꧓. ꦥꦚ꧀ꦲꦴꦥꦸꦕ꧀ꦖꦏꦮꦟ꧀ꦟꦤꦴ

꧒꧑꧕. ꦥꦚ꧀ꦲꦴꦥꦸꦕ꧀ꦖꦏꦺ ꦕꦠꦸꦤ꧀ꦤꦩ꧀ꦥꦶ ꦱꦕ꧀ꦕꦴꦤꦁ ꦑꦤ꧀ꦣꦮꦶꦨꦔ꧀ꦒꦺ ꦮꦸꦠ꧀ꦠꦤꦪꦴꦤꦸꦱꦴꦫꦺꦤꦺꦮ ꦏꦸꦱꦭꦴꦢꦶꦨꦴꦮꦺꦴ ꦮꦺꦢꦶꦠꦧ꧀ꦧꦺꦴ. ꦄꦴꦫꦩ꧀ꦩꦟꦠ꧀ꦠꦶꦏꦺꦱꦸ ꦥꦤ ꦱꦩꦸꦢꦪꦱꦕ꧀ꦕꦁ ꦏꦴꦩꦴꦮꦕꦫꦣꦩ꧀ꦩꦺ ꦄꦱ꧀ꦱꦴꦢꦺꦤ꧀ꦠꦱ꧀ꦱ ꦥꦫꦶꦠ꧀ꦠꦴꦫꦩ꧀ꦩꦟꦁ ꦲꦺꦴꦠꦶ, ꦩꦲꦒ꧀ꦒꦠꦣꦩ꧀ꦩꦺ ꦄꦱ꧀ꦱꦴꦢꦺꦤ꧀ꦠꦱ꧀ꦱ ꦩꦲꦒ꧀ꦒꦠꦴꦫꦩ꧀ꦩꦟꦁ, ꦥꦚ꧀ꦚꦠ꧀ꦠꦶꦁ ꦄꦱ꧀ꦱꦴꦢꦺꦤ꧀ꦠꦱ꧀ꦱ ꦤꦮꦠ꧀ꦠꦧ꧀ꦧꦴꦫꦩ꧀ꦩꦟꦁ. ꦢꦸꦏ꧀ꦑꦱꦕ꧀ꦕꦁ ꦏꦴꦩꦴꦮꦕꦫꦣꦩ꧀ꦩꦺ ꦄꦴꦫꦧ꧀ꦨ ꦈꦥ꧀ꦥꦤ꧀ꦤꦁ ꦥꦫꦶꦠ꧀ꦠꦴꦫꦩ꧀ꦩꦟꦁ, ꦫꦹꦥꦴꦫꦹꦥꦴꦮꦕꦫꦣꦩ꧀ꦩꦺ ꦄꦴꦫꦧ꧀ꦨ ꦈꦥ꧀ꦥꦠ꧀ꦠꦶꦏꦴꦭꦺ ꦩꦲꦒ꧀ꦒꦠꦴꦫꦩ꧀ꦩꦟꦁ, ꦤꦮ ꦭꦺꦴꦏꦸꦠ꧀ꦠꦫꦣꦩ꧀ꦩꦺ ꦥꦕ꧀ꦕꦮꦺꦏ꧀ꦑꦟꦏꦴꦭꦺ ꦄꦥ꧀ꦥꦩꦴꦟꦴꦫꦩ꧀ꦩꦟꦁ, ꦥꦟ꧀ꦟꦠ꧀ꦠꦶꦁ ꦥꦕ꧀ꦕꦮꦺꦏ꧀ꦑꦟꦏꦴꦭꦺ ꦤꦮꦠ꧀ꦠꦧ꧀ꦧꦴꦫꦩ꧀ꦩꦟꦁ. ꦩꦒ꧀ꦒꦱꦕ꧀ꦕꦁ ꦱꦲꦗꦴꦠꦲꦺꦠꦸꦮꦱꦺꦤ ꦱꦧ꧀ꦧꦢꦴꦥꦶ ꦩꦒ꧀ꦒꦲꦺꦠꦸꦏꦁ ꦮꦷꦫꦶꦪꦁ ꦮꦴ ꦮꦷꦩꦁꦱꦁ ꦮꦴ ꦗꦺꦛ꧀ꦜꦏꦁ ꦏꦠ꧀ꦮꦴ ꦩꦒ꧀ꦒꦨꦴꦮꦤꦴꦏꦴꦭꦺ ꦩꦒ꧀ꦒꦴꦣꦶꦥꦠꦶ, ꦖꦤ꧀ꦢꦕꦶꦠ꧀ꦠꦺꦱꦸ ꦄꦚ꧀ꦚꦠꦫꦴꦣꦶꦥꦠꦶꦏꦴꦭꦺ ꦤꦮꦠ꧀ꦠꦧ꧀ꦧꦁ ꦤꦴꦩ ꦲꦺꦴꦠꦶ. ꦢꦸꦏ꧀ꦑꦱꦕ꧀ꦕꦁ ꦄꦫꦶꦪꦴꦤꦁ ꦩꦒ꧀ꦒꦥꦕ꧀ꦕꦮꦺꦏ꧀ꦑꦟꦏꦴꦭꦺ ꦩꦒ꧀ꦒꦴꦫꦩ꧀ꦩꦟꦁ, ꦠꦺꦱꦁꦪꦺꦮ ꦩꦒ꧀ꦒꦁ ꦒꦫꦸꦁ ꦏꦠ꧀ꦮꦴ ꦥꦕ꧀ꦕꦮꦺꦏ꧀ꦑꦟꦏꦴꦭꦺ ꦩꦒ꧀ꦒꦴꦣꦶꦥꦠꦶ, ꦱꦺꦱꦣꦩ꧀ꦩꦥꦕ꧀ꦕꦮꦺꦏ꧀ꦑꦟꦏꦴꦭꦺ ꦤꦮꦠ꧀ꦠꦧ꧀ꦧꦁ ꦲꦺꦴꦠꦶ.

ꦢ꧀ꦮꦺ ꦱꦕ꧀ꦕꦴꦤꦷꦠꦶ ꦢꦸꦏ꧀ꦑꦱꦩꦸꦢꦪꦱꦕ꧀ꦕꦴꦤꦶ. ꦌꦠꦴꦤꦶ ꦲꦶ ꦄꦠꦷꦠꦴꦢꦶꦨꦺꦢꦺ ꦣꦩ꧀ꦩꦺ ꦄꦴꦫꦧ꧀ꦨ ꦈꦥ꧀ꦥꦠ꧀ꦠꦶꦏꦴꦭꦺ ꦄꦠꦷꦠꦴꦢꦶꦄꦴꦫꦩ꧀ꦩꦟꦴꦤꦶ ꦲꦺꦴꦤ꧀ꦠꦶ. ꦱꦩꦸꦢꦪꦱꦕ꧀ꦕꦁ ꦄꦗ꧀ꦙꦠ꧀ꦠꦴꦢꦶꦨꦺꦢꦺ ꦣꦩ꧀ꦩꦺ ꦄꦱ꧀ꦱꦴꦢꦺꦤ꧀ꦠꦱ꧀ꦱ ꦄꦗ꧀ꦙꦠ꧀ꦠꦴꦢꦶꦄꦴꦫꦩ꧀ꦩꦟꦁ ꦲꦺꦴꦠꦶ, ꦢꦸꦏ꧀ꦑꦱꦕ꧀ꦕꦁ ꦄꦴꦏꦶꦚ꧀ꦕꦚ꧀ꦚꦴꦪꦠꦤꦏꦴꦭꦺ ꦤꦮꦠ꧀ꦠꦧ꧀ꦧꦴꦫꦩ꧀ꦩꦟꦩ꧀ꦥꦷꦠꦶ ꦮꦺꦢꦶꦠꦧ꧀ꦧꦁ. ꦆꦠꦶ ꦆꦩꦱ꧀ꦩꦶꦁ ꦥꦚ꧀ꦲꦴꦥꦸꦕ꧀ꦖꦏꦺ ꦢ꧀ꦮꦺ ꦱꦕ꧀ꦕꦴꦤꦶ ꦭꦺꦴꦏꦶꦪꦴꦤꦶ ꦲꦺꦴꦤ꧀ꦠꦶ, ꦢ꧀ꦮꦺ ꦭꦺꦴꦏꦸꦠ꧀ꦠꦫꦴꦤꦶ. ꦪꦡꦴ ꦕ ꦆꦩꦱ꧀ꦩꦶꦁ, ꦌꦮꦁ ꦥꦸꦫꦶꦩꦺꦱꦸꦥꦶ ꦢ꧀ꦮꦷꦱꦸ. ꦱꦩ꧀ꦩꦴꦱꦩ꧀ꦧꦸꦢ꧀ꦣꦺꦤ ꦲꦶ ꦠꦷꦱꦸꦥꦶ ꦱꦸꦠ꧀ꦠꦤ꧀ꦠꦨꦴꦗꦤꦷꦪꦴꦢꦷꦱꦸ ꦭꦺꦴꦏꦶꦪꦭꦺꦴꦏꦸꦠ꧀ꦠꦫꦴꦤꦺꦮ ꦱꦕ꧀ꦕꦴꦤꦶ ꦏꦡꦶꦠꦴꦤꦶ. ꦌꦮꦩꦪꦁ ꦱꦕ꧀ꦕꦮꦶꦨꦔ꧀ꦒꦺꦴꦥꦶ ꦠꦺꦥꦫꦶꦮꦛ꧀ꦛꦁ ꦤꦷꦲꦫꦶꦠ꧀ꦮꦴꦮ ꦨꦴꦗꦺꦠ꧀ꦮꦴ ꦢꦱ꧀ꦱꦶꦠꦺꦴꦠꦶ.

ꦱꦩ꧀ꦩꦺꦴꦲꦮꦶꦤꦺꦴꦢꦤꦷꦪꦴ ꦮꦶꦨꦔ꧀ꦒꦛ꧀ꦜꦏꦡꦴꦪ

ꦱꦕ꧀ꦕꦮꦶꦨꦔ꧀ꦒꦮꦟ꧀ꦟꦤꦴ ꦤꦶꦛ꧀ꦜꦶꦠꦴ.