꧒. ꦲꦠ꧀ꦡꦶꦫꦴꦗꦮꦟ꧀ꦟꦱꦸꦠ꧀ꦠꦮꦟ꧀ꦟꦤꦴ

꧑꧓꧘. ꦢꦸꦠꦶꦪꦺ ꦫꦠ꧀ꦠꦤ꧀ꦣꦏꦴꦫꦠꦶꦩꦶꦱꦴꦪꦤ꧀ꦠꦶ ꦫꦠ꧀ꦠꦶꦁ ꦄꦤ꧀ꦣꦨꦴꦮꦏꦴꦫꦏꦺ ꦩꦲꦴꦠꦩꦺ ꦕꦠꦸꦫꦔ꧀ꦒꦺ ꦠꦩꦱꦶ. ꦄꦧ꧀ꦨꦺꦴꦏꦴꦱꦺ ꦤꦶꦱꦶꦤ꧀ꦤꦺꦴ ꦲꦺꦴꦠꦷꦠꦶ ꦒꦤ꧀ꦣꦏꦸꦛꦶꦠꦺꦴ ꦤꦶꦏ꧀ꦑꦩꦶꦠ꧀ꦮꦴ ꦕꦔ꧀ꦏꦩꦤꦏꦺꦴꦛꦶꦪꦁ ꦥꦴꦱꦴꦟꦦꦭꦏꦺ ꦩꦲꦴꦕꦷꦮꦫꦁ ꦱꦷꦱꦺ ꦜꦥꦺꦠ꧀ꦮꦴ ꦥꦣꦴꦤꦁ ꦥꦫꦶꦒ꧀ꦒꦟ꧀ꦲꦩꦴꦤꦺꦴ ꦤꦶꦱꦶꦤ꧀ꦤꦺꦴ ꦲꦺꦴꦠꦶ.

ꦤꦤꦸ ꦕ ꦠꦡꦴꦒꦠꦱ꧀ꦱ ꦄꦨꦴꦮꦶꦠꦺꦴ ꦮꦴ ꦩꦒ꧀ꦒꦺꦴ, ꦄꦥ꧀ꦥꦲꦷꦤꦴ ꦮꦴ ꦏꦶꦭꦺꦱꦴ, ꦄꦥ꧀ꦥꦛꦶꦮꦶꦢ꧀ꦣꦁ ꦮꦴ ꦄꦏꦸꦥ꧀ꦥꦁ, ꦄꦱꦕ꧀ꦖꦶꦏꦠꦺꦴ ꦮꦴ ꦤꦶꦫꦺꦴꦣꦺꦴ ꦤꦠ꧀ꦡꦶ, ꦏꦱ꧀ꦩꦴ ꦌꦮꦩꦏꦴꦱꦷꦠꦶ? ꦄꦤꦴꦒꦠꦺ ꦏꦸꦭꦥꦸꦠ꧀ꦠꦴꦤꦁ ꦄꦔ꧀ꦏꦸꦱꦠ꧀ꦡꦁ. ‘‘ꦄꦤꦴꦒꦠꦺ ꦲꦶ ꦏꦸꦭꦥꦸꦠ꧀ꦠꦴ ꦩꦪꦴ ꦒꦠꦩꦒ꧀ꦒꦁ ꦄꦴꦮꦗ꧀ꦗꦶꦠ꧀ꦮꦴ ꦄꦧ꧀ꦨꦺꦴꦏꦴꦱꦮꦴꦱꦁ ꦮꦱꦶꦠꦧ꧀ꦧꦁ ꦩꦚ꧀ꦚꦩꦴꦤꦴ ꦥꦣꦴꦤꦏꦩ꧀ꦩꦁ ꦏꦫꦶꦱ꧀ꦱꦤ꧀ꦠꦷ’’ꦠꦶ ꦱꦩ꧀ꦥꦱ꧀ꦱꦩꦴꦤꦺꦴ ꦱꦠ꧀ꦡꦴ ꦌꦮꦩꦏꦴꦱꦶ. ꦩꦲꦴꦠꦶ ꦩꦲꦤ꧀ꦠꦺꦴ. ꦄꦫꦶꦛ꧀ꦜꦏꦺꦴꦠꦶ ꦏꦴꦭ꦳ꦏꦺꦴ. ꦩꦟꦷꦠꦶ ꦥꦴꦱꦴꦟꦺꦴ. ꦌꦮꦩꦱ꧀ꦱ ꦱꦷꦱꦁ ꦲꦺꦴꦠꦷꦠꦶ ꦌꦮꦫꦹꦥꦁ ꦠꦱ꧀ꦱ ꦏꦴꦭ꦳ꦮꦟ꧀ꦟꦁ ꦏꦹꦛꦴꦒꦴꦫꦥ꧀ꦥꦩꦴꦟꦁ ꦩꦲꦴꦥꦴꦱꦴꦟꦱꦢꦶꦱꦁ ꦱꦷꦱꦁ ꦲꦺꦴꦠꦶ.

ꦱꦸꦨꦴꦱꦸꦨꦤ꧀ꦠꦶ ꦢꦷꦓꦩꦢ꧀ꦣꦴꦤꦁ ꦱꦁꦱꦫꦤ꧀ꦠꦺꦴ ꦱꦸꦤ꧀ꦢꦫꦴꦱꦸꦤ꧀ꦢꦫꦁ ꦮꦟ꧀ꦟꦁ ꦏꦠ꧀ꦮꦴ ꦄꦴꦒꦠꦺꦴꦱꦷꦠꦶ ꦮꦢꦠꦶ. ꦄꦡ ꦮꦴ ꦱꦁꦱꦫꦤ꧀ꦠꦶ ꦱꦁꦱꦫꦤ꧀ꦠꦺꦴ ꦄꦴꦒꦕ꧀ꦖꦤ꧀ꦠꦺꦴ. ꦢꦷꦓꦩꦢ꧀ꦣꦴꦤꦤ꧀ꦠꦶ ꦮꦱꦮꦠ꧀ꦠꦶꦛ꧀ꦜꦴꦤꦠꦺꦴ ꦪꦴꦮ ꦈꦫꦸꦮꦺꦭꦴꦪ ꦢꦷꦓꦩꦒ꧀ꦒꦁ, ꦥꦸꦫꦺ ꦧꦺꦴꦣꦴꦪ ꦮꦴ ꦖꦧ꧀ꦧꦱ꧀ꦱꦴꦤꦶ ꦢꦸꦏ꧀ꦏꦫꦏꦴꦫꦶꦏꦱꦩꦪꦱꦔ꧀ꦑꦴꦠꦁ ꦢꦷꦓꦏꦴꦭꦁ. ꦮꦟ꧀ꦟꦁ ꦏꦠ꧀ꦮꦴ ꦱꦸꦨꦴꦱꦸꦨꦤ꧀ꦠꦶ ꦱꦸꦤ꧀ꦢꦫꦚ꧀ꦕ ꦄꦱꦸꦤ꧀ꦢꦫꦚ꧀ꦕ ꦤꦴꦤꦥ꧀ꦥꦏꦴꦫꦁ ꦮꦟ꧀ꦟꦁ ꦏꦠ꧀ꦮꦴ ꦄꦤꦺꦏꦮꦴꦫꦁ ꦩꦩ ꦱꦤ꧀ꦠꦶꦏꦁ ꦄꦴꦒꦠꦺꦴꦱꦷꦠꦶ ꦄꦠ꧀ꦡꦺꦴ. ꦱꦺꦴ ꦏꦶꦫ ꦮꦟ꧀ꦟꦺꦴ ꦤꦴꦩ ꦤꦠ꧀ꦡꦶ, ꦪꦺꦤ ꦮꦟ꧀ꦟꦺꦤ ꦩꦴꦫꦺꦴ ꦮꦶꦨꦶꦁꦱꦏꦠ꧀ꦡꦴꦪ ꦨꦒꦮꦠꦺꦴ ꦱꦤ꧀ꦠꦶꦏꦁ ꦤ ꦄꦴꦒꦠꦥꦸꦧ꧀ꦧꦺꦴ. ꦠꦺꦤ ꦠꦁ ꦨꦒꦮꦴ ꦌꦮꦩꦴꦲ. ꦄꦭꦁ ꦠꦺ ꦠꦺꦤꦴꦠꦶ ꦄꦭꦁ ꦠꦸꦪ꧀ꦲꦁ ꦌꦠꦺꦤ ꦩꦴꦫꦮꦶꦨꦶꦁꦱꦴꦏꦴꦫꦢꦱ꧀ꦱꦤꦧ꧀ꦪꦴꦥꦴꦫꦺꦤ. ꦢꦸꦠꦶꦪꦁ.