꧖. ꦥꦠ꧀ꦠꦱꦸꦠ꧀ꦠꦮꦟ꧀ꦟꦤꦴ

꧑꧕꧒. ꦖꦛ꧀ꦜꦺ ꦥꦚ꧀ꦕꦤ꧀ꦤꦁ ꦈꦥꦴꦢꦴꦤꦏ꧀ꦑꦤ꧀ꦣꦴꦤꦁ ꦈꦥꦴꦢꦴꦪꦴꦠꦶ ꦥꦚ꧀ꦕ ꦈꦥꦴꦢꦴꦤꦏ꧀ꦑꦤ꧀ꦣꦺ ꦄꦴꦢꦶꦪꦶꦠ꧀ꦮꦴ, ꦱꦨꦴꦮꦱꦴꦩꦚ꧀ꦚꦭꦏ꧀ꦑꦟꦮꦱꦺꦤ ꦤꦴꦤꦥ꧀ꦥꦏꦴꦫꦠꦺꦴ ꦮꦶꦨꦗꦶꦠ꧀ꦮꦴ ꦢꦱ꧀ꦱꦺꦤ꧀ꦠꦺꦴ. ꦱꦤ꧀ꦢꦱ꧀ꦱꦺꦠꦷꦠꦶ ꦑꦤ꧀ꦣꦴꦤꦁ ꦱꦨꦴꦮꦭꦏ꧀ꦑꦟꦴꦢꦷꦤꦶ ꦢꦱ꧀ꦱꦺꦠꦶ. ꦱꦩꦴꦢꦥꦺꦠꦷꦠꦶ ꦒꦟ꧀ꦲꦴꦥꦺꦠꦶ. ꦱꦩꦸꦠ꧀ꦠꦺꦗꦺꦠꦷꦠꦶ ꦱꦩꦴꦢꦴꦤꦩ꧀ꦲꦶ ꦈꦱ꧀ꦱꦴꦲꦁ ꦗꦤꦺꦠꦶ. ꦱꦩ꧀ꦥꦲꦁꦱꦺꦠꦷꦠꦶ ꦥꦛꦶꦮꦶꦢ꧀ꦣꦒꦸꦟꦺꦤ ꦮꦺꦴꦢꦴꦥꦺꦠꦶ ꦗꦺꦴꦠꦴꦥꦺꦠꦶ. ꦄꦛ꧀ꦜꦶꦁ ꦏꦠ꧀ꦮꦴꦠꦶ ꦄꦠ꧀ꦡꦶꦏꦁ ꦏꦠ꧀ꦮꦴ, ‘‘ꦄꦪꦁ ꦤꦺꦴ ꦄꦣꦶꦒꦤ꧀ꦠꦧ꧀ꦧꦺꦴ ꦄꦠ꧀ꦡꦺꦴ’’ꦠꦶ ꦌꦮꦁ ꦱꦭ꧀ꦭꦏ꧀ꦑꦺꦠ꧀ꦮꦴ ꦠꦴꦪ ꦢꦺꦱꦤꦴꦪ ꦄꦠ꧀ꦡꦶꦏꦴ ꦲꦸꦠ꧀ꦮꦴ. ꦩꦤꦱꦶ ꦏꦠ꧀ꦮꦴꦠꦶ ꦕꦶꦠ꧀ꦠꦺ ꦜꦥꦺꦠ꧀ꦮꦴ. ꦱꦧ꧀ꦧꦕꦺꦠꦱꦺꦴ ꦱꦩꦤ꧀ꦤꦴꦲꦫꦶꦠ꧀ꦮꦴꦠꦶ ꦱꦧ꧀ꦧꦺꦤ ꦠꦺꦤ ꦏꦩ꧀ꦩꦏꦴꦫꦏꦕꦶꦠ꧀ꦠꦺꦤ ꦱꦩꦤ꧀ꦤꦴꦲꦫꦶꦠ꧀ꦮꦴ. ꦎꦲꦶꦠꦱꦺꦴꦠꦴꦠꦶ ꦜꦥꦶꦠꦴꦱꦺꦴꦠꦴ. ꦄꦧ꧀ꦨꦺꦴꦏꦴꦱꦺ ꦤꦶꦏ꧀ꦑꦶꦠ꧀ꦠꦴꦠꦶ ꦎꦠꦴꦥꦤꦠ꧀ꦡꦴꦪ ꦜꦥꦶꦠꦴ.

ꦫꦹꦥꦁ ꦮꦺꦢꦪꦶꦠꦁ ꦱꦚ꧀ꦚꦴꦤ꧀ꦠꦶ, ꦌꦠꦺ ꦫꦹꦥꦴꦢꦪꦺꦴ ꦠꦪꦺꦴ ꦑꦤ꧀ꦣꦴ. ꦪꦚ꧀ꦕ ꦱꦔ꧀ꦑꦠꦤ꧀ꦠꦶ ꦆꦩꦶꦤꦴ ꦱꦔ꧀ꦑꦴꦫꦏ꧀ꦑꦤ꧀ꦣꦺꦴ ꦒꦲꦶꦠꦺꦴ. ꦌꦮꦁ ꦠꦠ꧀ꦡ ꦮꦶꦫꦗ꧀ꦗꦠꦷꦠꦶ ‘‘ꦌꦱꦺꦴ ꦄꦲꦁ ꦤ ꦲꦺꦴꦩꦶ, ꦌꦠꦁ ꦩꦪ꧀ꦲꦁ ꦤ ꦲꦺꦴꦠꦷ’’ꦠꦶ ꦥꦱ꧀ꦱꦤ꧀ꦠꦺꦴ ꦌꦮꦁ ꦠꦺꦱꦸ ꦑꦤ꧀ꦣꦺꦱꦸ ꦮꦶꦫꦗ꧀ꦗꦠꦶ. ꦑꦺꦩꦠ꧀ꦠꦤ꧀ꦠꦶ ꦑꦺꦩꦷꦨꦹꦠꦁ ꦄꦠ꧀ꦠꦨꦴꦮꦁ. ꦆꦩꦶꦤꦴ ꦦꦭꦏ꧀ꦑꦟꦁ ꦢꦱ꧀ꦱꦺꦠꦶ. ꦄꦤ꧀ꦮꦺꦱꦤ꧀ꦠꦶ ꦨꦮꦪꦺꦴꦤꦶꦒꦠꦶꦜꦶꦠꦶꦱꦠ꧀ꦠꦴꦮꦴꦱꦱꦔ꧀ꦑꦴꦠꦺꦱꦸ ꦱꦧ꧀ꦧꦛ꧀ꦜꦴꦤꦺꦱꦸ ꦥꦫꦶꦪꦺꦱꦩꦴꦤꦴ. ꦤꦴꦗ꧀ꦙꦒꦴꦠꦶ ꦤ ꦥꦱ꧀ꦱꦷꦠꦶ. ꦖꦛ꧀ꦜꦁ.