꧔. ꦄꦭꦺꦴꦩꦮꦶꦩꦴꦤꦮꦟ꧀ꦟꦤꦴ

ꦄꦨꦶꦏ꧀ꦏꦤ꧀ꦠꦺꦤ ꦮꦟ꧀ꦟꦺꦤꦴꦠꦶ ꦄꦭꦺꦴꦩꦮꦶꦩꦴꦤꦁ. ꦠꦱ꧀ꦱ ꦏꦴ ꦈꦥ꧀ꦥꦠ꧀ꦠꦶ? ꦨꦒꦮꦴ ꦧꦴꦫꦴꦟꦱꦶꦪꦁ ꦆꦱꦶꦥꦠꦤꦺ ꦩꦶꦒꦢꦴꦪꦺ ꦮꦶꦲꦫꦤ꧀ꦠꦺꦴ ꦥꦸꦧ꧀ꦧꦟ꧀ꦲꦱꦩꦪꦁ ꦤꦶꦮꦴꦱꦺꦠ꧀ꦮꦴ ꦥꦠ꧀ꦠꦕꦷꦮꦫꦩꦴꦢꦴꦪ ꦧꦴꦫꦴꦟꦱꦶꦁ ꦥꦶꦟ꧀ꦝꦴꦪ ꦥꦴꦮꦶꦱꦶ. ꦠꦠ꧀ꦡꦺꦏꦴ ꦄꦭꦺꦴꦩꦴ ꦤꦴꦩ ꦢꦸꦒ꧀ꦒꦠꦶꦠ꧀ꦡꦷ ꦨꦒꦮꦤ꧀ꦠꦁ ꦢꦶꦱ꧀ꦮꦴ ꦥꦱꦤ꧀ꦤꦕꦶꦠ꧀ꦠꦴ ꦄꦚ꧀ꦚꦁ ꦢꦴꦠꦧ꧀ꦧꦁ ꦄꦥꦱ꧀ꦱꦤ꧀ꦠꦷ ‘‘ꦇꦢꦶꦱꦩ꧀ꦥꦶ ꦨꦒꦮꦠꦺꦴ ꦢꦶꦤ꧀ꦤꦁ ꦩꦪ꧀ꦲꦁ ꦩꦲꦥ꧀ꦦꦭꦁ ꦨꦮꦶꦱ꧀ꦱꦠꦷ’’ꦠꦶ ꦕꦶꦤ꧀ꦠꦺꦠ꧀ꦮꦴ ꦥꦫꦶꦨꦶꦤ꧀ꦤꦮꦟ꧀ꦟꦁ ꦄꦭꦺꦴꦟꦁ ꦱꦸꦏ꧀ꦑꦏꦸꦩ꧀ꦩꦴꦱꦁ ꦈꦥꦤꦺꦱꦶ, ꦨꦒꦮꦴ ꦥꦛꦶꦒ꧀ꦒꦲꦺꦱꦶ. ꦱꦴ ꦠꦁ ꦢꦴꦤꦁ ꦄꦴꦫꦩ꧀ꦩꦟꦁ ꦏꦠ꧀ꦮꦴ ꦱꦺꦴꦩꦤꦱ꧀ꦱꦁ ꦥꦮꦺꦢꦺꦱꦶ, ꦱꦴ ꦄꦥꦫꦨꦴꦒꦺ ꦏꦴꦭꦁ ꦏꦠ꧀ꦮꦴ ꦠꦴꦮꦠꦶꦁꦱꦺꦱꦸ ꦤꦶꦧ꧀ꦧꦠ꧀ꦠꦶ. ꦠꦁ ꦄꦴꦪꦱ꧀ꦩꦴ ꦩꦲꦴꦩꦺꦴꦒ꧀ꦒꦭ꧀ꦭꦴꦤꦺꦴ –

꧗꧑꧑. ‘‘ꦄꦨꦶꦏ꧀ꦏꦤ꧀ꦠꦺꦤ ꦮꦟ꧀ꦟꦺꦤ…ꦥꦺ… ꦮꦟ꧀ꦟꦺꦴ ꦕ ꦠꦺ ꦱꦧ꧀ꦧꦢꦶꦱꦴ ꦥꦨꦴꦱꦠꦷ’’ꦠꦶ. –

ꦥꦸꦕ꧀ꦖꦶ. ꦱꦴꦥꦶ ꦠꦱ꧀ꦱ ꦧ꧀ꦪꦴꦏꦴꦱꦶ, ꦠꦁ ꦢꦱ꧀ꦱꦺꦠꦸꦁ –

꧗꧑꧔. ‘‘ꦱꦴ ꦢꦺꦮꦠꦴ ꦄꦠ꧀ꦠꦩꦤꦴ…ꦥꦺ… ꦪꦱ꧀ꦱ ꦏꦩ꧀ꦩꦱ꧀ꦱꦶꦢꦁ ꦦꦭ’’ꦤ꧀ꦠꦶ. – ꦮꦸꦠ꧀ꦠꦁ;

꧗꧑꧕. ‘‘ꦄꦲꦚ꧀ꦕ ꦧꦴꦫꦴꦟꦱꦶꦪꦁ, ꦧꦸꦢ꧀ꦣꦱ꧀ꦱꦴꦢꦶꦕ꧀ꦕꦧꦤ꧀ꦣꦸꦤꦺꦴ;

ꦄꦢꦴꦱꦶꦁ ꦱꦸꦏ꧀ꦑꦏꦸꦩ꧀ꦩꦴꦱꦁ, ꦥꦱꦤ꧀ꦤꦴ ꦱꦺꦲꦶ ꦥꦴꦟꦶꦨꦶ.

꧗꧑꧖. ‘‘ꦱꦸꦏ꧀ꦑꦴꦪ ꦄꦭꦺꦴꦟꦶꦏꦴꦪ ꦕ, ꦥꦱ꧀ꦱ ꦦꦭꦁ ꦏꦸꦩ꧀ꦩꦴꦱꦥꦶꦟ꧀ꦝꦶꦪꦴ;

ꦄꦭꦺꦴꦩꦁ ꦱꦸꦑꦶꦠꦁ ꦢꦶꦱ꧀ꦮꦴ, ꦏꦺꦴ ꦥꦸꦚ꧀ꦚꦁ ꦤ ꦏꦫꦶꦱ꧀ꦱꦠꦶ.

꧗꧑꧗. ‘‘ꦠꦺꦤ ꦩꦺꦠꦴꦢꦶꦱꦺꦴ ꦮꦟ꧀ꦟꦺꦴ…ꦥꦺ… ꦮꦟ꧀ꦟꦺꦴ ꦕ ꦩꦺ ꦱꦧ꧀ꦧꦢꦶꦱꦴ ꦥꦨꦴꦱꦠꦷ’’ꦠꦶ.

꧗꧑꧖. ꦠꦠ꧀ꦡ ꦄꦭꦺꦴꦩꦁ ꦱꦸꦑꦶꦠꦁ ꦢꦶꦱ꧀ꦮꦴꦠꦶ ꦄꦭꦺꦴꦩꦩ꧀ꦥꦶ ꦤꦴꦩ ꦱꦸꦏ꧀ꦑꦏꦸꦩ꧀ꦩꦴꦱꦩꦠ꧀ꦠꦁ ꦢꦠ꧀ꦮꦴ ꦌꦮꦁ ꦢꦶꦧ꧀ꦧꦱꦸꦑꦺꦤ ꦱꦸꦑꦶꦠꦁ ꦢꦶꦱ꧀ꦮꦴ. ꦏꦺꦴ ꦥꦸꦚ꧀ꦚꦁ ꦤ ꦏꦫꦶꦱ꧀ꦱꦠꦷꦠꦶ ꦏꦺꦴ ꦤꦴꦩ ꦄꦠ꧀ꦠꦤꦺꦴ ꦲꦶꦠꦱꦸꦑꦁ ꦆꦕ꧀ꦖꦤ꧀ꦠꦺꦴ ꦥꦸꦚ꧀ꦚꦁ ꦤ ꦏꦫꦶꦱ꧀ꦱꦠꦷꦠꦶ. ꦱꦺꦱꦁ ꦮꦸꦠ꧀ꦠꦤꦪꦩꦺꦮ.

ꦄꦭꦺꦴꦩꦮꦶꦩꦴꦤꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.