꧔. ꦠꦶꦏꦢꦸꦏꦥꦛ꧀ꦜꦴꦤꦮꦟ꧀ꦟꦤꦴ

ꦠꦶꦏꦢꦸꦏꦥꦛ꧀ꦜꦴꦤꦺꦥꦶ ꦏꦸꦱꦭꦁ ꦲꦺꦠꦸꦁ ꦣꦩ꧀ꦩꦁ ꦥꦛꦶꦕ꧀ꦕ ꦏꦸꦱꦭꦺꦴ ꦲꦺꦠꦸ ꦣꦩ꧀ꦩꦺꦴ ꦈꦥ꧀ꦥꦗ꧀ꦗꦠꦶ ꦲꦺꦠꦸꦥꦕ꧀ꦕꦪꦴꦠꦶ ꦥꦚ꧀ꦲꦴꦩꦠ꧀ꦠꦸꦢ꧀ꦣꦴꦫꦮꦱꦺꦤꦺꦮ ꦢꦺꦱꦤꦴ ꦏꦠꦴ. ꦠꦠ꧀ꦡ ꦪꦡꦴ ꦲꦺꦛ꧀ꦜꦴ ꦲꦺꦠꦸꦢꦸꦏꦺꦤ ꦱꦢ꧀ꦣꦶꦁ ꦏꦸꦱꦭꦥꦢꦁ ꦪꦺꦴꦗꦺꦠ꧀ꦮꦴ ꦱꦧ꧀ꦧꦥꦕ꧀ꦕꦪꦮꦱꦺꦤ ꦱꦧ꧀ꦧꦮꦴꦫꦺꦱꦸ ꦱꦔ꧀ꦑꦺꦥꦠꦺꦴ ꦢꦺꦱꦤꦴ ꦏꦠꦴ, ꦌꦮꦩꦶꦣ ꦏꦸꦱꦭꦠ꧀ꦠꦶꦏꦺꦤ ꦱꦢ꧀ꦣꦶꦁ ꦲꦺꦠꦸꦥꦢꦁ ꦪꦺꦴꦗꦺꦠ꧀ꦮꦴ ꦱꦧ꧀ꦧꦥꦕ꧀ꦕꦪꦮꦱꦺꦤ ꦱꦧ꧀ꦧꦮꦴꦫꦺꦱꦸ ꦱꦔ꧀ꦑꦺꦥꦠꦺꦴ ꦢꦺꦱꦤꦴ ꦏꦠꦴ. ꦪꦡꦴ ꦕ ꦲꦺꦠꦸꦥꦢꦁ, ꦌꦮꦁ ꦤꦲꦺꦠꦸꦥꦢꦩ꧀ꦥꦶ ꦏꦸꦱꦭꦠ꧀ꦠꦶꦏꦺꦤ ꦱꦢ꧀ꦣꦶꦁ ꦪꦺꦴꦗꦺꦠ꧀ꦮꦴ ꦏꦸꦱꦭꦠ꧀ꦠꦶꦏꦲꦺꦠꦸꦢꦸꦏꦁ ꦤꦶꦛ꧀ꦜꦴꦥꦶꦠꦁ. ꦠꦠꦺꦴ ꦥꦫꦁ ꦱꦸꦑꦴꦪ ꦮꦺꦢꦤꦴꦪ ꦱꦩ꧀ꦥꦪꦸꦠ꧀ꦠꦁ ꦲꦺꦠꦸꦁ ꦣꦩ꧀ꦩꦤ꧀ꦠꦶꦄꦴꦢꦶꦤꦴ ꦤꦪꦺꦤ ꦮꦺꦢꦤꦴꦠ꧀ꦠꦶꦏꦲꦺꦠꦸꦢꦸꦏꦴꦢꦷꦤꦶ ꦌꦏꦮꦷꦱꦠꦶ ꦠꦶꦏꦢꦸꦏꦴꦤꦶ ꦢꦱ꧀ꦱꦶꦠꦴꦤꦶ.

ꦌꦮꦁ ꦧꦴꦮꦷꦱꦠꦶꦪꦴ ꦠꦶꦏꦺꦲꦶ ꦱꦢ꧀ꦣꦶꦁ ꦲꦺꦠꦸꦢꦸꦏꦁ ꦪꦺꦴꦗꦺꦠ꧀ꦮꦴ ꦥꦸꦤ ꦠꦺꦲꦶꦪꦺꦮ ꦱꦢ꧀ꦣꦶꦁ ꦱꦲꦺꦠꦸꦏꦢꦸꦏꦴꦢꦪꦺꦴ ꦱꦫꦟꦢꦸꦏꦥꦫꦶꦪꦺꦴꦱꦴꦤꦴ ꦭꦧ꧀ꦨꦩꦴꦤꦮꦱꦺꦤ ꦱꦧ꧀ꦧꦢꦸꦏꦴ ꦪꦺꦴꦗꦶꦠꦴ. ꦆꦣꦴꦥꦶ ꦪꦁ ꦪꦁ ꦥꦢꦁ ꦪꦺꦴꦗꦤꦁ ꦤ ꦒꦕ꧀ꦖꦠꦶ, ꦠꦁ ꦠꦁ ꦥꦴꦭ꦳ꦶꦪꦁꦪꦺꦮ ꦥꦛꦶꦏ꧀ꦑꦶꦠ꧀ꦠꦁ. ꦌꦮꦁ ꦢꦸꦏꦱꦠꦁ ꦒꦲꦺꦠ꧀ꦮꦴ ꦢ꧀ꦮꦴꦮꦷꦱꦠꦶꦪꦴ ꦠꦶꦏꦺꦱꦸ ꦥꦏ꧀ꦑꦶꦥꦶꦠ꧀ꦮꦴ ꦠꦶꦏꦢꦸꦏꦥꦛ꧀ꦜꦴꦤꦁ ꦤꦴꦩ ꦢꦺꦱꦶꦠꦁ. ꦠꦠ꧀ꦫꦴꦥꦶ ꦪꦺꦤ ꦪꦺꦤ ꦤꦪꦺꦤ ꦥꦴꦭ꦳ꦶ ꦱꦔ꧀ꦑꦶꦠ꧀ꦠꦴ, ꦱꦺꦴ ꦱꦺꦴ ꦤꦪꦺꦴ ꦮꦶꦠ꧀ꦡꦴꦫꦠꦺꦴ ꦮꦺꦢꦶꦠꦧ꧀ꦧꦺꦴ.

ꦠꦶꦏꦢꦸꦏꦥꦛ꧀ꦜꦴꦤꦮꦟ꧀ꦟꦤꦴ.