꧗. ꦄꦝ꧀ꦝꦏꦫꦟꦱꦸꦠ꧀ꦠꦮꦟ꧀ꦟꦤꦴ

꧑꧑꧘. ꦱꦠ꧀ꦠꦩꦺ ꦏꦴꦩꦲꦺꦠꦹꦠꦶ ꦏꦴꦩꦩꦹꦭꦏꦁ. ꦏꦴꦩꦤꦶꦢꦴꦤꦤ꧀ꦠꦶ ꦏꦴꦩꦥꦕ꧀ꦕꦪꦴ. ꦏꦴꦩꦴꦣꦶꦏꦫꦟꦤ꧀ꦠꦶ ꦏꦴꦩꦏꦴꦫꦟꦴ. ꦱꦧ꧀ꦧꦴꦤꦶ ꦲꦺꦠꦴꦤꦶ ꦄꦚ꧀ꦚꦩꦚ꧀ꦚꦮꦺꦮꦕꦤꦴꦤꦺꦮ. ꦨꦢ꧀ꦫꦩꦸꦑꦺꦴꦠꦶ ꦱꦸꦤ꧀ꦢꦫꦩꦸꦑꦺꦴ. ꦌꦏꦢꦶꦮꦱꦁ ꦏꦶꦫ ꦫꦴꦗꦴ ꦄꦝ꧀ꦝꦏꦫꦟꦺ ꦤꦶꦱꦷꦢꦶ. ꦠꦠ꧀ꦡ ꦥꦜꦩꦠꦫꦁ ꦭꦚ꧀ꦗꦁ ꦒꦲꦺꦠ꧀ꦮꦴ ꦤꦶꦱꦶꦤ꧀ꦤꦴ ꦄꦩꦕ꧀ꦕꦴ ꦄꦱ꧀ꦱꦴꦩꦶꦏꦺꦥꦶ ꦱꦴꦩꦶꦏꦺ ꦏꦫꦶꦁꦱꦸ. ꦫꦴꦗꦴ ꦠꦁ ꦚꦠ꧀ꦮꦴ – ‘‘ꦩꦪ꧀ꦲꦁ ꦠꦴꦮ ꦥꦡꦮꦶꦱ꧀ꦱꦫꦱ꧀ꦱ ꦱꦩ꧀ꦩꦸꦑꦴꦥꦺꦠꦺ ꦌꦮꦁ ꦏꦫꦺꦴꦤ꧀ꦠꦶ, ꦥꦫꦩ꧀ꦩꦸꦑꦴ ꦏꦶꦁ ꦤꦴꦩ ꦤ ꦏꦫꦶꦱ꧀ꦱꦤ꧀ꦠꦶ? ꦥꦚ꧀ꦚꦴꦪꦶꦱ꧀ꦱꦠꦶ ꦢꦴꦤꦶ ꦮꦶꦛꦛꦹꦨꦺꦴ ꦱꦺꦤꦴꦥꦠꦶ ꦱꦏꦺꦤ ꦫꦗ꧀ꦗꦺꦤ, ꦏꦶꦁ ꦩꦪ꧀ꦲꦁ ꦌꦮꦫꦹꦥꦺꦲꦶ ꦭꦚ꧀ꦗꦑꦴꦢꦏꦺꦲꦶ ꦩꦸꦱꦴꦮꦴꦢꦷꦲꦶ ꦱꦢ꧀ꦣꦶꦁ ꦌꦏꦛ꧀ꦜꦴꦤꦺ ꦤꦶꦱꦗ꧀ꦗꦴꦪꦴ’’ꦠꦶ ꦕꦶꦤ꧀ꦠꦺꦱꦶ. ꦠꦱ꧀ꦩꦴ ꦌꦮꦩꦴꦲ. ꦑꦶꦥ꧀ꦥꦁꦮ ꦎꦝ꧀ꦝꦶꦠꦤ꧀ꦠꦶ ꦏꦸꦩꦶꦤꦁ ꦮꦶꦪ ꦎꦝ꧀ꦝꦶꦠꦁ. ꦪꦡꦴ ꦩꦕ꧀ꦖꦴ ꦎꦝ꧀ꦝꦶꦠꦁ ꦏꦸꦩꦶꦤꦁ ꦥꦮꦶꦱꦤ꧀ꦠꦴ ꦤ ꦗꦴꦤꦤ꧀ꦠꦶ, ꦌꦮꦁ ꦱꦠ꧀ꦠꦴ ꦏꦶꦭꦺꦱꦏꦴꦩꦺꦤ ꦮꦠ꧀ꦡꦸꦏꦴꦩꦁ ꦮꦷꦠꦶꦏ꧀ꦏꦩꦤ꧀ꦠꦴ ꦤ ꦗꦴꦤꦤ꧀ꦠꦷꦠꦶ ꦄꦠ꧀ꦡꦺꦴ. ꦱꦠ꧀ꦠꦩꦁ.