꧓. ꦱꦩ꧀ꦥꦪꦸꦠ꧀ꦠꦕꦠꦸꦏ꧀ꦏꦁ
꧒꧔꧕. ꦱꦩ꧀ꦥꦪꦸꦠ꧀ꦠꦕꦠꦸꦏ꧀ꦏꦺꦥꦶ ꦄꦮꦶꦗ꧀ꦗꦴꦥꦕ꧀ꦕꦪꦴꦠꦶ ꦌꦠ꧀ꦠꦴꦮꦠꦴ ꦱꦲꦗꦴꦠꦴꦢꦶꦥꦕ꧀ꦕꦪꦮꦱꦺꦤ ꦱꦔ꧀ꦑꦴꦫꦱ꧀ꦱ ꦄꦮꦶꦗ꧀ꦗꦴꦥꦕ꧀ꦕꦪꦠꦁ ꦢꦱ꧀ꦱꦺꦠ꧀ꦮꦴ ꦥꦸꦤ ‘‘ꦄꦮꦶꦗ꧀ꦗꦴꦱꦩ꧀ꦥꦪꦸꦠ꧀ꦠꦺꦴ’’ꦠꦶ ꦱꦩ꧀ꦥꦪꦸꦠ꧀ꦠꦥꦕ꧀ꦕꦪꦠꦴ ꦢꦱ꧀ꦱꦶꦠꦴ. ꦱꦺꦱꦥꦢꦺꦱꦸꦥꦶ ꦌꦱꦺꦮ ꦤꦪꦺꦴ. ꦪꦱ꧀ꦩꦴ ꦥꦤ ꦄꦫꦹꦥꦷꦤꦁ ꦣꦩ꧀ꦩꦴꦤꦁ ꦫꦹꦥꦣꦩ꧀ꦩꦺꦲꦶ ꦱꦩ꧀ꦥꦪꦺꦴꦒꦺꦴ ꦤꦠ꧀ꦡꦶ, ꦠꦱ꧀ꦩꦴ ꦮꦶꦚ꧀ꦚꦴꦟꦥꦕ꧀ꦕꦪꦴ ꦤꦴꦩꦫꦹꦥꦤ꧀ꦠꦶꦄꦴꦢꦷꦱꦸ ꦠꦠꦶꦪꦕꦠꦸꦠ꧀ꦡꦮꦴꦫꦥꦢꦺꦱꦸ ‘‘ꦮꦶꦚ꧀ꦚꦴꦟꦱꦩ꧀ꦥꦪꦸꦠ꧀ꦠꦁ ꦤꦴꦩ’’ꦤ꧀ꦠꦶꦄꦴꦢꦶꦤꦴ ꦤꦪꦺꦤ ꦪꦁ ꦭꦧ꧀ꦨꦠꦶ, ꦠꦢꦺꦮ ꦒꦲꦶꦠꦤ꧀ꦠꦶ ꦌꦱ ꦱꦩ꧀ꦥꦪꦸꦠ꧀ꦠꦕꦠꦸꦏ꧀ꦏꦺ ꦮꦶꦱꦺꦱꦺꦴ.