꧘. ꦩꦒ꧀ꦒꦱꦚ꧀ꦚꦏꦠ꧀ꦡꦺꦫꦄꦥꦢꦴꦤꦮꦟ꧀ꦟꦤꦴ

ꦥꦢꦸꦩꦸꦠ꧀ꦠꦫꦧꦸꦢ꧀ꦣꦱ꧀ꦱꦴꦠꦶꦄꦴꦢꦶꦏꦁ ꦄꦴꦪꦱ꧀ꦩꦠꦺꦴ ꦩꦒ꧀ꦒꦱꦚ꧀ꦚꦏꦠ꧀ꦡꦺꦫꦱ꧀ꦱ ꦄꦥꦢꦴꦤꦁ. ꦄꦪꦩ꧀ꦥꦶ ꦥꦸꦫꦶꦩꦧꦸꦢ꧀ꦣꦺꦱꦸ ꦏꦠꦴꦣꦶꦏꦴꦫꦺꦴ ꦠꦠꦺꦴ ꦎꦫꦁ ꦠꦠ꧀ꦡ ꦠꦠ꧀ꦡ ꦨꦮꦺ ꦮꦶꦮꦛ꧀ꦛꦹꦥꦤꦶꦱ꧀ꦱꦪꦴꦤꦶ ꦥꦸꦚ꧀ꦚꦴꦤꦶ ꦈꦥꦕꦶꦤꦤ꧀ꦠꦺꦴ ꦥꦢꦸꦩꦸꦠ꧀ꦠꦫꦱ꧀ꦱ ꦨꦒꦮꦠꦺꦴ ꦏꦴꦭꦺ ꦲꦶꦩꦮꦤ꧀ꦠꦺ ꦢꦺꦮꦥꦸꦠ꧀ꦠꦺꦴ ꦲꦸꦠ꧀ꦮꦴ ꦤꦶꦧ꧀ꦧꦠ꧀ꦠꦺꦴ ꦄꦫꦚ꧀ꦚꦁ ꦒꦤ꧀ꦠ꧀ꦮꦴ ꦩꦒ꧀ꦒꦩꦹꦭ꦳꧀ꦲꦴꦤꦁ ꦩꦒ꧀ꦒꦁ ꦒꦮꦺꦱꦤ꧀ꦠꦴꦤꦁ ꦠꦱ꧀ꦱ ꦱꦴꦮꦏꦴꦤꦁ ꦨꦺꦴꦗꦺꦠ꧀ꦮꦴ ꦩꦒ꧀ꦒꦁ ꦄꦴꦕꦶꦏ꧀ꦑꦶ. ꦱꦺꦴ ꦠꦺꦤ ꦥꦸꦚ꧀ꦚꦺꦤ ꦢꦺꦮꦩꦤꦸꦱ꧀ꦱꦱꦩ꧀ꦥꦠ꧀ꦠꦶꦩꦤꦸꦨꦮꦶꦠ꧀ꦮꦴ ꦈꦥ꧀ꦥꦤ꧀ꦤꦸꦥ꧀ꦥꦤ꧀ꦤꦨꦮꦺ ꦱꦧ꧀ꦧꦠ꧀ꦡ ꦄꦩꦹꦭ꦳꧀ꦲꦺꦴ ꦱꦚ꧀ꦚꦮꦴ ꦄꦲꦺꦴꦱꦶ. ꦄꦡ ꦆꦩꦱ꧀ꦩꦶꦁ ꦧꦸꦢ꧀ꦣꦸꦥ꧀ꦥꦴꦢꦺ ꦏꦸꦭꦒꦺꦲꦺ ꦤꦶꦧ꧀ꦧꦠ꧀ꦠꦺꦴ ꦮꦶꦚ꧀ꦚꦸꦠꦁ ꦥꦠ꧀ꦠꦺꦴ ꦓꦫꦴꦮꦴꦱꦺ ꦄꦤꦭ꧀ꦭꦷꦤꦺꦴ ꦥꦧ꧀ꦧꦗꦶꦠ꧀ꦮꦴ ꦤꦕꦶꦫꦱ꧀ꦱꦺꦮ ꦄꦫꦲꦴ ꦄꦲꦺꦴꦱꦶ.

꧖꧖. ꦱꦺꦴ ꦄꦥꦫꦨꦴꦒꦺ ꦄꦠ꧀ꦠꦤꦺꦴ ꦥꦸꦧ꧀ꦧꦏꦩ꧀ꦩꦁ ꦱꦫꦶꦠ꧀ꦮꦴ ꦱꦺꦴꦩꦤꦱ꧀ꦱꦗꦴꦠꦺꦴ ꦥꦸꦧ꧀ꦧꦕꦫꦶꦠꦴꦥꦢꦴꦤꦁ ꦥꦏꦴꦱꦺꦤ꧀ꦠꦺꦴ ꦥꦢꦸꦩꦸꦠ꧀ꦠꦫꦧꦸꦢ꧀ꦣꦱ꧀ꦱꦴꦠꦶꦄꦴꦢꦶꦩꦴꦲ. ꦱꦴꦮꦏꦴ ꦮꦤꦕꦴꦫꦶꦤꦺꦴꦠꦶ ꦨꦒꦮꦠꦺꦴ ꦮꦸꦠ꧀ꦠꦮꦕꦤꦁ ꦱꦩ꧀ꦩꦴ ꦄꦴꦢꦫꦺꦤ ꦱꦸꦟꦤ꧀ꦠꦷꦠꦶ ꦱꦴꦮꦏꦴ, ꦄꦡ ꦮꦴ ꦨꦒꦮꦠꦺꦴ ꦢꦺꦱꦤꦴꦤꦸꦱꦴꦫꦺꦤ ꦚꦴꦟꦁ ꦥꦺꦱꦺꦠ꧀ꦮꦴ ꦱꦢ꧀ꦣꦩ꧀ꦩꦁ ꦱꦸꦟꦤ꧀ꦠꦷꦠꦶ ꦱꦴꦮꦏꦴ. ꦮꦤꦕꦴꦫꦶꦤꦺꦴ ꦮꦤꦺ ꦮꦶꦕꦫꦟꦏꦴ ꦱꦴꦮꦏꦴ ꦮꦶꦥ꧀ꦥꦤꦛ꧀ꦜꦴ ꦩꦒ꧀ꦒꦩꦹꦭ꦳꧀ꦲꦴ ꦩꦲꦴꦄꦫꦚ꧀ꦚꦺ ꦄꦤ꧀ꦣꦴꦮ ꦕꦏ꧀ꦑꦸꦮꦶꦫꦲꦶꦠꦴꦮ ꦄꦤꦸꦱꦸꦪ꧀ꦪꦫꦺ ꦮꦶꦕꦫꦤ꧀ꦠꦷꦠꦶ ꦱꦩ꧀ꦧꦤ꧀ꦣꦺꦴ. ꦱꦺꦱꦁ ꦱꦧ꧀ꦧꦠ꧀ꦡ ꦈꦠ꧀ꦠꦴꦤꦩꦺꦮꦴꦠꦶ.

ꦩꦒ꧀ꦒꦱꦚ꧀ꦚꦏꦠ꧀ꦡꦺꦫꦄꦥꦢꦴꦤꦮꦟ꧀ꦟꦤꦴ ꦱꦩꦠ꧀ꦠꦴ.