꧗. ꦄꦥ꧀ꦥꦩꦴꦢꦱꦸꦠ꧀ꦠꦮꦟ꧀ꦟꦤꦴ

꧑꧒꧘. ꦱꦠ꧀ꦠꦩꦺ ꦱꦩꦣꦶꦒ꧀ꦒꦪ꧀ꦲꦴꦠꦶ ꦱꦩꦣꦶꦒ꧀ꦒꦟ꧀ꦲꦶꦠ꧀ꦮꦴ, ꦄꦴꦢꦶꦪꦶꦠ꧀ꦮꦴꦠꦶ ꦄꦠ꧀ꦡꦺꦴ. ꦄꦥ꧀ꦥꦩꦴꦢꦺꦴꦠꦶ ꦏꦴꦫꦴꦥꦏꦄꦥ꧀ꦥꦩꦴꦢꦺꦴ. ꦱꦩꦺꦴꦣꦴꦤꦤ꧀ꦠꦶ ꦱꦩꦮꦣꦴꦤꦁ ꦈꦥꦏ꧀ꦑꦺꦥꦁ. ꦌꦮꦩꦺꦮ ꦑꦺꦴꦠꦶ ꦲꦠ꧀ꦡꦶꦥꦢꦁ ꦮꦶꦪ ꦲꦶ ꦏꦴꦫꦴꦥꦏꦄꦥ꧀ꦥꦩꦴꦢꦺꦴ, ꦱꦺꦱꦥꦢꦗꦴꦠꦴꦤꦶ ꦮꦶꦪ ꦄꦮꦱꦺꦱꦴ ꦕꦠꦸꦨꦹꦩꦏꦴ ꦏꦸꦱꦭꦣꦩ꧀ꦩꦴ. ꦠꦺ ꦲꦠ꧀ꦡꦶꦥꦢꦺ ꦱꦺꦱꦥꦢꦴꦤꦶ ꦮꦶꦪ ꦄꦥ꧀ꦥꦩꦴꦢꦺ ꦱꦩꦺꦴꦣꦴꦤꦁ ꦒꦕ꧀ꦖꦤ꧀ꦠꦶ, ꦄꦥ꧀ꦥꦩꦴꦢꦱ꧀ꦱ ꦄꦤ꧀ꦠꦺꦴ ꦥꦫꦶꦮꦠ꧀ꦠꦤ꧀ꦠꦶ. ꦪꦡꦴ ꦕ ꦲꦠ꧀ꦡꦶꦥꦢꦁ ꦱꦺꦱꦥꦢꦴꦤꦁ ꦄꦒ꧀ꦒꦁ ꦱꦺꦛ꧀ꦜꦁ, ꦌꦮꦁ ꦄꦥ꧀ꦥꦩꦴꦢꦺꦴ ꦱꦺꦱꦣꦩ꧀ꦩꦴꦤꦤ꧀ꦠꦶ ꦢꦱ꧀ꦱꦺꦠꦶ. ꦩꦲꦒ꧀ꦒꦠꦭꦺꦴꦏꦸꦠ꧀ꦠꦫꦣꦩ꧀ꦩꦴꦤꦩ꧀ꦥꦶ ꦲꦺꦱ ꦥꦛꦶꦭꦴꦨꦏꦛ꧀ꦜꦺꦤ ꦭꦺꦴꦏꦶꦪꦺꦴꦥꦶ ꦱꦩꦴꦤꦺꦴ ꦄꦒ꧀ꦒꦺꦴꦮ ꦲꦺꦴꦠꦶ.

ꦄꦥ꧀ꦥꦩꦴꦢꦁ ꦥꦱꦁꦱꦤ꧀ꦠꦷꦠꦶ ‘‘ꦌꦠꦴꦤꦶ ꦄꦴꦪꦸꦄꦴꦢꦷꦤꦶ ꦥꦠ꧀ꦡꦪꦤ꧀ꦠꦺꦤ ꦄꦥ꧀ꦥꦩꦴꦢꦺꦴꦮ ꦏꦴꦠꦧ꧀ꦧꦺꦴ’’ꦠꦶ ꦄꦥ꧀ꦥꦩꦴꦢꦩꦺꦮ ꦥꦱꦁꦱꦤ꧀ꦠꦶ. ꦪꦱ꧀ꦩꦴ ꦮꦴ ꦥꦸꦚ꧀ꦚꦏꦶꦫꦶꦪꦴꦱꦸ ꦥꦟ꧀ꦝꦶꦠꦴ ꦄꦥ꧀ꦥꦩꦴꦢꦁ ꦥꦱꦁꦱꦤ꧀ꦠꦶ, ꦠꦱ꧀ꦩꦴ ꦄꦴꦪꦸꦄꦴꦢꦷꦤꦶ ꦥꦠ꧀ꦡꦪꦤ꧀ꦠꦺꦤ ꦄꦥ꧀ꦥꦩꦴꦢꦺꦴꦮ ꦏꦴꦠꦧ꧀ꦧꦺꦴꦠꦶ ꦄꦠ꧀ꦡꦺꦴ. ꦄꦠ꧀ꦡꦴꦨꦶꦱꦩꦪꦴꦠꦶ ꦄꦠ꧀ꦡꦥꦛꦶꦭꦴꦨꦴ. ꦱꦠ꧀ꦠꦩꦁ.