꦸꦚ꧀ꦗꦴꦠꦶ ꦱꦫꦶꦏ꧀ꦑꦏꦠ꧀ꦠꦺꦤ ꦠꦢꦺꦮꦴꦠꦶ ꦮꦸꦕ꧀ꦕꦠꦶ, ꦌꦮꦩꦶꦣꦴꦥꦶ ꦱꦴ ꦕꦺꦮ ꦄꦮꦶꦗ꧀ꦗꦴ ꦱꦴ ꦕ ꦠꦟ꧀ꦲꦴꦠꦶ ꦆꦢꦩ꧀ꦥꦶ ꦱꦫꦶꦏ꧀ꦑꦏꦠ꧀ꦠꦺꦤ ꦮꦸꦠ꧀ꦠꦁ. ꦧ꧀ꦫꦲ꧀ꦩꦕꦫꦶꦪꦤ꧀ꦠꦶ ꦩꦒ꧀ꦒꦧ꧀ꦫꦲ꧀ꦩꦕꦫꦶꦪꦁ. ꦢꦸꦏ꧀ꦑꦏ꧀ꦑꦪꦴꦪꦴꦠꦶ ꦮꦛ꧀ꦛꦢꦸꦏ꧀ꦑꦱ꧀ꦱ ꦑꦪꦠ꧀ꦡꦴꦪ. ꦏꦴꦪꦹꦥꦒꦺꦴ ꦲꦺꦴꦠꦷꦠꦶ ꦄꦚ꧀ꦚꦁ ꦥꦛꦶꦱꦤ꧀ꦣꦶꦏꦴꦪꦁ ꦈꦥꦒꦤ꧀ꦠꦴ ꦲꦺꦴꦠꦶ. ꦪꦢꦶꦢꦁ ꦧ꧀ꦫꦲ꧀ꦩꦕꦫꦶꦪꦮꦴꦱꦺꦴꦠꦶ ꦪꦺꦴ ꦄꦪꦁ ꦩꦒ꧀ꦒꦧ꧀ꦫꦲ꧀ꦩꦕꦫꦶꦪꦮꦴꦱꦺꦴ, ꦄꦪꦁ ꦧꦴꦭꦠꦺꦴ ꦥꦟ꧀ꦝꦶꦠꦱ꧀ꦱ ꦮꦶꦱꦺꦱꦺꦴꦠꦶ ꦢꦱ꧀ꦱꦺꦠꦶ. ꦆꦠꦶ ꦆꦩꦱ꧀ꦩꦶꦁ ꦱꦸꦠ꧀ꦠꦺ ꦱꦧ꧀ꦧꦺꦴꦥꦶ ꦱꦥꦛꦶꦱꦤ꧀ꦣꦶꦏꦺꦴ ꦥꦸꦡꦸꦗ꧀ꦗꦤꦺꦴ ‘‘ꦧꦴꦭꦺꦴ’’ꦠꦶ, ꦄꦥ꧀ꦥꦛꦶꦱꦤ꧀ꦣꦶꦏꦺꦴ ꦑꦷꦟꦴꦱꦮꦺꦴ ‘‘ꦥꦟ꧀ꦝꦶꦠꦺꦴ’’ꦠꦶ ꦮꦸꦠ꧀ꦠꦺꦴ. ꦱꦺꦴꦠꦴꦥꦤ꧀ꦤꦱꦏꦢꦴꦒꦴꦩꦶꦄꦤꦴꦒꦴꦩꦶꦤꦺꦴ ꦥꦤ ‘‘ꦥꦟ꧀ꦝꦶꦠꦴ’’ꦠꦶ ꦮꦴ ‘‘ꦧꦴꦭꦴ’’ꦠꦶ ꦮꦴ ꦤ ꦮꦠ꧀ꦠꦧ꧀ꦧꦴ, ꦨꦗꦩꦴꦤꦴ ꦥꦤ ꦥꦟ꧀ꦝꦶꦠꦥꦏ꧀ꦑꦁ ꦨꦗꦤ꧀ꦠꦶ. ꦤꦮꦩꦁ.