ꦥꦚ꧀ꦲꦴꦮꦴꦫꦱ꧀ꦱ ꦓꦛꦤꦺ ꦄꦤꦸꦭꦺꦴꦩꦒꦟꦤꦴ

꧔꧓꧙. ꦆꦢꦴꦤꦺꦠ꧀ꦡ ꦪꦡꦴꦭꦢ꧀ꦣꦴꦤꦶ ꦮꦶꦱ꧀ꦱꦗ꧀ꦗꦤꦴꦤꦶ ꦒꦟꦤꦴꦮꦱꦺꦤ ꦢꦱ꧀ꦱꦺꦠꦸꦁ ꦲꦺꦠꦸꦪꦴ ꦱꦠ꧀ꦠꦴꦠꦶꦄꦴꦢꦶ ꦮꦸꦠ꧀ꦠꦁ. ꦠꦠ꧀ꦡ ꦱꦠ꧀ꦠꦴꦠꦶ ꦏꦸꦱꦭꦺꦤ ꦏꦸꦱꦭꦁ, ꦄꦧ꧀ꦪꦴꦏꦠꦁ, ꦏꦸꦱꦭꦴꦧ꧀ꦪꦴꦏꦠꦤ꧀ꦠꦶ ꦠꦷꦟꦶ. ꦠꦡꦴ ꦄꦏꦸꦱꦭꦺꦤ; ꦄꦧ꧀ꦪꦴꦏꦠꦺꦤ ꦄꦧ꧀ꦪꦴꦏꦠꦩꦺꦮꦴꦠꦶ ꦌꦮꦁ ꦱꦠ꧀ꦠ. ꦄꦴꦫꦩ꧀ꦩꦟꦺ ꦤꦮꦴꦠꦶ ꦌꦏꦩꦹꦭꦏꦌꦏꦴꦮꦱꦴꦤꦴꦤꦶ ꦤꦮ. ꦄꦣꦶꦥꦠꦶꦪꦴ ꦢꦱꦴꦠꦶ ꦏꦸꦱꦭꦁ ꦏꦸꦱꦭꦱ꧀ꦱ ꦱꦲꦗꦴꦠꦠꦺꦴ ꦕꦺꦮ ꦄꦴꦫꦩ꧀ꦩꦟꦠꦺꦴ ꦕ; ꦄꦏꦸꦱꦭꦱ꧀ꦱ ꦄꦴꦫꦩ꧀ꦩꦟꦠꦺꦴꦮ ꦄꦧ꧀ꦪꦴꦏꦠꦱ꧀ꦱ ꦱꦲꦗꦴꦠꦠꦺꦴ ꦕꦺꦮ ꦄꦴꦫꦩ꧀ꦩꦟꦠꦺꦴ ꦕ; ꦏꦸꦱꦭꦴꦧ꧀ꦪꦴꦏꦠꦱ꧀ꦱ ꦱꦲꦗꦴꦠꦠꦺꦴꦮꦴꦠꦶ ꦏꦸꦱꦭꦩꦹꦭꦏꦴꦤꦶ ꦕꦠ꧀ꦠꦴꦫꦶ. ꦄꦏꦸꦱꦭꦁ ꦄꦏꦸꦱꦭꦱ꧀ꦱ ꦱꦲꦗꦴꦠꦠꦺꦴ ꦕꦺꦮ ꦄꦴꦫꦩ꧀ꦩꦟꦠꦺꦴ ꦕ; ꦄꦧ꧀ꦪꦴꦏꦠꦱ꧀ꦱ ꦱꦲꦗꦴꦠꦠꦺꦴꦮ ꦠꦡꦴ ꦄꦏꦸꦱꦭꦴꦧ꧀ꦪꦴꦏꦠꦱ꧀ꦱꦴꦠꦶ ꦄꦏꦸꦱꦭꦩꦹꦭꦏꦴꦤꦶ ꦠꦷꦟꦶ. ꦄꦧ꧀ꦪꦴꦏꦠꦺꦴ ꦄꦧ꧀ꦪꦴꦏꦠꦱ꧀ꦱ ꦱꦲꦗꦴꦠꦠꦺꦴ ꦕꦺꦮ ꦄꦴꦫꦩ꧀ꦩꦟꦠꦺꦴ ꦕ; ꦏꦸꦱꦭꦱ꧀ꦱ ꦄꦴꦫꦩ꧀ꦩꦟꦠꦺꦴꦮ ꦠꦡꦴ ꦄꦏꦸꦱꦭꦱ꧀ꦱꦴꦠꦶ ꦄꦧ꧀ꦪꦴꦏꦠꦩꦹꦭꦏꦴꦤꦶ ꦠꦷꦟꦷꦠꦶ ꦌꦮꦁ ꦢꦱ. ꦌꦠ꧀ꦡ ꦥꦤ ꦄꦴꦫꦩ꧀ꦩꦟꦴꦣꦶꦥꦠꦶꦥꦶ ꦱꦠ꧀ꦠꦣꦴ, ꦱꦲꦗꦴꦠꦴꦣꦶꦥꦠꦶꦥꦶ ꦱꦠ꧀ꦠꦣꦴꦮ ꦭꦧ꧀ꦨꦠꦶ.

ꦄꦤꦤ꧀ꦠꦫꦺ ꦱꦠ꧀ꦠꦴꦠꦶ ꦏꦸꦱꦭꦩꦹꦭꦏꦴꦤꦶ ꦢ꧀ꦮꦺ, ꦠꦡꦴ ꦄꦏꦸꦱꦭꦩꦹꦭꦏꦴꦤꦶ, ꦄꦧ꧀ꦪꦴꦏꦠꦩꦹꦭꦏꦴꦤꦶ ꦠꦷꦟꦷꦠꦶ ꦌꦮꦁ ꦱꦠ꧀ꦠ. ꦱꦩꦤꦤ꧀ꦠꦫꦺꦥꦶ ꦌꦠꦴꦤꦺꦮ. ꦱꦲꦗꦴꦠꦺ ꦤꦮꦴꦠꦶ ꦏꦸꦱꦭꦩꦹꦭꦏꦴꦤꦶ ꦠꦷꦟꦶ, ꦄꦏꦸꦱꦭꦩꦹꦭꦏꦴꦤꦶ ꦠꦷꦟꦶ, ꦄꦧ꧀ꦪꦴꦏꦠꦩꦹꦭꦏꦁ ꦌꦏꦁ, ꦠꦡꦴ ꦏꦸꦱꦭꦴꦧ꧀ꦪꦴꦏꦠꦩꦹꦭꦏꦁ, ꦄꦏꦸꦱꦭꦴꦧ꧀ꦪꦴꦏꦠꦩꦹꦭꦏꦚ꧀ꦕꦴꦠꦶ ꦌꦮꦁ ꦤꦮ. ꦄꦚ꧀ꦚꦩꦚ꧀ꦚꦺ ꦠꦷꦟꦷꦠꦶ ꦏꦸꦱꦭꦺꦤ ꦏꦸꦱꦭꦁ, ꦄꦏꦸꦱꦭꦺꦤ ꦄꦏꦸꦱꦭꦁ, ꦄꦧ꧀ꦪꦴꦏꦠꦺꦤ ꦄꦧ꧀ꦪꦴꦏꦠꦤ꧀ꦠꦶ ꦌꦮꦁ ꦠꦷꦟꦶ. ꦤꦶꦱ꧀ꦱꦪꦺ ꦠꦺꦫꦱꦴꦠꦶ ꦱꦲꦗꦴꦠꦠꦺꦴꦮ ꦏꦸꦱꦭꦩꦹꦭꦏꦴꦤꦶ ꦠꦷꦟꦶ, ꦠꦡꦴ ꦄꦏꦸꦱꦭꦩꦹꦭꦏꦴꦤꦶ, ꦠꦡꦴ ꦄꦧ꧀ꦪꦴꦏꦠꦩꦹꦭꦏꦴꦤꦶ. ꦌꦠ꧀ꦡ ꦥꦤ ꦥꦸꦫꦺꦗꦴꦠꦩ꧀ꦥꦶ ꦭꦧ꧀ꦨꦠꦶ. ꦄꦧ꧀ꦪꦴꦏꦠꦚ꧀ꦲꦶ ꦄꦧ꧀ꦪꦴꦏꦠꦱ꧀ꦱ ꦱꦲꦗꦴꦠꦩ꧀ꦥꦶ ꦲꦺꦴꦠꦶ ꦥꦸꦫꦺꦗꦴꦠꦩ꧀ꦥꦶ; ꦏꦸꦱꦭꦱ꧀ꦱ ꦥꦸꦫꦺꦗꦴꦠꦩꦺꦮ ꦠꦡꦴ ꦄꦏꦸꦱꦭꦱ꧀ꦱ. ꦥꦸꦤ ꦏꦸꦱꦭꦴꦧ꧀ꦪꦴꦏꦠꦺꦴ ꦱꦲꦗꦴꦠꦥꦸꦫꦺꦗꦴꦠꦠꦺꦴ ꦏꦸꦱꦭꦱ꧀ꦱ, ꦱꦲꦗꦴꦠꦠꦺꦴꦮ ꦄꦧ꧀ꦪꦴꦏꦠꦱ꧀ꦱ, ꦠꦡꦴ ꦄꦏꦸꦱꦭꦴꦧ꧀ꦪꦴꦏꦠꦺꦴꦠꦶ ꦌꦮꦁ ꦠꦺꦫꦱ. ꦈꦥꦤꦶꦱ꧀ꦱꦪꦺ ꦤꦮꦴꦠꦶ ꦌꦏꦩꦹꦭꦏꦺꦏꦴꦮꦱꦴꦤꦴ ꦤꦮ. ꦠꦺꦱꦁ ꦮꦶꦨꦔ꧀ꦒꦺ ꦠꦺꦮꦷꦱꦠꦶ ꦨꦺꦢꦴ ꦢꦱ꧀ꦱꦶꦠꦴ. ꦠꦺꦱꦸ ꦄꦴꦫꦩ꧀ꦩꦟꦹꦥꦤꦶꦱ꧀ꦱꦪꦺ ꦱꦠ꧀ꦠ, ꦄꦤꦤ꧀ꦠꦫꦹꦥꦤꦶꦱ꧀ꦱꦪꦺ ꦱꦠ꧀ꦠ, ꦥꦏꦠꦹꦥꦤꦶꦱ꧀ꦱꦪꦺ ꦤꦮ ꦲꦺꦴꦤ꧀ꦠꦶ. ꦥꦸꦫꦺꦗꦴꦠꦺ ꦠꦷꦟꦷꦠꦶ ꦄꦧ꧀ꦪꦴꦏꦠꦺꦴ ꦄꦧ꧀ꦪꦴꦏꦠꦱ꧀ꦱ, ꦏꦸꦱꦭꦱ꧀ꦱ, ꦄꦏꦸꦱꦭꦱ꧀ꦱꦴꦠꦶ ꦌꦮꦁ ꦠꦷꦟꦶ.

ꦥꦕ꧀ꦖꦴꦗꦴꦠꦺ ꦠꦷꦟꦷꦠꦶ ꦏꦸꦱꦭꦺꦴ ꦄꦧ꧀ꦪꦴꦏꦠꦱ꧀ꦱ, ꦄꦏꦸꦱꦭꦺꦴ ꦄꦧ꧀ꦪꦴꦏꦠꦱ꧀ꦱ, ꦄꦧ꧀ꦪꦴꦏꦠꦺꦴ ꦄꦧ꧀ꦪꦴꦏꦠꦱ꧀ꦱꦴꦠꦶ ꦌꦮꦁ ꦠꦷꦟꦶ. ꦄꦴꦱꦺꦮꦤꦺ ꦠꦷꦟꦶ ꦄꦚ꧀ꦚꦩꦚ꧀ꦚꦱꦢꦶꦱꦴꦤꦶ. ꦏꦩ꧀ꦩꦺ ꦱꦠ꧀ꦠ ꦲꦺꦠꦸꦱꦢꦶꦱꦴꦤꦶ. ꦠꦠ꧀ꦡ ꦢ꧀ꦮꦷꦱꦸ ꦮꦶꦱ꧀ꦱꦗ꧀ꦗꦤꦺꦱꦸ ꦤꦴꦤꦴꦏ꧀ꦑꦟꦶꦏꦏꦩ꧀ꦩꦩ꧀ꦥꦶ ꦄꦴꦒꦠꦁ, ꦥꦚ꧀ꦕꦱꦸ ꦱꦲꦗꦴꦠꦩꦺꦮ. ꦮꦶꦥꦴꦏꦺ ꦌꦏꦁ ꦄꦧ꧀ꦪꦴꦏꦠꦺꦤ ꦄꦧ꧀ꦪꦴꦏꦠꦁ. ꦄꦴꦲꦴꦫꦆꦤ꧀ꦢ꧀ꦫꦶꦪꦙꦴꦤꦩꦒ꧀ꦒꦺꦱꦸ ꦱꦠ꧀ꦠ ꦲꦺꦠꦸꦱꦢꦶꦱꦴꦤꦺꦮ. ꦆꦤ꧀ꦢ꧀ꦫꦶꦪꦁ ꦥꦤꦺꦠ꧀ꦡ ꦱꦲꦗꦴꦠꦥꦸꦫꦺꦗꦴꦠꦮꦱꦺꦤ ꦄꦴꦒꦠꦁ. ꦱꦩ꧀ꦥꦪꦸꦠ꧀ꦠꦺ ꦠꦷꦟꦶ ꦄꦚ꧀ꦚꦩꦚ꧀ꦚꦱꦢꦶꦱꦴꦤꦶ. ꦮꦶꦥ꧀ꦥꦪꦸꦠ꧀ꦠꦺ ꦥꦚ꧀ꦕꦴꦠꦶ ꦱꦲꦗꦴꦠꦥꦕ꧀ꦖꦴꦗꦴꦠꦠꦺꦴ ꦏꦸꦱꦭꦺꦤ ꦄꦧ꧀ꦪꦴꦏꦠꦁ, ꦄꦏꦸꦱꦭꦺꦤ ꦄꦧ꧀ꦪꦴꦏꦠꦁ, ꦱꦲꦗꦴꦠꦥꦸꦫꦺꦗꦴꦠꦥꦕ꧀ꦖꦴꦗꦴꦠꦠꦺꦴ ꦄꦧ꧀ꦪꦴꦏꦠꦺꦤ ꦄꦧ꧀ꦪꦴꦏꦠꦁ, ꦮꦠ꧀ꦡꦸꦥꦸꦫꦺꦗꦴꦠꦠꦺꦴ ꦄꦧ꧀ꦪꦴꦏꦠꦺꦤ ꦏꦸꦱꦭꦁ, ꦠꦡꦴ ꦄꦏꦸꦱꦭꦤ꧀ꦠꦶ ꦌꦏꦁ ꦏꦸꦱꦭꦩꦹꦭꦁ, ꦌꦏꦁ ꦄꦏꦸꦱꦭꦩꦹꦭꦁ, ꦠꦷꦟꦶ ꦄꦧ꧀ꦪꦴꦏꦠꦩꦹꦭꦴꦤꦷꦠꦶ ꦌꦮꦁ ꦥꦚ꧀ꦕ.

ꦄꦠ꧀ꦡꦶꦪꦴ ꦠꦺꦫꦱꦴꦠꦶ ꦱꦲꦗꦴꦠꦠꦺꦴ ꦏꦸꦱꦭꦺꦤ ꦏꦸꦱꦭꦁ, ꦱꦲꦗꦴꦠꦥꦕ꧀ꦖꦴꦗꦴꦠꦠꦺꦴ ꦏꦸꦱꦭꦺꦤ ꦄꦧ꧀ꦪꦴꦏꦠꦁ, ꦱꦲꦗꦴꦠꦠꦺꦴꦮ ꦏꦸꦱꦭꦺꦤ ꦏꦸꦱꦭꦴꦧ꧀ꦪꦴꦏꦠꦤ꧀ꦠꦶ ꦏꦸꦱꦭꦩꦹꦭꦴꦤꦶ ꦠꦷꦟꦶ, ꦠꦡꦴ ꦄꦏꦸꦱꦭꦩꦹꦭꦴꦤꦶ, ꦱꦲꦗꦴꦠꦥꦸꦫꦺꦗꦴꦠꦥꦕ꧀ꦖꦴꦗꦴꦠꦴꦲꦴꦫꦶꦤ꧀ꦢ꧀ꦫꦶꦪꦠꦺꦴ ꦥꦤ ꦄꦧ꧀ꦪꦴꦏꦠꦺꦤ ꦄꦧ꧀ꦪꦴꦏꦠꦁ, ꦮꦠ꧀ꦡꦴꦫꦩ꧀ꦩꦟꦥꦸꦫꦺꦗꦴꦠꦠꦺꦴ ꦄꦧ꧀ꦪꦴꦏꦠꦺꦤ ꦏꦸꦱꦭꦁ, ꦠꦡꦴ ꦄꦏꦸꦱꦭꦁ, ꦱꦲꦗꦴꦠꦥꦸꦫꦺꦗꦴꦠꦠꦺꦴ ꦏꦸꦱꦭꦺꦴ ꦕ ꦄꦧ꧀ꦪꦴꦏꦠꦺꦴ ꦕ ꦄꦏꦸꦱꦭꦱ꧀ꦱ; ꦱ꧀ꦮꦺꦮ ꦄꦧ꧀ꦪꦴꦏꦠꦱ꧀ꦱ ꦱꦲꦗꦴꦠꦥꦕ꧀ꦖꦴꦗꦴꦠꦄꦴꦲꦴꦫꦶꦤ꧀ꦢ꧀ꦫꦶꦪꦠꦺꦴ ꦱꦲꦗꦴꦠꦥꦸꦫꦺꦗꦴꦠꦠꦺꦴ ꦕ ꦏꦸꦱꦭꦺꦴ ꦕ ꦄꦧ꧀ꦪꦴꦏꦠꦺꦴ ꦕ ꦏꦸꦱꦭꦱ꧀ꦱ; ꦱ꧀ꦮꦺꦮ ꦄꦧ꧀ꦪꦴꦏꦠꦱ꧀ꦱ ꦱꦲꦗꦴꦠꦥꦕ꧀ꦖꦴꦗꦴꦠꦄꦴꦲꦴꦫꦶꦤ꧀ꦢ꧀ꦫꦶꦪꦠꦺꦴꦠꦶ ꦌꦮꦁ ꦠꦺꦫꦱ. ꦤꦠ꧀ꦡꦶꦮꦶꦒꦠꦺꦱꦸ ꦱꦠ꧀ꦠ ꦄꦤꦤ꧀ꦠꦫꦱꦢꦶꦱꦴꦤꦶ. ꦄꦮꦶꦒꦠꦺ ꦠꦺꦫꦱ ꦄꦠ꧀ꦡꦶꦱꦢꦶꦱꦴꦤꦷꦠꦶ. ꦌꦮꦩꦺꦠ꧀ꦡ ꦱꦠ꧀ꦠ ꦒꦟꦤꦥꦫꦶꦕ꧀ꦖꦺꦢꦴ ꦌꦏꦁ ꦠꦷꦟꦶ ꦥꦚ꧀ꦕ ꦱꦠ꧀ꦠ ꦤꦮ ꦢꦱ ꦠꦺꦫꦱꦴꦠꦶ. ꦠꦺꦱꦸ ꦮꦶꦥꦴꦏꦮꦱꦺꦤ ꦌꦏꦩꦺꦮ ꦌꦏꦏꦁ, ꦄꦚ꧀ꦚꦩꦚ꧀ꦚꦥꦸꦫꦺꦗꦴꦠꦥꦕ꧀ꦖꦴꦗꦴꦠꦴꦱꦺꦮꦤꦱꦩ꧀ꦥꦪꦸꦠ꧀ꦠꦮꦱꦺꦤ ꦥꦚ꧀ꦕ ꦠꦶꦏꦴ, ꦮꦶꦥ꧀ꦥꦪꦸꦠ꧀ꦠꦮꦱꦺꦤ ꦌꦏꦩꦺꦮ ꦥꦚ꧀ꦕꦏꦁ, ꦲꦺꦠꦸꦄꦤꦤ꧀ꦠꦫꦱꦩꦤꦤ꧀ꦠꦫꦏꦩ꧀ꦩꦄꦴꦲꦴꦫꦶꦤ꧀ꦢ꧀ꦫꦶꦪꦙꦴꦤꦩꦒ꧀ꦒꦤꦠ꧀ꦡꦶꦮꦶꦒꦠꦮꦱꦺꦤ ꦢꦱ ꦱꦠ꧀ꦠꦏꦴ, ꦄꦴꦫꦩ꧀ꦩꦟꦱꦲꦗꦴꦠꦈꦥꦤꦶꦱ꧀ꦱꦪꦮꦱꦺꦤ ꦠꦪꦺꦴ ꦤꦮꦏꦴ, ꦄꦣꦶꦥꦠꦶꦮꦱꦺꦤ ꦌꦏꦁ ꦢꦱꦏꦁ, ꦤꦶꦱ꧀ꦱꦪꦄꦠ꧀ꦡꦶꦄꦮꦶꦒꦠꦮꦱꦺꦤ ꦠꦪꦺꦴ ꦠꦺꦫꦱꦏꦴꦠꦶ ꦌꦮꦁ ꦠꦱ꧀ꦩꦶꦁ ꦠꦱ꧀ꦩꦶꦁ ꦥꦕ꧀ꦕꦪꦺ ꦤꦶꦢ꧀ꦢꦶꦛ꧀ꦜꦮꦴꦫꦺ ꦒꦟꦤꦮꦱꦺꦤ ꦱꦴꦣꦸꦏꦁ ꦱꦭ꧀ꦭꦏ꧀ꦑꦺꦠ꧀ꦮꦴ ꦠꦺꦱꦁ ꦮꦱꦺꦤ ꦢꦸꦏꦠꦶꦏꦴꦢꦷꦱꦸ ꦥꦕ꧀ꦕꦪꦱꦁꦱꦤ꧀ꦢꦤꦺ ꦒꦟꦤꦴ ꦮꦺꦢꦶꦠꦧ꧀ꦧꦴ.

꧔꧔꧐. ꦪꦺ ꦥꦤ ꦥꦕ꧀ꦕꦪꦴ ꦪꦺꦱꦁ ꦥꦕ꧀ꦕꦪꦴꦤꦁ ꦮꦶꦱꦨꦴꦒꦴ ꦮꦴ ꦮꦶꦫꦸꦢ꧀ꦣꦴ ꦮꦴ ꦲꦺꦴꦤ꧀ꦠꦶ, ꦠꦺ ꦠꦺꦲꦶ ꦱꦢ꧀ꦣꦶꦁ ꦤ ꦪꦺꦴꦗꦺꦠꦧ꧀ꦧꦴ. ꦱꦺꦪ꧀ꦪꦡꦶꦢꦁ – ꦲꦺꦠꦸꦥꦕ꧀ꦕꦪꦱ꧀ꦱ ꦠꦴꦮ ꦄꦴꦫꦩ꧀ꦩꦟꦴꦤꦤ꧀ꦠꦫꦱꦩꦤꦤ꧀ꦠꦫꦹꦥꦤꦶꦱ꧀ꦱꦪꦥꦸꦫꦺꦗꦴꦠꦥꦕ꧀ꦖꦴꦗꦴꦠꦏꦩ꧀ꦩꦴꦱꦺꦮꦤꦴꦲꦴꦫꦙꦴꦤꦤꦠ꧀ꦡꦶꦮꦶꦒꦠꦴ ꦄꦣꦶꦥꦠꦶꦥꦕ꧀ꦕꦪꦺ ꦕ ꦜꦥꦺꦠ꧀ꦮꦴ ꦮꦷꦩꦁꦱꦁ ꦱꦺꦱꦴꦣꦶꦥꦠꦶꦤꦺꦴ ꦮꦶꦱꦨꦴꦒꦴ, ꦱꦲꦗꦴꦠꦴꦢꦪꦺꦴ ꦱꦨꦴꦒꦴ. ꦏꦱ꧀ꦩꦴ? ꦠꦡꦴ ꦨꦴꦮꦴꦨꦴꦮꦠꦺꦴ. ꦲꦺꦠꦸꦥꦕ꧀ꦕꦪꦺꦴ ꦲꦶ ꦪꦺꦱꦁ ꦲꦺꦠꦸꦥꦕ꧀ꦕꦪꦺꦴ ꦲꦺꦴꦠꦶ, ꦠꦺꦱꦁ ꦱꦲꦗꦴꦠꦴꦢꦶꦥꦕ꧀ꦕꦪꦺꦴꦥꦶ ꦲꦺꦴꦠꦶ, ꦄꦴꦫꦩ꧀ꦩꦟꦴꦢꦶꦥꦕ꧀ꦕꦪꦺꦴ ꦥꦤ ꦤ ꦲꦺꦴꦠꦷꦠꦶ ꦄꦴꦫꦩ꧀ꦩꦟꦴꦢꦪꦺꦴ ꦠꦱ꧀ꦱ ꦮꦶꦱꦨꦴꦒꦴ ꦤꦴꦩ. ꦠꦱ꧀ꦩꦴ ꦱꦺꦴ ꦠꦺꦲꦶ, ꦠꦺ ꦮꦴ ꦠꦺꦤ ꦱꦢ꧀ꦣꦶꦁ, ꦤ ꦪꦺꦴꦗꦺꦠꦧ꧀ꦧꦴ. ꦥꦸꦫꦺꦗꦴꦠꦥꦕ꧀ꦖꦴꦗꦴꦠꦱꦩ꧀ꦥꦪꦸꦠ꧀ꦠꦮꦶꦥ꧀ꦥꦪꦸꦠ꧀ꦠꦄꦠ꧀ꦡꦶꦤꦠ꧀ꦡꦶꦮꦶꦒꦠꦴꦮꦶꦒꦠꦴ ꦕ ꦄꦚ꧀ꦚꦩꦚ꧀ꦚꦮꦶꦫꦸꦢ꧀ꦣꦴ, ꦠꦺꦥꦶ ꦄꦚ꧀ꦚꦩꦚ꧀ꦚꦁ ꦤ ꦪꦺꦴꦗꦺꦠꦧ꧀ꦧꦴ. ꦠꦠ꧀ꦡ ꦄꦪꦺꦴꦗꦤꦷꦪꦺ ꦮꦗ꧀ꦗꦺꦠ꧀ꦮꦴ ꦪꦺꦴꦗꦤꦷꦪꦺꦲꦶ ꦪꦺꦴꦒꦺ ꦪꦺ ꦮꦴꦫꦴ ꦭꦧ꧀ꦨꦤ꧀ꦠꦶ, ꦠꦺ ꦱꦔ꧀ꦑꦺꦥꦠꦺꦴ ꦢꦱ꧀ꦱꦺꦠꦸꦁ ꦲꦺꦠꦸꦥꦕ꧀ꦕꦪꦴ ꦄꦣꦶꦥꦠꦶꦪꦴ ꦕꦠ꧀ꦠꦴꦫꦷꦠꦶꦄꦴꦢꦶ ꦮꦸꦠ꧀ꦠꦁ.

ꦠꦠ꧀ꦡ ꦏꦶꦚ꧀ꦕꦴꦥꦶ ꦲꦺꦠꦸꦥꦕ꧀ꦕꦪꦱ꧀ꦱ ꦄꦣꦶꦥꦠꦶꦤꦴ ꦱꦁꦱꦤ꧀ꦢꦤꦺ ꦈꦴꦤꦠꦫꦒꦟꦤꦮꦱꦺꦤ ꦱꦠ꧀ꦠꦲꦶ ꦮꦴꦫꦺꦲꦶ ꦨꦮꦶꦠꦧ꧀ꦧꦁ, ꦪꦱ꧀ꦩꦴ ꦥꦤ ꦄꦣꦶꦥꦠꦷꦱꦸ ꦮꦷꦩꦁꦱꦴꦮ ꦲꦺꦠꦸꦥꦕ꧀ꦕꦪꦺꦴ, ꦤ ꦆꦠꦫꦺ, ꦠꦱ꧀ꦩꦴ ꦮꦶꦱꦨꦴꦒꦺ ꦮꦗ꧀ꦗꦺꦠ꧀ꦮꦴ ꦱꦨꦴꦒꦮꦱꦺꦤ ‘‘ꦕꦠ꧀ꦠꦴꦫꦷ’’ꦠꦶ ꦮꦸꦠ꧀ꦠꦁ. ꦠꦴꦤꦶ ꦌꦮꦁ ꦮꦺꦢꦶꦠꦧ꧀ꦧꦴꦤꦶ – ꦏꦸꦱꦭꦺꦴ ꦣꦩ꧀ꦩꦺꦴ ꦏꦸꦱꦭꦱ꧀ꦱ ꦣꦩ꧀ꦩꦱ꧀ꦱ ꦲꦺꦠꦸꦥꦕ꧀ꦕꦪꦺꦤ ꦥꦕ꧀ꦕꦪꦺꦴ ꦄꦣꦶꦥꦠꦶꦥꦕ꧀ꦕꦪꦺꦤ ꦥꦕ꧀ꦕꦪꦺꦴ; ꦏꦸꦱꦭꦴ ꦮꦷꦩꦁꦱꦴ ꦱꦩ꧀ꦥꦪꦸꦠ꧀ꦠꦏꦴꦤꦁ ꦑꦤ꧀ꦣꦴꦤꦁ, ꦏꦸꦱꦭꦺꦴ ꦣꦩ꧀ꦩꦺꦴ ꦄꦧ꧀ꦪꦴꦏꦠꦱ꧀ꦱ ꦣꦩ꧀ꦩꦱ꧀ꦱ ꦲꦺꦠꦸꦥꦕ꧀ꦕꦪꦺꦤ ꦥꦕ꧀ꦕꦪꦺꦴ ꦄꦣꦶꦥꦠꦶꦥꦕ꧀ꦕꦪꦺꦤ ꦥꦕ꧀ꦕꦪꦺꦴ; ꦏꦸꦱꦭꦴ ꦮꦷꦩꦁꦱꦴ ꦕꦶꦠ꧀ꦠꦱꦩꦸꦛ꧀ꦜꦴꦤꦴꦤꦁ ꦫꦹꦥꦴꦤꦁ, ꦏꦸꦱꦭꦺꦴ ꦣꦩ꧀ꦩꦺꦴ ꦏꦸꦱꦭꦱ꧀ꦱ ꦕ ꦄꦧ꧀ꦪꦴꦏꦠꦱ꧀ꦱ ꦕ ꦣꦩ꧀ꦩꦱ꧀ꦱ ꦲꦺꦠꦸꦥꦕ꧀ꦕꦪꦺꦤ ꦥꦕ꧀ꦕꦪꦺꦴ ꦄꦣꦶꦥꦠꦶꦥꦕ꧀ꦕꦪꦺꦤ ꦥꦕ꧀ꦕꦪꦺꦴ; ꦏꦸꦱꦭꦴ ꦮꦷꦩꦁꦱꦴ ꦱꦩ꧀ꦥꦪꦸꦠ꧀ꦠꦏꦴꦤꦁ ꦑꦤ꧀ꦣꦴꦤꦁ ꦕꦶꦠ꧀ꦠꦱꦩꦸꦛ꧀ꦜꦴꦤꦴꦤꦚ꧀ꦕ ꦫꦹꦥꦴꦤꦁ, ꦄꦧ꧀ꦪꦴꦏꦠꦺꦴ ꦣꦩ꧀ꦩꦺꦴ ꦄꦧ꧀ꦪꦴꦏꦠꦱ꧀ꦱ ꦣꦩ꧀ꦩꦱ꧀ꦱ ꦲꦺꦠꦸꦥꦕ꧀ꦕꦪꦺꦤ ꦥꦕ꧀ꦕꦪꦺꦴ ꦄꦣꦶꦥꦠꦶꦥꦕ꧀ꦕꦪꦺꦤ ꦥꦕ꧀ꦕꦪꦺꦴ; ꦮꦶꦥꦴꦏꦴꦧ꧀ꦪꦴꦏꦠꦴ ꦏꦶꦫꦶꦪꦴꦧ꧀ꦪꦴꦏꦠꦴ ꦮꦷꦩꦁꦱꦴ ꦱꦩ꧀ꦥꦪꦸꦠ꧀ꦠꦏꦴꦤꦁ ꦑꦤ꧀ꦣꦴꦤꦁ ꦕꦶꦠ꧀ꦠꦱꦩꦸꦛ꧀ꦜꦴꦤꦴꦤꦚ꧀ꦕ ꦫꦹꦥꦴꦤꦤ꧀ꦠꦶ. ꦌꦠ꧀ꦡ ꦕ ꦮꦶꦥꦴꦏꦴꦧ꧀ꦪꦴꦏꦠꦴ ꦭꦺꦴꦏꦸꦠ꧀ꦠꦫꦠꦺꦴꦮ ꦒꦲꦺꦠꦧ꧀ꦧꦴ. ꦄꦴꦫꦩ꧀ꦩꦟꦥꦕ꧀ꦕꦪꦄꦤꦤ꧀ꦠꦫꦥꦕ꧀ꦕꦪꦴꦢꦪꦺꦴ ꦥꦤ ꦮꦶꦱꦨꦴꦒꦠ꧀ꦠꦴ ꦤ ꦪꦺꦴꦗꦶꦠꦴ. ꦆꦩꦶꦤꦴ ꦈꦥꦴꦪꦺꦤ ꦱꦧ꧀ꦧꦠ꧀ꦡ ꦭꦧ꧀ꦨꦩꦴꦤꦚ꧀ꦕ ꦄꦭꦧ꧀ꦨꦩꦴꦤꦚ꧀ꦕ ꦚꦠ꧀ꦮꦴ ꦭꦧ꧀ꦨꦩꦴꦤꦮꦱꦺꦤ ꦮꦴꦫꦴ ꦈꦢ꧀ꦣꦫꦶꦠꦧ꧀ꦧꦴ.

ꦱꦲꦗꦴꦠꦺ ꦱꦠ꧀ꦠꦴꦠꦶ ꦲꦺꦠꦸꦪꦴ ꦭꦢ꧀ꦣꦴꦤꦺꦮ. ꦄꦚ꧀ꦚꦩꦚ꧀ꦚꦺ ꦠꦷꦟꦷꦠꦶ ꦱꦸꦢ꧀ꦣꦶꦏꦄꦚ꧀ꦚꦩꦚ꧀ꦚꦺ ꦭꦢ꧀ꦣꦴꦤꦺꦮ. ꦤꦶꦱ꧀ꦱꦪꦺ ꦱꦠ꧀ꦠꦴꦠꦶ ꦲꦺꦠꦸꦪꦴ ꦭꦢ꧀ꦣꦴꦤꦺꦮ. ꦮꦶꦥꦴꦏꦺ ꦌꦏꦤ꧀ꦠꦶ ꦱꦸꦢ꧀ꦣꦶꦏꦮꦶꦥꦴꦏꦺ ꦭꦢ꧀ꦣꦩꦺꦮ. ꦆꦤ꧀ꦢ꧀ꦫꦶꦪꦩꦒ꧀ꦒꦺꦱꦸ ꦕꦠ꧀ꦠꦴꦫꦷꦠꦶ ꦲꦺꦛ꧀ꦜꦴ ꦮꦸꦠ꧀ꦠꦤꦪꦴꦤꦺꦮ. ꦱꦩ꧀ꦥꦪꦸꦠ꧀ꦠꦺ ꦠꦷꦟꦷꦠꦶ ꦱꦸꦢ꧀ꦣꦶꦏꦱꦩ꧀ꦥꦪꦸꦠ꧀ꦠꦺ ꦭꦢ꧀ꦣꦴꦤꦺꦮ. ꦮꦶꦥ꧀ꦥꦪꦸꦠ꧀ꦠꦺ ꦠꦷꦟꦷꦠꦶ ꦏꦸꦱꦭꦴꦢꦶꦕꦶꦠ꧀ꦠꦱꦩꦸꦛ꧀ꦜꦴꦤꦁ ꦫꦹꦥꦁ ꦥꦕ꧀ꦕꦪꦸꦥ꧀ꦥꦤ꧀ꦤꦁ ꦏꦠ꧀ꦮꦴ ꦮꦺꦢꦶꦠꦧ꧀ꦧꦴꦤꦶ. ꦄꦠ꧀ꦡꦶꦄꦮꦶꦒꦠꦺꦱꦸ ꦱꦠ꧀ꦠꦴꦠꦶ ꦲꦺꦠꦸꦪꦴ ꦭꦢ꧀ꦣꦴꦤꦺꦮ.

꧔꧔꧑-꧔꧔꧓. ꦌꦮꦁ ꦪꦺꦲꦶ ꦄꦣꦶꦥꦠꦶꦥꦕ꧀ꦕꦪꦴꦢꦷꦲꦶ ꦌꦏꦴꦢꦱꦲꦶ ꦥꦕ꧀ꦕꦪꦺꦲꦶ ꦱꦢ꧀ꦣꦶꦁ ꦲꦺꦠꦸꦥꦕ꧀ꦕꦪꦺꦴ ꦪꦺꦴꦗꦤꦁ ꦭꦨꦠꦶ, ꦠꦺꦱꦁ ꦮꦱꦺꦤ ꦢꦸꦩꦹꦭꦏꦤꦪꦺ ꦒꦟꦤꦁ ꦢꦱ꧀ꦱꦺꦠ꧀ꦮꦴ ꦆꦢꦴꦤꦶ ꦠꦶꦩꦹꦭꦏꦴꦢꦷꦱꦸ ꦠꦱ꧀ꦱ ꦢꦱ꧀ꦱꦤꦠ꧀ꦡꦁ ꦭꦏ꧀ꦑꦟꦁ ꦜꦥꦺꦤ꧀ꦠꦺꦴ ꦲꦺꦠꦸꦱꦲꦗꦴꦠꦤꦶꦱ꧀ꦱꦪꦄꦠ꧀ꦡꦶꦄꦮꦶꦒꦠꦤ꧀ꦠꦶ ꦱꦠ꧀ꦠꦴꦠꦶꦄꦴꦢꦶꦩꦴꦲ. ꦥꦺꦴꦠ꧀ꦡꦏꦺꦱꦸ ꦥꦤ ꦤꦶꦱ꧀ꦱꦈꦥꦤꦶꦱ꧀ꦱꦄꦣꦶꦥꦴꦠꦶ ꦌꦮꦁ ꦥꦫꦶꦲꦷꦤꦏ꧀ꦑꦫꦴꦤꦶ ꦥꦕ꧀ꦕꦪꦤꦴꦩꦴꦤꦶ ꦭꦶꦑꦤ꧀ꦠꦶ, ꦠꦁ ꦱꦚ꧀ꦚꦴꦏꦫꦟꦩꦠ꧀ꦠꦮꦱꦺꦤ ꦭꦶꦑꦶꦠꦁ. ꦠꦱ꧀ꦩꦴ ꦠꦴꦢꦶꦱꦺꦱꦸ ꦜꦴꦤꦺꦱꦸ ꦥꦫꦶꦥꦸꦟ꧀ꦟꦴ ꦥꦴꦭ꦳ꦶ ꦏꦴꦠꦧ꧀ꦧꦴ. ꦪꦁ ꦥꦤꦶꦢꦁ ꦭꦏ꧀ꦑꦟꦁ ꦜꦥꦶꦠꦁ, ꦠꦺꦤ ꦆꦢꦁ ꦢꦷꦥꦺꦠꦶ – ꦄꦪꦁ ꦲꦺꦠꦸꦥꦕ꧀ꦕꦪꦺꦴ ꦱꦲꦗꦴꦠꦴꦢꦷꦲꦶ ꦕꦠꦹꦲꦶ ꦱꦢ꧀ꦣꦶꦁ ꦱꦁꦱꦤ꧀ꦢꦤꦺ ꦄꦠ꧀ꦠꦤꦺꦴ ꦮꦶꦨꦔ꧀ꦒꦺ ꦭꦢ꧀ꦣꦴꦤꦶ ꦱꦠ꧀ꦠꦺꦮ ꦮꦶꦱ꧀ꦱꦗ꧀ꦗꦤꦴꦤꦶ ꦭꦨꦠꦶ. ꦱꦕꦺ ꦥꦤꦺꦠ꧀ꦡ ꦄꦚ꧀ꦚꦩꦚ꧀ꦚꦥꦕ꧀ꦕꦪꦺꦴ ꦥꦮꦶꦱꦠꦶ, ꦄꦚ꧀ꦚꦩꦚ꧀ꦚꦺ ꦭꦢ꧀ꦣꦴꦤꦶ ꦠꦷꦟꦶ ꦭꦨꦠꦶ. ꦱꦕꦺ ꦱꦩ꧀ꦥꦪꦸꦠ꧀ꦠꦥꦕ꧀ꦕꦪꦺꦴ ꦥꦮꦶꦱꦠꦶ, ꦠꦴꦤꦺꦮ ꦠꦷꦟꦶ ꦭꦨꦠꦶ. ꦱꦕꦺ ꦮꦶꦥ꧀ꦥꦪꦸꦠ꧀ꦠꦥꦕ꧀ꦕꦪꦺꦴ ꦥꦮꦶꦱꦠꦶ, ꦲꦺꦠꦸꦮꦶꦥ꧀ꦥꦪꦸꦠ꧀ꦠꦢꦸꦏꦺ ꦭꦢ꧀ꦣꦴꦤꦶ ꦠꦷꦟꦶ ꦭꦨꦠꦶ. ꦱꦕꦺ ꦮꦶꦥꦴꦏꦥꦕ꧀ꦕꦪꦺꦴ ꦥꦮꦶꦱꦠꦶ, ꦱꦧ꧀ꦧꦺꦲꦶ ꦮꦶꦥꦴꦏꦱꦨꦴꦒꦺꦲꦶ ꦱꦢ꧀ꦣꦶꦁ ꦱꦁꦱꦤ꧀ꦢꦤꦺ ꦌꦮꦩꦺꦮ ꦮꦶꦱ꧀ꦱꦗ꧀ꦗꦤꦁ ꦭꦨꦠꦶ. ꦱꦕꦺ ꦥꦤꦺꦠ꧀ꦡ ꦆꦤ꧀ꦢ꧀ꦫꦶꦪꦩꦒ꧀ꦒꦥꦕ꧀ꦕꦪꦴ ꦥꦮꦶꦱꦤ꧀ꦠꦶ, ꦠꦺꦲꦶ ꦱꦢ꧀ꦣꦶꦁ ꦢꦸꦩꦹꦭꦏꦺ ꦭꦢ꧀ꦣꦴꦤꦶ ꦕꦠ꧀ꦠꦴꦫꦶꦪꦺꦮ ꦭꦨꦠꦶ. ꦱꦕꦺ ꦠꦺꦲꦶ ꦱꦢ꧀ꦣꦶꦁ ꦄꦚ꧀ꦚꦩꦚ꧀ꦚꦥꦕ꧀ꦕꦪꦺꦴ ꦥꦮꦶꦱꦠꦶ, ꦲꦺꦠꦴꦣꦶꦥꦠꦶꦢꦸꦏꦺ ꦢꦱ꧀ꦱꦶꦠꦺꦱꦸ ꦕꦠꦹꦱꦸ ꦮꦶꦱ꧀ꦱꦗ꧀ꦗꦤꦺꦱꦸ ‘‘ꦏꦸꦱꦭꦺꦴ ꦣꦩ꧀ꦩꦺꦴ ꦄꦧ꧀ꦪꦴꦏꦠꦱ꧀ꦱ, ꦏꦸꦱꦭꦺꦴ ꦣꦩ꧀ꦩꦺꦴ ꦏꦸꦱꦭꦱ꧀ꦱ ꦕ ꦄꦧ꧀ꦪꦴꦏꦠꦱ꧀ꦱ ꦕꦴ’’ꦠꦶ ꦢ꧀ꦮꦺ ꦄꦥꦤꦺꦠ꧀ꦮꦴ ꦱꦺꦱꦴꦤꦶ ꦢ꧀ꦮꦺ ꦭꦨꦠꦶ. ꦱꦕꦺꦥꦶ ꦠꦠ꧀ꦡ ꦱꦩ꧀ꦥꦪꦸꦠ꧀ꦠꦥꦕ꧀ꦕꦪꦺꦴ ꦥꦮꦶꦱꦠꦶ, ꦠꦴꦤꦺꦮ ꦢ꧀ꦮꦺ ꦭꦨꦠꦶ. ꦱꦕꦺ ꦥꦤ ꦮꦶꦥ꧀ꦥꦪꦸꦠ꧀ꦠꦥꦕ꧀ꦕꦪꦺꦴ ꦥꦮꦶꦱꦠꦶ, ꦆꦠꦫꦴꦤꦶ ꦢ꧀ꦮꦺ ꦭꦨꦠꦶ. ꦱꦕꦺ ꦥꦤ ꦠꦺꦱꦸ ꦮꦶꦥꦴꦏꦥꦕ꧀ꦕꦪꦺꦴ ꦥꦮꦶꦱꦠꦶ, ꦱꦧ꧀ꦧꦠ꧀ꦡ ꦌꦏꦩꦺꦮ ꦭꦨꦠꦶ. ꦄꦣꦶꦥꦠꦶꦤꦴ ꦥꦤ ꦱꦢ꧀ꦣꦶꦁ ꦲꦺꦠꦴꦣꦶꦥꦠꦶꦢꦸꦏꦠꦺꦴ ꦈꦴꦤꦠꦫꦒꦟꦤꦺꦱꦸ ꦄꦥ꧀ꦥꦮꦶꦱꦤ꧀ꦠꦺꦱꦸ ꦕꦠ꧀ꦠꦴꦫꦶꦪꦺꦮ ꦭꦨꦠꦶ. ꦈꦴꦤꦠꦫꦒꦟꦤꦺꦱꦸ ꦥꦮꦶꦱꦤ꧀ꦠꦺꦱꦸ ꦠꦺꦱꦁ ꦮꦱꦺꦤ ꦢ꧀ꦮꦺ ꦌꦏꦤ꧀ꦠꦶ ꦭꦨꦠꦶ. ꦌꦮꦁ ꦠꦺꦱꦁ ꦠꦺꦱꦁ ꦥꦕ꧀ꦕꦪꦴꦤꦁ ꦱꦩꦴꦪꦺꦴꦒꦺ ꦭꦧ꧀ꦨꦩꦴꦤꦁ ꦒꦟꦤꦁ ꦮꦶꦢꦶꦠ꧀ꦮꦴ ꦠꦶꦩꦹꦭꦏꦴꦢꦷꦱꦸ ꦒꦟꦤꦴ ꦈꦢ꧀ꦣꦫꦶꦠꦧ꧀ꦧꦴꦠꦶ.

ꦌꦠꦺꦱꦸ ꦥꦤ ꦓꦛꦤꦺꦱꦸ ꦱꦧ꧀ꦧꦥꦜꦩꦴꦤꦶ ꦕꦠ꧀ꦠꦴꦫꦶ ꦓꦛꦤꦴꦤꦶ ꦱꦴꦩꦚ꧀ꦚꦠꦺꦴ ꦤꦮꦤ꧀ꦤꦩ꧀ꦥꦶ ꦲꦺꦠꦹꦤꦁ ꦮꦱꦺꦤ ꦮꦸꦠ꧀ꦠꦴꦤꦶ ꦄꦮꦶꦥꦴꦏꦴꦤꦶ. ꦄꦧ꧀ꦪꦴꦏꦠꦺꦤ ꦄꦧ꧀ꦪꦴꦏꦠꦮꦶꦱ꧀ꦱꦗ꧀ꦗꦤꦺ ꦥꦤꦺꦠ꧀ꦡ ꦮꦶꦥꦴꦏꦲꦺꦠꦸꦥꦶ ꦭꦧ꧀ꦨꦠꦶ.

ꦠꦠꦺꦴ ꦥꦫꦴꦤꦶ ꦥꦚ꧀ꦕ ꦓꦛꦤꦴꦤꦶ ꦮꦶꦥꦴꦏꦲꦺꦠꦸꦮꦱꦺꦤ ꦮꦸꦠ꧀ꦠꦴꦤꦶ. ꦠꦠ꧀ꦡ ꦱꦧ꧀ꦧꦺꦥꦶ ꦱꦲꦗꦴꦠꦮꦶꦥꦴꦏꦴ ꦕꦺꦮ ꦮꦶꦥꦴꦏꦱꦲꦗꦴꦠꦫꦹꦥꦴ ꦕ. ꦠꦺꦱꦸ ꦥꦜꦩꦺ ꦓꦛꦤꦺ ꦮꦶꦥꦴꦏꦴ ꦕꦺꦮ ꦠꦁꦱꦩꦸꦛ꧀ꦜꦴꦤꦫꦹꦥꦴ ꦕ ꦭꦧ꧀ꦨꦤ꧀ꦠꦶ, ꦢꦸꦠꦶꦪꦺ ꦮꦶꦥꦴꦏꦴ ꦕꦺꦮ ꦥꦛꦶꦱꦤ꧀ꦣꦶꦪꦚ꧀ꦕ ꦮꦠ꧀ꦡꦸꦫꦹꦥꦁ. ꦠꦠꦶꦪꦺ ꦄꦫꦹꦥꦣꦩ꧀ꦩꦴꦮ. ꦕꦠꦸꦠ꧀ꦡꦺ ꦮꦶꦥꦴꦏꦕꦶꦠ꧀ꦠꦱꦩꦸꦛ꧀ꦜꦴꦤꦫꦹꦥꦩꦺꦮ ꦭꦧ꧀ꦨꦠꦶ. ꦥꦚ꧀ꦕꦩꦺ ꦮꦠ꧀ꦡꦸꦫꦹꦥꦩꦺꦮ.

ꦠꦠꦺꦴ ꦥꦫꦴꦤꦶ ꦥꦚ꧀ꦕꦢꦱ ꦓꦛꦤꦴꦤꦶ ꦆꦤ꧀ꦢ꧀ꦫꦶꦪꦩꦒ꧀ꦒꦪꦸꦠ꧀ꦠꦴꦤꦶ ꦄꦩꦺꦴꦲꦲꦺꦠꦸꦮꦱꦺꦤ ꦮꦸꦠ꧀ꦠꦴꦤꦶ. ꦠꦠ꧀ꦡ ꦥꦜꦩꦴꦤꦶ ꦤꦮ ꦤꦶꦫꦴꦣꦶꦥꦠꦷꦤꦶ, ꦥꦕ꧀ꦖꦶꦩꦴꦤꦶ ꦖ ꦱꦴꦣꦶꦥꦠꦷꦤꦶ. ꦤꦶꦫꦴꦣꦶꦥꦠꦶꦏꦺꦱꦸꦥꦶ ꦥꦜꦩꦴꦤꦶ ꦕꦠ꧀ꦠꦴꦫꦶ ꦱꦴꦩꦚ꧀ꦚꦠꦺꦴ ꦱꦧ꧀ꦧꦠ꧀ꦡ ꦄꦩꦺꦴꦲꦮꦱꦺꦤ ꦮꦸꦠ꧀ꦠꦴꦤꦶ, ꦥꦕ꧀ꦖꦶꦩꦴꦤꦶ ꦥꦚ꧀ꦕ ꦮꦶꦥꦴꦏꦴꦩꦺꦴꦲꦮꦱꦺꦤ. ꦠꦠ꧀ꦡ ꦤꦶꦫꦴꦣꦶꦥꦠꦶꦏꦺꦱꦸ ꦥꦜꦩꦺ ꦕꦠ꧀ꦠꦴꦫꦷꦠꦶ ꦲꦺꦛ꧀ꦜꦴ ꦲꦺꦠꦴꦣꦶꦥꦠꦶꦢꦸꦏꦺ ꦢꦱ꧀ꦱꦶꦠꦴꦤꦺꦮ. ꦢꦸꦠꦶꦪꦺ ꦕꦶꦠ꧀ꦠꦱꦩꦸꦛ꧀ꦜꦴꦤꦫꦹꦥꦁ ꦥꦫꦶꦲꦴꦪꦠꦶ. ꦠꦠꦶꦪꦺ ꦮꦠ꧀ꦡꦸꦫꦹꦥꦁ ꦥꦫꦶꦲꦴꦪꦠꦶ. ꦕꦠꦸꦠ꧀ꦡꦺ ꦏꦸꦱꦭꦺꦴ ꦣꦩ꧀ꦩꦺꦴ ꦕꦶꦠ꧀ꦠꦱꦩꦸꦛ꧀ꦜꦴꦤꦴꦤꦁ, ꦄꦧ꧀ꦪꦴꦏꦠꦺꦴ ꦠꦁꦱꦩꦸꦛ꧀ꦜꦴꦤꦴꦤꦤ꧀ꦠꦶ ꦫꦹꦥꦩꦺꦮ ꦭꦧ꧀ꦨꦠꦶ. ꦠꦠꦺꦴ ꦥꦫꦴꦤꦶ ꦮꦶꦥꦴꦏꦪꦸꦠ꧀ꦠꦴꦤꦶ ꦥꦚ꧀ꦕ ꦲꦺꦛ꧀ꦜꦴ ꦮꦸꦠ꧀ꦠꦤꦪꦴꦤꦺꦮ. ꦱꦴꦣꦶꦥꦠꦶꦏꦺꦱꦸ ꦥꦜꦩꦴꦤꦶ ꦠꦷꦟꦶ ꦓꦛꦤꦴꦤꦶ ꦱꦴꦩꦚ꧀ꦚꦠꦺꦴ ꦮꦶꦥꦴꦏꦴꦮꦶꦥꦴꦏꦲꦺꦠꦸꦮꦱꦺꦤ ꦮꦸꦠ꧀ꦠꦴꦤꦶ. ꦠꦺꦱꦸ ꦥꦜꦩꦺ ꦕꦠ꧀ꦠꦴꦫꦶ ꦮꦸꦠ꧀ꦠꦤꦪꦴꦤꦺꦮ. ꦢꦸꦠꦶꦪꦺ ꦫꦹꦥꦁ ꦥꦫꦶꦲꦴꦪꦠꦶ, ꦠꦠꦶꦪꦺ ꦄꦫꦹꦥꦁ ꦥꦫꦶꦲꦴꦪꦠꦶ. ꦠꦠꦺꦴ ꦥꦫꦴꦤꦶ ꦠꦷꦟꦶ ꦮꦶꦥꦴꦏꦲꦺꦠꦸꦮꦱꦺꦤ ꦮꦸꦠ꧀ꦠꦴꦤꦶ. ꦠꦺꦱꦸ ꦥꦜꦩꦺ ꦫꦹꦥꦴꦫꦹꦥꦁ ꦭꦧ꧀ꦨꦠꦶ, ꦢꦸꦠꦶꦪꦺ ꦄꦫꦹꦥꦩꦺꦮ, ꦠꦠꦶꦪꦺ ꦫꦹꦥꦩꦺꦮ. ꦌꦮꦩ꧀ꦥꦶ ꦠꦺꦱꦁ ꦠꦺꦱꦁ ꦥꦕ꧀ꦕꦪꦴꦤꦁ ꦱꦩꦴꦪꦺꦴꦒꦺ ꦭꦧ꧀ꦨꦩꦴꦤꦁ ꦒꦟꦤꦁ ꦮꦶꦢꦶꦠ꧀ꦮꦴ ꦠꦶꦩꦹꦭꦏꦴꦢꦷꦱꦸ ꦒꦟꦤꦴ ꦈꦢ꧀ꦣꦫꦶꦠꦧ꧀ꦧꦴꦠꦶ.

ꦲꦺꦠꦸꦩꦹꦭꦏꦁ ꦤꦶꦛ꧀ꦜꦶꦠꦁ.

꧔꧔꧔. ꦄꦴꦫꦩ꧀ꦩꦟꦩꦹꦭꦏꦺꦥꦶ ꦄꦣꦶꦥꦠꦶꦥꦕ꧀ꦕꦪꦴꦢꦪꦺꦴ ꦱꦠ꧀ꦠ ꦄꦴꦫꦩ꧀ꦩꦟꦺꦤ ꦱꦨꦴꦒꦴ, ꦱꦺꦱꦴ ꦱꦺꦴꦭ꦳ꦱ ꦮꦶꦱꦨꦴꦒꦴꦠꦶ ꦠꦺ ꦄꦪꦺꦴꦗꦺꦠ꧀ꦮꦴ ꦱꦠ꧀ꦠꦺꦮ ꦪꦺꦴꦗꦶꦠꦴ. ꦠꦺꦱꦸ ꦄꦣꦶꦥꦠꦶꦪꦴ ꦱꦠ꧀ꦠꦴꦠꦶ ꦏꦸꦱꦭꦺꦴ ꦣꦩ꧀ꦩꦺꦴ ꦏꦸꦱꦭꦱ꧀ꦱ ꦣꦩ꧀ꦩꦱ꧀ꦱ, ꦄꦏꦸꦱꦭꦱ꧀ꦱ ꦣꦩ꧀ꦩꦱ꧀ꦱ, ꦄꦧ꧀ꦪꦴꦏꦠꦱ꧀ꦱꦴꦠꦶ ꦌꦮꦁ ꦏꦸꦱꦭꦩꦹꦭꦴꦤꦶ ꦠꦷꦟꦶ, ꦄꦏꦸꦱꦭꦩꦹꦭꦁ ꦌꦏꦁ, ꦄꦧ꧀ꦪꦴꦏꦠꦩꦹꦭꦴꦤꦶ ꦠꦷꦟꦷꦠꦶ ꦱꦠ꧀ꦠ. ꦤꦶꦱ꧀ꦱꦪꦺ ꦠꦷꦟꦷꦠꦶ ꦮꦠ꧀ꦡꦸꦮꦱꦺꦤ ꦄꦧ꧀ꦪꦴꦏꦠꦩꦹꦭꦴꦤꦺꦮ. ꦈꦥꦤꦶꦱ꧀ꦱꦪꦺ ꦱꦠ꧀ꦠ ꦲꦺꦛ꧀ꦜꦶꦩꦴꦤꦶ ꦌꦮ. ꦥꦸꦫꦺꦗꦴꦠꦺ ꦠꦷꦟꦷꦠꦶ ꦮꦠ꧀ꦡꦴꦫꦩ꧀ꦩꦟꦮꦱꦺꦤ ꦄꦧ꧀ꦪꦴꦏꦠꦩꦹꦭꦴꦤꦶ. ꦮꦶꦥ꧀ꦥꦪꦸꦠ꧀ꦠꦺ ꦠꦷꦟꦷꦠꦶ ꦮꦠ꧀ꦡꦸꦮꦱꦺꦤꦺꦮ. ꦄꦠ꧀ꦡꦶꦄꦮꦶꦒꦠꦺꦱꦸ ꦠꦷꦟꦷꦠꦶ ꦮꦠ꧀ꦡꦴꦫꦩ꧀ꦩꦟꦮꦱꦺꦤ. ꦪꦡꦴ ꦥꦤ ꦲꦺꦠꦸꦩꦹꦭꦏꦺ ꦭꦏ꧀ꦑꦟꦢꦱ꧀ꦱꦤꦠ꧀ꦡꦁ ꦓꦛꦤꦴꦤꦶ ꦜꦥꦶꦠꦴꦤꦶ, ꦠꦡꦴ ꦄꦴꦫꦩ꧀ꦩꦟꦩꦹꦭꦏꦴꦢꦷꦱꦸꦥꦶ.

꧔꧔꧕. ꦠꦠ꧀ꦡ ꦪꦴꦤꦶ ꦠꦴꦮ ꦆꦩꦱ꧀ꦩꦶꦁ ꦄꦴꦫꦩ꧀ꦩꦟꦩꦹꦭꦏꦺ ꦥꦚ꧀ꦕ ꦓꦛꦤꦴꦤꦶ ꦜꦥꦶꦠꦴꦤꦶ. ꦠꦠ꧀ꦡ ꦥꦜꦩꦁ ꦄꦴꦫꦩ꧀ꦩꦟꦴꦣꦶꦥꦠꦶꦮꦱꦺꦤ ꦱꦴꦣꦶꦥꦠꦶꦏꦁ. ꦠꦠ꧀ꦡ ꦱꦠ꧀ꦠꦴꦠꦶ ꦄꦴꦫꦩ꧀ꦩꦟꦴꦣꦶꦥꦠꦶꦢꦸꦏꦺ ꦭꦢ꧀ꦣꦮꦶꦱ꧀ꦱꦗ꧀ꦗꦤꦴꦤꦺꦮ. ꦢꦸꦠꦶꦪꦁ ꦤꦶꦫꦴꦣꦶꦥꦠꦶꦏꦁ. ꦠꦠ꧀ꦡ ꦠꦷꦟꦷꦠꦶ ꦮꦠ꧀ꦡꦴꦫꦩ꧀ꦩꦟꦮꦱꦺꦤ ꦄꦴꦫꦩ꧀ꦩꦟꦮꦱꦺꦤꦺꦮ ꦮꦴ ꦄꦧ꧀ꦪꦴꦏꦠꦩꦹꦭꦴꦤꦶ. ꦠꦠꦶꦪꦁ ꦤꦶꦱ꧀ꦱꦪꦺꦤ ꦮꦸꦠ꧀ꦠꦁ. ꦠꦠ꧀ꦡ ꦠꦷꦟꦷꦠꦶ ꦮꦠ꧀ꦡꦸꦮꦱꦺꦤ ꦄꦧ꧀ꦪꦴꦏꦠꦩꦹꦭꦴꦤꦶ. ꦕꦠꦸꦠ꧀ꦡꦥꦚ꧀ꦕꦩꦴꦤꦶ ꦱꦴꦣꦶꦥꦠꦶꦏꦴꦤꦶ. ꦠꦺꦱꦸ ꦕꦠꦸꦠ꧀ꦡꦺ ꦌꦏꦤ꧀ꦠꦶ ꦮꦠ꧀ꦡꦴꦫꦩ꧀ꦩꦟꦮꦱꦺꦤ ꦄꦴꦫꦩ꧀ꦩꦟꦮꦱꦺꦤꦺꦮ ꦮꦴ ꦄꦧ꧀ꦪꦴꦏꦠꦩꦹꦭꦁ ꦄꦏꦸꦱꦭꦁ. ꦥꦚ꧀ꦕꦩꦺ ꦌꦏꦤ꧀ꦠꦶ ꦤꦶꦱ꧀ꦱꦪꦠꦺꦴ ꦄꦧ꧀ꦪꦴꦏꦠꦩꦹꦭꦏꦁ ꦄꦏꦸꦱꦭꦁ. ꦌꦮꦩꦶꦣꦴꦥꦶ ꦭꦧ꧀ꦨꦩꦴꦤꦮꦱꦺꦤ ꦠꦶꦏꦴꦢꦷꦱꦸ ꦒꦟꦤꦴ ꦮꦺꦢꦶꦠꦧ꧀ꦧꦴ. ꦠꦡꦴ ꦄꦣꦶꦥꦠꦶꦩꦹꦭꦏꦴꦢꦷꦱꦸ. ꦄꦴꦫꦩ꧀ꦩꦟꦆꦤ꧀ꦢ꧀ꦫꦶꦪꦮꦶꦥꦴꦏꦮꦱꦺꦤ ꦮꦶꦠ꧀ꦡꦴꦫꦪꦺꦴꦗꦤꦁ ꦥꦤ ꦄꦮꦠ꧀ꦮꦴ ꦠꦠ꧀ꦡ ꦠꦠ꧀ꦡ ꦮꦠ꧀ꦠꦧ꧀ꦧꦪꦸꦠ꧀ꦠꦏꦩꦺꦮ ꦮꦢꦴꦩꦴꦠꦶ.

꧔꧔꧖. ꦄꦣꦶꦥꦠꦶꦩꦹꦭꦏꦺ ꦱꦲꦗꦴꦠꦺ ꦱꦠ꧀ꦠꦴꦠꦶ ꦱꦲꦗꦴꦠꦴꦣꦶꦥꦠꦶꦮꦱꦺꦤ ꦏꦸꦱꦭꦩꦹꦭꦴꦤꦶ ꦠꦷꦟꦶ, ꦄꦏꦸꦱꦭꦩꦹꦭꦴꦤꦶ ꦠꦷꦟꦶ, ꦄꦧ꧀ꦪꦴꦏꦠꦩꦹꦭꦁ ꦌꦏꦁ. ꦱꦲꦗꦴꦠꦺꦤ ꦥꦤ ꦱꦢ꧀ꦣꦶꦁ ꦄꦴꦫꦩ꧀ꦩꦟꦴꦣꦶꦥꦠꦶ, ꦄꦴꦫꦩ꧀ꦩꦟꦴꦣꦶꦥꦠꦶꦤꦴ ꦕ ꦱꦢ꧀ꦣꦶꦁ ꦱꦲꦗꦴꦠꦁ ꦤ ꦭꦧ꧀ꦨꦠꦶ. ꦄꦚ꧀ꦚꦩꦚ꧀ꦚꦺ ꦠꦷꦟꦷꦠꦶ ꦱꦲꦗꦴꦠꦴꦣꦶꦥꦠꦶꦮꦱꦺꦤꦺꦮ. ꦤꦶꦱ꧀ꦱꦪꦺ ꦄꦛ꧀ꦜꦴꦠꦶ ꦏꦸꦱꦭꦩꦹꦭꦴꦤꦶ ꦠꦷꦟꦶ, ꦄꦏꦸꦱꦭꦩꦹꦭꦴꦤꦶ ꦠꦷꦟꦶ, ꦄꦧ꧀ꦪꦴꦏꦠꦩꦹꦭꦴꦤꦶ ꦢ꧀ꦮꦺ. ꦄꦧ꧀ꦪꦴꦏꦠꦺꦴ ꦲꦶ ꦄꦣꦶꦥꦠꦶ ꦄꦧ꧀ꦪꦴꦏꦠꦱ꧀ꦱ ꦱꦲꦗꦴꦠꦠꦺꦴ ꦕꦺꦮ ꦄꦴꦫꦩ꧀ꦩꦟꦠꦺꦴ ꦕ ꦤꦶꦱ꧀ꦱꦪꦺꦴ ꦲꦺꦴꦠꦶ, ꦄꦏꦸꦱꦭꦱ꧀ꦱ ꦄꦴꦫꦩ꧀ꦩꦟꦠꦺꦴꦮ. ꦏꦸꦱꦭꦱ꧀ꦱ ꦥꦤ ꦈꦨꦪꦡꦴꦥꦶ ꦤ ꦲꦺꦴꦠꦷꦠꦶ ꦄꦧ꧀ꦪꦴꦏꦠꦩꦹꦭꦴꦤꦶ ꦢ꧀ꦮꦺꦪꦺꦮꦴꦠꦶ ꦌꦮꦁ ꦄꦛ꧀ꦜ. ꦈꦥꦤꦶꦱ꧀ꦱꦪꦺ ꦱꦠ꧀ꦠ ꦄꦴꦫꦩ꧀ꦩꦟꦱꦢꦶꦱꦴꦤꦺꦮ. ꦥꦸꦫꦺꦗꦴꦠꦺ ꦌꦏꦤ꧀ꦠꦶ ꦄꦧ꧀ꦪꦴꦏꦠꦴꦣꦶꦥꦠꦶ ꦄꦴꦫꦩ꧀ꦩꦟꦮꦱꦺꦤ ꦄꦏꦸꦱꦭꦱ꧀ꦱ. ꦮꦶꦥꦴꦏꦺ ꦌꦏꦁ ꦄꦧ꧀ꦪꦴꦏꦠꦺꦤ ꦄꦧ꧀ꦪꦴꦏꦠꦁ ꦭꦺꦴꦏꦸꦠ꧀ꦠꦫꦁ. ꦄꦴꦲꦴꦫꦴꦢꦷꦱꦸ ꦱꦠ꧀ꦠ ꦲꦺꦛ꧀ꦜꦴ ꦌꦏꦩꦹꦭꦏꦺ ꦭꦢ꧀ꦣꦴꦤꦺꦮ. ꦮꦶꦥ꧀ꦥꦪꦸꦠ꧀ꦠꦺ ꦕꦠ꧀ꦠꦴꦫꦷꦠꦶ ꦏꦸꦱꦭꦺꦤ ꦄꦧ꧀ꦪꦴꦏꦠꦁ, ꦠꦡꦴ ꦄꦏꦸꦱꦭꦺꦤ, ꦄꦧ꧀ꦪꦴꦏꦠꦺꦤ ꦄꦧ꧀ꦪꦴꦏꦠꦚ꧀ꦕ ꦏꦸꦱꦭꦚ꧀ꦕ. ꦄꦠ꧀ꦡꦶꦄꦮꦶꦒꦠꦺꦱꦸ ꦄꦛ꧀ꦜ ꦤꦶꦱ꧀ꦱꦪꦱꦢꦶꦱꦴꦤꦺꦮ.

꧔꧔꧗-꧔꧕꧒. ꦓꦛꦤꦴꦤꦶ ꦥꦤꦺꦠ꧀ꦡ ꦥꦛꦶꦥꦴꦛꦶꦪꦴ ꦄꦴꦫꦩ꧀ꦩꦟꦴꦢꦷꦲꦶ ꦄꦪꦺꦴꦗꦺꦠ꧀ꦮꦴ ꦥꦜꦩꦁ ꦄꦠ꧀ꦡꦶꦄꦮꦶꦒꦠꦺꦲꦶ ꦪꦺꦴꦗꦶꦠꦴꦤꦶ. ꦏꦶꦁ ꦏꦴꦫꦟꦴꦠꦶ? ꦈꦨꦪꦴꦣꦶꦥꦠꦶꦩꦶꦱ꧀ꦱꦏꦠ꧀ꦠꦴ. ꦠꦠ꧀ꦡ ꦥꦜꦩꦺ ꦓꦛꦤꦺ ꦄꦴꦫꦩ꧀ꦩꦟꦴꦣꦶꦥꦠꦶꦮꦱꦺꦤ ꦮꦠ꧀ꦡꦴꦫꦩ꧀ꦩꦟꦁ ꦭꦧ꧀ꦨꦠꦶ, ꦢꦸꦠꦶꦪꦺ ꦤꦶꦱ꧀ꦱꦪꦮꦱꦺꦤ ꦒꦫꦸꦁ ꦏꦠ꧀ꦮꦴ ꦄꦱ꧀ꦱꦴꦢꦺꦤ꧀ꦠꦱ꧀ꦱ ꦮꦠ꧀ꦡꦸꦩꦺꦮ, ꦠꦠꦶꦪꦺ ꦱꦲꦗꦴꦠꦴꦣꦶꦥꦠꦶꦮꦱꦺꦤ ꦏꦸꦱꦭꦴꦢꦪꦺꦴ ꦫꦹꦥꦴꦤꦁ, ꦄꦴꦫꦩ꧀ꦩꦟꦴꦣꦶꦥꦠꦶꦮꦱꦺꦤ ꦮꦠ꧀ꦡꦸ ꦄꦏꦸꦱꦭꦱ꧀ꦱ. ꦠꦠꦺꦴ ꦥꦫꦴꦤꦶ ꦠꦷꦟꦶ ꦓꦛꦤꦴꦤꦶ ꦄꦴꦫꦩ꧀ꦩꦟꦴꦣꦶꦥꦠꦶꦮꦱꦺꦤ ꦮꦸꦠ꧀ꦠꦴꦤꦶ. ꦠꦠ꧀ꦡ ꦥꦜꦩꦺ ꦱꦠ꧀ꦠꦴꦠꦶ ꦲꦺꦛ꧀ꦜꦴ ꦮꦸꦠ꧀ꦠꦴꦤꦺꦮ. ꦢꦸꦠꦶꦪꦺ ꦌꦏꦤ꧀ꦠꦶ ꦥꦸꦫꦺꦗꦴꦠꦴꦤꦶ ꦮꦠ꧀ꦡꦴꦫꦩ꧀ꦩꦟꦴꦤꦶ ꦄꦏꦸꦱꦭꦱ꧀ꦱ. ꦠꦠꦶꦪꦺ ꦮꦠ꧀ꦡꦸꦩꦺꦮ ꦄꦏꦸꦱꦭꦱ꧀ꦱ. ꦠꦠꦺꦴ ꦥꦫꦴꦤꦶ ꦠꦷꦟꦶ ꦓꦛꦤꦴꦤꦶ ꦮꦶꦥꦴꦏꦴꦮꦶꦥꦴꦏꦱꦴꦣꦴꦫꦟꦴꦤꦶ ꦱꦲꦗꦴꦠꦴꦣꦶꦥꦠꦶꦮꦱꦺꦤ ꦮꦸꦠ꧀ꦠꦴꦤꦶ. ꦠꦠ꧀ꦡ ꦥꦜꦩꦺ ꦫꦹꦥꦴꦫꦹꦥꦁ ꦭꦧ꧀ꦨꦠꦶ, ꦢꦸꦠꦶꦪꦺ ꦄꦫꦹꦥꦩꦺꦮ, ꦠꦠꦶꦪꦺ ꦫꦹꦥꦩꦺꦮ. ꦠꦠꦺꦴ ꦥꦫꦴꦤꦶ ꦠꦷꦟꦶ ꦮꦶꦥꦴꦏꦴꦣꦶꦥꦠꦶꦮꦱꦺꦤ ꦮꦸꦠ꧀ꦠꦴꦤꦶ. ꦠꦺꦱꦸꦥꦶ ꦥꦜꦩꦺ ꦫꦹꦥꦴꦫꦹꦥꦁ ꦭꦧ꧀ꦨꦠꦶ, ꦢꦸꦠꦶꦪꦺ ꦄꦫꦹꦥꦁ, ꦠꦠꦶꦪꦺ ꦫꦹꦥꦩꦺꦮ. ꦠꦠꦺꦴ ꦥꦫꦴꦤꦶ ꦖ ꦓꦛꦤꦴꦤꦶ ꦄꦴꦲꦴꦫꦶꦤ꧀ꦢ꧀ꦫꦶꦪꦪꦸꦠ꧀ꦠꦴꦤꦶ ꦕꦶꦠ꧀ꦠꦴꦣꦶꦥꦠꦶꦮꦱꦺꦤ ꦮꦸꦠ꧀ꦠꦴꦤꦶ. ꦠꦠ꧀ꦡ ꦠꦷꦟꦶ ꦄꦮꦶꦥꦴꦏꦴꦤꦶ, ꦠꦷꦟꦶ ꦱꦮꦶꦥꦴꦏꦴꦤꦶ. ꦠꦺꦱꦸ ꦒꦟꦤꦴ ꦥꦴꦏꦛꦴꦪꦺꦮ. ꦠꦠꦺꦴ ꦥꦫꦴꦤꦶ ꦖ ꦓꦛꦤꦴꦤꦶ ꦠꦡꦺꦮ ꦮꦶꦫꦶꦪꦴꦣꦶꦥꦠꦶꦮꦱꦺꦤ ꦮꦸꦠ꧀ꦠꦴꦤꦶ. ꦤꦤꦸ ꦕ ꦄꦣꦶꦥꦠꦶꦥꦛꦶꦥꦴꦛꦶꦪꦴ ꦥꦜꦩꦁ ꦮꦶꦫꦶꦪꦴꦣꦶꦥꦠꦶꦮꦱꦺꦤ ꦮꦠ꧀ꦠꦧ꧀ꦧꦴꦤꦶ ꦱꦶꦪꦸꦁ, ꦏꦱ꧀ꦩꦴ ꦠꦡꦴ ꦤ ꦮꦸꦠ꧀ꦠꦴꦤꦷꦠꦶ? ꦥꦫꦠꦺꦴ ꦲꦺꦠꦸꦮꦱꦺꦤ ꦮꦸꦠ꧀ꦠꦓꦛꦤꦺꦲꦶ ꦱꦢꦶꦱꦠ꧀ꦠꦴ. ꦥꦫꦠꦺꦴ ꦲꦶ ꦲꦺꦠꦸꦮꦱꦺꦤ ꦓꦛꦤꦴꦤꦶ ꦄꦩꦺꦴꦲꦱ꧀ꦱ ꦮꦷꦩꦁꦱꦴꦣꦶꦥꦠꦶꦠ꧀ꦠꦴ ꦮꦷꦩꦁꦱꦴꦪ ꦕ ꦱꦩ꧀ꦩꦴꦢꦶꦛ꧀ꦜꦶꦨꦴꦮꦠꦺꦴ ꦩꦒ꧀ꦒꦱꦩ꧀ꦥꦪꦸꦠ꧀ꦠꦴꦤꦶ. ꦮꦶꦫꦶꦪꦩ꧀ꦥꦶ ꦕ ꦱꦩ꧀ꦩꦴꦮꦴꦪꦴꦩꦩꦶꦕ꧀ꦖꦴꦮꦴꦪꦴꦩꦨꦴꦮꦺꦤ ꦩꦒ꧀ꦒꦺꦴꦠꦶ ꦠꦺꦤ ꦱꦢ꧀ꦣꦶꦁ ꦓꦛꦤꦴꦤꦶ ꦥꦫꦠꦺꦴ ꦲꦺꦠꦸꦮꦱꦺꦤ ꦮꦸꦠ꧀ꦠꦓꦛꦤꦺꦲꦶ ꦱꦢꦶꦱꦴꦤꦷꦠꦶ ꦥꦫꦶꦮꦠ꧀ꦠꦺꦠ꧀ꦮꦴ ꦮꦸꦠ꧀ꦠꦴꦤꦶ. ꦠꦺꦱꦸꦥꦶ ꦒꦟꦤꦴ ꦥꦴꦏꦛꦴꦪꦺꦮ.

꧔꧕꧓-꧔꧕꧖. ꦄꦤꦤ꧀ꦠꦫꦱꦩꦤꦤ꧀ꦠꦫꦩꦹꦭꦏꦺꦱꦸ ꦱꦠ꧀ꦠꦴꦠꦶ ꦏꦸꦱꦭꦺꦴ ꦏꦸꦱꦭꦱ꧀ꦱ ꦄꦧ꧀ꦪꦴꦏꦠꦱ꧀ꦱ ꦕ, ꦠꦡꦴ ꦄꦏꦸꦱꦭꦺꦴ, ꦄꦧ꧀ꦪꦴꦏꦠꦺꦴ ꦠꦶꦟ꧀ꦟꦤ꧀ꦤꦩ꧀ꦥꦷꦠꦶ ꦌꦮꦁ ꦱꦠ꧀ꦠ. ꦏꦩ꧀ꦩꦺ ꦌꦏꦤ꧀ꦠꦶ ꦏꦸꦱꦭꦴ ꦩꦒ꧀ꦒꦕꦺꦠꦤꦴ ꦄꦠ꧀ꦠꦤꦺꦴ ꦮꦶꦥꦴꦏꦴꦧ꧀ꦪꦴꦏꦠꦱ꧀ꦱ. ꦓꦛꦤꦴꦤꦶ ꦥꦤꦺꦠꦺꦱꦸ ꦠꦷꦟꦶ ꦠꦷꦟꦶꦪꦺꦮ. ꦠꦴꦤꦶ ꦧꦲꦸꦠꦫꦥꦛꦶꦥꦴꦛꦶꦪꦴ ꦮꦸꦠ꧀ꦠꦴꦤꦶ.

꧔꧕꧗-꧔꧖꧐. ꦱꦲꦗꦴꦠꦄꦚ꧀ꦚꦩꦚ꧀ꦚꦤꦶꦱ꧀ꦱꦪꦩꦹꦭꦏꦺꦱꦸ ꦪꦺ ꦪꦺ ꦢꦸꦏꦩꦹꦭꦏꦺ ꦥꦕ꧀ꦕꦪꦴ ꦮꦸꦠ꧀ꦠꦴ ꦠꦺ ꦠꦺꦪꦺꦮ ꦄꦴꦢꦶꦠꦺꦴ ꦜꦶꦠꦺꦤ ꦱꦨꦴꦒꦴ. ꦠꦱ꧀ꦩꦴ ꦢꦸꦏꦩꦹꦭꦏꦺ ꦒꦟꦤꦁ ꦚꦠ꧀ꦮꦴ ꦪꦺ ꦈꦥꦫꦶ ꦥꦕ꧀ꦕꦪꦴ ꦓꦛꦶꦠꦴ, ꦠꦺꦱꦸ ꦈꦴꦤꦠꦫꦒꦟꦤꦱ꧀ꦱ ꦮꦱꦺꦤ ꦱꦧ꧀ꦧꦓꦛꦤꦺꦱꦸ ꦒꦟꦤꦴ ꦮꦺꦢꦶꦠꦧ꧀ꦧꦴ. ꦠꦠ꧀ꦡ ꦱꦲꦗꦴꦠꦩꦹꦭꦏꦺ ꦢꦱ ꦓꦛꦤꦴꦤꦶ. ꦠꦺꦱꦸ ꦥꦚ꧀ꦕ ꦄꦮꦶꦥꦴꦏꦴꦤꦶ, ꦥꦚ꧀ꦕ ꦱꦮꦶꦥꦴꦏꦴꦤꦶ. ꦠꦠ꧀ꦡ ꦄꦮꦶꦥꦴꦏꦺꦱꦸ ꦠꦴꦮ ꦥꦜꦩꦺ ꦏꦸꦱꦭꦺꦴ ꦏꦸꦱꦭꦱ꧀ꦱ ꦄꦧ꧀ꦪꦴꦏꦠꦱ꧀ꦱ, ꦏꦸꦱꦭꦴꦧ꧀ꦪꦴꦏꦠꦱ꧀ꦱ, ꦏꦸꦱꦭꦴꦧ꧀ꦪꦴꦏꦠꦺꦴ ꦄꦧ꧀ꦪꦴꦏꦠꦱ꧀ꦱꦴꦠꦶ ꦕꦠ꧀ꦠꦴꦫꦶ, ꦠꦡꦴ ꦄꦏꦸꦱꦭꦺꦴ, ꦄꦧ꧀ꦪꦴꦏꦠꦺꦴ ꦄꦧ꧀ꦪꦴꦏꦠꦱ꧀ꦱꦺꦮꦴꦠꦶ ꦌꦮꦁ ꦤꦮ. ꦠꦠ꧀ꦡ ꦏꦸꦱꦭꦴꦏꦸꦱꦭꦴꦢꦶꦏꦺꦱꦸ ꦄꦛ꧀ꦜꦱꦸ ꦮꦶꦱ꧀ꦱꦗ꧀ꦗꦤꦺꦱꦸ ꦄꦫꦹꦥꦚ꧀ꦕꦺꦮ ꦕꦶꦠ꧀ꦠꦱꦩꦸꦛ꧀ꦜꦴꦤꦫꦹꦥꦚ꧀ꦕ ꦭꦧ꧀ꦨꦠꦶ. ꦄꦧ꧀ꦪꦴꦏꦠꦺ ꦮꦠ꧀ꦡꦸꦫꦹꦥꦩ꧀ꦥꦶ. ꦢꦸꦠꦶꦪꦺ ꦓꦛꦤꦺ ꦄꦧ꧀ꦪꦴꦏꦠꦮꦶꦱ꧀ꦱꦗ꧀ꦗꦤꦺ ꦫꦹꦥꦺꦱꦸ ꦮꦠ꧀ꦡꦸꦩꦺꦮ ꦭꦧ꧀ꦨꦠꦶ, ꦠꦠꦶꦪꦺ ꦠꦷꦱꦸꦥꦶ ꦄꦫꦹꦥꦩꦺꦮ, ꦕꦠꦸꦠ꧀ꦡꦺ ꦕꦶꦠ꧀ꦠꦱꦩꦸꦛ꧀ꦜꦴꦤꦫꦹꦥꦩꦺꦮ, ꦥꦚ꧀ꦕꦩꦺ ꦥꦛꦶꦱꦤ꧀ꦣꦶꦪꦁ ꦮꦠ꧀ꦡꦸꦤꦴ ꦱꦢ꧀ꦣꦶꦁ ꦄꦫꦹꦥꦣꦩ꧀ꦩꦴ. ꦱꦮꦶꦥꦴꦏꦺꦱꦸ ꦥꦜꦩꦺ ꦮꦶꦥꦴꦏꦴ ꦕꦺꦮ ꦮꦶꦥꦴꦏꦕꦶꦠ꧀ꦠꦱꦩꦸꦛ꧀ꦜꦴꦤꦫꦹꦥꦚ꧀ꦕ, ꦢꦸꦠꦶꦪꦺ ꦮꦶꦥꦴꦏꦴ ꦕꦺꦮ ꦮꦠ꧀ꦡꦸꦫꦹꦥꦚ꧀ꦕ, ꦠꦠꦶꦪꦺ ꦮꦶꦥꦴꦏꦩꦺꦮ, ꦕꦠꦸꦠ꧀ꦡꦺ ꦮꦶꦥꦴꦏꦕꦶꦠ꧀ꦠꦱꦩꦸꦛ꧀ꦜꦴꦤꦩꦺꦮ, ꦥꦚ꧀ꦕꦩꦺ ꦮꦠ꧀ꦡꦸꦫꦹꦥꦩꦺꦮ ꦭꦧ꧀ꦨꦠꦶ.

ꦄꦚ꧀ꦚꦩꦚ꧀ꦚꦩꦹꦭꦏꦺ ꦖ ꦓꦛꦤꦴꦤꦶ. ꦠꦺꦱꦸ ꦥꦜꦩꦴꦤꦶ ꦠꦷꦟꦶ ꦄꦮꦶꦥꦴꦏꦴꦤꦶ, ꦥꦕ꧀ꦖꦶꦩꦴꦤꦶ ꦠꦷꦟꦶ ꦱꦮꦶꦥꦴꦏꦴꦤꦶ. ꦠꦺꦱꦸ ꦒꦟꦤꦴ ꦥꦴꦏꦛꦴꦪꦺꦮ.

꧔꧖꧑. ꦤꦶꦱ꧀ꦱꦪꦩꦹꦭꦏꦺ ꦤꦶꦱ꧀ꦱꦪꦥꦕ꧀ꦕꦪꦴ ꦄꦴꦫꦩ꧀ꦩꦟꦺ ꦠꦷꦟꦷꦠꦶ ꦮꦠ꧀ꦡꦸꦁ ꦄꦴꦫꦩ꧀ꦩꦟꦁ ꦏꦠ꧀ꦮꦴ ꦥꦮꦠ꧀ꦠꦏꦸꦱꦭꦴꦢꦶꦮꦱꦺꦤ ꦮꦺꦢꦶꦠꦧ꧀ꦧꦴꦤꦶ. ꦈꦥꦤꦶꦱ꧀ꦱꦪꦺ ꦌꦏꦤ꧀ꦠꦶ ꦮꦠ꧀ꦡꦸꦁ ꦄꦴꦫꦩ꧀ꦩꦟꦹꦥꦤꦶꦱ꧀ꦱꦪꦁ ꦏꦠ꧀ꦮꦴ ꦈꦥ꧀ꦥꦤ꧀ꦤꦴꦏꦸꦱꦭꦁ. ꦱꦺꦱꦁ ꦢꦸꦩꦹꦭꦏꦺ ꦲꦺꦛ꧀ꦜꦴ ꦮꦸꦠ꧀ꦠꦤꦪꦺꦤꦺꦮ ꦮꦺꦢꦶꦠꦧ꧀ꦧꦁ.

꧔꧖꧒-꧔꧖꧔. ꦆꦩꦱ꧀ꦩꦶꦁ ꦥꦤ ꦤꦶꦱ꧀ꦱꦪꦥꦕ꧀ꦕꦪꦺ ꦮꦷꦱꦠꦶ ꦓꦛꦤꦴꦤꦶ. ꦠꦺꦱꦸ ꦥꦸꦫꦶꦩꦴꦤꦶ ꦖ ꦓꦛꦤꦴꦤꦶ ꦥꦸꦫꦺꦗꦴꦠꦱꦲꦗꦴꦠꦮꦱꦺꦤ ꦮꦸꦠ꧀ꦠꦴꦤꦶ, ꦠꦠꦺꦴ ꦕꦠ꧀ꦠꦴꦫꦶ ꦥꦸꦫꦺꦗꦴꦠꦮꦱꦺꦤꦺꦮ, ꦠꦠꦺꦴ ꦢꦱ ꦱꦲꦗꦴꦠꦮꦱꦺꦤꦺꦮ. ꦠꦠ꧀ꦡ ꦥꦜꦩꦺ ꦓꦛꦤꦺ ꦠꦺꦫꦱꦴꦠꦶ ꦤꦶꦱ꧀ꦱꦪꦥꦕ꧀ꦕꦪꦮꦶꦨꦔ꧀ꦒꦺ ꦮꦸꦠ꧀ꦠꦴꦤꦺꦮ. ꦢꦸꦠꦶꦪꦺ ꦄꦛ꧀ꦜꦴꦠꦶ ꦱꦲꦗꦴꦠꦴꦣꦶꦥꦠꦶꦮꦱꦺꦤ ꦱꦠ꧀ꦠ, ꦮꦠ꧀ꦡꦸꦁ ꦒꦫꦸꦁ ꦏꦠ꧀ꦮꦴ ꦄꦏꦸꦱꦭꦚ꧀ꦕꦴꦠꦶ ꦄꦛ꧀ꦜ. ꦠꦠꦶꦪꦺ ꦱꦠ꧀ꦠ ꦆꦤ꧀ꦢ꧀ꦫꦶꦪꦥꦕ꧀ꦕꦪꦺ ꦭꦢ꧀ꦣꦴꦤꦺꦮ. ꦕꦠꦸꦠ꧀ꦡꦺ ꦥꦚ꧀ꦕ ꦮꦶꦥ꧀ꦥꦪꦸꦠ꧀ꦠꦺ ꦭꦢ꧀ꦣꦴꦤꦶ. ꦥꦚ꧀ꦕꦩꦺ ꦕꦠ꧀ꦠꦴꦫꦷꦠꦶ ꦏꦸꦱꦭꦴꦢꦷꦤꦶ ꦕꦶꦠ꧀ꦠꦱꦩꦸꦛ꧀ꦜꦴꦤꦴꦤꦁ, ꦮꦠ꧀ꦡꦸ ꦕ ꦄꦏꦸꦱꦭꦱ꧀ꦱ. ꦖꦛ꧀ꦜꦺ ꦠꦷꦟꦷꦠꦶ ꦏꦸꦱꦭꦴꦢꦷꦤꦶ ꦕꦶꦠ꧀ꦠꦱꦩꦸꦛ꧀ꦜꦴꦤꦱ꧀ꦱ. ꦥꦸꦫꦺꦗꦴꦠꦮꦱꦺꦤ ꦕꦠꦹꦱꦸ ꦥꦜꦩꦺ ꦠꦷꦟꦷꦠꦶ ꦮꦠ꧀ꦡꦸ ꦏꦸꦱꦭꦴꦢꦷꦤꦁ, ꦕꦏ꧀ꦑꦴꦢꦷꦤꦶ ꦕ ꦄꦧ꧀ꦪꦴꦏꦠꦱ꧀ꦱ. ꦢꦸꦠꦶꦪꦺ ꦮꦠ꧀ꦡꦸꦩꦺꦮ ꦏꦸꦱꦭꦴꦢꦷꦤꦁ. ꦠꦠꦶꦪꦺ ꦌꦏꦤ꧀ꦠꦶ ꦮꦠ꧀ꦡꦸ ꦄꦏꦸꦱꦭꦱ꧀ꦱ. ꦕꦠꦸꦠ꧀ꦡꦺ ꦕꦏ꧀ꦑꦴꦢꦷꦤꦶ ꦮꦶꦚ꧀ꦚꦴꦟꦥꦚ꧀ꦕꦏꦱ꧀ꦱ. ꦱꦲꦗꦴꦠꦮꦱꦺꦤ ꦢꦱ ꦱꦮꦶꦥꦴꦏꦴꦮꦶꦥꦴꦏꦮꦱꦺꦤ ꦢ꧀ꦮꦶꦣꦴ ꦨꦶꦤ꧀ꦢꦶꦠ꧀ꦮꦴ ꦱꦲꦗꦴꦠꦩꦹꦭꦏꦺ ꦮꦸꦠ꧀ꦠꦤꦪꦺꦤꦺꦮ ꦮꦺꦢꦶꦠꦧ꧀ꦧꦴꦤꦶ.

꧔꧖꧕. ꦈꦥꦤꦶꦱ꧀ꦱꦪꦩꦹꦭꦏꦺ ꦄꦴꦫꦩ꧀ꦩꦟꦺ ꦱꦠ꧀ꦠꦴꦠꦶ ꦄꦴꦫꦩ꧀ꦩꦟꦹꦥꦤꦶꦱ꧀ꦱꦪꦺ ꦭꦢ꧀ꦣꦴꦤꦺꦮ. ꦄꦣꦶꦥꦠꦶꦪꦴ ꦱꦠ꧀ꦠꦴꦠꦶ ꦠꦴꦤꦺꦮ. ꦄꦤꦤ꧀ꦠꦫꦱꦩꦤꦤ꧀ꦠꦫꦺꦱꦸ ꦄꦤꦤ꧀ꦠꦫꦹꦥꦤꦶꦱ꧀ꦱꦪꦺ ꦭꦢ꧀ꦣꦴꦤꦺꦮ. ꦤꦶꦱ꧀ꦱꦪꦺ ꦌꦏꦤ꧀ꦠꦶ ꦮꦠ꧀ꦡꦸ ꦄꦏꦸꦱꦭꦱ꧀ꦱ. ꦥꦸꦫꦺꦗꦴꦠꦺ ꦌꦏꦤ꧀ꦠꦶ ꦠꦱ꧀ꦱꦺꦮ ꦮꦠ꧀ꦡꦸꦁ ꦮꦴ ꦄꦴꦫꦩ꧀ꦩꦟꦁ ꦮꦴ. ꦄꦴꦱꦺꦮꦤꦺ ꦠꦷꦟꦶ ꦄꦤꦤ꧀ꦠꦫꦹꦥꦤꦶꦱ꧀ꦱꦪꦮꦱꦺꦤ. ꦏꦩ꧀ꦩꦺ ꦢ꧀ꦮꦺ ꦥꦏꦠꦹꦥꦤꦶꦱ꧀ꦱꦪꦮꦱꦺꦤ. ꦭꦺꦴꦏꦸꦠ꧀ꦠꦫꦏꦸꦱꦭꦕꦺꦠꦤꦴ ꦥꦤ ꦄꦤꦤ꧀ꦠꦫꦹꦥꦤꦶꦱ꧀ꦱꦪꦺꦴꦥꦶ ꦲꦺꦴꦠꦶ. ꦮꦶꦥ꧀ꦥꦪꦸꦠ꧀ꦠꦺ ꦌꦏꦁ ꦄꦴꦫꦩ꧀ꦩꦟꦹꦥꦤꦶꦱ꧀ꦱꦪꦮꦱꦺꦤ, ꦠꦡꦴ ꦄꦠ꧀ꦡꦶꦄꦮꦶꦒꦠꦺꦱꦸ. ꦤꦠ꧀ꦡꦶꦮꦶꦒꦠꦺꦱꦸ ꦱꦠ꧀ꦠ ꦄꦤꦤ꧀ꦠꦫꦱꦩꦴꦤꦺꦮ.

꧔꧖꧖. ꦈꦥꦤꦶꦱ꧀ꦱꦪꦩꦹꦭꦏꦴꦤꦶ ꦥꦤ ꦱꦠ꧀ꦠ ꦓꦛꦤꦴꦤꦶ ꦲꦺꦴꦤ꧀ꦠꦶ. ꦠꦠ꧀ꦡ ꦥꦸꦫꦶꦩꦴꦤꦶ ꦠꦷꦟꦶ ꦄꦴꦫꦩ꧀ꦩꦟꦹꦥꦤꦶꦱ꧀ꦱꦪꦮꦱꦺꦤ ꦮꦸꦠ꧀ꦠꦴꦤꦶ. ꦠꦠ꧀ꦡ ꦥꦜꦩꦺ ꦱꦠ꧀ꦠꦴꦠꦶ ꦏꦸꦱꦭꦺꦴ ꦏꦸꦱꦭꦴꦢꦷꦤꦁ, ꦠꦡꦴ ꦄꦧ꧀ꦪꦴꦏꦠꦺꦴ, ꦄꦏꦸꦱꦭꦺꦴ ꦄꦏꦸꦱꦭꦱ꧀ꦱꦺꦮꦴꦠꦶ ꦌꦮꦁ ꦱꦠ꧀ꦠ. ꦢꦸꦠꦶꦪꦺ ꦌꦏꦤ꧀ꦠꦶ ꦕꦏ꧀ꦑꦴꦢꦶꦄꦧ꧀ꦪꦴꦏꦠꦁ ꦄꦏꦸꦱꦭꦱ꧀ꦱ. ꦠꦠꦶꦪꦺ ꦮꦠ꧀ꦡꦸ ꦄꦏꦸꦱꦭꦱ꧀ꦱ. ꦠꦠꦺꦴ ꦥꦫꦴꦤꦶ ꦢ꧀ꦮꦺ ꦄꦤꦤ꧀ꦠꦫꦹꦥꦤꦶꦱ꧀ꦱꦪꦮꦱꦺꦤ ꦮꦸꦠ꧀ꦠꦴꦤꦶ. ꦠꦺꦱꦸ ꦒꦟꦤꦴ ꦥꦴꦏꦛꦴꦪꦺꦮ. ꦠꦠꦺꦴ ꦢ꧀ꦮꦺ ꦄꦤꦤ꧀ꦠꦫꦥꦏꦠꦹꦥꦤꦶꦱ꧀ꦱꦪꦮꦱꦺꦤ ꦮꦸꦠ꧀ꦠꦴꦤꦶ. ꦠꦠ꧀ꦡ ꦥꦜꦩꦺ ꦭꦺꦴꦏꦶꦪꦏꦸꦱꦭꦴꦏꦸꦱꦭꦕꦺꦠꦤꦴꦥꦕ꧀ꦕꦪꦨꦴꦮꦠꦺꦴ ꦒꦲꦺꦠꦧ꧀ꦧꦴ, ꦢꦸꦠꦶꦪꦺ ꦭꦺꦴꦏꦸꦠ꧀ꦠꦫꦏꦸꦱꦭꦴꦮ.

꧔꧖꧗-꧔꧖꧘. ꦥꦸꦫꦺꦗꦴꦠꦩꦹꦭꦏꦺ ꦄꦴꦫꦩ꧀ꦩꦟꦺ ꦠꦷꦟꦷꦠꦶ ꦄꦧ꧀ꦪꦴꦏꦠꦺꦴ ꦏꦸꦱꦭꦴꦢꦷꦤꦁ. ꦄꦣꦶꦥꦠꦶꦪꦴ ꦌꦏꦤ꧀ꦠꦶ ꦄꦧ꧀ꦪꦴꦏꦠꦺꦴ ꦄꦏꦸꦱꦭꦱ꧀ꦱ. ꦱꦺꦱꦺꦱꦸꦥꦶ ꦌꦱꦺꦮ ꦤꦪꦺꦴ. ꦌꦠ꧀ꦡ ꦥꦤ ꦱꦠ꧀ꦠ ꦓꦛꦤꦴꦤꦶ. ꦠꦺꦱꦸ ꦥꦜꦩꦁ ꦮꦠ꧀ꦡꦴꦫꦩ꧀ꦩꦟꦮꦱꦺꦤ ꦮꦸꦠ꧀ꦠꦁ, ꦢꦸꦠꦶꦪꦁ ꦮꦠ꧀ꦡꦸꦮꦱꦺꦤꦺꦮ, ꦠꦠꦶꦪꦁ ꦄꦴꦫꦩ꧀ꦩꦟꦮꦱꦺꦤ, ꦕꦠꦸꦠ꧀ꦡꦁ ꦮꦠ꧀ꦡꦸꦱ꧀ꦱ ꦄꦴꦫꦩ꧀ꦩꦟꦏꦴꦭꦮꦱꦺꦤ, ꦥꦚ꧀ꦕꦩꦁ ꦄꦴꦫꦩ꧀ꦩꦟꦴꦣꦶꦥꦠꦶꦮꦱꦺꦤ, ꦖꦛ꧀ꦜꦁ ꦮꦠ꧀ꦡꦸꦤꦺꦴ ꦄꦴꦫꦩ꧀ꦩꦟꦴꦣꦶꦥꦠꦶꦏꦴꦭꦮꦱꦺꦤ, ꦱꦠ꧀ꦠꦩꦁ ꦕꦏ꧀ꦑꦴꦢꦶꦮꦱꦺꦤ.

꧔꧖꧙-꧔꧗꧒. ꦥꦕ꧀ꦖꦴꦗꦴꦠꦩꦹꦭꦏꦺ ꦮꦷꦱꦠꦶ ꦥꦕ꧀ꦕꦪꦴ ꦤ ꦪꦸꦗ꧀ꦗꦤ꧀ꦠꦶ, ꦠꦪꦺꦴꦮ ꦪꦺꦴꦗꦤꦁ ꦭꦨꦤ꧀ꦠꦶ. ꦌꦏꦩꦺꦮꦺꦠ꧀ꦡ ꦓꦛꦤꦁ, ꦠꦁ ꦏꦴꦪꦱ꧀ꦱ ꦏꦸꦱꦭꦴꦢꦷꦤꦁ ꦮꦱꦺꦤ ꦮꦺꦢꦶꦠꦧ꧀ꦧꦁ. ꦄꦴꦱꦺꦮꦤꦩꦹꦭꦏꦺꦥꦶ ꦌꦏꦩꦺꦮ ꦓꦛꦤꦁ.

꧔꧗꧓-꧔꧗꧗. ꦏꦩ꧀ꦩꦩꦹꦭꦏꦺ ꦄꦤꦤ꧀ꦠꦫꦺ ꦌꦏꦤ꧀ꦠꦶ ꦩꦒ꧀ꦒꦕꦺꦠꦤꦴꦮꦱꦺꦤ ꦮꦸꦠ꧀ꦠꦁ. ꦄꦚ꧀ꦚꦩꦚ꧀ꦚꦺ ꦠꦷꦟꦷꦠꦶ ꦌꦠ꧀ꦡ ꦥꦛꦶꦱꦤ꧀ꦣꦶꦪꦁ ꦮꦠ꧀ꦡꦸꦥꦶ ꦒꦲꦺꦠꦧ꧀ꦧꦁ. ꦈꦥꦤꦶꦱ꧀ꦱꦪꦺ ꦢ꧀ꦮꦺꦠꦶ ꦄꦤꦤ꧀ꦠꦫꦥꦏꦠꦹꦥꦤꦶꦱ꧀ꦱꦪꦮꦱꦺꦤ ꦲꦺꦛ꧀ꦜꦴ ꦮꦸꦠ꧀ꦠꦴꦤꦺꦮ. ꦌꦮꦁ ꦱꦺꦱꦴꦤꦶꦥꦶ ꦲꦺꦛ꧀ꦜꦴ ꦮꦸꦠ꧀ꦠꦤꦪꦺꦤꦺꦮ ꦮꦺꦢꦶꦠꦧ꧀ꦧꦴꦤꦶ. ꦌꦠ꧀ꦡ ꦥꦤ ꦌꦏꦴꦢꦱ ꦓꦛꦤꦴꦤꦶ. ꦠꦠ꧀ꦡ ꦥꦜꦩꦴꦤꦶ ꦢ꧀ꦮꦺ ꦥꦏꦠꦹꦥꦤꦶꦱ꧀ꦱꦪꦴꦤꦤ꧀ꦠꦫꦹꦥꦤꦶꦱ꧀ꦱꦪꦮꦶꦨꦴꦒꦠꦺꦴ ꦤꦴꦤꦴꦏ꧀ꦑꦟꦶꦏꦏꦩ꧀ꦩꦮꦱꦺꦤ ꦮꦸꦠ꧀ꦠꦴꦤꦶ. ꦠꦠꦺꦴ ꦥꦫꦴꦤꦶ ꦕꦠ꧀ꦠꦴꦫꦶ ꦮꦶꦥꦴꦏꦴꦮꦶꦥꦴꦏꦠꦺꦴ ꦌꦏꦏ꧀ꦑꦟꦶꦏꦏꦩ꧀ꦩꦮꦱꦺꦤ ꦮꦸꦠ꧀ꦠꦴꦤꦶ. ꦠꦠ꧀ꦡ ꦥꦜꦩꦺ ꦄꦫꦹꦥꦺꦤ ꦱꦢ꧀ꦣꦶꦁ ꦕꦶꦠ꧀ꦠꦱꦩꦸꦛ꧀ꦜꦴꦤꦫꦹꦥꦁ ꦭꦧ꧀ꦨꦠꦶ, ꦢꦸꦠꦶꦪꦺ ꦄꦫꦹꦥꦺꦤ ꦱꦢ꧀ꦣꦶꦁ ꦮꦠ꧀ꦡꦸ, ꦠꦠꦶꦪꦺ ꦄꦫꦹꦥꦩꦺꦮ, ꦕꦠꦸꦠ꧀ꦡꦺ ꦕꦶꦠ꧀ꦠꦱꦩꦸꦛ꧀ꦜꦴꦤꦫꦹꦥꦩꦺꦮ. ꦥꦛꦶꦱꦤ꧀ꦣꦶꦪꦁ ꦥꦤ ꦏꦛꦠ꧀ꦠꦴꦫꦹꦥꦩ꧀ꦥꦶ ꦭꦧ꧀ꦨꦠꦶ. ꦠꦠꦺꦴ ꦥꦫꦴꦤꦶ ꦥꦚ꧀ꦕ ꦱꦮꦶꦥꦴꦏꦴꦤꦶ, ꦠꦴꦤꦶ ꦲꦺꦛ꧀ꦜꦴ ꦮꦸꦠ꧀ꦠꦤꦪꦴꦤꦺꦮ. ꦮꦶꦥꦴꦏꦩꦹꦭꦏꦺ ꦥꦚ꧀ꦕ ꦓꦛꦴꦤꦴꦤꦶ ꦈꦠ꧀ꦠꦴꦤꦠ꧀ꦡꦴꦤꦺꦮ.

꧔꧗꧘-꧔꧘꧓. ꦄꦴꦲꦴꦫꦩꦹꦭꦏꦺ ꦱꦠ꧀ꦠꦴꦠꦶꦄꦴꦢꦷꦤꦶ ꦮꦸꦠ꧀ꦠꦤꦪꦴꦤꦺꦮ. ꦓꦛꦤꦴꦤꦶ ꦥꦤꦺꦠ꧀ꦡ ꦕꦠꦸꦠ꧀ꦠꦶꦁꦱ. ꦠꦺꦱꦸ ꦥꦜꦩꦴꦤꦶ ꦥꦚ꧀ꦕ ꦮꦶꦥꦴꦏꦴꦮꦶꦥꦴꦏꦱꦴꦩꦚ꧀ꦚꦠꦺꦴ ꦮꦸꦠ꧀ꦠꦴꦤꦶ. ꦠꦠ꧀ꦡ ꦥꦜꦩꦺ ꦕꦠ꧀ꦠꦴꦫꦺꦴꦥꦶ ꦄꦴꦲꦴꦫꦴ ꦭꦧ꧀ꦨꦤ꧀ꦠꦶ; ꦢꦸꦠꦶꦪꦺ ꦠꦪꦺꦴ ꦄꦫꦹꦥꦴꦲꦴꦫꦴꦮ. ꦠꦠꦶꦪꦺ ꦮꦠ꧀ꦡꦸꦥꦶ ꦥꦕ꧀ꦕꦪꦸꦥ꧀ꦥꦤ꧀ꦤꦁ ꦲꦺꦴꦠꦶ, ꦕꦠꦸꦠ꧀ꦡꦺ ꦠꦁ ꦥꦫꦶꦲꦴꦪꦠꦶ. ꦥꦚ꧀ꦕꦩꦺ ꦫꦹꦥꦩꦺꦮ ꦥꦕ꧀ꦕꦪꦸꦥ꧀ꦥꦤ꧀ꦤꦁ. ꦠꦠꦺꦴ ꦥꦫꦴꦤꦶ ꦥꦚ꧀ꦕ ꦱꦮꦶꦥꦴꦏꦓꦛꦤꦴꦤꦶ, ꦠꦴꦤꦶ ꦲꦺꦛ꧀ꦜꦴ ꦮꦸꦠ꧀ꦠꦤꦪꦴꦤꦺꦮ. ꦠꦠꦺꦴ ꦥꦫꦴꦤꦶ ꦤꦮ ꦓꦛꦤꦴꦤꦶ ꦕꦺꦠꦤꦴꦲꦴꦫꦮꦱꦺꦤ ꦮꦸꦠ꧀ꦠꦴꦤꦶ. ꦠꦠꦺꦴ ꦥꦫꦴꦤꦶ ꦤꦮ ꦤꦶꦫꦴꦣꦶꦥꦠꦶꦮꦶꦚ꧀ꦚꦴꦟꦴꦲꦴꦫꦮꦱꦺꦤ. ꦠꦠꦺꦴ ꦥꦫꦴꦤꦶ ꦱꦴꦣꦶꦥꦠꦶꦮꦶꦚ꧀ꦚꦴꦟꦴꦲꦴꦫꦮꦱꦺꦤ ꦖ ꦓꦛꦤꦴꦤꦶ ꦮꦸꦠ꧀ꦠꦴꦤꦶ. ꦠꦠ꧀ꦡ ꦠꦷꦟꦶ ꦮꦶꦥꦴꦏꦴꦮꦶꦥꦴꦏꦱꦴꦩꦚ꧀ꦚꦮꦱꦺꦤ ꦮꦸꦠ꧀ꦠꦴꦤꦶ. ꦠꦷꦟꦶ ꦮꦶꦥꦴꦏꦮꦱꦺꦤꦺꦮ. ꦠꦠ꧀ꦡ ꦭꦺꦴꦏꦶꦪꦴꦤꦁ ꦮꦶꦥꦴꦏꦴꦤꦁ ꦄꦨꦴꦮꦠꦺꦴ ꦮꦠ꧀ꦡꦸ ꦥꦫꦶꦲꦴꦪꦠꦶ.

꧔꧘꧔-꧔꧙꧕. ꦆꦤ꧀ꦢ꧀ꦫꦶꦪꦩꦹꦭꦏꦺ ꦥꦸꦫꦺꦗꦴꦠꦺ ꦌꦏꦤ꧀ꦠꦶ ꦕꦏ꧀ꦑꦸꦤ꧀ꦢ꧀ꦫꦶꦪꦴꦢꦷꦤꦁ ꦮꦱꦺꦤ ꦄꦧ꧀ꦪꦴꦏꦠꦺꦤ ꦄꦧ꧀ꦪꦴꦏꦠꦁ. ꦱꦺꦱꦁ ꦢꦸꦩꦹꦭꦏꦁ ꦲꦺꦛ꧀ꦜꦴ ꦮꦸꦠ꧀ꦠꦤꦪꦺꦤꦺꦮ ꦮꦺꦢꦶꦠꦧ꧀ꦧꦁ. ꦓꦛꦤꦴꦤꦶ ꦥꦤꦺꦠ꧀ꦡ ꦖ ꦱꦠ꧀ꦠꦠꦶ. ꦠꦠ꧀ꦡ ꦥꦜꦩꦺ ꦱꦧ꧀ꦧꦴꦤꦶꦥꦶ ꦆꦤ꧀ꦢ꧀ꦫꦶꦪꦴꦤꦶ ꦥꦕ꧀ꦕꦪꦛ꧀ꦜꦺꦤ ꦭꦧ꧀ꦨꦤ꧀ꦠꦶ. ꦢꦸꦠꦶꦪꦺ ꦫꦹꦥꦗꦷꦮꦶꦠꦶꦤ꧀ꦢ꧀ꦫꦶꦪꦁ ꦲꦴꦪꦠꦶ. ꦤ ꦲꦶ ꦠꦁ ꦤꦶꦱ꧀ꦱꦪꦺꦴ ꦲꦺꦴꦠꦶ. ꦠꦠꦶꦪꦺ ꦄꦫꦹꦥꦶꦤ꧀ꦢ꧀ꦫꦶꦪꦴꦤꦶ ꦫꦹꦥꦴꦤꦁ. ꦕꦠꦸꦠ꧀ꦡꦺ ꦕꦏ꧀ꦑꦴꦢꦷꦤꦶ ꦕꦏ꧀ꦑꦸꦮꦶꦚ꧀ꦚꦴꦟꦴꦢꦷꦤꦁ. ꦠꦠꦺꦴ ꦥꦫꦴꦤꦶ ꦤꦮ ꦓꦛꦤꦴꦤꦶ ꦱꦲꦗꦴꦠꦄꦫꦹꦥꦶꦤ꧀ꦢ꧀ꦫꦶꦪꦮꦱꦺꦤ ꦮꦸꦠ꧀ꦠꦴꦤꦶ, ꦠꦠꦺꦴ ꦤꦮ ꦩꦒ꧀ꦒꦨꦹꦠꦴꦤꦁ ꦆꦤ꧀ꦢ꧀ꦫꦶꦪꦴꦤꦁ ꦮꦱꦺꦤ, ꦠꦠꦺꦴ ꦤꦮ ꦙꦴꦤꦔ꧀ꦒꦨꦹꦠꦴꦤꦁ, ꦠꦠꦺꦴ ꦤꦮ ꦙꦴꦤꦩꦒ꧀ꦒꦨꦹꦠꦴꦤꦁ, ꦠꦠꦺꦴ ꦤꦮ ꦩꦤꦶꦤ꧀ꦢ꧀ꦫꦶꦪꦮꦱꦺꦤꦺꦮ, ꦠꦠꦺꦴ ꦱꦴꦣꦶꦥꦠꦷꦤꦶ ꦖ, ꦠꦠꦺꦴ ꦮꦷꦫꦶꦪꦮꦱꦺꦤ ꦩꦒ꧀ꦒꦱꦩ꧀ꦥꦪꦸꦠ꧀ꦠꦴꦤꦶ ꦖ, ꦠꦠꦺꦴ ꦄꦩꦺꦴꦲꦲꦺꦠꦸꦮꦱꦺꦤ ꦤꦶꦫꦴꦣꦶꦥꦠꦷꦤꦶ ꦤꦮ, ꦱꦴꦣꦶꦥꦠꦷꦤꦶ ꦖ. ꦠꦺꦱꦸ ꦱꦧ꧀ꦧꦺꦱꦸ ꦮꦶꦥꦴꦏꦥꦕ꧀ꦕꦪꦺꦤ ꦄꦪꦸꦠ꧀ꦠꦴꦤꦶ ꦕ ꦪꦸꦠ꧀ꦠꦴꦤꦶ ꦕ ꦲꦺꦛ꧀ꦜꦴ ꦮꦸꦠ꧀ꦠꦤꦪꦺꦤꦺꦮ ꦮꦺꦢꦶꦠꦧ꧀ꦧꦴꦤꦶ.

꧔꧙꧖-꧕꧐꧐. ꦙꦴꦤꦩꦹꦭꦏꦺꦥꦶ ꦢꦸꦩꦹꦭꦏꦁ ꦲꦺꦛ꧀ꦜꦴ ꦮꦸꦠ꧀ꦠꦤꦪꦺꦤꦺꦮ ꦮꦺꦢꦶꦠꦧ꧀ꦧꦁ. ꦓꦛꦤꦴꦤꦶ ꦥꦤꦺꦠ꧀ꦡ ꦖꦠ꧀ꦠꦶꦁꦱ. ꦠꦺꦱꦸ ꦥꦜꦩꦴꦤꦶ ꦤꦮ ꦆꦤ꧀ꦢ꧀ꦫꦶꦪꦩꦒ꧀ꦒꦨꦴꦮꦁ ꦄꦤꦴꦩꦱꦶꦠ꧀ꦮꦴ ꦱꦴꦣꦴꦫꦟꦙꦴꦤꦔ꧀ꦒꦮꦱꦺꦤꦺꦮ ꦮꦸꦠ꧀ꦠꦴꦤꦶ. ꦠꦠꦺꦴ ꦥꦫꦴꦤꦶ ꦤꦮ ꦆꦤ꧀ꦢ꧀ꦫꦶꦪꦨꦹꦠꦙꦴꦤꦔ꧀ꦒꦮꦱꦺꦤ, ꦠꦠꦺꦴ ꦤꦮ ꦩꦒ꧀ꦒꦨꦹꦠꦙꦴꦤꦔ꧀ꦒꦮꦱꦺꦤ, ꦠꦠꦺꦴ ꦤꦮ ꦆꦤ꧀ꦢ꧀ꦫꦶꦪꦩꦒ꧀ꦒꦨꦹꦠꦙꦴꦤꦔ꧀ꦒꦮꦱꦺꦤ. ꦕꦠꦹꦱꦸꦥꦶ ꦕꦺꦠꦺꦱꦸ ꦤꦮꦏꦺꦱꦸ ꦄꦴꦢꦶꦠꦺꦴ ꦕꦠ꧀ꦠꦴꦫꦶ ꦕꦠ꧀ꦠꦴꦫꦶ ꦮꦶꦥꦴꦏꦴꦮꦶꦥꦴꦏꦱꦴꦣꦴꦫꦟꦴꦤꦶ. ꦄꦮꦱꦴꦤꦺ ꦥꦚ꧀ꦕ ꦥꦚ꧀ꦕ ꦮꦶꦥꦴꦏꦴꦤꦺꦮ, ꦠꦴꦤꦶ ꦲꦺꦛ꧀ꦜꦴ ꦮꦸꦠ꧀ꦠꦤꦪꦴꦤꦺꦮ.

꧕꧐꧑-꧕꧐꧘. ꦩꦒ꧀ꦒꦩꦹꦭꦏꦺꦥꦶ ꦢꦸꦩꦹꦭꦏꦁ ꦮꦸꦠ꧀ꦠꦤꦪꦺꦤꦺꦮ ꦮꦺꦢꦶꦠꦧ꧀ꦧꦁ. ꦓꦛꦤꦴꦤꦶ ꦥꦤꦺꦠ꧀ꦡ ꦱꦠ꧀ꦠꦥꦚ꧀ꦚꦴꦱ. ꦠꦺꦱꦸ ꦥꦜꦩꦴꦤꦶ ꦤꦮ ꦆꦤ꧀ꦢ꧀ꦫꦶꦪꦙꦴꦤꦨꦴꦮꦁ ꦄꦤꦴꦩꦱꦶꦠ꧀ꦮꦴ ꦱꦸꦢ꧀ꦣꦶꦏꦩꦒ꧀ꦒꦮꦱꦺꦤꦺꦮ ꦮꦸꦠ꧀ꦠꦴꦤꦶ. ꦠꦠꦺꦴ ꦤꦮ ꦆꦤ꧀ꦢ꧀ꦫꦶꦪꦨꦹꦠꦩꦒ꧀ꦒꦮꦱꦺꦤ, ꦠꦠꦺꦴ ꦤꦮ ꦙꦴꦤꦨꦹꦠꦩꦒ꧀ꦒꦮꦱꦺꦤ, ꦠꦠꦺꦴ ꦤꦮ ꦆꦤ꧀ꦢ꧀ꦫꦶꦪꦙꦴꦤꦨꦹꦠꦩꦒ꧀ꦒꦮꦱꦺꦤ, ꦠꦠꦺꦴ ꦖ ꦄꦣꦶꦥꦠꦶꦨꦹꦠꦩꦒ꧀ꦒꦮꦱꦺꦤ, ꦠꦠꦺꦴ ꦤꦮ ꦤꦶꦫꦴꦣꦶꦥꦠꦶꦩꦒ꧀ꦒꦲꦺꦠꦸꦮꦱꦺꦤ, ꦠꦠꦺꦴ ꦖ ꦱꦴꦣꦶꦥꦠꦶꦩꦒ꧀ꦒꦲꦺꦠꦸꦮꦱꦺꦤ, ꦠꦠ꧀ꦡ ꦤꦮꦏꦺꦱꦸ ꦥꦚ꧀ꦕ ꦥꦚ꧀ꦕ ꦖꦏ꧀ꦏꦺꦱꦸ ꦠꦷꦟꦶ ꦠꦷꦟꦶ ꦮꦶꦥꦴꦏꦴꦤꦶ. ꦱꦺꦱꦴꦤꦶ ꦱꦴꦣꦴꦫꦟꦴꦤꦶ, ꦠꦴꦤꦶ ꦲꦺꦛ꧀ꦜꦴ ꦮꦸꦠ꧀ꦠꦤꦪꦴꦤꦺꦮ.

꧕꧐꧙-꧕꧑꧐. ꦱꦩ꧀ꦥꦪꦸꦠ꧀ꦠꦩꦹꦭꦏꦺ ꦢꦸꦩꦹꦭꦏꦁ ꦈꦠ꧀ꦠꦴꦤꦠ꧀ꦡꦩꦺꦮ. ꦌꦠ꧀ꦡ ꦥꦤ ꦢ꧀ꦮꦺꦪꦺꦮ ꦓꦛꦤꦴꦤꦶ. ꦠꦠ꧀ꦡ ꦌꦏꦁ ꦱꦴꦣꦴꦫꦟꦮꦱꦺꦤ, ꦌꦏꦁ ꦮꦶꦥꦴꦏꦮꦱꦺꦤ ꦮꦸꦠ꧀ꦠꦁ.

꧕꧑꧑-꧕꧑꧔. ꦮꦶꦥ꧀ꦥꦪꦸꦠ꧀ꦠꦩꦹꦭꦏꦺꦥꦶ ꦢꦸꦩꦹꦭꦏꦁ ꦈꦠ꧀ꦠꦴꦤꦠ꧀ꦡꦩꦺꦮ. ꦓꦛꦤꦴꦤꦶ ꦥꦤꦺꦠ꧀ꦡ ꦠꦺꦫꦱ. ꦠꦠ꧀ꦡ ꦥꦜꦩꦺ ꦥꦚ꧀ꦕꦴꦠꦶ ꦏꦸꦱꦭꦺꦴ ꦄꦧ꧀ꦪꦴꦏꦠꦱ꧀ꦱ, ꦠꦡꦴ ꦄꦏꦸꦱꦭꦺꦴ, ꦄꦧ꧀ꦪꦴꦏꦠꦺꦴ ꦠꦶꦟ꧀ꦟꦤ꧀ꦤꦩ꧀ꦥꦶ. ꦌꦠ꧀ꦡ ꦕ ꦆꦩꦺ ꦮꦶꦥ꧀ꦥꦪꦸꦠ꧀ꦠꦴꦢꦪꦺꦴ ꦱꦲꦗꦴꦠꦴꦥꦶ ꦲꦺꦴꦤ꧀ꦠꦶ, ꦥꦕ꧀ꦖꦴꦗꦴꦠꦥꦸꦫꦺꦗꦴꦠꦴꦥꦶ. ꦢꦸꦠꦶꦪꦺ ꦥꦸꦫꦺꦗꦴꦠꦱꦲꦗꦴꦠꦴꦮ ꦠꦠꦶꦪꦺ ꦠꦺꦪꦺꦮ ꦄꦣꦶꦥꦠꦶꦮꦱꦺꦤ. ꦠꦠ꧀ꦡ ꦏꦸꦱꦭꦺꦴ ꦄꦧ꧀ꦪꦴꦏꦠꦱ꧀ꦱ ꦠꦡꦴ ꦄꦏꦸꦱꦭꦺꦴ, ꦄꦧ꧀ꦪꦴꦏꦠꦺꦴ ꦥꦤ ꦄꦧ꧀ꦪꦴꦏꦠꦱ꧀ꦱ ꦕ ꦄꦴꦫꦩ꧀ꦩꦟꦴꦣꦶꦥꦠꦶꦮꦱꦺꦤ ꦄꦏꦸꦱꦭꦱ꧀ꦱ ꦕꦴꦠꦶ ꦌꦮꦁ ꦕꦠ꧀ꦠꦴꦫꦶ. ꦕꦠꦸꦠ꧀ꦡꦺ ꦠꦷꦟꦷꦠꦶ ꦏꦸꦱꦭꦴꦢꦷꦤꦶ ꦄꦧ꧀ꦪꦴꦏꦠꦱ꧀ꦱ. ꦆꦤ꧀ꦢ꧀ꦫꦶꦪꦴꦤꦶ ꦥꦤꦺꦠ꧀ꦡ ꦫꦹꦥꦴꦤꦶꦥꦶ ꦄꦫꦹꦥꦴꦤꦶꦥꦶ. ꦥꦚ꧀ꦕꦩꦺ ꦥꦕ꧀ꦕꦪꦴ ꦄꦫꦹꦥꦴꦮ ꦖꦛ꧀ꦜꦺ ꦮꦠ꧀ꦡꦸꦮꦱꦺꦤ ꦫꦹꦥꦴꦮ ꦱꦠ꧀ꦠꦩꦺ ꦏꦸꦱꦭꦴꦧ꧀ꦪꦴꦏꦠꦴꦤꦁ ꦮꦶꦥꦱ꧀ꦱꦤꦴꦮꦱꦺꦤ, ꦄꦏꦸꦱꦭꦱ꧀ꦱ ꦄꦱ꧀ꦱꦴꦢꦤꦮꦱꦺꦤ ꦮꦠ꧀ꦡꦸꦩꦺꦮ. ꦄꦛ꧀ꦜꦩꦺ ꦠꦢꦺꦮꦴꦏꦸꦱꦭꦱ꧀ꦱ, ꦤꦮꦩꦺ ꦕꦏ꧀ꦑꦴꦢꦷꦤꦶ ꦄꦧ꧀ꦪꦴꦏꦠꦱ꧀ꦱ, ꦢꦱꦩꦺ ꦏꦸꦱꦭꦴꦢꦪꦺꦴ ꦕꦶꦠ꧀ꦠꦱꦩꦸꦛ꧀ꦜꦴꦤꦴꦤꦁ, ꦌꦏꦴꦢꦱꦩꦺ ꦥꦛꦶꦱꦤ꧀ꦣꦶꦪꦁ ꦮꦠ꧀ꦡꦸ ꦑꦤ꧀ꦣꦴꦤꦁ, ꦢ꧀ꦮꦴꦢꦱꦩꦺ ꦥꦛꦶꦱꦤ꧀ꦣꦶꦪꦁ ꦑꦤ꧀ꦣꦴ ꦏꦛꦠ꧀ꦠꦴꦫꦹꦥꦴꦤꦁ, ꦠꦺꦫꦱꦩꦺ ꦥꦛꦶꦱꦤ꧀ꦣꦶꦪꦁ ꦑꦤ꧀ꦣꦴ ꦮꦠ꧀ꦡꦸꦱ꧀ꦱ.

꧕꧑꧕-꧕꧑꧘. ꦄꦠ꧀ꦡꦶꦥꦕ꧀ꦕꦪꦩꦹꦭꦏꦺ ꦈꦥꦤꦶꦱ꧀ꦱꦪꦺ ꦌꦏꦤ꧀ꦠꦶ ꦄꦴꦫꦩ꧀ꦩꦟꦹꦥꦤꦶꦱ꧀ꦱꦪꦮꦱꦺꦤ ꦄꦧ꧀ꦪꦴꦏꦠꦁ ꦄꦏꦸꦱꦭꦱ꧀ꦱ. ꦱꦺꦱꦁ ꦢꦸꦩꦹꦭꦏꦺ ꦈꦠ꧀ꦠꦴꦤꦩꦺꦮ. ꦓꦛꦤꦴꦤꦶ ꦥꦤꦺꦠ꧀ꦡ ꦌꦏꦹꦤꦠꦶꦁꦱ. ꦠꦺꦱꦸ ꦥꦜꦩꦺ ꦄꦫꦹꦥꦮꦠ꧀ꦡꦴꦫꦩ꧀ꦩꦟꦩꦲꦴꦨꦹꦠꦆꦤ꧀ꦢ꧀ꦫꦶꦪꦴꦲꦴꦫꦴꦤꦁ ꦮꦱꦺꦤ ꦱꦲꦗꦴꦠꦥꦸꦫꦺꦗꦴꦠꦥꦕ꧀ꦖꦴꦗꦴꦠꦥꦕ꧀ꦕꦪꦴ ꦭꦧ꧀ꦨꦤ꧀ꦠꦶ. ꦢꦸꦠꦶꦪꦺ ꦥꦕ꧀ꦖꦴꦗꦴꦠꦏꦧꦭ꦳ꦷꦏꦴꦫꦴꦲꦴꦫꦴ ꦤ ꦭꦧ꧀ꦨꦤ꧀ꦠꦶ. ꦥꦜꦩꦢꦸꦠꦶꦪꦓꦛꦤꦴꦤꦺꦮ ꦄꦣꦶꦥꦠꦶꦤꦴ ꦱꦢ꧀ꦣꦶꦁ ꦈꦥꦫꦶ ꦠꦠꦶꦪꦕꦠꦸꦠ꧀ꦡꦴꦤꦶ ꦏꦠꦴꦤꦶ. ꦥꦸꦤ ꦥꦜꦩꦩꦺꦮ ꦕꦠꦹꦲꦶ ꦄꦴꦲꦴꦫꦺꦲꦶ ꦱꦢ꧀ꦣꦶꦁ ꦥꦚ꧀ꦕꦩꦁ, ꦫꦹꦥꦶꦤ꧀ꦢ꧀ꦫꦶꦪꦺꦲꦶ ꦱꦢ꧀ꦣꦶꦁ ꦖꦛ꧀ꦜꦁ, ꦫꦹꦥꦴꦫꦹꦥꦶꦤ꧀ꦢ꧀ꦫꦶꦪꦺꦲꦶ ꦱꦢ꧀ꦣꦶꦁ ꦱꦠ꧀ꦠꦩꦁ ꦏꦠꦁ. ꦢꦸꦠꦶꦪꦩꦺꦮ ꦮꦴ ꦥꦤ ꦆꦤ꧀ꦢ꧀ꦫꦶꦪꦺꦲꦶ ꦱꦢ꧀ꦣꦶꦁ ꦱꦠ꧀ꦠꦩꦁ ꦏꦠꦁ. ꦥꦜꦩꦢꦸꦠꦶꦪꦴꦤꦺꦮ ꦮꦶꦥ꧀ꦥꦪꦸꦠ꧀ꦠꦥꦕ꧀ꦕꦪꦺꦤ ꦱꦢ꧀ꦣꦶꦁ ꦄꦛ꧀ꦜꦩꦤꦮꦩꦴꦤꦶ. ꦠꦺꦱꦸ ꦤꦮꦩꦁ ꦄꦣꦶꦥꦠꦶꦤꦴ ꦱꦢ꧀ꦣꦶꦁ ꦢꦱꦩꦁ ꦏꦠꦁ. ꦠꦠꦺꦴ ꦌꦏꦴꦢꦱꦩꦺ ꦥꦕ꧀ꦕꦪꦮꦱꦺꦤ ꦮꦠ꧀ꦡꦸ ꦲꦴꦪꦠꦶ. ꦢ꧀ꦮꦴꦢꦱꦩꦺ ꦄꦫꦹꦥꦣꦩ꧀ꦩꦴꦪꦺꦮ ꦥꦕ꧀ꦕꦪꦴ, ꦠꦺꦫꦱꦩꦺ ꦮꦠ꧀ꦡꦴꦫꦩ꧀ꦩꦟꦴ, ꦕꦸꦢ꧀ꦢꦱꦩꦺ ꦮꦠ꧀ꦡꦸꦩꦺꦮ, ꦥꦤ꧀ꦤꦫꦱꦩꦺ ꦄꦴꦫꦩ꧀ꦩꦟꦩꦺꦮ, ꦱꦺꦴꦭ꦳ꦱꦩꦺ ꦮꦠ꧀ꦡꦸꦩꦺꦮ ꦄꦴꦫꦩ꧀ꦩꦟꦁ, ꦱꦠ꧀ꦠꦫꦱꦩꦺ ꦥꦤ ꦠꦢꦺꦮ ꦄꦴꦫꦩ꧀ꦩꦟꦴꦣꦶꦥꦠꦶꦨꦴꦮꦺꦤ, ꦄꦛ꧀ꦜꦴꦫꦱꦩꦺꦥꦶ ꦠꦢꦺꦮ ꦄꦴꦫꦩ꧀ꦩꦟꦹꦥꦤꦶꦱ꧀ꦱꦪꦮꦱꦺꦤ, ꦌꦏꦹꦤꦮꦷꦱꦠꦶꦩꦺ ꦕꦏ꧀ꦑꦴꦢꦪꦺꦴꦮ ꦥꦕ꧀ꦕꦪꦴ. ꦆꦩꦴꦤꦶ ꦌꦏꦹꦤꦮꦷꦱꦠꦶ ꦥꦏꦶꦟ꧀ꦟꦏꦓꦛꦤꦴꦤꦶ ꦤꦴꦩ ꦱꦲꦗꦴꦠꦁ ꦄꦒ꧀ꦒꦲꦺꦠ꧀ꦮꦴ ꦮꦸꦠ꧀ꦠꦴꦤꦶ. ꦠꦠꦺꦴ ꦥꦫꦴꦤꦶ ꦢꦱ ꦱꦲꦗꦴꦠꦮꦱꦺꦤ ꦮꦸꦠ꧀ꦠꦴꦤꦶ.

꧕꧑꧙. ꦤꦠ꧀ꦡꦶꦮꦶꦒꦠꦩꦹꦭꦏꦺꦱꦸ ꦄꦤꦤ꧀ꦠꦫꦱꦩꦤꦤ꧀ꦠꦫꦩꦹꦭꦏꦺꦱꦸ ꦮꦶꦪ ꦈꦥꦤꦶꦱ꧀ꦱꦪꦴꦱꦺꦮꦤꦏꦩ꧀ꦩꦮꦱꦺꦤ ꦠꦷꦟꦶꦪꦺꦮ ꦓꦛꦤꦴꦤꦶ, ꦄꦮꦶꦒꦠꦩꦹꦭꦏꦁ ꦄꦠ꧀ꦡꦶꦩꦹꦭꦏꦱꦢꦶꦱꦩꦺꦮꦴꦠꦶ.

ꦪꦴꦤꦶ ꦥꦤꦺꦠꦴꦤꦶ ꦆꦩꦱ꧀ꦩꦶꦁ ꦥꦚ꧀ꦲꦴꦮꦴꦫꦺ ꦓꦛꦤꦴꦤꦶ ꦮꦸꦠ꧀ꦠꦴꦤꦶ, ꦠꦴꦤꦶ ꦱꦧ꧀ꦧꦴꦤꦶꦥꦶ ꦢꦸꦮꦶꦣꦴꦤꦶꦪꦺꦮ – ꦥꦏꦶꦟ꧀ꦟꦏꦠꦺꦴ ꦱꦲꦗꦴꦠꦠꦺꦴ ꦕ. ꦠꦠ꧀ꦡ ꦱꦧ꧀ꦧꦺꦱꦩ꧀ꦥꦶ ꦄꦴꦫꦩ꧀ꦩꦟꦩꦹꦭꦏꦴꦢꦷꦤꦁ ꦄꦴꦢꦶꦠꦺꦴ ꦱꦲꦗꦴꦠꦁ ꦄꦒ꧀ꦒꦲꦺꦠ꧀ꦮꦴ ꦮꦸꦠ꧀ꦠꦴꦤꦶ ꦥꦏꦶꦟ꧀ꦟꦏꦴꦤꦶ ꦤꦴꦩ. ꦠꦴꦤꦶ ꦄꦴꦫꦩ꧀ꦩꦟꦩꦹꦭꦏꦺ ꦥꦚ꧀ꦕꦥꦶ, ꦄꦣꦶꦥꦠꦶꦩꦹꦭꦏꦺ ꦖ, ꦄꦤꦤ꧀ꦠꦫꦩꦹꦭꦏꦺ ꦠꦷꦟꦶꦥꦶ, ꦠꦡꦴ ꦱꦩꦤꦤ꧀ꦠꦫꦩꦹꦭꦏꦺ, ꦤꦶꦱ꧀ꦱꦪꦩꦹꦭꦏꦺ ꦢꦱ, ꦈꦥꦤꦶꦱ꧀ꦱꦪꦩꦹꦭꦏꦺ ꦱꦠ꧀ꦠ, ꦥꦸꦫꦺꦗꦴꦠꦩꦹꦭꦏꦺ ꦱꦠ꧀ꦠ, ꦥꦕ꧀ꦖꦴꦗꦴꦠꦩꦹꦭꦏꦺ ꦌꦏꦩꦺꦮ, ꦠꦡꦴ ꦄꦴꦱꦺꦮꦤꦩꦹꦭꦏꦺ, ꦏꦩ꧀ꦩꦩꦹꦭꦏꦺ ꦢ꧀ꦮꦺ, ꦄꦴꦲꦴꦫꦩꦹꦭꦏꦺ ꦌꦏꦁ, ꦆꦤ꧀ꦢ꧀ꦫꦶꦪꦩꦹꦭꦏꦺ ꦕꦠ꧀ꦠꦴꦫꦶ, ꦮꦶꦥ꧀ꦥꦪꦸꦠ꧀ꦠꦩꦹꦭꦏꦺ ꦤꦮ, ꦄꦠ꧀ꦡꦶꦩꦹꦭꦏꦺ ꦌꦏꦹꦤꦮꦷꦱꦠꦶ, ꦤꦠ꧀ꦡꦶꦩꦹꦭꦏꦺ ꦠꦷꦟꦶꦥꦶ, ꦠꦡꦴꦮꦶꦒꦠꦩꦹꦭꦏꦺ. ꦄꦮꦶꦒꦠꦩꦹꦭꦏꦺ ꦌꦏꦹꦤꦮꦷꦱꦠꦷꦠꦶ ꦱꦧ꧀ꦧꦴꦤꦶꦥꦶ ꦱꦠꦚ꧀ꦕꦺꦮ ꦠꦷꦟꦶ ꦕ ꦲꦺꦴꦤ꧀ꦠꦶ. ꦱꦲꦗꦴꦠꦤꦶꦱ꧀ꦱꦪꦨꦴꦮꦺꦤ ꦥꦤꦺꦠꦴꦤꦶ ꦥꦏꦶꦟ꧀ꦟꦏꦴꦤꦷꦠꦶ ꦮꦸꦠ꧀ꦠꦴꦤꦶ.

ꦪꦴꦤꦶ ꦥꦤ ꦱꦲꦗꦴꦠꦁ ꦭꦧ꧀ꦨꦤ꧀ꦠꦶ, ꦠꦴꦤꦶ ꦱꦲꦗꦴꦠꦓꦛꦤꦴꦤꦶ ꦤꦴꦩꦴꦠꦶ ꦮꦸꦕ꧀ꦕꦤ꧀ꦠꦶ. ꦠꦴꦤꦶ ꦄꦴꦫꦩ꧀ꦩꦟꦩꦹꦭꦏꦺ ꦄꦤꦤ꧀ꦠꦫꦱꦩꦤꦤ꧀ꦠꦫꦥꦸꦫꦺꦗꦴꦠꦥꦕ꧀ꦖꦴꦗꦴꦠꦄꦴꦱꦺꦮꦤꦤꦠ꧀ꦡꦶꦮꦶꦒꦠꦩꦹꦭꦏꦺꦱꦸ ꦤ ꦭꦧ꧀ꦨꦤ꧀ꦠꦶ. ꦤ ꦲꦶ ꦠꦺ ꦥꦕ꧀ꦕꦪꦴ ꦱꦲꦗꦴꦠꦴꦤꦁ ꦥꦕ꧀ꦕꦪꦴ ꦲꦺꦴꦤ꧀ꦠꦶ. ꦪꦡꦴ ꦕ ꦱꦲꦗꦴꦠꦴꦤꦁ ꦤ ꦲꦺꦴꦤ꧀ꦠꦶ, ꦠꦡꦴ ꦲꦺꦠꦸꦱꦲꦗꦴꦠꦄꦚ꧀ꦚꦩꦚ꧀ꦚꦮꦶꦥꦴꦏꦙꦴꦤꦩꦒ꧀ꦒꦱꦩ꧀ꦥꦪꦸꦠ꧀ꦠꦥꦕ꧀ꦕꦪꦴ. ꦄꦱꦲꦗꦴꦠꦴꦤꦤ꧀ꦠꦶ ꦲꦺꦠꦸꦩꦹꦭꦏꦺ ꦱꦧ꧀ꦧꦴꦤꦶ ꦕꦠꦸꦮꦷꦱꦠꦶꦥꦶ ꦓꦛꦤꦴꦤꦶ ꦱꦲꦗꦴꦠꦓꦛꦤꦴꦤꦺꦮ. ꦠꦡꦴ ꦄꦣꦶꦥꦠꦶꦩꦹꦭꦏꦺ ꦕꦠꦸꦮꦷꦱꦠꦶ, ꦱꦲꦗꦴꦠꦩꦹꦭꦏꦺ ꦢꦱꦥꦶ, ꦄꦚ꧀ꦚꦩꦚ꧀ꦚꦩꦹꦭꦏꦺ ꦖꦥꦶ, ꦤꦶꦱ꧀ꦱꦪꦩꦹꦭꦏꦺ ꦢꦱ, ꦏꦩ꧀ꦩꦩꦹꦭꦏꦺ ꦤꦮ, ꦮꦶꦥꦴꦏꦩꦹꦭꦏꦺ ꦥꦚ꧀ꦕꦥꦶ, ꦄꦴꦲꦴꦫꦩꦹꦭꦏꦺ ꦠꦺꦠ꧀ꦠꦶꦁꦱ, ꦆꦤ꧀ꦢ꧀ꦫꦶꦪꦩꦹꦭꦏꦺ ꦢ꧀ꦮꦴꦱꦠ꧀ꦠꦠꦶ ꦙꦴꦤꦩꦹꦭꦏꦺ ꦖꦠ꧀ꦠꦶꦁꦱꦴꦥꦶ, ꦩꦒ꧀ꦒꦩꦹꦭꦏꦺ ꦱꦠ꧀ꦠꦥꦚ꧀ꦚꦴꦱꦩ꧀ꦥꦶ, ꦱꦩ꧀ꦥꦪꦸꦠ꧀ꦠꦩꦹꦭꦏꦺ ꦢ꧀ꦮꦺꦥꦶ, ꦮꦶꦥ꧀ꦥꦪꦸꦠ꧀ꦠꦩꦹꦭꦏꦺ ꦕꦠ꧀ꦠꦴꦫꦶ, ꦄꦠ꧀ꦡꦶꦩꦹꦭꦏꦺ ꦢꦱ, ꦄꦮꦶꦒꦠꦩꦹꦭꦏꦺ ꦢꦱꦴꦠꦶ ꦱꦧ꧀ꦧꦴꦤꦶꦥꦶ ꦠꦷꦟꦶ ꦱꦠꦴꦤꦶ ꦢ꧀ꦮꦴꦢꦱ ꦕ ꦲꦺꦴꦤ꧀ꦠꦶ. ꦆꦠꦶ ꦥꦸꦫꦶꦩꦴꦤꦶ ꦱꦠꦁ ꦠꦷꦟꦶ ꦕ ꦆꦩꦴꦤꦶ ꦕ ꦢ꧀ꦮꦴꦢꦱꦸꦠ꧀ꦠꦫꦴꦤꦶ ꦠꦷꦟꦶ ꦱꦠꦴꦤꦷꦠꦶ ꦱꦧ꧀ꦧꦴꦤꦶꦥꦶ ꦥꦚ꧀ꦕꦢꦱꦴꦣꦶꦏꦴꦤꦶ ꦕꦠ꧀ꦠꦴꦫꦶ ꦓꦛꦤꦱꦠꦴꦤꦶ ꦥꦚ꧀ꦲꦴꦮꦴꦫꦺ ꦄꦴꦒꦠꦴꦤꦶ. ꦠꦺꦱꦸ ꦪꦺ ꦪꦺ ꦥꦕ꧀ꦕꦪꦣꦩ꧀ꦩꦴ ꦤꦴꦩꦮꦱꦺꦤ ꦤ ꦥꦴꦏꦛꦴ ꦲꦸꦠ꧀ꦮꦴ ꦥꦚ꧀ꦚꦴꦪꦤ꧀ꦠꦶ, ꦠꦺꦥꦶ ꦲꦺꦠꦸꦩꦹꦭꦏꦴꦢꦷꦤꦁ ꦤꦪꦴꦤꦁ ꦄꦴꦢꦶꦠꦺꦴ ꦮꦶꦥꦴꦏꦴꦮꦶꦥꦴꦏꦱꦴꦩꦚ꧀ꦚꦠꦺꦴ ꦮꦸꦠ꧀ꦠꦺꦱꦸ ꦓꦛꦤꦺꦱꦸ ꦢꦱ꧀ꦱꦺꦠꦧ꧀ꦧꦴ. ꦢ꧀ꦮꦴꦢꦱꦺꦮ ꦲꦶ ꦲꦺꦠꦹ ꦖ ꦄꦴꦫꦩ꧀ꦩꦟꦴ ꦕꦠ꧀ꦠꦴꦫꦺꦴ ꦄꦣꦶꦥꦠꦪꦺꦴ ꦕꦠ꧀ꦠꦴꦫꦺꦴ ꦄꦴꦲꦴꦫꦴ ꦮꦷꦱꦠꦶ ꦆꦤ꧀ꦢ꧀ꦫꦶꦪꦴꦤꦶ ꦱꦠ꧀ꦠ ꦙꦴꦤꦔ꧀ꦒꦴꦤꦶ ꦢ꧀ꦮꦴꦢꦱ ꦩꦒ꧀ꦒꦔ꧀ꦒꦴꦤꦷꦠꦶ ꦌꦠꦺ ꦥꦕ꧀ꦕꦪꦣꦩ꧀ꦩꦴ ꦤꦴꦩ. ꦠꦺꦱꦸ ꦪꦺ ꦪꦺ ꦣꦩ꧀ꦩꦴ ꦌꦏꦤ꧀ꦠꦺꦤ ꦏꦸꦱꦭꦴ, ꦌꦏꦤ꧀ꦠꦺꦤꦺꦮ ꦄꦏꦸꦱꦭꦴ, ꦌꦏꦤ꧀ꦠꦺꦤ ꦏꦸꦱꦭꦮꦶꦥꦴꦏꦴ, ꦌꦏꦤ꧀ꦠꦺꦤꦺꦮꦴꦏꦸꦱꦭꦮꦶꦥꦴꦏꦴ, ꦌꦏꦤ꧀ꦠꦺꦤꦺꦮ ꦮꦶꦥꦴꦏꦴ, ꦌꦏꦤ꧀ꦠꦺꦤꦺꦮ ꦄꦮꦶꦥꦴꦏꦴ ꦠꦺ ꦠꦺ ꦱꦴꦣꦸꦏꦁ ꦱꦭ꧀ꦭꦏ꧀ꦑꦺꦠ꧀ꦮꦴ ꦪꦺ ꦠꦠ꧀ꦡ ꦮꦶꦥꦴꦏꦴ, ꦠꦺ ꦮꦶꦥꦴꦏꦓꦛꦤꦺꦱꦸ, ꦪꦺ ꦄꦮꦶꦥꦴꦏꦴ, ꦠꦺ ꦄꦮꦶꦥꦴꦏꦓꦛꦤꦺꦱꦸ ꦪꦡꦴꦪꦺꦴꦒꦁ ꦪꦺꦴꦗꦺꦠꦧ꧀ꦧꦴꦠꦶ.

ꦥꦚ꧀ꦲꦴꦮꦴꦫꦱ꧀ꦱ ꦓꦛꦤꦺ ꦄꦤꦸꦭꦺꦴꦩꦒꦟꦤꦴ.

ꦥꦕ꧀ꦕꦤꦷꦪꦸꦢ꧀ꦣꦴꦫꦮꦟ꧀ꦟꦤꦴ

꧕꧒꧗. ꦆꦢꦴꦤꦶ ꦥꦕ꧀ꦕꦤꦷꦪꦁ ꦲꦺꦴꦠꦶ. ꦠꦠ꧀ꦡ ꦪꦡꦴ ꦥꦛꦶꦕ꧀ꦕ ꦮꦴꦫꦴꦢꦷꦱꦸ ‘‘ꦄꦏꦸꦱꦭꦁ ꦣꦩ꧀ꦩꦁ ꦥꦛꦶꦕ꧀ꦕ ꦄꦏꦸꦱꦭꦺꦴ ꦣꦩ꧀ꦩꦺꦴ ꦈꦥ꧀ꦥꦗ꧀ꦗꦠꦶ ꦤꦲꦺꦠꦸꦥꦕ꧀ꦕꦪꦴ’’ꦠꦶꦄꦴꦢꦶꦤꦴ ꦤꦪꦺꦤ ꦭꦧ꧀ꦨꦩꦴꦤꦴ ꦥꦚ꧀ꦲꦴ ꦭꦧ꧀ꦨꦩꦴꦤꦴꦤꦁ ꦥꦕ꧀ꦕꦪꦴꦤꦁ ꦮꦱꦺꦤ ꦱꦫꦹꦥꦠꦺꦴꦮ ꦮꦶꦠ꧀ꦡꦴꦫꦶꦠꦴ. ꦌꦮꦁ ꦄꦮꦶꦠ꧀ꦡꦴꦫꦺꦠ꧀ꦮꦴ ꦌꦏꦺꦤ ꦭꦏ꧀ꦑꦟꦺꦤ ꦱꦔ꧀ꦑꦺꦥꦠꦺꦴ ꦥꦕ꧀ꦕꦤꦷꦪꦁ ꦢꦱ꧀ꦱꦺꦠꦸꦁ ꦣꦩ꧀ꦩꦱꦔ꧀ꦒꦴꦲꦏꦺꦲꦶ ꦏꦸꦱꦭꦺꦴ ꦣꦩ꧀ꦩꦺꦴ ꦏꦸꦱꦭꦱ꧀ꦱ ꦣꦩ꧀ꦩꦱ꧀ꦱ ꦄꦴꦫꦩ꧀ꦩꦟꦥꦕ꧀ꦕꦪꦺꦤ ꦥꦕ꧀ꦕꦪꦺꦴꦠꦶꦄꦴꦢꦶꦤꦴ ꦤꦪꦺꦤ ꦄꦤꦸꦭꦺꦴꦩꦠꦺꦴ ꦏꦸꦱꦭꦴꦢꦷꦤꦁ ꦥꦕ꧀ꦕꦪꦴ ꦈꦢ꧀ꦣꦛꦴ. ꦠꦺ ꦕ ꦑꦺꦴ ꦥꦕ꧀ꦕꦪꦴ ꦱꦩꦹꦲꦮꦱꦺꦤ, ꦤꦺꦴ ꦌꦏꦺꦏꦥꦕ꧀ꦕꦪꦮꦱꦺꦤꦺꦮ; ꦠꦱ꧀ꦩꦴ ꦪꦺ ꦪꦠ꧀ꦡ ꦱꦩꦹꦲꦠꦺꦴ ꦢꦱ꧀ꦱꦶꦠꦴ, ꦠꦺ ꦮꦶꦨꦗꦶꦠ꧀ꦮꦴ ꦮꦺꦢꦶꦠꦧ꧀ꦧꦴ. ꦱꦧ꧀ꦧꦺꦥꦶ ꦲꦶ ꦆꦩꦺ ꦕꦠꦸꦮꦷꦱꦠꦶ ꦥꦕ꧀ꦕꦪꦴ ꦄꦛ꧀ꦜꦱꦸ ꦥꦕ꧀ꦕꦪꦺꦱꦸ ꦱꦔ꧀ꦒꦲꦁ ꦒꦕ꧀ꦖꦤ꧀ꦠꦶ. ꦏꦠꦫꦺꦱꦸ ꦄꦛ꧀ꦜꦱꦸ? ꦄꦴꦫꦩ꧀ꦩꦟꦺ, ꦱꦲꦗꦴꦠꦺ, ꦈꦥꦤꦶꦱ꧀ꦱꦪꦺ, ꦥꦸꦫꦺꦗꦴꦠꦺ, ꦥꦕ꧀ꦖꦴꦗꦴꦠꦺ, ꦏꦩ꧀ꦩꦺ, ꦄꦴꦲꦴꦫꦺ, ꦆꦤ꧀ꦢ꧀ꦫꦶꦪꦺꦠꦶ. ꦏꦡꦁ? ꦜꦥꦺꦠ꧀ꦮꦴ ꦲꦶ ꦆꦩꦺ ꦄꦛ꧀ꦜ ꦥꦕ꧀ꦕꦪꦺ ꦱꦺꦱꦺꦱꦸ ꦱꦺꦴꦭ꦳ꦱꦱꦸ ꦲꦺꦠꦸꦥꦕ꧀ꦕꦪꦺꦴ ꦄꦚ꧀ꦚꦩꦚ꧀ꦚꦮꦶꦥꦴꦏꦙꦴꦤꦩꦒ꧀ꦒꦱꦩ꧀ꦥꦪꦸꦠ꧀ꦠꦥꦕ꧀ꦕꦪꦺꦴꦠꦶ ꦆꦩꦺ ꦖ ꦥꦕ꧀ꦕꦪꦴ ꦌꦏꦤ꧀ꦠꦺꦤ ꦱꦲꦗꦴꦠꦴ ꦲꦸꦠ꧀ꦮꦴ ꦱꦲꦗꦴꦠꦴꦤꦚ꧀ꦚꦺꦮ ꦥꦕ꧀ꦕꦪꦨꦴꦮꦠꦺꦴ ꦱꦲꦗꦴꦠꦥꦕ꧀ꦕꦪꦺ ꦱꦔ꧀ꦒꦲꦁ ꦒꦕ꧀ꦖꦤ꧀ꦠꦶ. ꦄꦤꦤ꧀ꦠꦫꦥꦕ꧀ꦕꦪꦺꦴ ꦱꦩꦤꦤ꧀ꦠꦫꦄꦴꦱꦺꦮꦤꦤꦠ꧀ꦡꦶꦮꦶꦒꦠꦥꦕ꧀ꦕꦪꦺꦴꦠꦶ ꦆꦩꦺ ꦥꦤ ꦥꦚ꧀ꦕ ꦈꦥ꧀ꦥꦗ꧀ꦗꦶꦠ꧀ꦮꦴ ꦤꦶꦫꦸꦢ꧀ꦣꦴ ꦄꦠ꧀ꦠꦤꦺꦴ ꦄꦤꦤ꧀ꦠꦫꦁ ꦈꦥ꧀ꦥꦗ꧀ꦗꦩꦴꦤꦴꦤꦚ꧀ꦚꦺꦮ ꦥꦕ꧀ꦕꦪꦨꦴꦮꦠꦺꦴ ꦄꦤꦤ꧀ꦠꦫꦹꦥꦤꦶꦱ꧀ꦱꦪꦭꦏ꧀ꦑꦟꦺꦤ ꦈꦥꦤꦶꦱ꧀ꦱꦪꦺ ꦱꦔ꧀ꦒꦲꦁ ꦒꦕ꧀ꦖꦤ꧀ꦠꦶ. ꦤꦶꦱ꧀ꦱꦪꦥꦕ꧀ꦕꦪꦺꦴ ꦱꦲꦗꦴꦠꦥꦸꦫꦺꦗꦴꦠꦨꦺꦢꦠꦺꦴ ꦢꦸꦮꦶꦣꦺꦴ. ꦠꦠ꧀ꦡ ꦱꦲꦗꦴꦠꦤꦶꦱ꧀ꦱꦪꦺꦴ ꦱꦲꦗꦴꦠꦴꦤꦚ꧀ꦚꦺꦮ ꦤꦶꦱ꧀ꦱꦪꦥꦕ꧀ꦕꦪꦨꦴꦮꦠꦺꦴ ꦱꦲꦗꦴꦠꦥꦕ꧀ꦕꦪꦺ ꦱꦔ꧀ꦒꦲꦁ ꦒꦕ꧀ꦖꦠꦶ, ꦥꦸꦫꦺꦗꦴꦠꦤꦶꦱ꧀ꦱꦪꦺꦴ ꦥꦸꦫꦺꦗꦴꦠꦥꦕ꧀ꦕꦪꦺ ꦱꦔ꧀ꦒꦲꦁ ꦒꦕ꧀ꦖꦠꦶ.

ꦄꦣꦶꦥꦠꦶꦥꦕ꧀ꦕꦪꦺꦴꦥꦶ ꦱꦲꦗꦴꦠꦴꦣꦶꦥꦠꦶꦄꦴꦫꦩ꧀ꦩꦟꦴꦣꦶꦥꦠꦶꦮꦱꦺꦤ ꦢꦸꦮꦶꦣꦺꦴ. ꦠꦠ꧀ꦡ ꦱꦲꦗꦴꦠꦴꦣꦶꦥꦠꦶ ꦱꦲꦗꦴꦠꦴꦤꦁꦪꦺꦮ ꦄꦣꦶꦥꦠꦶꦥꦕ꧀ꦕꦪꦨꦴꦮꦠꦺꦴ ꦱꦲꦗꦴꦠꦥꦕ꧀ꦕꦪꦺ ꦱꦔ꧀ꦒꦲꦁ ꦒꦕ꧀ꦖꦠꦶ. ꦄꦴꦫꦩ꧀ꦩꦟꦴꦣꦶꦥꦠꦶ ꦄꦴꦫꦩ꧀ꦩꦟꦹꦥꦤꦶꦱ꧀ꦱꦪꦺꦴ ꦲꦺꦴꦠꦶꦪꦺꦮꦴꦠꦶ ꦄꦴꦫꦩ꧀ꦩꦟꦹꦥꦤꦶꦱ꧀ꦱꦪꦭꦏ꧀ꦑꦟꦺꦤ ꦈꦥꦤꦶꦱ꧀ꦱꦪꦥꦕ꧀ꦕꦪꦺ ꦱꦔ꧀ꦒꦲꦁ ꦒꦕ꧀ꦖꦠꦶ. ꦮꦶꦥ꧀ꦥꦪꦸꦠ꧀ꦠꦥꦕ꧀ꦕꦪꦺꦴ ꦱꦲꦗꦴꦠꦥꦸꦫꦺꦗꦴꦠꦥꦕ꧀ꦖꦴꦗꦴꦠꦨꦺꦢꦠꦺꦴ ꦠꦶꦮꦶꦣꦺꦴ. ꦠꦠ꧀ꦡ ꦱꦲꦗꦴꦠꦮꦶꦥ꧀ꦥꦪꦸꦠ꧀ꦠꦺꦴ ꦱꦲꦗꦴꦠꦴꦤꦚ꧀ꦚꦺꦮ ꦮꦶꦥ꧀ꦥꦪꦸꦠ꧀ꦠꦥꦕ꧀ꦕꦪꦨꦴꦮꦠꦺꦴ ꦱꦲꦗꦴꦠꦥꦕ꧀ꦕꦪꦺ ꦱꦔ꧀ꦒꦲꦁ ꦒꦕ꧀ꦖꦠꦶ. ꦥꦸꦫꦺꦗꦴꦠꦮꦶꦥ꧀ꦥꦪꦸꦠ꧀ꦠꦺꦴ ꦥꦸꦫꦺ ꦈꦥ꧀ꦥꦗ꧀ꦗꦶꦠ꧀ꦮꦴ ꦥꦕ꧀ꦖꦴ ꦈꦥ꧀ꦥꦗ꧀ꦗꦩꦴꦤꦴꦤꦁ ꦥꦕ꧀ꦕꦪꦨꦴꦮꦠꦺꦴ ꦥꦸꦫꦺꦗꦴꦠꦺ ꦱꦔ꧀ꦒꦲꦶꦠꦺꦴ. ꦥꦕ꧀ꦖꦴꦗꦴꦠꦮꦶꦥ꧀ꦥꦪꦸꦠ꧀ꦠꦺꦴ ꦥꦕ꧀ꦖꦴ ꦈꦥ꧀ꦥꦗ꧀ꦗꦶꦠ꧀ꦮꦴ ꦥꦸꦫꦺ ꦈꦥ꧀ꦥꦤ꧀ꦤꦴꦤꦁ ꦈꦥꦠ꧀ꦡꦩ꧀ꦨꦤꦮꦱꦺꦤ ꦥꦕ꧀ꦕꦪꦨꦴꦮꦠꦺꦴ ꦥꦕ꧀ꦖꦴꦗꦴꦠꦥꦕ꧀ꦕꦪꦺ ꦱꦔ꧀ꦒꦲꦁ ꦒꦕ꧀ꦖꦠꦶ. ꦄꦠ꧀ꦡꦶꦥꦕ꧀ꦕꦪꦄꦮꦶꦒꦠꦥꦕ꧀ꦕꦪꦴ ꦱꦲꦗꦴꦠꦥꦸꦫꦺꦗꦴꦠꦥꦕ꧀ꦖꦴꦗꦴꦠꦄꦴꦲꦴꦫꦶꦤ꧀ꦢ꧀ꦫꦶꦪꦴꦤꦚ꧀ꦕꦺꦮ ꦄꦠ꧀ꦡꦶꦄꦮꦶꦒꦠꦺꦱꦸ ꦕ ꦌꦏꦺꦏꦱ꧀ꦱ ꦮꦱꦺꦤ ꦖꦲꦶ ꦨꦺꦢꦺꦲꦶ ꦜꦶꦠꦴ. ꦠꦠ꧀ꦡ ꦱꦲꦗꦴꦠꦄꦠ꧀ꦡꦶꦄꦮꦶꦒꦠꦴ ꦱꦲꦗꦴꦠꦴꦤꦚ꧀ꦚꦺꦮ ꦄꦠ꧀ꦡꦶꦄꦮꦶꦒꦠꦥꦕ꧀ꦕꦪꦨꦴꦮꦠꦺꦴ. ꦱꦲꦗꦴꦠꦥꦕ꧀ꦕꦪꦺ ꦱꦔ꧀ꦒꦲꦁ ꦒꦕ꧀ꦖꦤ꧀ꦠꦶ. ꦥꦸꦫꦺꦗꦴꦠꦴ ꦥꦸꦫꦺ ꦈꦥ꧀ꦥꦗ꧀ꦗꦶꦠ꧀ꦮꦴ ꦥꦕ꧀ꦖꦴ ꦈꦥ꧀ꦥꦗ꧀ꦗꦩꦴꦤꦴꦤꦁ ꦥꦕ꧀ꦕꦪꦨꦴꦮꦠꦺꦴ ꦥꦸꦫꦺꦗꦴꦠꦥꦕ꧀ꦕꦪꦺ ꦱꦔ꧀ꦒꦲꦁ ꦒꦕ꧀ꦖꦤ꧀ꦠꦶ. ꦥꦕ꧀ꦖꦴꦗꦴꦠꦴ ꦥꦕ꧀ꦖꦴ ꦈꦥ꧀ꦥꦗ꧀ꦗꦶꦠ꧀ꦮꦴ ꦥꦸꦫꦺ ꦈꦥ꧀ꦥꦤ꧀ꦤꦴꦤꦁ ꦈꦥꦠ꧀ꦡꦩ꧀ꦨꦤꦮꦱꦺꦤ ꦥꦕ꧀ꦕꦪꦨꦴꦮꦠꦺꦴ ꦥꦕ꧀ꦖꦴꦗꦴꦠꦥꦕ꧀ꦕꦪꦺ ꦱꦔ꧀ꦒꦲꦁ ꦒꦕ꧀ꦖꦤ꧀ꦠꦶ. ꦄꦴꦲꦴꦫꦨꦹꦠꦴ ꦏꦧꦭ꦳ꦷꦏꦴꦫꦴꦲꦴꦫꦥꦕ꧀ꦕꦪꦺ ꦱꦔ꧀ꦒꦲꦁ ꦒꦕ꧀ꦖꦤ꧀ꦠꦶ. ꦆꦤ꧀ꦢ꧀ꦫꦶꦪꦨꦹꦠꦴ ꦫꦹꦥꦗꦷꦮꦶꦠꦶꦤ꧀ꦢ꧀ꦫꦶꦪꦥꦕ꧀ꦕꦪꦺ ꦱꦔ꧀ꦒꦲꦁ ꦒꦕ꧀ꦖꦤ꧀ꦠꦷꦠꦶ ꦌꦮꦁ ꦆꦩꦺ ꦱꦺꦴꦭ꦳ꦱ ꦥꦕ꧀ꦕꦪꦴ ꦆꦩꦺꦱꦸ ꦄꦛ꧀ꦜꦱꦸ ꦥꦕ꧀ꦕꦪꦺꦱꦸ ꦱꦔ꧀ꦒꦲꦁ ꦒꦕ꧀ꦖꦤ꧀ꦠꦷꦠꦶ ꦮꦺꦢꦶꦠꦧ꧀ꦧꦴ.

ꦆꦩꦺꦱꦩ꧀ꦥꦶ ꦥꦤ ꦄꦛ꧀ꦜꦤ꧀ꦤꦁ ꦥꦕ꧀ꦕꦪꦴꦤꦁ ꦄꦚ꧀ꦚꦩꦚ꧀ꦚꦁ ꦱꦔ꧀ꦒꦲꦺꦴ ꦄꦠ꧀ꦡꦶꦪꦺꦮ. ꦄꦴꦢꦶꦠꦺꦴ ꦤꦶꦢ꧀ꦢꦶꦛ꧀ꦜꦺꦴ ꦲꦶ ꦄꦴꦫꦩ꧀ꦩꦟꦥꦕ꧀ꦕꦪꦺꦴ ꦄꦣꦶꦥꦠꦶꦄꦤꦣꦶꦥꦠꦶꦨꦺꦢꦺꦤ ꦢꦸꦮꦶꦣꦺꦴ. ꦠꦠ꧀ꦡ ꦄꦣꦶꦥꦠꦶꦨꦹꦠꦺꦴ ꦄꦴꦫꦩ꧀ꦩꦟꦹꦥꦤꦶꦱ꧀ꦱꦪꦭꦏ꧀ꦑꦟꦺꦤ ꦈꦥꦤꦶꦱ꧀ꦱꦪꦺ ꦱꦔ꧀ꦒꦲꦁ ꦒꦕ꧀ꦖꦠꦶ. ꦄꦤꦣꦶꦥꦠꦶꦨꦹꦠꦺꦴ ꦱꦸꦢ꧀ꦣꦺꦴ ꦄꦴꦫꦩ꧀ꦩꦟꦥꦕ꧀ꦕꦪꦺꦴꦮ. ꦏꦩ꧀ꦩꦥꦕ꧀ꦕꦪꦺꦴꦥꦶ ꦱꦲꦗꦴꦠꦤꦴꦤꦴꦏ꧀ꦑꦟꦶꦏꦮꦱꦺꦤ ꦢꦸꦮꦶꦣꦺꦴ. ꦠꦠ꧀ꦡ ꦱꦲꦗꦴꦠꦏꦩ꧀ꦩꦁ ꦄꦠ꧀ꦠꦤꦴ ꦱꦲꦗꦴꦠꦴꦤꦚ꧀ꦚꦺꦮ ꦏꦩ꧀ꦩꦥꦕ꧀ꦕꦪꦨꦴꦮꦠꦺꦴ ꦱꦲꦗꦴꦠꦺꦪꦺꦮ ꦱꦔ꧀ꦒꦲꦁ ꦒꦕ꧀ꦖꦠꦶ. ꦤꦴꦤꦴꦏ꧀ꦑꦟꦶꦏꦏꦩ꧀ꦩꦁ ꦧꦭꦮꦢꦸꦧ꧀ꦧꦭꦮꦱꦺꦤ ꦢꦸꦮꦶꦣꦁ. ꦠꦠ꧀ꦡ ꦧꦭꦮꦏꦩ꧀ꦩꦁ ꦮꦶꦥꦴꦏꦣꦩ꧀ꦩꦴꦤꦁ ꦈꦥꦤꦶꦱ꧀ꦱꦪꦺꦴꦮ ꦲꦸꦠ꧀ꦮꦴ ꦥꦕ꧀ꦕꦪꦺꦴ ꦲꦺꦴꦠꦷꦠꦶ ꦈꦥꦤꦶꦱ꧀ꦱꦪꦺ ꦱꦔ꧀ꦒꦲꦁ ꦒꦕ꧀ꦖꦠꦶ. ꦧꦭꦮꦩ꧀ꦥꦶ ꦥꦤ ꦫꦹꦥꦴꦤꦁ ꦢꦸꦧ꧀ꦧꦭꦚ꧀ꦕ ꦄꦫꦹꦥꦴꦤꦁ ꦤꦴꦤꦴꦏ꧀ꦑꦟꦶꦏꦏꦩ꧀ꦩꦥꦕ꧀ꦕꦪꦺꦤꦺꦮ ꦥꦕ꧀ꦕꦪꦺꦴ. ꦄꦴꦲꦴꦫꦥꦕ꧀ꦕꦪꦺꦴꦥꦶ ꦫꦹꦥꦴꦫꦹꦥꦠꦺꦴ ꦢꦸꦮꦶꦣꦺꦴ. ꦠꦠ꧀ꦡ ꦄꦫꦹꦥꦴꦲꦴꦫꦺꦴ ꦄꦠ꧀ꦠꦤꦴ ꦱꦲꦗꦴꦠꦴꦤꦚ꧀ꦚꦺꦮ ꦥꦕ꧀ꦕꦪꦺꦴ ꦲꦺꦴꦠꦷꦠꦶ ꦱꦲꦗꦴꦠꦥꦕ꧀ꦕꦪꦺ ꦱꦔ꧀ꦒꦲꦁ ꦒꦕ꧀ꦖꦠꦶ. ꦫꦹꦥꦴꦲꦴꦫꦺꦴ ꦱꦲꦗꦴꦠꦥꦸꦫꦺꦗꦴꦠꦥꦕ꧀ꦖꦴꦗꦴꦠꦴꦤꦁ ꦥꦕ꧀ꦕꦪꦺꦴ ꦤ ꦲꦺꦴꦠꦶ. ꦄꦠ꧀ꦠꦤꦺꦴ ꦥꦤ ꦈꦥ꧀ꦥꦴꦢꦏ꧀ꦑꦟꦁ ꦄꦠꦶꦏ꧀ꦏꦩꦶꦠ꧀ꦮꦴ ꦜꦶꦠꦶꦥ꧀ꦥꦠ꧀ꦠꦺꦴ ꦄꦴꦲꦴꦫꦥꦕ꧀ꦕꦪꦠꦁ ꦱꦴꦣꦺꦠꦷꦠꦶ ꦄꦴꦲꦴꦫꦥꦕ꧀ꦕꦪꦺꦴꦮ ꦲꦺꦴꦠꦶ. ꦆꦤ꧀ꦢ꧀ꦫꦶꦪꦥꦕ꧀ꦕꦪꦺꦴꦥꦶ ꦫꦹꦥꦴꦫꦹꦥꦠꦺꦴ ꦢꦸꦮꦶꦣꦺꦴ. ꦠꦠ꧀ꦡ ꦄꦫꦹꦥꦶꦤ꧀ꦢ꧀ꦫꦶꦪꦥꦕ꧀ꦕꦪꦺꦴ ꦄꦠ꧀ꦠꦤꦴ ꦱꦲꦗꦴꦠꦴꦤꦚ꧀ꦚꦺꦮ ꦆꦤ꧀ꦢ꧀ꦫꦶꦪꦥꦕ꧀ꦕꦪꦠꦁ ꦱꦴꦣꦺꦠꦷꦠꦶ ꦱꦲꦗꦴꦠꦺꦪꦺꦮ ꦱꦔ꧀ꦒꦲꦁ ꦒꦕ꧀ꦖꦠꦶ. ꦫꦹꦥꦶꦤ꧀ꦢ꧀ꦫꦶꦪꦥꦕ꧀ꦕꦪꦺꦴ ꦥꦤ ꦄꦗ꧀ꦙꦠ꧀ꦠꦧꦲꦶꦢ꧀ꦣꦴꦨꦺꦢꦠꦺꦴ ꦢꦸꦮꦶꦣꦺꦴ. ꦠꦠ꧀ꦡ ꦄꦗ꧀ꦙꦠ꧀ꦠꦁ ꦆꦤ꧀ꦢ꧀ꦫꦶꦪꦥꦕ꧀ꦕꦪꦺꦴ ꦥꦸꦫꦺ ꦈꦥ꧀ꦥꦗ꧀ꦗꦶꦠ꧀ꦮꦴ ꦥꦕ꧀ꦖꦴ ꦈꦥ꧀ꦥꦗ꧀ꦗꦩꦴꦤꦴꦤꦁ ꦱꦱꦩ꧀ꦥꦪꦸꦠ꧀ꦠꦣꦩ꧀ꦩꦴꦤꦁ ꦕꦏ꧀ꦑꦸꦮꦶꦚ꧀ꦚꦴꦟꦴꦢꦷꦤꦁ ꦆꦤ꧀ꦢ꧀ꦫꦶꦪꦥꦕ꧀ꦕꦪꦺꦴ ꦲꦺꦴꦠꦷꦠꦶ ꦥꦸꦫꦺꦗꦴꦠꦺꦪꦺꦮ ꦱꦔ꧀ꦒꦲꦁ ꦒꦕ꧀ꦖꦠꦶ. ꦧꦴꦲꦶꦫꦺꦴ ꦆꦤ꧀ꦢ꧀ꦫꦶꦪꦥꦕ꧀ꦕꦪꦺꦴ ꦤꦴꦩ ꦫꦹꦥꦗꦷꦮꦶꦠꦶꦤ꧀ꦢ꧀ꦫꦶꦪꦁ, ꦠꦁ ꦱꦲꦗꦴꦠꦴꦤꦁ ꦥꦕ꧀ꦕꦪꦺꦴ ꦲꦺꦴꦤ꧀ꦠꦩ꧀ꦥꦶ ꦄꦤꦸꦥꦴꦭꦤꦩꦠ꧀ꦠꦮꦱꦺꦤꦺꦮ ꦲꦺꦴꦠꦶ, ꦤ ꦗꦤꦏꦮꦱꦺꦤꦴꦠꦶ ꦆꦤ꧀ꦢ꧀ꦫꦶꦪꦥꦕ꧀ꦕꦪꦺꦴꦮ ꦲꦺꦴꦠꦶ. ꦌꦮꦁ ꦆꦩꦺ ꦄꦛ꧀ꦜ ꦥꦕ꧀ꦕꦪꦴ ꦄꦚ꧀ꦚꦩꦚ꧀ꦚꦩ꧀ꦥꦶ ꦱꦔ꧀ꦒꦲꦁ ꦒꦕ꧀ꦖꦤ꧀ꦠꦷꦠꦶ ꦮꦺꦢꦶꦠꦧ꧀ꦧꦴ. ꦄꦪꦁ ꦠꦴꦮ ꦄꦛ꧀ꦜꦱꦸ ꦥꦕ꧀ꦕꦪꦺꦱꦸ ꦄꦮꦱꦺꦱꦴꦤꦁ ꦱꦺꦴꦭ꦳ꦱꦤ꧀ꦤꦚ꧀ꦕꦺꦮ ꦠꦺꦱꦁꦪꦺꦮ ꦕ ꦄꦛ꧀ꦜꦤ꧀ꦤꦁ ꦄꦚ꧀ꦚꦩꦚ꧀ꦚꦮꦱꦺꦤ ꦱꦔ꧀ꦒꦲꦤꦪꦺꦴ.

ꦆꦢꦴꦤꦶ ꦆꦩꦺꦱꦁ ꦄꦛ꧀ꦜꦤ꧀ꦤꦁ ꦥꦕ꧀ꦕꦪꦴꦤꦁ ꦌꦏꦺꦏꦱ꧀ꦩꦶꦁ ꦕꦠꦸꦮꦷꦱꦠꦶꦪꦴꦥꦶ ꦥꦕ꧀ꦕꦪꦺꦱꦸ ꦪꦺ ꦪꦺ ꦱꦔ꧀ꦒꦲꦁ ꦒꦕ꧀ꦖꦤ꧀ꦠꦶ, ꦠꦺ ꦠꦺ ꦮꦺꦢꦶꦠꦧ꧀ꦧꦴ. ꦠꦠ꧀ꦡ ꦄꦛ꧀ꦜꦤ꧀ꦤꦁ ꦠꦴꦮ ꦱꦧ꧀ꦧꦥꦜꦩꦺ ꦄꦴꦫꦩ꧀ꦩꦟꦥꦕ꧀ꦕꦪꦺ ꦄꦴꦫꦩ꧀ꦩꦟꦥꦕ꧀ꦕꦪꦺꦴꦮ ꦱꦔ꧀ꦒꦲꦁ ꦒꦕ꧀ꦖꦠꦶ, ꦤ ꦱꦺꦱꦴ ꦠꦺꦮꦷꦱꦠꦶ. ꦢꦸꦠꦶꦪꦺ ꦱꦲꦗꦴꦠꦥꦕ꧀ꦕꦪꦺ ꦲꦺꦠꦸꦥꦕ꧀ꦕꦪꦺꦴ ꦱꦲꦗꦴꦠꦴꦣꦶꦥꦠꦶꦥꦕ꧀ꦕꦪꦺꦴ ꦱꦲꦗꦴꦠꦥꦕ꧀ꦕꦪꦺꦴ ꦄꦚ꧀ꦚꦩꦚ꧀ꦚꦥꦕ꧀ꦕꦪꦺꦴ ꦱꦲꦗꦴꦠꦤꦶꦱ꧀ꦱꦪꦥꦕ꧀ꦕꦪꦺꦴ ꦱꦲꦗꦴꦠꦏꦩ꧀ꦩꦥꦕ꧀ꦕꦪꦺꦴ ꦮꦶꦥꦴꦏꦥꦕ꧀ꦕꦪꦺꦴ ꦱꦲꦗꦴꦠꦄꦴꦲꦴꦫꦥꦕ꧀ꦕꦪꦺꦴ ꦱꦲꦗꦴꦠꦆꦤ꧀ꦢ꧀ꦫꦶꦪꦥꦕ꧀ꦕꦪꦺꦴ ꦙꦴꦤꦥꦕ꧀ꦕꦪꦺꦴ ꦩꦒ꧀ꦒꦥꦕ꧀ꦕꦪꦺꦴ ꦱꦩ꧀ꦥꦪꦸꦠ꧀ꦠꦥꦕ꧀ꦕꦪꦺꦴ ꦱꦲꦗꦴꦠꦮꦶꦥ꧀ꦥꦪꦸꦠ꧀ꦠꦥꦕ꧀ꦕꦪꦺꦴ ꦱꦲꦗꦴꦠꦠ꧀ꦡꦶꦥꦕ꧀ꦕꦪꦺꦴ ꦱꦲꦗꦴꦠꦴꦮꦶꦒꦠꦥꦕ꧀ꦕꦪꦺꦴꦠꦶ ꦆꦩꦺ ꦥꦤ꧀ꦤꦫꦱ ꦥꦕ꧀ꦕꦪꦴ ꦱꦔ꧀ꦒꦲꦁ ꦒꦕ꧀ꦖꦤ꧀ꦠꦶ. ꦠꦠꦶꦪꦺ ꦈꦥꦤꦶꦱ꧀ꦱꦪꦥꦕ꧀ꦕꦪꦺ ꦄꦣꦶꦥꦠꦶꦨꦹꦠꦺꦴ ꦄꦴꦫꦩ꧀ꦩꦟꦥꦕ꧀ꦕꦪꦺꦴ ꦄꦴꦫꦩ꧀ꦩꦟꦨꦹꦠꦺꦴ ꦄꦣꦶꦥꦠꦶꦥꦕ꧀ꦕꦪꦺꦴ ꦄꦤꦤ꧀ꦠꦫꦱꦩꦤꦤ꧀ꦠꦫꦈꦥꦤꦶꦱ꧀ꦱꦪꦄꦴꦱꦺꦮꦤꦥꦕ꧀ꦕꦪꦴ ꦤꦴꦤꦴꦏ꧀ꦑꦟꦶꦏꦺꦴ ꦧꦭꦮꦏꦩ꧀ꦩꦥꦕ꧀ꦕꦪꦺꦴ ꦤꦠ꧀ꦡꦶꦥꦕ꧀ꦕꦪꦺꦴ ꦮꦶꦒꦠꦥꦕ꧀ꦕꦪꦺꦴꦠꦶ ꦆꦩꦺ ꦤꦮ ꦥꦕ꧀ꦕꦪꦴ ꦱꦔ꧀ꦒꦲꦁ ꦒꦕ꧀ꦖꦤ꧀ꦠꦶ. ꦕꦠꦸꦠ꧀ꦡꦺ ꦥꦸꦫꦺꦗꦴꦠꦥꦕ꧀ꦕꦪꦺ ꦥꦸꦫꦺꦗꦴꦠꦤꦶꦱ꧀ꦱꦪꦥꦕ꧀ꦕꦪꦺꦴ ꦥꦸꦫꦺꦗꦴꦠꦥꦕ꧀ꦕꦪꦺꦴ ꦥꦸꦫꦺꦗꦴꦠꦶꦤ꧀ꦢ꧀ꦫꦶꦪꦥꦕ꧀ꦕꦪꦺꦴ ꦥꦸꦫꦺꦗꦴꦠꦮꦶꦥ꧀ꦥꦪꦸꦠ꧀ꦠꦥꦕ꧀ꦕꦪꦺꦴ ꦥꦸꦫꦺꦗꦴꦠꦠ꧀ꦡꦶꦥꦕ꧀ꦕꦪꦺꦴ ꦥꦸꦫꦺꦗꦴꦠꦴꦮꦶꦒꦠꦥꦕ꧀ꦕꦪꦺꦴꦠꦶ ꦆꦩꦺ ꦖ ꦥꦕ꧀ꦕꦪꦴ ꦱꦔ꧀ꦒꦲꦁ ꦒꦕ꧀ꦖꦤ꧀ꦠꦶ. ꦥꦚ꧀ꦕꦩꦺ ꦥꦕ꧀ꦖꦴꦗꦴꦠꦥꦕ꧀ꦕꦪꦺ ꦥꦕ꧀ꦖꦴꦗꦴꦠꦥꦕ꧀ꦕꦪꦺꦴ ꦥꦕ꧀ꦖꦴꦗꦴꦠꦮꦶꦥ꧀ꦥꦪꦸꦠ꧀ꦠꦥꦕ꧀ꦕꦪꦺꦴ ꦥꦕ꧀ꦖꦴꦗꦴꦠꦠ꧀ꦡꦶꦥꦕ꧀ꦕꦪꦺꦴ ꦥꦕ꧀ꦖꦴꦗꦴꦠꦴꦮꦶꦒꦠꦥꦕ꧀ꦕꦪꦺꦴꦠꦶ ꦆꦩꦺ ꦕꦠ꧀ꦠꦴꦫꦺꦴ ꦥꦕ꧀ꦕꦪꦴ ꦱꦔ꧀ꦒꦲꦁ ꦒꦕ꧀ꦖꦤ꧀ꦠꦶ. ꦖꦛ꧀ꦜꦺ ꦏꦩ꧀ꦩꦥꦕ꧀ꦕꦪꦺ ꦤꦴꦤꦴꦏ꧀ꦑꦟꦶꦏꦏꦩ꧀ꦩꦥꦕ꧀ꦕꦪꦺꦴꦮ ꦱꦔ꧀ꦒꦲꦶꦠꦺꦴ. ꦱꦠ꧀ꦠꦩꦺ ꦄꦴꦲꦴꦫꦥꦕ꧀ꦕꦪꦺ ꦏꦧꦭ꦳ꦷꦏꦴꦫꦴꦲꦴꦫꦮꦱꦺꦤꦺꦮ ꦄꦴꦲꦴꦫꦥꦕ꧀ꦕꦪꦺꦴ ꦄꦴꦲꦴꦫꦠ꧀ꦡꦶꦥꦕ꧀ꦕꦪꦺꦴ ꦄꦴꦲꦴꦫꦴꦮꦶꦒꦠꦥꦕ꧀ꦕꦪꦺꦴꦠꦶ ꦆꦩꦺ ꦠꦪꦺꦴ ꦥꦕ꧀ꦕꦪꦴ ꦱꦔ꧀ꦒꦲꦶꦠꦴ. ꦄꦛ꧀ꦜꦩꦺ ꦆꦤ꧀ꦢ꧀ꦫꦶꦪꦥꦕ꧀ꦕꦪꦺ ꦫꦹꦥꦗꦷꦮꦶꦠꦶꦤ꧀ꦢ꧀ꦫꦶꦪꦥꦕ꧀ꦕꦪꦺꦴ ꦆꦤ꧀ꦢ꧀ꦫꦶꦪꦠ꧀ꦡꦶꦥꦕ꧀ꦕꦪꦺꦴ ꦆꦤ꧀ꦢ꧀ꦫꦶꦪꦴꦮꦶꦒꦠꦥꦕ꧀ꦕꦪꦺꦴꦠꦶ ꦆꦩꦺ ꦠꦪꦺꦴ ꦥꦕ꧀ꦕꦪꦴ ꦱꦔ꧀ꦒꦲꦁ ꦒꦕ꧀ꦖꦤ꧀ꦠꦶ. ꦌꦮꦁ ꦆꦩꦺꦱꦁ ꦄꦛ꧀ꦜꦤ꧀ꦤꦁ ꦥꦕ꧀ꦕꦪꦴꦤꦁ ꦌꦏꦺꦏꦱ꧀ꦩꦶꦁ ꦆꦩꦺ ꦕꦶꦩꦺ ꦕ ꦥꦕ꧀ꦕꦪꦴ ꦱꦔ꧀ꦒꦲꦁ ꦒꦠꦴꦠꦶ ꦚꦠ꧀ꦮꦴ ꦪꦺ ꦪꦠ꧀ꦡ ꦱꦔ꧀ꦒꦲꦁ ꦒꦠꦴ, ꦠꦺ ꦠꦱ꧀ꦱ ꦒꦟꦤꦺꦤ ꦒꦲꦶꦠꦴꦮ ꦲꦺꦴꦤ꧀ꦠꦷꦠꦶ ꦮꦺꦢꦶꦠꦧ꧀ꦧꦴ.

ꦌꦮꦁ ꦱꦧ꧀ꦧꦥꦕ꧀ꦕꦪꦱꦔ꧀ꦒꦴꦲꦏꦴꦤꦁ ꦆꦩꦺꦱꦁ ꦄꦛ꧀ꦜꦤ꧀ꦤꦁ ꦥꦕ꧀ꦕꦪꦴꦤꦁ ꦮꦱꦺꦤ ꦌꦏꦹꦤꦥꦚ꧀ꦚꦴꦱꦴꦪ ꦥꦚ꧀ꦲꦺꦱꦸ ꦆꦩꦱ꧀ꦩꦶꦁ ꦥꦕ꧀ꦕꦤꦷꦪꦺ ‘‘ꦏꦸꦱꦭꦺꦴ ꦣꦩ꧀ꦩꦺꦴ ꦏꦸꦱꦭꦱ꧀ꦱ ꦣꦩ꧀ꦩꦱ꧀ꦱ ꦄꦴꦫꦩ꧀ꦩꦟꦥꦕ꧀ꦕꦪꦺꦤ ꦥꦕ꧀ꦕꦪꦺꦴ’’ꦠꦶꦄꦴꦢꦪꦺꦴ ꦆꦩꦺ ꦥꦤ꧀ꦤꦫꦱ ꦥꦚ꧀ꦲꦴ ꦈꦢ꧀ꦣꦫꦶꦠ꧀ꦮꦴ ꦮꦶꦱ꧀ꦱꦗ꧀ꦗꦶꦠꦴ. ꦠꦠ꧀ꦡ ꦏꦸꦱꦭꦺꦴ ꦏꦸꦱꦭꦱ꧀ꦱ, ꦏꦸꦱꦭꦺꦴ ꦄꦏꦸꦱꦭꦱ꧀ꦱ, ꦏꦸꦱꦭꦺꦴ ꦄꦧ꧀ꦪꦴꦏꦠꦱ꧀ꦱ, ꦏꦸꦱꦭꦺꦴ ꦏꦸꦱꦭꦴꦧ꧀ꦪꦴꦏꦠꦱ꧀ꦱꦴꦠꦶ ꦏꦸꦱꦭꦴꦢꦶꦏꦴ ꦕꦠ꧀ꦠꦴꦫꦺꦴ ꦥꦚ꧀ꦲꦴ; ꦠꦡꦴ ꦄꦏꦸꦱꦭꦴꦢꦶꦏꦴ; ꦄꦧ꧀ꦪꦴꦏꦠꦺꦴ ꦥꦤ ꦄꦧ꧀ꦪꦴꦏꦠꦱ꧀ꦱ, ꦄꦧ꧀ꦪꦴꦏꦠꦺꦴ ꦏꦸꦱꦭꦱ꧀ꦱ, ꦄꦧ꧀ꦪꦴꦏꦠꦺꦴ ꦄꦏꦸꦱꦭꦱ꧀ꦱꦴꦠꦶ ꦄꦧ꧀ꦪꦴꦏꦠꦴꦢꦶꦏꦴ ꦠꦪꦺꦴ; ꦏꦸꦱꦭꦺꦴ ꦕ ꦄꦧ꧀ꦪꦴꦏꦠꦺꦴ ꦕ ꦏꦸꦱꦭꦱ꧀ꦱ; ꦠꦡꦴ ꦄꦧ꧀ꦪꦴꦏꦠꦱ꧀ꦱ; ꦄꦏꦸꦱꦭꦺꦴ ꦕ ꦄꦧ꧀ꦪꦴꦏꦠꦺꦴ ꦕ ꦄꦏꦸꦱꦭꦱ꧀ꦱ; ꦠꦡꦴ ꦄꦧ꧀ꦪꦴꦏꦠꦱ꧀ꦱꦴꦠꦶ ꦢꦸꦩꦹꦭꦏꦺꦏꦴꦮꦱꦴꦤꦴ ꦕꦠ꧀ꦠꦴꦫꦺꦴ ꦲꦺꦴꦤ꧀ꦠꦶ. ꦠꦺꦱꦸ ꦥꦜꦩꦺ ꦥꦚ꧀ꦲꦺ ꦪꦺꦲꦶ ꦨꦮꦶꦠꦧ꧀ꦧꦁ, ꦠꦺ ꦱꦧ꧀ꦧꦺ ꦱꦔ꧀ꦒꦲꦺꦠ꧀ꦮꦴ ꦠꦪꦺꦴ ꦥꦕ꧀ꦕꦪꦴ ꦮꦸꦠ꧀ꦠꦴ. ꦢꦸꦠꦶꦪꦺ ꦢ꧀ꦮꦺ, ꦠꦠꦶꦪꦺ ꦥꦚ꧀ꦕ, ꦕꦠꦸꦠ꧀ꦡꦺ ꦌꦏꦺꦴꦮ ꦥꦚ꧀ꦕꦩꦺ ꦠꦪꦺꦴ, ꦖꦛ꧀ꦜꦺ ꦢ꧀ꦮꦺ, ꦱꦠ꧀ꦠꦩꦺ ꦥꦚ꧀ꦕ, ꦄꦛ꧀ꦜꦩꦺ ꦌꦏꦺꦴꦮ ꦤꦮꦩꦺ ꦱꦠ꧀ꦠ, ꦢꦱꦩꦺ ꦠꦪꦺꦴ, ꦌꦏꦴꦢꦱꦩꦺ ꦠꦪꦺꦴ, ꦢ꧀ꦮꦴꦢꦱꦩꦺ ꦢ꧀ꦮꦺ, ꦠꦺꦫꦱꦩꦺ ꦕꦠ꧀ꦠꦴꦫꦺꦴ, ꦕꦸꦢ꧀ꦢꦱꦩꦺ ꦢ꧀ꦮꦺ, ꦥꦤ꧀ꦤꦫꦱꦩꦺꦥꦶ ꦕꦠ꧀ꦠꦴꦫꦺꦴꦮ. ꦠꦺ ‘‘ꦱꦲꦗꦴꦠꦥꦕ꧀ꦕꦪꦺꦤꦴ’’ꦠꦶ ꦄꦮꦠ꧀ꦮꦴ ‘‘ꦱꦲꦗꦴꦠꦁ ꦥꦕ꧀ꦖꦴꦗꦴꦠ’’ꦤ꧀ꦠꦶ ꦮꦸꦠ꧀ꦠꦴ. ꦠꦠ꧀ꦡ ꦏꦴꦫꦟꦁ ꦥꦫꦠꦺꦴ ꦮꦏ꧀ꦑꦴꦩ.

ꦱꦩꦴꦱꦠꦺꦴ ꦥꦤꦺꦠ꧀ꦡ ꦌꦏꦺꦴ ꦢ꧀ꦮꦺ ꦠꦪꦺꦴ ꦕꦠ꧀ꦠꦴꦫꦺꦴ ꦥꦚ꧀ꦕ ꦱꦠ꧀ꦠꦴꦠꦶ ꦖꦭ꦳ꦺꦮ ꦥꦕ꧀ꦕꦪꦥꦫꦶꦕ꧀ꦖꦺꦢꦴ ꦲꦺꦴꦤ꧀ꦠꦶ. ꦄꦪꦁ ꦥꦚ꧀ꦲꦴꦮꦴꦫꦱ꧀ꦱ ꦥꦕ꧀ꦕꦤꦷꦪꦺ ꦈꦏ꧀ꦏꦛ꧀ꦜꦮꦱꦺꦤ ꦥꦚ꧀ꦲꦴꦥꦫꦶꦕ꧀ꦖꦺꦢꦺꦴ ꦕꦺꦮ ꦠꦺ ꦠꦺ ꦥꦕ꧀ꦕꦪꦺ ꦱꦔ꧀ꦒꦲꦺꦠ꧀ꦮꦴ ꦢꦱ꧀ꦱꦶꦠꦥꦕ꧀ꦕꦪꦥꦫꦶꦕ꧀ꦖꦺꦢꦺꦴ ꦕ. ‘‘ꦤ ꦲꦺꦠꦸꦥꦕ꧀ꦕꦪꦺꦴ’’ꦠꦶꦄꦴꦢꦷꦱꦸ ꦲꦶ ꦕꦠꦸꦮꦷꦱꦠꦶꦪꦴꦥꦶ ꦥꦕ꧀ꦕꦪꦥꦕ꧀ꦕꦤꦷꦪꦺꦱꦸ ꦌꦏꦥꦕ꧀ꦕꦤꦷꦪꦺꦥꦶ ꦆꦠꦺꦴ ꦈꦢ꧀ꦣꦁ ꦥꦚ꧀ꦲꦴ ꦮꦴ ꦥꦕ꧀ꦕꦪꦴ ꦮꦴ ꦤ ꦭꦧ꧀ꦨꦤ꧀ꦠꦶ, ꦲꦺꦛ꧀ꦜꦴ ꦭꦧ꧀ꦨꦤ꧀ꦠꦶ. ꦠꦱ꧀ꦩꦴ ꦪꦺꦱꦸ ꦥꦚ꧀ꦲꦺꦱꦸ ‘‘ꦏꦸꦱꦭꦺꦴ ꦣꦩ꧀ꦩꦺꦴ ꦏꦸꦱꦭꦱ꧀ꦱ ꦕ ꦄꦧ꧀ꦪꦴꦏꦠꦱ꧀ꦱ ꦕ ꦣꦩ꧀ꦩꦱ꧀ꦱ ꦱꦲꦗꦴꦠꦥꦕ꧀ꦕꦪꦺꦤ ꦥꦕ꧀ꦕꦪꦺꦴ’’ꦠꦶ ꦌꦮꦁ ꦌꦏꦺꦴꦮ ꦥꦕ꧀ꦕꦪꦺꦴ ꦄꦴꦒꦠꦺꦴ, ꦠꦱ꧀ꦩꦶꦁ ꦥꦕ꧀ꦕꦪꦺ ꦥꦛꦶꦏ꧀ꦑꦶꦠ꧀ꦠꦺ ꦠꦺ ꦥꦚ꧀ꦲꦴ ꦥꦫꦶꦲꦴꦪꦤ꧀ꦠꦶ. ꦪꦱ꧀ꦩꦶꦁ ꦥꦤ ꦥꦚ꧀ꦲꦺ ‘‘ꦏꦸꦱꦭꦺꦴ ꦣꦩ꧀ꦩꦺꦴ ꦄꦏꦸꦱꦭꦱ꧀ꦱ ꦣꦩ꧀ꦩꦱ꧀ꦱ ꦄꦴꦫꦩ꧀ꦩꦟꦥꦕ꧀ꦕꦪꦺꦤ ꦥꦕ꧀ꦕꦪꦺꦴ ꦈꦥꦤꦶꦱ꧀ꦱꦪꦥꦕ꧀ꦕꦪꦺꦤ ꦥꦕ꧀ꦕꦪꦺꦴ’’ꦠꦶ ꦌꦮꦁ ꦢ꧀ꦮꦺ ꦥꦕ꧀ꦕꦪꦴ ꦄꦴꦒꦠꦴ. ꦠꦠ꧀ꦡ ꦤꦴꦫꦩ꧀ꦩꦟꦥꦕ꧀ꦕꦪꦴꦠꦶ ꦌꦮꦁ ꦌꦏꦱ꧀ꦩꦶꦁ ꦥꦕ꧀ꦕꦪꦺ ꦥꦛꦶꦏ꧀ꦑꦶꦠ꧀ꦠꦺꦥꦶ ꦆꦠꦫꦱ꧀ꦱ ꦥꦕ꧀ꦕꦪꦱ꧀ꦱ ꦮꦱꦺꦤ ꦱꦺꦴ ꦥꦚ꧀ꦲꦺꦴ ꦭꦧ꧀ꦨꦠꦺꦮ. ꦠꦺꦱꦸ ꦥꦤ ꦢ꧀ꦮꦷꦱꦸꦥꦶ ꦥꦕ꧀ꦕꦪꦺꦱꦸ ꦥꦛꦶꦏ꧀ꦑꦶꦠ꧀ꦠꦺꦱꦸ ꦱꦺꦴ ꦮꦴꦫꦺꦴ ꦥꦕ꧀ꦖꦶꦗ꧀ꦗꦠꦶ. ꦌꦮꦩꦺꦮ ꦪꦺꦱꦸ ꦥꦚ꧀ꦲꦺꦱꦸ ꦠꦪꦺꦴ ꦕꦠ꧀ꦠꦴꦫꦺꦴ ꦥꦚ꧀ꦕ ꦱꦠ꧀ꦠ ꦮꦴ ꦭꦧ꧀ꦨꦤ꧀ꦠꦶ, ꦠꦺꦱꦸ ꦜꦥꦺꦠ꧀ꦮꦴ ꦥꦛꦶꦏ꧀ꦑꦶꦠ꧀ꦠꦺ ꦥꦕ꧀ꦕꦪꦺ ꦄꦮꦱꦺꦱꦴꦤꦁ ꦮꦱꦺꦤ ꦠꦺ ꦥꦚ꧀ꦲꦴ ꦭꦧ꧀ꦨꦤ꧀ꦠꦶꦪꦺꦮ. ꦱꦧ꧀ꦧꦺꦱꦸ ꦥꦤ ꦥꦕ꧀ꦕꦪꦺꦱꦸ ꦥꦛꦶꦏ꧀ꦑꦶꦠ꧀ꦠꦺꦱꦸ ꦱꦧ꧀ꦧꦺꦥꦶ ꦠꦺ ꦮꦴꦫꦴ ꦥꦕ꧀ꦖꦶꦗ꧀ꦗꦤ꧀ꦠꦷꦠꦶ ꦆꦢꦩꦺꦮ ꦕꦺꦠ꧀ꦡ ꦭꦏ꧀ꦑꦟꦁ. ꦆꦩꦶꦤꦴ ꦭꦏ꧀ꦑꦟꦺꦤ ꦄꦴꦢꦶꦠꦺꦴ ꦥꦛ꧀ꦜꦴꦪ ꦠꦺꦱꦸ ꦠꦺꦱꦸ ꦥꦚ꧀ꦲꦺꦱꦸ ꦱꦔ꧀ꦑꦶꦥꦶꦠ꧀ꦮꦴ ꦮꦸꦠ꧀ꦠꦥꦕ꧀ꦕꦪꦴꦤꦁ ꦥꦨꦺꦢꦺꦴ ꦕ ꦠꦱ꧀ꦩꦶꦁ ꦠꦱ꧀ꦩꦶꦁ ꦥꦕ꧀ꦕꦤꦷꦪꦺ ꦠꦺꦱꦁ ꦠꦺꦱꦁ ꦥꦚ꧀ꦲꦴꦤꦁ ꦥꦫꦶꦲꦴꦤꦶ ꦕ ꦮꦺꦢꦶꦠꦧ꧀ꦧꦴ.

ꦠꦠ꧀ꦫꦴꦪꦁ ꦮꦶꦠ꧀ꦡꦴꦫꦏꦡꦴ – ꦥꦜꦩꦥꦚ꧀ꦲꦺ ꦠꦴꦮ ꦠꦷꦲꦶ ꦥꦕ꧀ꦕꦪꦺꦲꦶ ꦌꦏꦹꦤꦮꦷꦱꦠꦶ ꦥꦕ꧀ꦕꦪꦴ ꦢꦱ꧀ꦱꦶꦠꦴ. ꦏꦡꦁ? ꦏꦸꦱꦭꦺꦴ ꦲꦶ ꦏꦸꦱꦭꦱ꧀ꦱ ꦥꦸꦫꦺꦗꦴꦠꦥꦕ꧀ꦖꦴꦗꦴꦠꦮꦶꦥꦴꦏꦮꦶꦥ꧀ꦥꦪꦸꦠ꧀ꦠꦺꦲꦺꦮ ꦥꦕ꧀ꦕꦪꦺꦴ ꦤ ꦲꦺꦴꦠꦶ, ꦱꦺꦱꦺꦲꦶ ꦮꦷꦱꦠꦶꦪꦴ ꦲꦺꦴꦠꦶ, ꦠꦺꦱꦸ ꦄꦴꦫꦩ꧀ꦩꦟꦥꦕ꧀ꦕꦪꦺꦴ ꦌꦏꦺꦴꦮ ꦱꦲꦗꦴꦠꦺ ꦥꦤ ꦱꦧ꧀ꦧꦱꦔ꧀ꦒꦴꦲꦶꦏꦮꦱꦺꦤ ꦥꦤ꧀ꦤꦫꦱ ꦥꦕ꧀ꦕꦪꦴ ꦱꦔ꧀ꦒꦲꦁ ꦒꦕ꧀ꦖꦤ꧀ꦠꦷꦠꦶ ꦮꦸꦠ꧀ꦠꦴ. ꦠꦺꦱꦸ ꦲꦺꦠꦸꦥꦕ꧀ꦕꦪꦺ ꦥꦛꦶꦏ꧀ꦑꦶꦠ꧀ꦠꦺ ꦕꦸꦢ꧀ꦢꦱ ꦲꦺꦴꦤ꧀ꦠꦶ. ꦏꦸꦱꦭꦺꦴ ꦥꦤ ꦏꦸꦱꦭꦱ꧀ꦱ ꦤꦺꦮ ꦮꦶꦥꦴꦏꦥꦕ꧀ꦕꦪꦺꦴ ꦤ, ꦮꦶꦥ꧀ꦥꦪꦸꦠ꧀ꦠꦥꦕ꧀ꦕꦪꦺꦴꦠꦶ ꦠꦺ ꦢ꧀ꦮꦺ ꦄꦥꦤꦺꦠ꧀ꦮꦴ ꦱꦺꦱꦺ ꦢ꧀ꦮꦴꦢꦱ ꦱꦤ꧀ꦣꦴꦪ ꦱꦲꦗꦴꦠꦥꦕ꧀ꦕꦪꦺꦤ ꦥꦕ꧀ꦕꦪꦺꦴꦠꦶ ꦮꦸꦠ꧀ꦠꦁ. ꦈꦥꦤꦶꦱ꧀ꦱꦪꦥꦕ꧀ꦕꦪꦺꦥꦶ ꦱꦧ꧀ꦧꦱꦔ꧀ꦒꦴꦲꦶꦏꦮꦱꦺꦤ ꦤꦮ ꦥꦕ꧀ꦕꦪꦴ ꦱꦔ꧀ꦒꦲꦁ ꦒꦕ꧀ꦖꦤ꧀ꦠꦷꦠꦶ ꦮꦸꦠ꧀ꦠꦴ. ꦠꦺꦱꦸ ꦄꦣꦶꦥꦠꦶꦨꦹꦠꦺꦴ ꦄꦴꦫꦩ꧀ꦩꦟꦥꦕ꧀ꦕꦪꦺꦴ ꦄꦴꦫꦩ꧀ꦩꦟꦨꦹꦠꦺꦴ ꦕ ꦄꦣꦶꦥꦠꦶꦥꦕ꧀ꦕꦪꦺꦴ ꦄꦴꦫꦩ꧀ꦩꦟꦹꦥꦤꦶꦱ꧀ꦱꦪꦮꦱꦺꦤ ꦈꦥꦤꦶꦱ꧀ꦱꦪꦩꦺꦮ ꦄꦤꦸꦥꦮꦶꦛ꧀ꦜꦺꦴ. ꦏꦸꦱꦭꦺꦴ ꦥꦤ ꦏꦸꦱꦭꦱ꧀ꦱ ꦤꦴꦤꦴꦏ꧀ꦑꦟꦶꦏꦏꦩ꧀ꦩꦥꦕ꧀ꦕꦪꦺꦴ ꦤ ꦲꦺꦴꦠꦷꦠꦶ ꦠꦁ ꦄꦥꦤꦺꦠ꧀ꦮꦴ ꦱꦺꦱꦺ ꦖ ꦱꦤ꧀ꦣꦴꦪ ꦈꦥꦤꦶꦱ꧀ꦱꦪꦥꦕ꧀ꦕꦪꦺꦤ ꦥꦕ꧀ꦕꦪꦺꦴꦠꦶ ꦮꦸꦠ꧀ꦠꦁ. ꦌꦮꦁ ꦥꦜꦩꦥꦚ꧀ꦲꦺ ꦠꦷꦲꦶ ꦥꦕ꧀ꦕꦪꦺꦲꦶ ꦌꦏꦹꦤꦮꦷꦱꦠꦶꦥꦕ꧀ꦕꦪꦴ ꦢꦱ꧀ꦱꦶꦠꦴꦠꦶ ꦮꦺꦢꦶꦠꦧ꧀ꦧꦴ. ꦠꦺꦱꦸ ꦆꦩꦱ꧀ꦩꦶꦁ ꦲꦺꦠꦸꦥꦕ꧀ꦕꦤꦷꦪꦺ ‘‘ꦏꦸꦱꦭꦺꦴ ꦣꦩ꧀ꦩꦺꦴ ꦏꦸꦱꦭꦱ꧀ꦱ ꦣꦩ꧀ꦩꦱ꧀ꦱ ꦤꦲꦺꦠꦸꦥꦕ꧀ꦕꦪꦺꦤ ꦥꦕ꧀ꦕꦪꦺꦴꦠꦶ ꦢꦴꦤꦁ ꦢꦠ꧀ꦮꦴ ꦱꦷꦭꦁ ꦱꦩꦴꦢꦶꦪꦶꦠ꧀ꦮꦴ ꦈꦥꦺꦴꦱꦡꦏꦩ꧀ꦩꦁ ꦏꦠ꧀ꦮꦴ ꦠꦁ ꦥꦕ꧀ꦕꦮꦺꦏ꧀ꦑꦠꦶ, ꦥꦸꦧ꧀ꦧꦺ ꦱꦸꦕꦶꦟ꧀ꦟꦴꦤꦶ ꦥꦕ꧀ꦕꦮꦺꦏ꧀ꦑꦠꦷ’’ꦠꦶ ꦌꦮꦩꦴꦢꦶꦤꦴ ꦄꦴꦫꦩ꧀ꦩꦟꦥꦕ꧀ꦕꦪꦴꦢꦷꦱꦸ ꦮꦸꦠ꧀ꦠꦤꦪꦺꦤꦺꦮ ꦈꦢ꧀ꦣꦫꦶꦠ꧀ꦮꦴ ꦥꦴꦭ꦳ꦶ ꦢꦱ꧀ꦱꦺꦠꦧ꧀ꦧꦴ.

ꦄꦴꦫꦩ꧀ꦩꦟꦥꦕ꧀ꦕꦪꦺ ꦥꦤ ꦥꦛꦶꦏ꧀ꦑꦶꦠ꧀ꦠꦺ ꦠꦱ꧀ꦱ ꦮꦶꦠ꧀ꦡꦴꦫꦁ ꦄꦥꦤꦺꦠ꧀ꦮꦴ ꦲꦺꦠꦸꦥꦕ꧀ꦕꦪꦮꦶꦠ꧀ꦡꦴꦫꦁ ꦥꦏ꧀ꦑꦶꦥꦶꦠ꧀ꦮꦴ ꦱꦴꦪꦺꦮ ꦥꦴꦭ꦳ꦶ ꦢꦱ꧀ꦱꦺꦠꦧ꧀ꦧꦴ, ꦱꦺꦱꦥꦕ꧀ꦕꦪꦥꦛꦶꦏ꧀ꦑꦺꦥꦺꦱꦸꦥꦶ ꦌꦱꦺꦮ ꦤꦪꦺꦴ. ꦠꦱ꧀ꦩꦶꦁ ꦥꦤ ꦥꦕ꧀ꦕꦪꦺ ꦥꦛꦶꦏ꧀ꦑꦶꦠ꧀ꦠꦺ ꦪꦺ ꦮꦴꦫꦴ ꦥꦫꦶꦲꦴꦪꦤ꧀ꦠꦶ, ꦠꦺ ꦥꦫꦠꦺꦴ ꦮꦏ꧀ꦑꦴꦩ.

ꦢꦸꦠꦶꦪꦥꦚ꧀ꦲꦺ ꦥꦤ ꦢ꧀ꦮꦷꦲꦶ ꦥꦕ꧀ꦕꦪꦺꦲꦶ ꦠꦪꦺꦴ ꦥꦕ꧀ꦕꦪꦴ ꦢꦱ꧀ꦱꦶꦠꦴ. ꦏꦡꦁ? ꦏꦸꦱꦭꦺꦴ ꦲꦶ ꦄꦏꦸꦱꦭꦱ꧀ꦱ ꦄꦤꦤ꧀ꦠꦫꦴꦢꦶꦮꦱꦺꦤ ꦥꦕ꧀ꦕꦪꦺꦴ ꦤ ꦲꦺꦴꦠꦶ. ꦠꦱ꧀ꦩꦴ ꦠꦺ ꦄꦥꦤꦺꦠ꧀ꦮꦴ ꦄꦴꦫꦩ꧀ꦩꦟꦹꦥꦤꦶꦱ꧀ꦱꦪꦮꦱꦺꦤ ꦱꦔ꧀ꦒꦲꦶꦠꦁ ꦄꦴꦫꦩ꧀ꦩꦟꦴꦣꦶꦥꦠꦶꦚ꧀ꦕꦺꦮ ꦥꦏꦠꦹꦥꦤꦶꦱ꧀ꦱꦪꦚ꧀ꦕ ꦱꦤ꧀ꦣꦴꦪ ꦈꦥꦤꦶꦱ꧀ꦱꦪꦥꦕ꧀ꦕꦪꦺꦤ ꦥꦕ꧀ꦕꦪꦺꦴꦠꦶ ꦮꦸꦠ꧀ꦠꦁ. ꦠꦱ꧀ꦩꦴ ꦱꦸꦢ꧀ꦣꦺꦴ ꦄꦴꦫꦩ꧀ꦩꦟꦥꦕ꧀ꦕꦪꦺꦴ ꦄꦴꦫꦩ꧀ꦩꦟꦴꦣꦶꦥꦠꦶꦮꦱꦺꦤ ꦄꦣꦶꦥꦠꦶꦥꦕ꧀ꦕꦪꦺꦴ ꦈꦥꦤꦶꦱ꧀ꦱꦪꦥꦕ꧀ꦕꦪꦺꦴꦠꦶ ꦢꦸꦠꦶꦪꦥꦚ꧀ꦲꦺ ꦢ꧀ꦮꦷꦲꦶ ꦥꦕ꧀ꦕꦪꦺꦲꦶ ꦆꦩꦺ ꦠꦪꦺꦴ ꦥꦕ꧀ꦕꦪꦴ ꦢꦱ꧀ꦱꦶꦠꦴꦠꦶ ꦮꦺꦢꦶꦠꦧ꧀ꦧꦴ.

ꦠꦠꦶꦪꦥꦚ꧀ꦲꦺ ꦥꦤ ꦥꦚ꧀ꦕꦲꦶ ꦥꦕ꧀ꦕꦪꦺꦲꦶ ꦄꦛ꧀ꦜꦴꦫꦱ ꦥꦕ꧀ꦕꦪꦴ ꦢꦱ꧀ꦱꦶꦠꦴ. ꦏꦡꦁ? ꦏꦸꦱꦭꦺꦴ ꦲꦶ ꦄꦧ꧀ꦪꦴꦏꦠꦱ꧀ꦱ ꦄꦚ꧀ꦚꦩꦚ꧀ꦚꦥꦸꦫꦺꦗꦴꦠꦴꦱꦺꦮꦤꦮꦶꦥꦴꦏꦱꦩ꧀ꦥꦪꦸꦠ꧀ꦠꦺꦲꦶꦪꦺꦮ ꦥꦕ꧀ꦕꦪꦺꦴ ꦤ ꦲꦺꦴꦠꦶ, ꦱꦺꦱꦺꦲꦶ ꦌꦏꦹꦤꦮꦷꦱꦠꦶꦪꦴ ꦲꦺꦴꦠꦶ. ꦠꦺꦱꦸ ꦄꦴꦫꦩ꧀ꦩꦟꦥꦕ꧀ꦕꦪꦺꦴ ꦌꦏꦺꦴ. ꦪꦱ꧀ꦩꦴ ꦥꦤ ꦏꦸꦱꦭꦺꦴ ꦄꦧ꧀ꦪꦴꦏꦠꦱ꧀ꦱ ꦄꦚ꧀ꦚꦩꦚ꧀ꦚꦮꦶꦥꦴꦏꦱꦩ꧀ꦥꦪꦸꦠ꧀ꦠꦮꦱꦺꦤ ꦥꦕ꧀ꦕꦪꦺꦴ ꦤ ꦲꦺꦴꦠꦶ, ꦲꦺꦠꦸꦥꦕ꧀ꦕꦪꦺꦴ ꦥꦛꦶꦏ꧀ꦑꦶꦠ꧀ꦠꦺꦴ, ꦏꦩ꧀ꦩꦥꦕ꧀ꦕꦪꦺꦴ ꦮꦶꦱꦸꦁ ꦒꦲꦶꦠꦺꦴ, ꦠꦱ꧀ꦩꦴ ꦆꦩꦺ ꦥꦚ꧀ꦕ ꦄꦥꦤꦺꦠ꧀ꦮꦴ ꦱꦲꦗꦴꦠꦺꦤ ꦢꦱ ꦥꦕ꧀ꦕꦪꦴ ꦢꦱ꧀ꦱꦶꦠꦴ. ꦈꦥꦤꦶꦱ꧀ꦱꦪꦺꦤ ꦲꦺꦛ꧀ꦜꦴ ꦮꦸꦠ꧀ꦠꦺꦱꦸ ꦖꦱꦸ ꦜꦥꦺꦠ꧀ꦮꦴ ꦄꦴꦱꦺꦮꦤꦁ ꦱꦺꦱꦴ ꦥꦚ꧀ꦕ. ꦥꦕ꧀ꦖꦴꦗꦴꦠꦺꦴ ꦌꦏꦺꦴꦮ ꦠꦡꦴ ꦱꦲꦗꦴꦠꦤꦴꦤꦴꦏ꧀ꦑꦟꦶꦏꦮꦱꦺꦤ ꦢꦸꦮꦶꦣꦺꦴꦥꦶ ꦏꦩ꧀ꦩꦥꦕ꧀ꦕꦪꦺꦴꦠꦶ ꦌꦮꦁ ꦠꦠꦶꦪꦥꦚ꧀ꦲꦺ ꦥꦚ꧀ꦕꦲꦶ ꦥꦕ꧀ꦕꦪꦺꦲꦶ ꦆꦩꦺ ꦄꦛ꧀ꦜꦴꦫꦱ ꦥꦕ꧀ꦕꦪꦴ ꦢꦱ꧀ꦱꦶꦠꦴꦠꦶ ꦮꦺꦢꦶꦠꦧ꧀ꦧꦴ.

ꦕꦠꦸꦠ꧀ꦡꦥꦚ꧀ꦲꦺ ꦥꦤ ꦌꦏꦺꦤ ꦥꦕ꧀ꦕꦪꦺꦤ ꦢꦱ. ꦏꦡꦁ? ꦏꦸꦱꦭꦺꦴ ꦲꦶ ꦏꦸꦱꦭꦴꦧ꧀ꦪꦴꦏꦠꦱ꧀ꦱ ꦱꦲꦗꦴꦠꦺ ꦮꦸꦠ꧀ꦠꦺꦱꦸ ꦥꦤ꧀ꦤꦫꦱꦱꦸ ꦄꦚ꧀ꦚꦩꦚ꧀ꦚꦮꦶꦥꦴꦏꦱꦩ꧀ꦥꦪꦸꦠ꧀ꦠꦮꦶꦥ꧀ꦥꦪꦸꦠ꧀ꦠꦺꦲꦶ ꦥꦕ꧀ꦕꦪꦺꦴ ꦤ ꦲꦺꦴꦠꦶ, ꦲꦺꦠꦸꦥꦕ꧀ꦕꦪꦺꦴ ꦥꦛꦶꦏ꧀ꦑꦶꦠ꧀ꦠꦺꦴ. ꦆꦠꦶ ꦆꦩꦺ ꦥꦚ꧀ꦕ ꦄꦥꦤꦺꦠ꧀ꦮꦴ ꦱꦺꦱꦴ ꦢꦱ ꦥꦕ꧀ꦕꦪꦴ ꦌꦠ꧀ꦡ ꦌꦏꦺꦤ ꦥꦕ꧀ꦕꦪꦺꦤ ꦢꦱ꧀ꦱꦶꦠꦴꦠꦶ ꦮꦺꦢꦶꦠꦧ꧀ꦧꦴ.

꧕꧒꧘. ꦪꦡꦴ ꦕ ꦆꦩꦺꦱꦸ ꦏꦸꦱꦭꦴꦢꦶꦏꦺꦱꦸ ꦕꦠꦹꦱꦸ, ꦠꦡꦴ ꦄꦏꦸꦱꦭꦴꦢꦶꦏꦺꦱꦸꦥꦶ ꦕꦠꦹꦱꦸ ꦥꦚ꧀ꦲꦺꦱꦸ ꦠꦺꦲꦶ ꦠꦺꦲꦶ ꦥꦕ꧀ꦕꦪꦺꦲꦶ ꦠꦺ ꦠꦺꦪꦺꦮ ꦥꦕ꧀ꦕꦪꦴ ꦢꦱ꧀ꦱꦶꦠꦴꦠꦶ ꦮꦺꦢꦶꦠꦧ꧀ꦧꦴ.

꧕꧒꧙. ꦠꦠꦺꦴ ꦥꦫꦴꦤꦁ ꦄꦧ꧀ꦪꦴꦏꦠꦴꦢꦷꦤꦁ ꦠꦶꦟ꧀ꦟꦁ ꦥꦚ꧀ꦲꦴꦤꦁ ꦥꦜꦩꦥꦚ꧀ꦲꦺ ꦱꦠ꧀ꦠꦲꦶ ꦥꦕ꧀ꦕꦪꦺꦲꦶ ꦠꦺꦮꦷꦱꦠꦶ ꦥꦕ꧀ꦕꦪꦴ ꦢꦱ꧀ꦱꦶꦠꦴ. ꦏꦡꦁ? ꦄꦧ꧀ꦪꦴꦏꦠꦺꦴ ꦲꦶ ꦄꦧ꧀ꦪꦴꦏꦠꦱ꧀ꦱ ꦕꦠꦸꦮꦷꦱꦠꦶꦪꦴꦥꦶ ꦥꦕ꧀ꦕꦪꦺꦲꦶ ꦥꦕ꧀ꦕꦪꦺꦴ ꦲꦺꦴꦠꦶ. ꦲꦺꦠꦸꦥꦕ꧀ꦕꦪꦺ ꦥꦤ ꦥꦛꦶꦏ꧀ꦑꦶꦠ꧀ꦠꦺ ꦠꦺꦮꦷꦱꦠꦶ ꦲꦺꦴꦤ꧀ꦠꦶ. ꦠꦺꦱꦸ ꦄꦴꦫꦩ꧀ꦩꦟꦥꦕ꧀ꦕꦪꦺꦴ ꦌꦏꦺꦴꦮ. ꦪꦱ꧀ꦩꦴ ꦥꦤꦺꦠ꧀ꦡ ꦄꦱꦲꦗꦴꦠꦴꦤꦩ꧀ꦥꦶ ꦱꦔ꧀ꦒꦲꦟꦠ꧀ꦡꦁ ꦄꦴꦲꦴꦫꦶꦤ꧀ꦢ꧀ꦫꦶꦪꦥꦕ꧀ꦕꦪꦴ ꦮꦶꦱꦸꦁ ꦒꦲꦶꦠꦴ. ꦠꦱ꧀ꦩꦴ ꦆꦩꦺ ꦠꦪꦺꦴ ꦄꦥꦤꦺꦠ꧀ꦮꦴ ꦱꦲꦗꦴꦠꦺꦤ ꦢ꧀ꦮꦴꦢꦱ ꦥꦕ꧀ꦕꦪꦴ ꦢꦱ꧀ꦱꦶꦠꦴ. ꦈꦥꦤꦶꦱ꧀ꦱꦪꦺꦤ ꦲꦺꦛ꧀ꦜꦴ ꦮꦸꦠ꧀ꦠꦴ ꦖ, ꦥꦸꦫꦺꦗꦴꦠꦺꦴ ꦌꦏꦺꦴꦮ ꦠꦡꦴ ꦥꦕ꧀ꦖꦴꦗꦴꦠꦄꦴꦲꦴꦫꦶꦤ꧀ꦢ꧀ꦫꦶꦪꦥꦕ꧀ꦕꦪꦴꦠꦶ ꦌꦮꦩꦺꦠ꧀ꦡ ꦱꦠ꧀ꦠꦲꦶ ꦥꦕ꧀ꦕꦪꦺꦲꦶ ꦆꦩꦺ ꦠꦺꦮꦷꦱꦠꦶ ꦥꦕ꧀ꦕꦪꦴ ꦢꦱ꧀ꦱꦶꦠꦴꦠꦶ ꦮꦺꦢꦶꦠꦧ꧀ꦧꦴ. ꦢꦸꦠꦶꦪꦺ ꦠꦷꦲꦶ ꦥꦕ꧀ꦕꦪꦺꦲꦶ ꦢ꧀ꦮꦴꦢꦱ ꦢꦱ꧀ꦱꦶꦠꦴ. ꦏꦡꦁ? ꦄꦴꦫꦩ꧀ꦩꦟꦥꦕ꧀ꦕꦪꦺꦴ ꦌꦏꦺꦴ, ꦈꦥꦤꦶꦱ꧀ꦱꦪꦺꦤ ꦥꦤ ꦄꦴꦫꦩ꧀ꦩꦟꦹꦥꦤꦶꦱ꧀ꦱꦪꦮꦱꦺꦤ ꦄꦴꦫꦩ꧀ꦩꦟꦴꦣꦶꦥꦠꦶꦄꦤꦤ꧀ꦠꦫꦱꦩꦤꦤ꧀ꦠꦫꦤꦠ꧀ꦡꦶꦮꦶꦒꦠꦈꦥꦤꦶꦱ꧀ꦱꦪꦥꦕ꧀ꦕꦪꦺꦴꦠꦶ ꦖ ꦢꦱ꧀ꦱꦶꦠꦴ. ꦥꦸꦫꦺꦗꦴꦠꦺꦤ ꦥꦸꦫꦺꦗꦴꦠꦤꦶꦱ꧀ꦱꦪꦮꦶꦥ꧀ꦥꦪꦸꦠ꧀ꦠꦄꦠ꧀ꦡꦶꦄꦮꦶꦒꦠꦴ ꦥꦚ꧀ꦕꦴꦠꦶ ꦌꦮꦩꦺꦠ꧀ꦡ ꦠꦷꦲꦶ ꦥꦕ꧀ꦕꦪꦺꦲꦶ ꦆꦩꦺ ꦢ꧀ꦮꦴꦢꦱ ꦥꦕ꧀ꦕꦪꦴ ꦢꦱ꧀ꦱꦶꦠꦴꦠꦶ ꦮꦺꦢꦶꦠꦧ꧀ꦧꦴ. ꦠꦠꦶꦪꦺꦥꦶ ꦌꦱꦺꦮ ꦤꦪꦺꦴ.

꧕꧓꧐. ꦠꦠꦺꦴ ꦥꦫꦴꦤꦁ ꦢꦸꦏꦩꦹꦭꦏꦴꦤꦁ ꦕꦠꦸꦤ꧀ꦤꦁ ꦥꦚ꧀ꦲꦴꦤꦁ ꦥꦜꦩꦥꦚ꧀ꦲꦺ ‘‘ꦱꦲꦗꦴꦠꦥꦕ꧀ꦕꦪꦺꦤ ꦥꦸꦫꦺꦗꦴꦠꦥꦕ꧀ꦕꦪꦺꦤꦴ’’ꦠꦶ ꦄꦮꦠ꧀ꦮꦴ ‘‘ꦱꦲꦗꦴꦠꦁ ꦥꦸꦫꦺꦗꦴꦠ’’ꦤ꧀ꦠꦶ ꦮꦸꦠ꧀ꦠꦺꦲꦶ ꦢ꧀ꦮꦷꦲꦶ ꦤꦶꦱ꧀ꦱꦪꦄꦠ꧀ꦡꦶꦄꦮꦶꦒꦠꦮꦱꦺꦤ ꦠꦪꦺꦴ ꦥꦕ꧀ꦕꦪꦴ ꦢꦱ꧀ꦱꦶꦠꦴ. ꦏꦸꦱꦭꦴ ꦲꦶ ꦑꦤ꧀ꦣꦴ ꦮꦠ꧀ꦡꦸꦤꦴ ꦱꦢ꧀ꦣꦶꦁ ꦌꦏꦠꦺꦴ ꦏꦸꦱꦭꦱ꧀ꦱ ꦥꦕ꧀ꦕꦪꦨꦴꦮꦁ ꦱꦴꦣꦪꦩꦴꦤꦴ ꦏꦶꦚ꧀ꦕꦴꦥꦶ ꦱꦲꦗꦴꦠꦴ, ꦱꦲꦗꦴꦠꦥꦕ꧀ꦕꦪꦴ ꦥꦤ ꦤ ꦲꦺꦴꦤ꧀ꦠꦶ ꦮꦠ꧀ꦡꦸꦩꦶꦱ꧀ꦱꦏꦠ꧀ꦠꦴ. ꦠꦱ꧀ꦩꦴ ꦠꦺꦱꦁ ꦱꦲꦗꦴꦠꦴꦤꦁ ꦤꦶꦱ꧀ꦱꦪꦄꦠ꧀ꦡꦶꦄꦮꦶꦒꦠꦴꦤꦁ ꦮꦱꦺꦤ ꦱꦲꦗꦴꦠꦤ꧀ꦠꦶ ꦮꦸꦠ꧀ꦠꦁ. ꦮꦠ꧀ꦡꦸꦩ꧀ꦲꦶꦥꦶ ꦌꦱꦺꦮ ꦤꦪꦺꦴ. ꦠꦩ꧀ꦥꦶ ꦲꦶ ꦏꦶꦚ꧀ꦕꦴꦥꦶ ꦥꦸꦫꦺꦗꦴꦠꦁ, ꦑꦤ꧀ꦣꦩꦶꦱ꧀ꦱꦏꦠ꧀ꦠꦴ ꦥꦤ ꦥꦸꦫꦺꦗꦴꦠꦥꦕ꧀ꦕꦪꦺꦴ ꦤ ꦲꦺꦴꦠꦶ. ꦏꦺꦮꦭꦁ ꦥꦸꦫꦺꦗꦴꦠꦴꦤꦁ ꦤꦶꦱ꧀ꦱꦪꦴꦢꦷꦤꦁ ꦮꦱꦺꦤ ꦥꦸꦫꦺꦗꦴꦠꦤ꧀ꦠꦶ ꦮꦸꦠ꧀ꦠꦁ.

ꦢꦸꦠꦶꦪꦥꦚ꧀ꦲꦺ ‘‘ꦱꦲꦗꦴꦠꦁ ꦥꦕ꧀ꦖꦴꦗꦴꦠꦁ ꦄꦴꦲꦴꦫꦁ ꦆꦤ꧀ꦢ꧀ꦫꦶꦪ’’ꦤ꧀ꦠꦶ ꦮꦸꦠ꧀ꦠꦺꦲꦶ ꦕꦠꦹꦲꦶꦥꦶ ꦱꦲꦗꦴꦠꦤꦶꦱ꧀ꦱꦪꦄꦠ꧀ꦡꦶꦄꦮꦶꦒꦠꦮꦱꦺꦤ ꦕꦠ꧀ꦠꦴꦫꦺꦴ ꦥꦕ꧀ꦕꦪꦴ ꦢꦱ꧀ꦱꦶꦠꦴ. ꦆꦩꦱ꧀ꦩꦶꦚ꧀ꦲꦶ ꦮꦴꦫꦺ ꦱꦲꦗꦴꦠꦥꦕ꧀ꦕꦪꦺꦴ ꦭꦧ꧀ꦨꦠꦶ, ꦥꦕ꧀ꦖꦴꦗꦴꦠꦥꦕ꧀ꦕꦪꦴꦢꦪꦺꦴ ꦤ ꦭꦧ꧀ꦨꦤ꧀ꦠꦶ. ꦥꦕ꧀ꦖꦴꦗꦴꦠꦴꦤꦁ ꦥꦤ ꦄꦴꦲꦴꦫꦶꦤ꧀ꦢ꧀ꦫꦶꦪꦱꦔ꧀ꦑꦴꦠꦴꦤꦚ꧀ꦕ ꦄꦠ꧀ꦡꦶꦄꦮꦶꦒꦠꦴꦤꦁ ꦮꦱꦺꦤꦺꦠꦁ ꦮꦸꦠ꧀ꦠꦁ. ꦏꦸꦱꦭꦴ ꦲꦶ ꦑꦤ꧀ꦣꦴ ꦄꦧ꧀ꦪꦴꦏꦠꦴ ꦕ ꦩꦲꦴꦨꦹꦠꦴ ꦈꦥꦴꦢꦴꦫꦹꦥꦴꦤꦁ ꦱꦲꦗꦴꦠꦥꦕ꧀ꦕꦪꦺꦤ ꦤꦶꦱ꧀ꦱꦪꦥꦕ꧀ꦕꦪꦺꦤ ꦄꦠ꧀ꦡꦶꦄꦮꦶꦒꦠꦥꦕ꧀ꦕꦪꦺꦲꦷꦠꦶ ꦕꦠꦸꦣꦴ ꦥꦕ꧀ꦕꦪꦴ ꦲꦺꦴꦤ꧀ꦠꦶ. ꦥꦕ꧀ꦖꦴꦗꦴꦠꦴ ꦥꦤ ꦏꦸꦱꦭꦴ ꦠꦺꦲꦶꦪꦺꦮ ꦨꦹꦠꦺꦲꦶ ꦱꦢ꧀ꦣꦶꦁ ꦠꦺꦱꦚ꧀ꦚꦺꦮ ꦈꦥꦴꦢꦴꦫꦹꦥꦴꦤꦁ ꦄꦠ꧀ꦡꦶꦄꦮꦶꦒꦠꦮꦱꦺꦤ ꦥꦕ꧀ꦕꦪꦺꦴ. ꦏꦧꦭ꦳ꦷꦏꦴꦫꦴꦲꦴꦫꦺꦴꦥꦶ ꦥꦕ꧀ꦖꦴꦗꦴꦠꦺꦲꦶ ꦏꦸꦱꦭꦺꦲꦶ ꦱꦢ꧀ꦣꦶꦁ ꦥꦸꦫꦺꦗꦴꦠꦱ꧀ꦱ ꦏꦴꦪꦱ꧀ꦱ ꦄꦠ꧀ꦡꦶꦄꦮꦶꦒꦠꦮꦱꦺꦤꦺꦮ ꦥꦕ꧀ꦕꦪꦺꦴ. ꦫꦹꦥꦗꦷꦮꦶꦠꦶꦤ꧀ꦢ꧀ꦫꦶꦪꦩ꧀ꦥꦶ ꦥꦕ꧀ꦖꦴꦗꦴꦠꦺꦲꦶ ꦏꦸꦱꦭꦺꦲꦶ ꦱꦢ꧀ꦣꦶꦁ ꦏꦛꦠ꧀ꦠꦴꦫꦹꦥꦴꦤꦁ ꦄꦠ꧀ꦡꦶꦄꦮꦶꦒꦠꦥꦕ꧀ꦕꦪꦺꦤꦺꦮ ꦥꦕ꧀ꦕꦪꦺꦴ. ꦆꦠꦶ ꦆꦩꦁ ꦕꦠꦸꦣꦴ ꦥꦕ꧀ꦕꦪꦨꦴꦮꦁ ꦱꦤ꧀ꦣꦴꦪ ‘‘ꦱꦲꦗꦴꦠꦁ ꦥꦕ꧀ꦖꦴꦗꦴꦠꦁ, ꦄꦴꦲꦴꦫꦁ ꦆꦤ꧀ꦢ꧀ꦫꦶꦪ’’ꦤ꧀ꦠꦶ ꦆꦢꦁ ꦮꦸꦠ꧀ꦠꦁ. ꦥꦕ꧀ꦖꦴꦗꦴꦠꦴꦲꦴꦫꦶꦤ꧀ꦢ꧀ꦫꦶꦪꦥꦕ꧀ꦕꦪꦴ ꦥꦤꦺꦠ꧀ꦡ ꦤ ꦭꦧ꧀ꦨꦤ꧀ꦠꦶꦪꦺꦮ. ꦥꦫꦠꦺꦴ ꦄꦏꦸꦱꦭꦩꦶꦱ꧀ꦱꦏꦥꦚ꧀ꦲꦴꦢ꧀ꦮꦪꦺꦥꦶ ꦌꦱꦺꦮ ꦤꦪꦺꦴꦠꦶ. ꦌꦮꦩꦺꦠ꧀ꦡ ꦠꦺꦱꦸ ꦠꦺꦱꦸ ꦥꦚ꧀ꦲꦺꦱꦸ ꦱꦔ꧀ꦑꦶꦥꦶꦠ꧀ꦮꦴ ꦮꦸꦠ꧀ꦠꦥꦕ꧀ꦕꦪꦴꦤꦁ ꦥꦨꦺꦢꦺꦴ ꦮꦺꦢꦶꦠꦧ꧀ꦧꦺꦴ. ꦠꦱ꧀ꦩꦶꦁ ꦠꦱ꧀ꦩꦶꦁ ꦥꦤ ꦥꦕ꧀ꦕꦪꦺ ꦠꦺꦱꦁ ꦠꦺꦱꦁ ꦥꦚ꧀ꦲꦴꦤꦁ ꦥꦫꦶꦲꦴꦤꦴꦥꦫꦶꦲꦴꦤꦶꦁ ꦥꦫꦠꦺꦴ ꦄꦴꦮꦶꦏꦫꦶꦱ꧀ꦱꦴꦩꦴꦠꦶ.

ꦥꦕ꧀ꦕꦤꦷꦪꦸꦢ꧀ꦣꦴꦫꦱ꧀ꦱ ꦄꦠ꧀ꦡꦮꦟ꧀ꦟꦤꦴ.

ꦥꦕ꧀ꦕꦤꦷꦪꦒꦟꦤꦮꦟ꧀ꦟꦤꦴ

꧕꧓꧒. ꦆꦢꦴꦤꦶ ꦌꦠꦺ ‘‘ꦏꦸꦱꦭꦺꦴ ꦣꦩ꧀ꦩꦺꦴ ꦏꦸꦱꦭꦱ꧀ꦱ ꦣꦩ꧀ꦩꦱ꧀ꦱꦴ’’ꦠꦶꦄꦴꦢꦪꦺꦴ ꦄꦤꦸꦭꦺꦴꦩꦮꦱꦺꦤ ꦥꦤ꧀ꦤꦫꦱ ꦮꦴꦫꦴ ꦢꦱ꧀ꦱꦶꦠꦴ. ꦪꦱ꧀ꦩꦴ ꦥꦕ꧀ꦕꦤꦷꦪꦺꦥꦶ ꦌꦠꦺꦪꦺꦮ, ꦤ ꦆꦠꦺꦴ ꦈꦢ꧀ꦣꦁ; ꦲꦺꦛ꧀ꦜꦴ ꦥꦤ ꦲꦺꦴꦤ꧀ꦠꦶ, ꦠꦱ꧀ꦩꦴ ꦪꦱ꧀ꦱ ꦪꦱ꧀ꦱ ꦥꦕ꧀ꦕꦪꦱ꧀ꦱ ꦥꦕ꧀ꦕꦤꦷꦪꦺ ꦪꦺ ꦪꦺ ꦮꦴꦫꦴ ꦭꦧ꧀ꦨꦤ꧀ꦠꦶ, ꦠꦺ ꦠꦺ ꦄꦴꦢꦶꦠꦺꦴ ꦥꦛ꧀ꦜꦴꦪ ꦒꦟꦤꦮꦱꦺꦤ ꦢꦱ꧀ꦱꦺꦠꦸꦁ ꦤꦲꦺꦠꦸꦪꦴ ꦥꦤ꧀ꦤꦫꦱꦴꦠꦶꦄꦴꦢꦶ ꦄꦴꦫꦢ꧀ꦣꦁ.

ꦠꦠ꧀ꦡ ꦤꦲꦺꦠꦸꦪꦴ ꦱꦧ꧀ꦧꦺꦱꦩ꧀ꦥꦶ ꦪꦡꦴꦢꦱ꧀ꦱꦶꦠꦴꦤꦁ ꦥꦕ꧀ꦕꦪꦴꦤꦁ ꦮꦱꦺꦤ ꦥꦤ꧀ꦤꦫꦱ ꦭꦧ꧀ꦨꦤ꧀ꦠꦶ. ꦤꦴꦫꦩ꧀ꦩꦟꦺ ꦱꦲꦗꦴꦠꦺ ꦲꦺꦠꦸꦥꦕ꧀ꦕꦪꦺꦴ ꦥꦮꦶꦱꦠꦶ. ꦠꦱ꧀ꦩꦶꦁ ꦠꦱ꧀ꦩꦶꦁ ꦮꦴꦫꦺ ꦱꦸꦢ꧀ꦣꦺꦴ ꦄꦴꦫꦩ꧀ꦩꦟꦥꦕ꧀ꦕꦪꦺꦴ ꦥꦫꦶꦲꦴꦪꦠꦶ, ꦱꦺꦱꦥꦕ꧀ꦕꦪꦮꦱꦺꦤ ꦠꦺ ꦮꦴꦫꦴ ꦮꦶꦱ꧀ꦱꦗ꧀ꦗꦤꦁ ꦭꦨꦤ꧀ꦠꦶ. ꦪꦡꦴ ꦕ ꦤꦴꦫꦩ꧀ꦩꦟꦺ, ꦌꦮꦁ ꦱꦺꦱꦺꦱꦸꦥꦶ. ꦱꦲꦗꦴꦠꦺ ꦲꦺꦠꦸꦥꦕ꧀ꦕꦪꦺꦴ ꦥꦮꦶꦱꦠꦶ. ꦠꦱ꧀ꦩꦶꦁ ꦠꦱ꧀ꦩꦶꦚ꧀ꦕ ꦮꦴꦫꦺ ꦤꦈꦥꦤꦶꦱ꧀ꦱꦪꦺ ꦤꦄꦤꦤ꧀ꦠꦫꦺꦠꦶ ꦌꦮꦁ ꦥꦕ꧀ꦕꦤꦷꦪꦠꦺꦴ ꦜꦶꦠꦴ ꦥꦕ꧀ꦕꦪꦴ ꦥꦫꦶꦲꦴꦪꦤ꧀ꦠꦶ, ꦄꦮꦱꦺꦱꦥꦕ꧀ꦕꦪꦮꦱꦺꦤ ꦠꦺ ꦠꦺ ꦮꦴꦫꦴ ꦮꦶꦱ꧀ꦱꦗ꧀ꦗꦤꦁ ꦭꦨꦤ꧀ꦠꦶ. ꦤꦱꦲꦗꦴꦠꦺ ꦥꦤ ‘‘ꦏꦸꦱꦭꦺꦴ ꦣꦩ꧀ꦩꦺꦴ ꦏꦸꦱꦭꦱ꧀ꦱ ꦕ ꦄꦧ꧀ꦪꦴꦏꦠꦱ꧀ꦱ ꦕ, ꦄꦏꦸꦱꦭꦺꦴ ꦣꦩ꧀ꦩꦺꦴ ꦄꦏꦸꦱꦭꦱ꧀ꦱ ꦕ ꦄꦧ꧀ꦪꦴꦏꦠꦱ꧀ꦱ ꦕ, ꦏꦸꦱꦭꦺꦴ ꦕ ꦄꦧ꧀ꦪꦴꦏꦠꦺꦴ ꦕ ꦣꦩ꧀ꦩꦴ ꦏꦸꦱꦭꦱ꧀ꦱ, ꦄꦏꦸꦱꦭꦺꦴ ꦕ ꦄꦧ꧀ꦪꦴꦏꦠꦺꦴ ꦕ ꦣꦩ꧀ꦩꦴ ꦄꦏꦸꦱꦭꦱ꧀ꦱꦴꦠꦶ ꦆꦩꦺ ꦕꦠ꧀ꦠꦴꦫꦺꦴ ꦮꦴꦫꦴ ꦥꦫꦶꦲꦴꦪꦤ꧀ꦠꦶ. ꦌꦠꦺꦱꦚ꧀ꦲꦶ ꦕꦠꦸꦤ꧀ꦤꦁ ꦥꦸꦫꦶꦩꦺꦱꦸ ꦢ꧀ꦮꦷꦱꦸ ꦱꦲꦗꦴꦠꦥꦕ꧀ꦕꦪꦺꦤ ꦥꦕ꧀ꦕꦪꦺꦴꦠꦶ ꦌꦏꦴꦢꦱꦤ꧀ꦤꦁ ꦥꦕ꧀ꦕꦪꦴꦤꦁ ꦮꦱꦺꦤ ꦌꦏꦺꦴꦮ ꦥꦕ꧀ꦕꦪꦱꦔ꧀ꦒꦲꦺꦴ ꦮꦸꦠ꧀ꦠꦺꦴ. ꦠꦺ ꦠꦱ꧀ꦩꦶꦁ ꦥꦛꦶꦏ꧀ꦑꦶꦠ꧀ꦠꦺ ꦄꦚ꧀ꦚꦺꦤꦴꦏꦴꦫꦺꦤ ꦮꦶꦱ꧀ꦱꦗ꧀ꦗꦤꦁ ꦤ ꦭꦨꦤ꧀ꦠꦶ. ꦥꦕ꧀ꦖꦶꦩꦺꦱꦸ ꦢ꧀ꦮꦷꦱꦸ ꦤꦶꦱ꧀ꦱꦪꦄꦠ꧀ꦡꦶꦄꦮꦶꦒꦠꦥꦕ꧀ꦕꦪꦺ ꦱꦤ꧀ꦣꦴꦪ ‘‘ꦱꦲꦗꦴꦠꦁ ꦥꦸꦫꦺꦗꦴꦠ’’ꦤ꧀ꦠꦶ ꦮꦸꦠ꧀ꦠꦁ. ꦠꦺ ꦱꦲꦗꦴꦠꦺ ꦥꦛꦶꦏ꧀ꦑꦶꦠ꧀ꦠꦺ ꦄꦮꦱꦺꦱꦴꦤꦁ ꦲꦺꦠꦸꦄꦴꦢꦷꦤꦚ꧀ꦕ ꦥꦸꦫꦺꦗꦴꦠꦴꦤꦚ꧀ꦕꦺꦮ ꦤꦶꦱ꧀ꦱꦪꦄꦠ꧀ꦡꦶꦄꦮꦶꦒꦠꦴꦤꦁ ꦮꦱꦺꦤ ꦮꦶꦱ꧀ꦱꦗ꧀ꦗꦤꦁ ꦤ ꦭꦨꦤ꧀ꦠꦶ, ꦠꦱ꧀ꦩꦴ ꦆꦩꦺ ꦕꦠ꧀ꦠꦴꦫꦺꦴꦥꦶ ꦮꦴꦫꦴ ꦥꦫꦶꦲꦴꦪꦤ꧀ꦠꦶ. ꦄꦮꦱꦺꦱꦴꦤꦁ ꦮꦱꦺꦤ ‘‘ꦌꦏꦴꦢꦱꦴ’’ꦠꦶ ꦮꦸꦠ꧀ꦠꦁ.

ꦠꦠ꧀ꦡ ꦱꦶꦪꦴ – ꦪꦡꦴ ꦲꦺꦠꦸꦩ꧀ꦲꦶ ꦥꦛꦶꦏ꧀ꦑꦶꦠ꧀ꦠꦺ ꦱꦺꦱꦴꦤꦁ ꦄꦣꦶꦥꦠꦶꦄꦴꦢꦷꦤꦁ ꦮꦱꦺꦤ ꦠꦺ ꦮꦴꦫꦴ ꦭꦢ꧀ꦣꦴ, ꦌꦮꦁ ꦱꦲꦗꦴꦠꦺ ꦥꦛꦶꦏ꧀ꦑꦶꦠ꧀ꦠꦺ ꦄꦮꦱꦺꦱꦴꦤꦁ ꦲꦺꦠꦸꦄꦴꦢꦷꦤꦁ ꦮꦱꦺꦤ ꦏꦱ꧀ꦩꦴ ꦤ ꦭꦧ꧀ꦨꦤ꧀ꦠꦷꦠꦶ? ꦤꦶꦥ꧀ꦥꦢꦺꦱꦠ꧀ꦠꦴ. ꦲꦺꦠꦸꦄꦴꦢꦪꦺꦴ ꦲꦶ ꦱꦲꦗꦴꦠꦴꦤꦁ ꦌꦏꦢꦺꦱꦩꦠ꧀ꦠꦠꦺꦴ ꦱꦥ꧀ꦥꦢꦺꦱꦴ, ꦠꦱ꧀ꦩꦴ ꦠꦺꦱꦸ ꦥꦛꦶꦏ꧀ꦑꦶꦠ꧀ꦠꦺꦱꦸ ꦄꦚ꧀ꦚꦺꦱꦁ ꦮꦱꦺꦤ ꦠꦺ ꦮꦴꦫꦴ ꦭꦧ꧀ꦨꦤ꧀ꦠꦶ. ꦱꦲꦗꦴꦠꦺꦴ ꦥꦤ ꦤꦶꦥ꧀ꦥꦢꦺꦱꦺꦴ ꦱꦧ꧀ꦧꦺꦥꦶ ꦲꦺꦠꦸꦄꦴꦢꦪꦺꦴ ꦒꦟ꧀ꦲꦴꦠꦶ, ꦠꦱ꧀ꦩꦴ ꦠꦱ꧀ꦩꦶꦁ ꦥꦛꦶꦏ꧀ꦑꦶꦠ꧀ꦠꦺ ꦱꦧ꧀ꦧꦺꦥꦶ ꦠꦺ ꦥꦛꦶꦏ꧀ꦑꦶꦠ꧀ꦠꦴ ꦲꦺꦴꦤ꧀ꦠꦶ. ꦤ ꦲꦶ ꦄꦱꦲꦗꦴꦠꦴ ꦲꦺꦠꦸꦥꦕ꧀ꦕꦪꦴꦢꦪꦺꦴ ꦤꦴꦩ ꦄꦠ꧀ꦡꦶ. ꦆꦠꦶ ꦱꦲꦗꦴꦠꦱ꧀ꦱ ꦤꦶꦥ꧀ꦥꦢꦺꦱꦠ꧀ꦠꦴ ꦠꦱ꧀ꦩꦶꦁ ꦥꦛꦶꦏ꧀ꦑꦶꦠ꧀ꦠꦺ ꦱꦧ꧀ꦧꦺꦥꦶ ꦠꦺ ꦈꦨꦺꦴꦥꦶ ꦮꦴꦫꦴ ꦤ ꦭꦧ꧀ꦨꦤ꧀ꦠꦶ. ‘‘ꦱꦲꦗꦴꦠꦁ ꦥꦸꦫꦺꦗꦴꦠ’’ꦤ꧀ꦠꦶ ꦮꦶꦱ꧀ꦱꦗ꧀ꦗꦶꦠꦮꦴꦫꦺꦱꦸ ꦥꦤ ꦏꦶꦚ꧀ꦕꦴꦥꦶ ꦱꦲꦗꦴꦠꦥꦕ꧀ꦕꦪꦺꦴꦪꦺꦮ ꦤꦠ꧀ꦡꦶ, ꦪꦱ꧀ꦩꦴ ꦥꦤꦺꦠ꧀ꦡ ꦱꦲꦗꦴꦠꦴꦮ ꦄꦫꦹꦥꦏ꧀ꦑꦤ꧀ꦣꦴ ꦤꦶꦱ꧀ꦱꦪꦄꦠ꧀ꦡꦶꦄꦮꦶꦒꦠꦮꦱꦺꦤ ꦥꦕ꧀ꦕꦪꦴ, ꦱꦲꦗꦴꦠꦺ ꦕ ꦥꦛꦶꦏ꧀ꦑꦶꦠ꧀ꦠꦺ ꦌꦏꦤ꧀ꦠꦺꦤ ꦱꦲꦗꦴꦠꦤꦶꦱ꧀ꦱꦪꦄꦠ꧀ꦡꦶꦄꦮꦶꦒꦠꦴ ꦥꦛꦶꦏ꧀ꦑꦶꦠ꧀ꦠꦴ ꦲꦺꦴꦤ꧀ꦠꦶ, ꦠꦱ꧀ꦩꦴ ꦠꦱ꧀ꦱ ꦥꦛꦶꦏ꧀ꦑꦶꦠ꧀ꦠꦠ꧀ꦠꦴ ꦠꦺꦥꦶ ꦮꦴꦫꦴ ꦤ ꦭꦧ꧀ꦨꦤ꧀ꦠꦷꦠꦶ ꦌꦮꦁ ꦱꦧ꧀ꦧꦡꦴꦥꦺꦠ꧀ꦡ ꦆꦩꦺ ꦕꦠ꧀ꦠꦴꦫꦺꦴ ꦮꦴꦫꦴ ꦥꦫꦶꦲꦴꦪꦤ꧀ꦠꦶ. ꦄꦮꦱꦺꦱꦴꦤꦚ꧀ꦚꦺꦮ ꦮꦱꦺꦤ ꦌꦏꦴꦢꦱꦴꦠꦶ ꦮꦸꦠ꧀ꦠꦁ.

ꦤꦄꦚ꧀ꦚꦩꦚ꧀ꦚꦤꦤꦶꦱ꧀ꦱꦪꦤꦱꦩ꧀ꦥꦪꦸꦠ꧀ꦠꦺꦥꦶ ꦠꦺꦪꦺꦮ ꦮꦴꦫꦴ ꦥꦫꦶꦲꦴꦪꦤ꧀ꦠꦶ. ꦏꦱ꧀ꦩꦴ? ꦱꦲꦗꦴꦠꦒꦠꦶꦏꦠ꧀ꦠꦴ. ꦪꦡꦺꦮ ꦲꦶ ꦄꦫꦹꦥꦣꦩ꧀ꦩꦨꦹꦠꦺꦴ ꦱꦲꦗꦴꦠꦥꦕ꧀ꦕꦪꦺꦴ ꦤꦶꦥ꧀ꦥꦢꦺꦱꦺꦤ ꦕꦠ꧀ꦠꦴꦫꦺꦴ ꦄꦫꦹꦥꦏ꧀ꦑꦤ꧀ꦣꦺ ꦒꦟ꧀ꦲꦴꦠꦶ, ꦠꦡꦴ ꦄꦚ꧀ꦚꦩꦚ꧀ꦚꦤꦶꦱ꧀ꦱꦪꦱꦩ꧀ꦥꦪꦸꦠ꧀ꦠꦴꦥꦷꦠꦶ ꦱꦲꦗꦴꦠꦒꦠꦶꦏꦠ꧀ꦠꦴ ꦌꦠꦺꦱꦸꦥꦶ ꦥꦛꦶꦏ꧀ꦑꦶꦠ꧀ꦠꦺꦱꦸ ꦠꦺ ꦮꦴꦫꦴ ꦤ ꦭꦧ꧀ꦨꦤ꧀ꦠꦷꦠꦶ ꦮꦺꦢꦶꦠꦧ꧀ꦧꦴ. ꦠꦺꦤ ꦮꦸꦠ꧀ꦠꦁ ꦤꦄꦚ꧀ꦚꦩꦚ꧀ꦚꦺ ꦌꦏꦴꦢꦱ, ꦤꦤꦶꦱ꧀ꦱꦪꦺ ꦌꦏꦴꦢꦱ, ꦤꦱꦩ꧀ꦥꦪꦸꦠ꧀ꦠꦺ ꦌꦏꦴꦢꦱꦴꦠꦶ.

ꦠꦠ꧀ꦡ ꦱꦶꦪꦴ – ꦏꦶꦚ꧀ꦕꦴꦥꦶ ꦆꦩꦺ ꦄꦮꦶꦱꦺꦱꦺꦤ ꦏꦸꦱꦭꦴꦢꦶꦨꦺꦢꦴꦤꦁ ꦕꦠꦸꦤ꧀ꦤꦁ ꦑꦤ꧀ꦣꦴꦤꦁ ꦱꦔ꧀ꦒꦴꦲꦏꦠ꧀ꦠꦴ ꦱꦲꦗꦴꦠꦒꦠꦶꦏꦴ, ꦏꦸꦱꦭꦺꦴ ꦥꦤ ꦏꦸꦱꦭꦴꦧ꧀ꦪꦴꦏꦠꦱ꧀ꦱ ꦜꦥꦺꦠ꧀ꦮꦴ ꦱꦲꦗꦴꦠꦥꦕ꧀ꦕꦪꦁ ꦄꦚ꧀ꦚꦡꦴ ꦥꦕ꧀ꦕꦪꦺꦴꦮ ꦤ ꦲꦺꦴꦠꦶ, ꦠꦱ꧀ꦩꦴ ꦠꦱ꧀ꦩꦶꦁ ꦥꦛꦶꦏ꧀ꦑꦶꦠ꧀ꦠꦺ ꦱꦺꦴ ꦮꦴꦫꦺꦴ ꦥꦫꦶꦲꦴꦪꦠꦸ. ꦏꦸꦱꦭꦺꦴ ꦥꦤ ꦏꦸꦱꦭꦴꦧ꧀ꦪꦴꦏꦠꦴꦤꦁ ꦤꦺꦮ ꦄꦚ꧀ꦚꦩꦚ꧀ꦚꦥꦕ꧀ꦕꦪꦺꦴ ꦲꦺꦴꦠꦶ, ꦠꦱ꧀ꦩꦶꦁ ꦥꦛꦶꦏ꧀ꦑꦶꦠ꧀ꦠꦺ ꦱꦺꦴ ꦮꦴꦫꦺꦴ ꦏꦱ꧀ꦩꦴ ꦥꦫꦶꦲꦴꦪꦠꦷꦠꦶ? ꦄꦚ꧀ꦚꦩꦚ꧀ꦚꦥꦕ꧀ꦕꦪꦣꦩ꧀ꦩꦮꦱꦺꦤ ꦥꦮꦠ꧀ꦠꦶꦱꦧ꧀ꦨꦴꦮꦠꦺꦴ. ꦪꦡꦺꦮ ꦲꦶ ꦏꦸꦱꦭꦴꦧ꧀ꦪꦴꦏꦠꦴ ꦏꦸꦱꦭꦱ꧀ꦱ ꦱꦲꦗꦴꦠꦥꦕ꧀ꦕꦪꦺꦴꦮ ꦤ ꦲꦺꦴꦤ꧀ꦠꦶ. ꦱꦲꦗꦴꦠꦣꦩ꧀ꦩꦮꦱꦺꦤ ꦥꦤ ꦤꦶꦱ꧀ꦱꦪꦥꦕ꧀ꦕꦪꦴꦢꦷꦲꦶ ꦥꦮꦠ꧀ꦠꦶꦱꦧ꧀ꦨꦴꦮꦠꦺꦴ ꦠꦱ꧀ꦩꦶꦁ ꦥꦛꦶꦏ꧀ꦑꦶꦠ꧀ꦠꦺ ꦱꦺꦴ ꦮꦴꦫꦺꦴ ꦥꦫꦶꦲꦴꦪꦠꦶ, ꦌꦮꦩꦶꦣꦴꦥꦶ ꦄꦚ꧀ꦚꦩꦚ꧀ꦚꦥꦕ꧀ꦕꦪꦣꦩ꧀ꦩꦮꦱꦺꦤ ꦱꦲꦗꦴꦠꦴꦢꦷꦲꦶ ꦥꦮꦠ꧀ꦠꦶꦱꦧ꧀ꦨꦴꦮꦠꦺꦴ ꦠꦱ꧀ꦩꦶꦁ ꦥꦛꦶꦏ꧀ꦑꦶꦠ꧀ꦠꦺ ꦱꦺꦴ ꦮꦴꦫꦺꦴ ꦥꦫꦶꦲꦴꦪꦠꦶ. ꦤꦄꦚ꧀ꦚꦩꦚ꧀ꦚꦥꦕ꧀ꦕꦪꦺꦤ ꦥꦕ꧀ꦕꦪꦺꦴꦠꦶ ꦥꦢꦱ꧀ꦱ ꦲꦶ ꦄꦪꦩꦠ꧀ꦡꦺꦴ – ꦪꦺ ꦣꦩ꧀ꦩꦴ ꦄꦚ꧀ꦚꦩꦚ꧀ꦚꦥꦕ꧀ꦕꦪꦱꦔ꧀ꦒꦲꦁ ꦒꦠꦴ, ꦤ ꦠꦺꦲꦶ ꦥꦕ꧀ꦕꦪꦺꦴ. ꦏꦸꦱꦭꦺꦴ ꦕ ꦏꦸꦱꦭꦴꦧ꧀ꦪꦴꦏꦠꦴꦤꦁ ꦱꦲꦗꦴꦠꦴꦢꦶꦮꦱꦺꦤ ꦥꦕ꧀ꦕꦪꦺꦴ ꦲꦺꦴꦤ꧀ꦠꦺꦴ ꦄꦚ꧀ꦚꦩꦚ꧀ꦚꦥꦕ꧀ꦕꦪꦣꦩ꧀ꦩꦺꦲꦺꦮ ꦥꦕ꧀ꦕꦪꦺꦴ ꦲꦺꦴꦠꦶ, ꦠꦱ꧀ꦩꦴ ꦠꦱ꧀ꦩꦶꦁ ꦥꦛꦶꦏ꧀ꦑꦶꦠ꧀ꦠꦺ ꦱꦺꦴ ꦮꦴꦫꦺꦴ ꦥꦫꦶꦲꦴꦪꦠꦶ. ꦪꦡꦴ ꦕ ꦱꦺꦴ ꦮꦴꦫꦺꦴ, ꦠꦡꦴ ꦱꦺꦱꦴꦥꦶ ꦠꦪꦺꦴꦠꦶ ꦕꦠ꧀ꦠꦴꦫꦺꦴꦥꦶ ꦠꦺ ꦮꦴꦫꦴ ꦥꦫꦶꦲꦴꦪꦤ꧀ꦠꦶ.

ꦤꦤꦶꦱ꧀ꦱꦪꦺ ꦌꦏꦴꦢꦱꦴꦠꦶ ꦌꦠ꧀ꦡꦴꦥꦶ ꦪꦱ꧀ꦩꦴ ꦠꦺꦱꦁ ꦮꦴꦫꦴꦤꦁ ꦌꦏꦺꦤ꧀ꦠꦺꦤ ꦱꦲꦗꦴꦠꦥꦕ꧀ꦕꦪꦣꦩ꧀ꦩꦴꦮ ꦤꦶꦱ꧀ꦱꦪꦨꦹꦠꦴ, ꦠꦱ꧀ꦩꦴ ꦤꦶꦱ꧀ꦱꦪꦺ ꦥꦛꦶꦏ꧀ꦑꦶꦠ꧀ꦠꦺ ꦥꦫꦶꦲꦴꦪꦤ꧀ꦠꦶ. ꦤꦥꦸꦫꦺꦗꦴꦠꦺ ꦠꦺꦫꦱꦴꦠꦶ ꦱꦲꦗꦴꦠꦁ ꦥꦸꦫꦺꦗꦴꦠꦤ꧀ꦠꦶ ꦮꦸꦠ꧀ꦠꦮꦶꦱ꧀ꦱꦗ꧀ꦗꦤꦺ ꦢ꧀ꦮꦶꦩꦹꦭꦏꦺ ꦢ꧀ꦮꦺ ꦄꦥꦤꦺꦠ꧀ꦮꦴ ꦠꦺꦫꦱ. ꦪꦡꦴ ꦲꦶ ꦠꦺ ꦱꦲꦗꦴꦠꦺ ꦥꦛꦶꦏ꧀ꦑꦶꦠ꧀ꦠꦺ ꦥꦸꦫꦺꦗꦴꦠꦴꦤꦚ꧀ꦚꦺꦮ ꦤꦶꦱ꧀ꦱꦪꦄꦠ꧀ꦡꦶꦄꦮꦶꦒꦠꦴꦤꦁ ꦮꦱꦺꦤ ꦮꦶꦱ꧀ꦱꦗ꧀ꦗꦤꦁ ꦤ ꦭꦨꦤ꧀ꦠꦶ, ꦠꦡꦴ ꦥꦸꦫꦺꦗꦴꦠꦺꦥꦶ ꦥꦛꦶꦏ꧀ꦑꦶꦠ꧀ꦠꦺ ꦱꦲꦗꦴꦠꦴꦤꦚ꧀ꦚꦺꦮ ꦤꦶꦱ꧀ꦱꦪꦄꦠ꧀ꦡꦶꦄꦮꦶꦒꦠꦴꦤꦁ ꦮꦱꦺꦤ ꦮꦶꦱ꧀ꦱꦗ꧀ꦗꦤꦁ ꦤ ꦭꦨꦤ꧀ꦠꦶ, ꦠꦱ꧀ꦩꦴ ꦠꦺ ꦄꦥꦤꦺꦠ꧀ꦮꦴ ꦠꦺꦫꦱꦴꦠꦶ ꦮꦺꦢꦶꦠꦧ꧀ꦧꦴ.

ꦤꦥꦕ꧀ꦖꦴꦗꦴꦠꦺ ꦥꦤ꧀ꦤꦫꦱꦴꦠꦶ ꦌꦠ꧀ꦡ ‘‘ꦥꦕ꧀ꦖꦴꦗꦴꦠꦥꦕ꧀ꦕꦪꦺꦤ ꦥꦕ꧀ꦕꦪꦺꦴ’’ꦠꦶ ꦮꦴ ‘‘ꦱꦲꦗꦴꦠꦁ ꦥꦕ꧀ꦖꦴꦗꦴꦠꦁ ꦄꦴꦲꦴꦫꦁ ꦆꦤ꧀ꦢ꧀ꦫꦶꦪ’’ꦤ꧀ꦠꦶ ꦮꦴ ꦄꦴꦒꦠꦛ꧀ꦜꦴꦤꦺꦱꦸ ꦜꦥꦺꦠ꧀ꦮꦴ ꦥꦕ꧀ꦖꦴꦗꦴꦠꦁ ꦄꦮꦱꦺꦱꦮꦱꦺꦤꦥꦶ ꦠꦺ ꦥꦚ꧀ꦲꦴ ꦭꦧ꧀ꦨꦤ꧀ꦠꦶ, ꦠꦱ꧀ꦩꦴ ꦥꦤ꧀ꦤꦫꦱꦺꦮ ꦮꦸꦠ꧀ꦠꦴ. ꦤꦏꦩ꧀ꦩꦺꦠꦶꦄꦴꦢꦷꦱꦸ ꦪꦱ꧀ꦩꦴ ꦏꦩ꧀ꦩꦮꦶꦥꦴꦏꦴꦲꦴꦫꦶꦤ꧀ꦢ꧀ꦫꦶꦪꦙꦴꦤꦩꦒ꧀ꦒꦴꦥꦶ ꦏꦸꦱꦭꦴꦢꦶꦨꦺꦢꦴꦤꦁ ꦕꦠꦸꦤ꧀ꦤꦁ ꦑꦤ꧀ꦣꦴꦤꦁ ꦌꦏꦢꦺꦱꦺꦴꦮ ꦠꦱ꧀ꦩꦴ ꦜꦥꦺꦠ꧀ꦮꦴ ꦠꦺ ꦣꦩ꧀ꦩꦺ ꦄꦮꦱꦺꦱꦣꦩ꧀ꦩꦮꦱꦺꦤ ꦱꦲꦗꦴꦠꦣꦩ꧀ꦩꦴ ꦥꦕ꧀ꦕꦪꦴ ꦲꦺꦴꦤ꧀ꦠꦷꦠꦶ ꦌꦏꦩ꧀ꦥꦶ ꦥꦚ꧀ꦲꦴꦮꦶꦱ꧀ꦱꦗ꧀ꦗꦤꦁ ꦤ ꦥꦫꦶꦲꦷꦤꦁ. ꦤꦱꦩ꧀ꦥꦪꦸꦠ꧀ꦠꦺ ꦌꦏꦴꦢꦱꦴꦠꦶ ꦪꦱ꧀ꦩꦴ ꦠꦺꦱꦸ ꦕꦠꦹꦱꦸ ꦮꦴꦫꦺꦱꦸ ꦱꦩ꧀ꦥꦪꦸꦠ꧀ꦠꦣꦩ꧀ꦩꦴ ꦱꦲꦗꦴꦠꦴꦢꦶꦥꦕ꧀ꦕꦪꦺꦤ ꦥꦕ꧀ꦕꦪꦴ ꦲꦺꦴꦤ꧀ꦠꦶ, ꦠꦱ꧀ꦩꦴ ꦱꦩ꧀ꦥꦪꦸꦠ꧀ꦠꦥꦕ꧀ꦕꦪꦥꦛꦶꦏ꧀ꦑꦺꦥꦺꦤ ꦠꦺꦪꦺꦮ ꦮꦴꦫꦴ ꦥꦫꦶꦲꦴꦪꦤ꧀ꦠꦷꦠꦶ ꦮꦺꦢꦶꦠꦧ꧀ꦧꦴ. ꦤꦮꦶꦥ꧀ꦥꦪꦸꦠ꧀ꦠꦺ ꦤꦮꦴꦠꦶ ꦢꦸꦩꦹꦭꦏꦌꦏꦴꦮꦱꦴꦤꦴ ꦕꦠ꧀ꦠꦴꦫꦺꦴ ꦌꦏꦩꦹꦭꦏꦢꦸꦏꦴꦮꦱꦴꦤꦴ ꦢ꧀ꦮꦺ ꦕꦴꦠꦶ ꦆꦩꦺ ꦖ ꦮꦴꦫꦴ ꦌꦏꦤ꧀ꦠꦺꦤ ꦮꦶꦥ꧀ꦥꦪꦸꦠ꧀ꦠꦥꦕ꧀ꦕꦪꦣꦩ꧀ꦩꦺꦲꦶ ꦪꦸꦠ꧀ꦠꦴ. ꦠꦺꦲꦶ ꦱꦲꦗꦴꦠꦴꦢꦶꦮꦱꦺꦤ ꦥꦕ꧀ꦕꦪꦴ ꦲꦺꦴꦤ꧀ꦠꦶ, ꦠꦱ꧀ꦩꦴ ꦮꦶꦥ꧀ꦥꦪꦸꦠ꧀ꦠꦺ ꦥꦛꦶꦏ꧀ꦑꦶꦠ꧀ꦠꦺ ꦱꦧ꧀ꦧꦺꦥꦶ ꦠꦺ ꦥꦫꦶꦲꦴꦪꦤ꧀ꦠꦷꦠꦶ ꦤꦮꦺꦮ ꦭꦧ꧀ꦨꦤ꧀ꦠꦶ. ꦠꦺꦤ ꦮꦸꦠ꧀ꦠꦁ ‘‘ꦤꦮꦶꦥ꧀ꦥꦪꦸꦠ꧀ꦠꦺ ꦤꦮꦴ’’ꦠꦶ. ꦤꦺꦴꦄꦠ꧀ꦡꦶꦤꦺꦴꦄꦮꦶꦒꦠꦺꦱꦸꦥꦶ ꦠꦺꦪꦺꦮ ꦮꦺꦢꦶꦠꦧ꧀ꦧꦴ. ꦌꦏꦤ꧀ꦠꦺꦤ ꦲꦶ ꦠꦺ ꦮꦴꦫꦴ ꦄꦠ꧀ꦡꦶꦄꦮꦶꦒꦠꦥꦕ꧀ꦕꦪꦣꦩ꧀ꦩꦪꦸꦠ꧀ꦠꦴ, ꦠꦱ꧀ꦩꦴ ꦠꦺ ꦠꦺꦱꦁ ꦥꦛꦶꦏ꧀ꦑꦺꦥꦺ ꦥꦫꦶꦲꦴꦪꦤ꧀ꦠꦶ. ꦪꦺꦥꦶ ꦭꦧ꧀ꦨꦤ꧀ꦠꦶ, ꦠꦺꦱꦸ ꦄꦴꦫꦩ꧀ꦩꦟꦮꦱꦺꦤ ꦄꦤꦤ꧀ꦠꦫꦴꦢꦶꦮꦱꦺꦤ ꦮꦴ ꦮꦶꦱ꧀ꦱꦗ꧀ꦗꦤꦴꦤꦶ ꦏꦴꦠꦧ꧀ꦧꦴꦤꦶ. ꦱꦲꦗꦴꦠꦥꦸꦫꦺꦗꦴꦠꦥꦕ꧀ꦖꦴꦗꦴꦠꦄꦴꦲꦴꦫꦶꦤ꧀ꦢ꧀ꦫꦶꦪꦨꦺꦢꦠꦺꦴ ꦥꦚ꧀ꦕꦤ꧀ꦤꦁ ꦄꦠ꧀ꦡꦶꦄꦮꦶꦒꦠꦴꦤꦁ ꦮꦶꦥ꧀ꦥꦪꦸꦠ꧀ꦠꦣꦩ꧀ꦩꦴꦤꦁ ꦮꦴ ꦮꦱꦺꦤ ꦤ ꦏꦴꦠꦧ꧀ꦧꦴꦤꦷꦠꦶ.

꧕꧓꧓. ꦌꦮꦁ ꦥꦕ꧀ꦕꦤꦷꦪꦺ ꦭꦢ꧀ꦣꦮꦴꦫꦺ ꦒꦟꦤꦠꦺꦴ ꦢꦱ꧀ꦱꦺꦠ꧀ꦮꦴ ꦆꦢꦴꦤꦶ ꦢꦸꦩꦹꦭꦏꦴꦢꦶꦮꦱꦺꦤ ꦥꦕ꧀ꦕꦪꦒꦟꦤꦁ ꦢꦱ꧀ꦱꦺꦠꦸꦁ ꦤꦲꦺꦠꦸꦥꦕ꧀ꦕꦪꦴ ꦤꦴꦫꦩ꧀ꦩꦟꦺ ꦥꦤ꧀ꦤꦫꦱꦴꦠꦶꦄꦴꦢꦶ ꦄꦴꦫꦢ꧀ꦣꦁ. ꦠꦠ꧀ꦡ ꦤꦲꦺꦠꦸꦩꦹꦭꦏꦢꦸꦏꦺꦱꦸ ꦄꦠꦶꦫꦺꦏꦒꦟꦤꦺꦴ ꦈꦴꦤꦠꦫꦒꦟꦤꦺꦤ ꦱꦢ꧀ꦣꦶꦁ ꦪꦺꦴꦗꦶꦠꦺꦴ ꦈꦴꦤꦠꦫꦒꦟꦤꦺꦴꦮ ꦲꦺꦴꦠꦶ.

ꦠꦶꦩꦹꦭꦏꦺ ꦤꦈꦥꦤꦶꦱ꧀ꦱꦪꦺ ꦠꦺꦫꦱꦴꦠꦶ ꦏꦸꦱꦭꦺꦴ ꦄꦏꦸꦱꦭꦱ꧀ꦱ, ꦄꦏꦸꦱꦭꦺꦴ ꦏꦸꦱꦭꦱ꧀ꦱꦴꦠꦶ ꦢ꧀ꦮꦺ ꦮꦴꦫꦴ ꦥꦫꦶꦲꦴꦪꦤ꧀ꦠꦶ. ꦏꦱ꧀ꦩꦴ? ꦤꦴꦫꦩ꧀ꦩꦟꦺꦤ ꦱꦢ꧀ꦣꦶꦁ ꦤꦈꦥꦤꦶꦱ꧀ꦱꦪꦱ꧀ꦱ ꦓꦛꦶꦠꦠ꧀ꦠꦴ. ꦄꦴꦫꦩ꧀ꦩꦟꦮꦱꦺꦤ ꦲꦶ ꦈꦥꦤꦶꦱ꧀ꦱꦪꦮꦱꦺꦤ ꦕ ꦆꦩꦺꦱꦁ ꦥꦮꦠ꧀ꦠꦶ. ꦠꦚ꧀ꦕ ꦈꦨꦪꦁ ꦥꦛꦶꦏ꧀ꦑꦶꦠ꧀ꦠꦁ. ꦄꦴꦫꦩ꧀ꦩꦟꦴꦣꦶꦥꦠꦶ ꦕ ꦄꦴꦫꦩ꧀ꦩꦟꦹꦥꦤꦶꦱ꧀ꦱꦪꦒ꧀ꦒꦲꦟꦺꦤ ꦒꦲꦶꦠꦺꦴ ꦲꦺꦴꦠꦶꦪꦺꦮ.

ꦖꦩꦹꦭꦏꦺꦥꦶ ꦤꦈꦥꦤꦶꦱ꧀ꦱꦪꦺ ꦠꦺꦫꦱꦴꦠꦶ ꦠꦺꦪꦺꦮ ꦠꦺꦫꦱ. ꦱꦠ꧀ꦠꦩꦹꦭꦏꦺ ꦥꦤ ꦤꦈꦥꦤꦶꦱ꧀ꦱꦪꦺ ꦱꦠ꧀ꦠꦴꦠꦶ ꦤꦱꦲꦗꦴꦠꦺꦤ ꦱꦢ꧀ꦣꦶꦁ ꦓꦛꦶꦠꦠ꧀ꦠꦴ ꦠꦠ꧀ꦡ ꦥꦫꦶꦲꦷꦤꦺꦲꦶ ꦕꦠꦹꦲꦶ ꦱꦢ꧀ꦣꦶꦁ ‘‘ꦏꦸꦱꦭꦺꦴ ꦏꦸꦱꦭꦱ꧀ꦱ, ꦏꦸꦱꦭꦺꦴ ꦄꦏꦸꦱꦭꦱ꧀ꦱ, ꦄꦏꦸꦱꦭꦺꦴ ꦄꦏꦸꦱꦭꦱ꧀ꦱ, ꦄꦏꦸꦱꦭꦺꦴ ꦏꦸꦱꦭꦱ꧀ꦱꦴ’’ꦠꦶ ꦆꦩꦺ ꦄꦤꦤ꧀ꦠꦫꦹꦥꦤꦶꦱ꧀ꦱꦪꦥꦏꦠꦹꦥꦤꦶꦱ꧀ꦱꦪꦮꦱꦺꦤ ꦥꦮꦠ꧀ꦠꦩꦴꦤꦴ ꦕꦠ꧀ꦠꦴꦫꦺꦴꦠꦶ ꦄꦛ꧀ꦜ ꦥꦫꦶꦲꦴꦪꦤ꧀ꦠꦶ, ꦠꦱ꧀ꦩꦴ ꦄꦮꦱꦺꦱꦴꦤꦁ ꦮꦱꦺꦤ ꦱꦠ꧀ꦠꦴꦠꦶ ꦮꦸꦠ꧀ꦠꦁ. ꦤꦥꦸꦫꦺꦗꦴꦠꦺ ꦌꦏꦴꦢꦱꦴꦠꦶ ꦤꦱꦲꦗꦴꦠꦺꦤ ꦱꦢ꧀ꦣꦶꦁ ꦓꦛꦶꦠꦠ꧀ꦠꦴ ꦌꦏꦴꦢꦱ. ꦤꦥꦕ꧀ꦖꦴꦗꦴꦠꦺ ꦤꦮꦴꦠꦶ ꦠꦺꦱꦸ ꦌꦏꦴꦢꦱꦱꦸ ꦱꦲꦗꦴꦠꦁ ꦥꦕ꧀ꦖꦴꦗꦴꦠꦁ ꦄꦴꦲꦴꦫꦁ ꦆꦤ꧀ꦢ꧀ꦫꦶꦪꦤ꧀ꦠꦶ ꦭꦢ꧀ꦣꦮꦶꦱ꧀ꦱꦗ꧀ꦗꦤꦺꦱꦸ ꦢꦸꦩꦹꦭꦏꦺ ꦄꦧ꧀ꦪꦴꦏꦠꦤ꧀ꦠꦺ ꦢ꧀ꦮꦺ ꦮꦴꦫꦺ ꦄꦥꦤꦺꦠ꧀ꦮꦴ. ꦠꦺ ꦲꦶ ꦱꦲꦗꦴꦠꦺ ꦥꦛꦶꦏ꧀ꦑꦶꦠ꧀ꦠꦺꦥꦶ ꦥꦕ꧀ꦖꦴꦗꦴꦠꦮꦱꦺꦤ ꦄꦥꦫꦶꦲꦷꦤꦴ. ꦱꦲꦗꦴꦠꦺꦤ ꦥꦤ ꦱꦢ꧀ꦣꦶꦁ ꦥꦕ꧀ꦖꦴꦗꦴꦠꦺ ꦥꦛꦶꦏ꧀ꦑꦶꦠ꧀ꦠꦺ ꦥꦫꦶꦲꦴꦪꦤ꧀ꦠꦷꦠꦶ ꦱꦺꦱꦴꦤꦁ ꦮꦱꦺꦤ ꦤꦮꦴꦠꦶ ꦮꦸꦠ꧀ꦠꦁ. ꦄꦛ꧀ꦜꦩꦹꦭꦏꦺ ꦤꦤꦶꦱ꧀ꦱꦪꦺ ꦌꦏꦴꦢꦱꦴꦠꦶ ꦱꦧ꧀ꦧꦁ ꦲꦺꦛ꧀ꦜꦴ ꦮꦸꦠ꧀ꦠꦱꦢꦶꦱꦩꦺꦮ. ꦤꦮꦩꦹꦭꦏꦺ ꦤꦈꦥꦤꦶꦱ꧀ꦱꦪꦺ ꦥꦚ꧀ꦕꦴꦠꦶ ꦏꦸꦱꦭꦴꦢꦪꦺꦴ ꦄꦧ꧀ꦪꦴꦏꦠꦤ꧀ꦠꦴ ꦠꦪꦺꦴ ꦢꦸꦩꦹꦭꦏꦴ ꦄꦧ꧀ꦪꦴꦏꦠꦤ꧀ꦠꦴ ꦢ꧀ꦮꦺ ꦕꦴꦠꦶ ꦥꦚ꧀ꦕ. ꦠꦺꦱꦸ ꦤꦴꦤꦴꦏ꧀ꦑꦟꦶꦏꦏꦩ꧀ꦩꦏꦧꦭ꦳ꦷꦏꦴꦫꦴꦲꦴꦫꦫꦹꦥꦗꦷꦮꦶꦠꦶꦤ꧀ꦢ꧀ꦫꦶꦪꦥꦕ꧀ꦖꦴꦗꦴꦠꦣꦩ꧀ꦩꦮꦱꦺꦤ ꦮꦶꦱ꧀ꦱꦗ꧀ꦗꦤꦁ ꦮꦺꦢꦶꦠꦧ꧀ꦧꦁ.

ꦢꦱꦩꦹꦭꦏꦺ ꦤꦥꦸꦫꦺꦗꦴꦠꦺ ꦥꦚ꧀ꦕꦴꦠꦶꦄꦴꦢꦷꦱꦸꦥꦶ ꦠꦺꦪꦺꦮ. ꦤꦥꦕ꧀ꦖꦴꦗꦴꦠꦺ ꦠꦷꦟꦷꦠꦶ ꦥꦕ꧀ꦖꦴꦗꦴꦠꦮꦱꦺꦤ ꦭꦧ꧀ꦨꦩꦴꦤꦺ ꦢꦸꦩꦹꦭꦏꦺ ꦄꦧ꧀ꦪꦴꦏꦠꦤ꧀ꦠꦺ ꦢ꧀ꦮꦺ ꦄꦥꦤꦺꦠ꧀ꦮꦴ ꦄꦮꦱꦺꦱꦴ. ꦤꦮꦶꦥ꧀ꦥꦪꦸꦠ꧀ꦠꦺꦥꦶ ꦠꦺꦪꦺꦮ ꦠꦪꦺꦴ. ꦤꦺꦴꦄꦠ꧀ꦡꦶꦪꦴ ꦢ꧀ꦮꦺꦠꦶ ꦤꦴꦤꦴꦏ꧀ꦑꦟꦶꦏꦏꦩ꧀ꦩꦮꦱꦺꦤ ꦏꦸꦱꦭꦚ꧀ꦕ ꦄꦏꦸꦱꦭꦚ꧀ꦕ ꦏꦛꦠ꧀ꦠꦴꦫꦹꦥꦱ꧀ꦱ. ꦮꦶꦥꦴꦏꦁ ꦥꦤꦺꦠ꧀ꦡ ꦤꦈꦥꦤꦶꦱ꧀ꦱꦪꦺꦤ ꦱꦢ꧀ꦣꦶꦁ ꦓꦛꦶꦠꦠ꧀ꦠꦴ ꦤ ꦭꦧ꧀ꦨꦠꦶ. ꦌꦏꦴꦢꦱꦩꦹꦭꦏꦺ ꦲꦺꦛ꧀ꦜꦴ ꦮꦸꦠ꧀ꦠꦱꦢꦶꦱꦴꦮ ꦒꦟꦤꦴ. ꦢ꧀ꦮꦴꦢꦱꦩꦹꦭꦏꦺ ꦤꦏꦩ꧀ꦩꦺ ꦌꦏꦤ꧀ꦠꦶ ꦄꦧ꧀ꦪꦴꦏꦠꦺꦤ ꦄꦧ꧀ꦪꦴꦏꦠꦁ. ꦠꦠ꧀ꦡ ꦕ ꦄꦴꦲꦴꦫꦶꦤ꧀ꦢ꧀ꦫꦶꦪꦮꦱꦺꦤ ꦮꦶꦱ꧀ꦱꦗ꧀ꦗꦤꦁ ꦮꦺꦢꦶꦠꦧ꧀ꦧꦁ. ꦠꦺꦫꦱꦩꦹꦭꦏꦴꦢꦷꦱꦸꦥꦶ ꦱꦧ꧀ꦧꦠ꧀ꦡ ꦌꦏꦤ꧀ꦠꦶ ꦄꦴꦒꦠꦛ꧀ꦜꦴꦤꦺ ꦆꦢꦩꦺꦮ ꦒꦲꦺꦠꦧ꧀ꦧꦁ. ꦤꦴꦲꦴꦫꦺ ꦥꦤ ꦆꦤ꧀ꦢ꧀ꦫꦶꦪꦮꦱꦺꦤ ꦮꦶꦱ꧀ꦱꦗ꧀ꦗꦤꦁ ꦮꦺꦢꦶꦠꦧ꧀ꦧꦁ. ꦤꦆꦤ꧀ꦢ꧀ꦫꦶꦪꦺ ꦄꦴꦲꦴꦫꦮꦱꦺꦤ. ꦕꦸꦢ꧀ꦢꦱꦩꦹꦭꦏꦴꦢꦷꦱꦸ ꦤꦏꦩ꧀ꦩꦺꦤ ꦱꦢ꧀ꦣꦶꦁ ꦓꦛꦶꦠꦠ꧀ꦠꦴ ꦤꦺꦴꦄꦠ꧀ꦡꦶꦤꦺꦴꦄꦮꦶꦒꦠꦴ ꦤ ꦭꦧ꧀ꦨꦤ꧀ꦠꦷꦠꦶ ꦤ ꦮꦸꦠ꧀ꦠꦴ. ꦤꦴꦲꦴꦫꦥꦕ꧀ꦕꦪꦴ ꦤꦙꦴꦤꦥꦕ꧀ꦕꦪꦴꦠꦶ ꦤꦆꦤ꧀ꦢ꧀ꦫꦶꦪꦁ ꦄꦥꦤꦺꦠ꧀ꦮꦴ ꦮꦸꦠ꧀ꦠꦁ. ꦠꦱ꧀ꦩꦴ ꦠꦠ꧀ꦡ ꦆꦤ꧀ꦢ꧀ꦫꦶꦪꦮꦱꦺꦤ ꦌꦏꦁ ꦮꦺꦢꦶꦠꦧ꧀ꦧꦁ. ꦤꦮꦶꦥꦴꦏꦥꦕ꧀ꦕꦪꦴ ꦤꦆꦤ꧀ꦢ꧀ꦫꦶꦪꦥꦕ꧀ꦕꦪꦴꦠꦶ ꦤꦴꦲꦴꦫꦁ ꦄꦥꦤꦺꦠ꧀ꦮꦴ ꦮꦸꦠ꧀ꦠꦁ, ꦠꦱ꧀ꦩꦴ ꦠꦠ꧀ꦡ ꦄꦴꦲꦴꦫꦮꦱꦺꦤ ꦌꦏꦁ ꦮꦺꦢꦶꦠꦧ꧀ꦧꦁ. ꦆꦩꦺꦱꦸ ꦥꦤ ꦢ꧀ꦮꦷꦱꦸ ꦥꦕ꧀ꦕꦤꦷꦪꦠꦺꦴ ꦜꦶꦠꦺꦱꦸ ꦒꦟꦤꦴ ꦤꦴꦩ ꦤꦠ꧀ꦡꦶ, ꦠꦱ꧀ꦩꦴ ꦌꦏꦠꦺꦴ ꦤ ꦢꦱ꧀ꦱꦶꦠꦴꦠꦶ.

ꦤꦲꦺꦠꦸꦩꦹꦭꦏꦁ.

꧕꧓꧔. ꦤꦴꦫꦩ꧀ꦩꦟꦩꦹꦭꦏꦴꦢꦷꦱꦸꦥꦶ ꦥꦤ꧀ꦤꦫꦱꦠꦺꦫꦱꦌꦏꦴꦢꦱꦤꦮꦴꦠꦶ ꦱꦧ꧀ꦧꦢꦸꦏꦺꦱꦸ ꦕꦠ꧀ꦠꦴꦫꦺꦴꦮ ꦩꦹꦭꦒꦟꦤꦥꦫꦶꦕ꧀ꦖꦺꦢꦴ. ꦠꦶꦏꦴꦢꦷꦱꦸ ꦥꦤ ꦧꦲꦸꦥꦕ꧀ꦕꦪꦱꦩꦴꦪꦺꦴꦒꦺ ꦆꦠꦫꦴꦤꦶꦥꦶ ꦱꦠ꧀ꦠ ꦥꦚ꧀ꦕ ꦠꦷꦟꦶ ꦢ꧀ꦮꦺ ꦌꦏꦤ꧀ꦠꦶ ꦥꦫꦶꦕ꧀ꦖꦶꦤ꧀ꦤꦒꦟꦤꦴꦤꦶ ꦮꦶꦱ꧀ꦱꦗ꧀ꦗꦤꦴꦤꦶ ꦭꦧ꧀ꦨꦤ꧀ꦠꦶꦪꦺꦮ. ꦠꦺꦱꦸ ꦪꦺꦱꦁ ꦥꦕ꧀ꦕꦪꦴꦤꦁ ꦱꦩꦴꦪꦺꦴꦒꦺ ꦪꦁ ꦪꦁ ꦭꦧ꧀ꦨꦠꦶ, ꦠꦁ ꦠꦁ ꦲꦺꦛ꧀ꦜꦴ ꦮꦸꦠ꧀ꦠꦤꦪꦺꦤ ꦱꦴꦣꦸꦏꦁ ꦱꦭ꧀ꦭꦏ꧀ꦑꦺꦠ꧀ꦮꦴ ꦈꦢ꧀ꦣꦫꦶꦠꦧ꧀ꦧꦁ. ꦱꦧ꧀ꦧꦺꦱꦸ ꦕꦺꦠꦺꦱꦸ ꦤꦴꦫꦩ꧀ꦩꦟꦩꦹꦭꦏꦴꦢꦷꦱꦸ ꦤꦴꦫꦩ꧀ꦩꦟꦴꦢꦷꦤꦶ ꦥꦢꦴꦤꦶ ꦄꦠꦶꦏ꧀ꦏꦤ꧀ꦠꦺꦤ ꦲꦺꦠꦸꦥꦢꦺꦤ ꦱꦢ꧀ꦣꦶꦁ ꦥꦜꦩꦁ ꦧꦤ꧀ꦣꦶꦠ꧀ꦮꦴꦮ ꦕꦏ꧀ꦏꦴꦤꦶ ꦏꦠꦴꦤꦶ. ꦪꦱ꧀ꦩꦴ ꦥꦤ ꦠꦴꦤꦶ ꦤꦲꦺꦠꦸꦩꦹꦭꦏꦺ ꦮꦸꦠ꧀ꦠꦱꦢꦶꦱꦴꦤꦺꦮ ꦲꦺꦴꦤ꧀ꦠꦶ, ꦠꦱ꧀ꦩꦴ ꦮꦶꦠ꧀ꦡꦴꦫꦺꦤ ꦄꦢꦱ꧀ꦱꦺꦠ꧀ꦮꦴ ꦱꦔ꧀ꦑꦺꦥꦁ ꦏꦠ꧀ꦮꦴ ꦢꦱ꧀ꦱꦶꦠꦴꦤꦶ. ꦠꦠ꧀ꦡ ꦪꦡꦴ ꦤꦲꦺꦠꦸꦩꦹꦭꦏꦺ ꦤꦴꦫꦩ꧀ꦩꦟꦤꦈꦥꦤꦶꦱ꧀ꦱꦪꦴ ꦮꦶꦱꦸꦁ ꦮꦶꦱꦸꦁ ꦥꦤ꧀ꦤꦫꦱ ꦮꦴꦫꦺ ꦭꦨꦤ꧀ꦠꦴꦥꦶ ꦱꦩꦴꦪꦺꦴꦒꦺ ꦠꦺꦫꦱ ꦭꦨꦶꦁꦱꦸ, ꦌꦮꦁ ꦱꦧ꧀ꦧꦠ꧀ꦡ ꦠꦺꦫꦱꦺꦮ ꦭꦨꦤ꧀ꦠꦶ. ꦪꦡꦴ ꦕ ꦤꦴꦫꦩ꧀ꦩꦟꦤꦱꦲꦗꦴꦠꦺꦲꦶ ꦱꦢ꧀ꦣꦶꦁ ꦤꦈꦥꦤꦶꦱ꧀ꦱꦪꦺ ꦱꦠ꧀ꦠ ꦮꦴꦫꦴ ꦲꦺꦴꦤ꧀ꦠꦶ, ꦌꦮꦁ ꦤꦈꦥꦤꦶꦱ꧀ꦱꦪꦤꦴꦫꦩ꧀ꦩꦟꦺꦲꦶ ꦱꦢ꧀ꦣꦶꦁ ꦤꦱꦲꦗꦴꦠꦺꦥꦶ ꦱꦠ꧀ꦠ.

꧕꧓꧘. ꦤꦤꦶꦱ꧀ꦱꦪꦥꦕ꧀ꦕꦪꦴ ꦤꦈꦥꦤꦶꦱ꧀ꦱꦪꦥꦕ꧀ꦕꦪꦴ ꦤꦥꦕ꧀ꦖꦴꦗꦴꦠꦺ ꦠꦷꦟꦷꦠꦶ ꦏꦸꦱꦭꦴꦢꦷꦤꦶ ꦄꦧ꧀ꦪꦴꦏꦠꦤ꧀ꦠꦴꦤꦶ. ꦠꦺꦱꦸ ꦏꦛꦠ꧀ꦠꦴꦫꦹꦥꦚ꧀ꦕ ꦄꦴꦲꦴꦫꦱꦩꦸꦛ꧀ꦜꦴꦤꦚ꧀ꦕ ꦥꦕ꧀ꦕꦪꦸꦥ꧀ꦥꦤ꧀ꦤꦁ.

꧕꧔꧓-꧕꧔꧔. ꦤꦴꦲꦴꦫꦤꦆꦤ꧀ꦢ꧀ꦫꦶꦪꦩꦹꦭꦏꦺꦱꦸ ꦕꦠꦸꦏ꧀ꦏꦺꦱꦸ ꦤꦏꦩ꧀ꦩꦺꦤ ꦱꦢ꧀ꦣꦶꦁ ꦄꦓꦛꦶꦠꦠ꧀ꦠꦴ ꦤꦲꦺꦠꦸꦩꦹꦭꦏꦺ ꦮꦶꦪ ꦌꦏꦺꦤ꧀ꦠꦺꦤ ꦭꦧ꧀ꦨꦤ꧀ꦠꦶ. ꦤꦆꦤ꧀ꦢ꧀ꦫꦶꦪꦩꦹꦭꦏꦺ ꦤꦈꦥꦤꦶꦱ꧀ꦱꦪꦺ ꦕ ꦤꦥꦸꦫꦺꦗꦴꦠꦺ ꦕ ꦜꦥꦺꦠ꧀ꦮꦴ ꦤꦴꦲꦴꦫꦺ ꦠꦷꦟꦷꦠꦶ ꦏꦴꦠꦧ꧀ꦧꦤ꧀ꦠꦶ ꦤꦆꦤ꧀ꦢ꧀ꦫꦶꦪꦥꦕ꧀ꦕꦪꦠꦺꦴ ꦥꦛ꧀ꦜꦴꦪ ꦆꦩꦺ ꦢ꧀ꦮꦺ ꦥꦕ꧀ꦕꦪꦺ ꦓꦛꦺꦠ꧀ꦮꦴ ꦤꦆꦤ꧀ꦢ꧀ꦫꦶꦪꦥꦕ꧀ꦕꦪꦴ…ꦥꦺ… ꦤꦈꦥꦤꦶꦱ꧀ꦱꦪꦥꦕ꧀ꦕꦪꦴ ꦤꦴꦲꦴꦫꦺ ꦠꦷꦟꦷ. ꦤꦆꦤ꧀ꦢ꧀ꦫꦶꦪꦥꦕ꧀ꦕꦪꦴ…ꦥꦺ… ꦤꦥꦸꦫꦺꦗꦴꦠꦥꦕ꧀ꦕꦪꦴ ꦤꦴꦲꦴꦫꦺ ꦠꦷꦟꦷꦠꦶ ꦌꦮꦁ ꦆꦩꦺꦲꦶ ꦥꦕ꧀ꦕꦪꦺꦲꦶ ꦱꦢ꧀ꦣꦶꦁ ꦤꦴꦲꦴꦫꦥꦕ꧀ꦕꦪꦺ ꦕ ꦒꦟꦤꦴ ꦏꦴꦠꦧ꧀ꦧꦴꦠꦶ ꦄꦠ꧀ꦡꦺꦴ. ꦠꦠ꧀ꦡ ꦠꦷꦟꦷꦠꦶ ꦏꦸꦱꦭꦴꦢꦷꦤꦺꦮ ꦄꦧ꧀ꦪꦴꦏꦠꦱ꧀ꦱ. ꦠꦠ꧀ꦡ ꦏꦸꦱꦭꦴꦏꦸꦱꦭꦴ ꦏꦛꦠ꧀ꦠꦴꦫꦹꦥꦴꦤꦁ ꦥꦸꦫꦺꦗꦴꦠꦱ꧀ꦱ ꦕ ꦏꦴꦪꦱ꧀ꦱ ꦥꦕ꧀ꦖꦴꦗꦴꦠꦥꦕ꧀ꦕꦪꦺꦤ, ꦄꦧ꧀ꦪꦴꦏꦠꦴ ꦥꦤ ꦕꦶꦠ꧀ꦠꦕꦺꦠꦱꦶꦏꦴ ꦥꦕ꧀ꦖꦴꦗꦴꦠꦥꦕ꧀ꦕꦪꦺꦤꦺꦮꦴꦠꦶ ꦆꦩꦺꦱꦁ ꦮꦱꦺꦤ ꦠꦷꦟꦶ ꦮꦶꦱ꧀ꦱꦗ꧀ꦗꦤꦴꦤꦶ ꦏꦴꦠꦧ꧀ꦧꦴꦤꦶ. ꦥꦫꦠꦺꦴ ꦥꦤ ꦤꦥꦕ꧀ꦖꦴꦗꦴꦠꦺꦤ ꦱꦢ꧀ꦣꦶꦁ ꦓꦛꦶꦠꦠ꧀ꦠꦴ ꦤꦴꦲꦴꦫꦺ ꦢ꧀ꦮꦺꦠꦶ ꦮꦸꦠ꧀ꦠꦁ. ꦠꦠ꧀ꦡ ꦏꦛꦠ꧀ꦠꦴꦫꦹꦥꦮꦱꦺꦤ ꦏꦸꦱꦭꦁ ꦄꦧ꧀ꦪꦴꦏꦠꦱ꧀ꦱ, ꦠꦡꦴ ꦄꦏꦸꦱꦭꦤ꧀ꦠꦶ ꦌꦠ꧀ꦠꦏꦩꦺꦮ ꦭꦧ꧀ꦨꦠꦶ. ꦄꦴꦲꦴꦫꦱ꧀ꦱ ꦥꦤ ꦥꦛꦶꦏ꧀ꦑꦶꦠ꧀ꦠꦠ꧀ꦠꦴ ꦏꦧꦭ꦳ꦷꦏꦴꦫꦴꦲꦴꦫꦺꦴ ꦄꦠ꧀ꦡꦶꦄꦮꦶꦒꦠꦮꦱꦺꦤꦴꦥꦶ ꦥꦕ꧀ꦕꦪꦨꦴꦮꦁ ꦤ ꦭꦨꦠꦶ.

꧕꧔꧕. ꦤꦮꦶꦥ꧀ꦥꦪꦸꦠ꧀ꦠꦩꦹꦭꦏꦱ꧀ꦱ ꦕꦠꦸꦩꦹꦭꦏꦺ ꦤꦈꦥꦤꦶꦱ꧀ꦱꦪꦺ ꦥꦚ꧀ꦕꦴꦠꦶ ꦏꦸꦱꦭꦺꦴ ꦱꦲꦗꦴꦠꦏꦸꦱꦭꦱ꧀ꦱ, ꦏꦸꦱꦭꦺꦴ ꦏꦛꦠ꧀ꦠꦴꦫꦹꦥꦱꦔ꧀ꦑꦴꦠꦱ꧀ꦱ ꦄꦧ꧀ꦪꦴꦏꦠꦱ꧀ꦱ, ꦄꦏꦸꦱꦭꦺꦴ ꦱꦲꦗꦴꦠꦄꦏꦸꦱꦭꦱ꧀ꦱ, ꦠꦡꦴ ꦏꦛꦠ꧀ꦠꦴꦫꦹꦥꦱꦔ꧀ꦑꦴꦠꦱ꧀ꦱ ꦄꦧ꧀ꦪꦴꦏꦠꦱ꧀ꦱ, ꦄꦧ꧀ꦪꦴꦏꦠꦺꦴ ꦱꦲꦗꦴꦠꦄꦧ꧀ꦪꦴꦏꦠꦱ꧀ꦱꦴꦠꦶ ꦌꦮꦁ ꦥꦚ꧀ꦕ. ꦤꦮꦶꦥ꧀ꦥꦪꦸꦠ꧀ꦠꦥꦕ꧀ꦕꦪꦴ…ꦥꦺ… ꦤꦈꦥꦤꦶꦱ꧀ꦱꦪꦺ ꦠꦷꦟꦷꦠꦶ ꦲꦺꦛ꧀ꦜꦴ ꦮꦸꦠ꧀ꦠꦤꦪꦺꦤꦺꦮ ꦏꦸꦱꦭꦴꦢꦪꦺꦴ ꦠꦪꦺꦴ ꦄꦧ꧀ꦪꦴꦏꦠꦱ꧀ꦱ.

꧕꧔꧖. ꦤꦺꦴꦄꦠ꧀ꦡꦶꦥꦕ꧀ꦕꦪꦴ ꦤꦲꦺꦠꦸꦪꦴ ꦤꦮꦴꦠꦶ ꦤꦲꦺꦠꦸꦥꦕ꧀ꦕꦪꦴ ꦤꦺꦴꦄꦠ꧀ꦡꦶꦪꦴ ꦮꦸꦠ꧀ꦠꦴ ꦤꦮꦺꦮ. ꦱꦧ꧀ꦧꦺꦥꦶ ꦲꦶ ꦠꦺ ꦌꦏꦩꦹꦭꦏꦺꦏꦴꦮꦱꦴꦤꦴ ꦄꦤꦤ꧀ꦠꦫꦥꦏꦠꦹꦥꦤꦶꦱ꧀ꦱꦪꦮꦱꦺꦤ ꦭꦧ꧀ꦨꦤ꧀ꦠꦶ. ꦤꦴꦫꦩ꧀ꦩꦟꦺ ꦤꦮꦴꦠꦶꦥꦶ ꦠꦺꦪꦺꦮ ꦤꦴꦫꦩ꧀ꦩꦟꦺ ꦜꦠ꧀ꦮꦴ ꦤꦈꦥꦤꦶꦱ꧀ꦱꦪꦺ ꦢ꧀ꦮꦺ ꦏꦴꦠꦧ꧀ꦧꦴ. ꦪꦴꦮ ꦤꦶꦱ꧀ꦱꦪꦩ꧀ꦥꦷꦠꦶ ꦤꦺꦴꦄꦠ꧀ꦡꦶꦩꦹꦭꦏꦺ ꦤꦪꦺ ‘‘ꦤꦺꦴꦄꦠ꧀ꦡꦶꦥꦕ꧀ꦕꦪꦴ ꦤꦲꦺꦠꦸꦥꦕ꧀ꦕꦪꦴ ꦤꦴꦫꦩ꧀ꦩꦟꦥꦕ꧀ꦕꦪꦴ’’ꦠꦶ ꦌꦮꦁ ꦕꦏ꧀ꦏꦧꦤ꧀ꦣꦒꦩꦤꦺꦤ ꦤꦴꦫꦩ꧀ꦩꦟꦥꦕ꧀ꦕꦪꦺ ꦜꦠ꧀ꦮꦴ ꦆꦩꦺꦲꦶ ꦮꦴ ꦠꦷꦲꦶ, ꦆꦠꦺꦴ ꦥꦫꦺꦱꦸ ꦤꦴꦣꦶꦥꦠꦶꦄꦴꦢꦷꦱꦸ ꦄꦚ꧀ꦚꦠꦫꦚ꧀ꦚꦠꦫꦺꦤ ꦮꦴ ꦱꦢ꧀ꦣꦶꦁ ꦪꦴꦮ ꦤꦶꦱ꧀ꦱꦪꦥꦕ꧀ꦕꦪꦁ ꦥꦴꦥꦸꦟꦴꦠꦶ, ꦠꦴꦮ ꦒꦤ꧀ꦠ꧀ꦮꦴ ꦤꦈꦥꦤꦶꦱ꧀ꦱꦪꦺ ꦢ꧀ꦮꦺ ꦮꦶꦱ꧀ꦱꦗ꧀ꦗꦤꦴꦤꦶ ꦏꦴꦠꦧ꧀ꦧꦴꦤꦷꦠꦶ ꦄꦠ꧀ꦡꦺꦴ.

ꦌꦮꦁ ꦭꦏ꧀ꦑꦟꦁ ꦜꦥꦺꦠ꧀ꦮꦴ ꦥꦸꦤ ꦤꦴꦫꦩ꧀ꦩꦟꦠꦺꦴ ꦥꦛ꧀ꦜꦴꦪ ꦪꦴꦮ ꦤꦶꦱ꧀ꦱꦪꦴ ꦱꦠ꧀ꦠ ꦥꦕ꧀ꦕꦪꦺ ꦒꦲꦺꦠ꧀ꦮꦴ ꦤꦈꦥꦤꦶꦱ꧀ꦱꦪꦺ ꦢ꧀ꦮꦺꦠꦶ ꦄꦴꦲ. ꦠꦠ꧀ꦡ ꦤꦺꦴꦄꦠ꧀ꦡꦶꦥꦕ꧀ꦕꦪꦴ ꦤꦲꦺꦠꦸꦥꦕ꧀ꦕꦪꦴ ꦤꦴꦫꦩ꧀ꦩꦟꦥꦕ꧀ꦕꦪꦴ ꦤꦈꦥꦤꦶꦱ꧀ꦱꦪꦺ ꦢ꧀ꦮꦺ, ꦤꦺꦴꦄꦠ꧀ꦡꦶꦥꦕ꧀ꦕꦪꦴ ꦤꦲꦺꦠꦸꦤꦴꦫꦩ꧀ꦩꦟꦤꦴꦣꦶꦥꦠꦶꦥꦕ꧀ꦕꦪꦴ ꦤꦈꦥꦤꦶꦱ꧀ꦱꦪꦺ ꦢ꧀ꦮꦺꦠꦶ ꦌꦮꦁ ꦤꦴꦫꦩ꧀ꦩꦟꦠꦺꦴ ꦥꦸꦫꦶꦩꦥꦕ꧀ꦖꦶꦩꦺꦲꦶ ꦤꦶꦱ꧀ꦱꦪꦥꦫꦶꦪꦺꦴꦱꦴꦤꦺꦲꦶ ꦱꦧ꧀ꦧꦥꦢꦺꦲꦶ ꦱꦢ꧀ꦣꦶꦁ ꦪꦺꦴꦗꦤꦴ ꦏꦴꦠꦧ꧀ꦧꦴ. ꦢ꧀ꦮꦺꦠꦶ ꦥꦤꦺꦠ꧀ꦡ ꦏꦸꦱꦭꦺꦴ ꦄꦧ꧀ꦪꦴꦏꦠꦱ꧀ꦱ, ꦄꦏꦸꦱꦭꦺꦴ ꦄꦧ꧀ꦪꦴꦏꦠꦱ꧀ꦱꦴꦠꦶ ꦤꦴꦤꦴꦏ꧀ꦑꦟꦶꦏꦏꦩ꧀ꦩꦮꦱꦺꦤ ꦏꦛꦠ꧀ꦠꦴꦫꦹꦥꦱ꧀ꦱ ꦥꦕ꧀ꦕꦪꦮꦱꦺꦤ ꦮꦺꦢꦶꦠꦧ꧀ꦧꦴꦤꦶ. ꦤꦈꦥꦤꦶꦱ꧀ꦱꦪꦥꦢꦺꦤ ꦱꦢ꧀ꦣꦶꦁ ꦤꦥꦸꦫꦺꦗꦴꦠꦴꦢꦷꦱꦸ ꦱꦧ꧀ꦧꦠ꧀ꦡ ꦢ꧀ꦮꦺ. ꦏꦩ꧀ꦩꦥꦕ꧀ꦕꦪꦺꦴ ꦥꦤꦺꦠ꧀ꦡ ꦤ ꦒꦲꦶꦠꦺꦴ. ꦠꦱ꧀ꦩꦶꦚ꧀ꦲꦶ ꦒꦲꦶꦠꦺ ꦠꦺꦥꦶ ꦢ꧀ꦮꦺ ꦮꦴꦫꦴ ꦖꦶꦗ꧀ꦗꦤ꧀ꦠꦶ, ꦮꦶꦱ꧀ꦱꦗ꧀ꦗꦤꦩꦺꦮ ꦤ ꦭꦧ꧀ꦨꦠꦶ. ꦌꦮꦁ ꦪꦺꦤ ꦪꦺꦤ ꦱꦢ꧀ꦣꦶꦁ ꦪꦱ꧀ꦱ ꦪꦱ꧀ꦱ ꦱꦁꦱꦤ꧀ꦢꦤꦺ. ꦪꦁ ꦭꦧ꧀ꦨꦠꦶ, ꦪꦚ꧀ꦕ ꦥꦫꦶꦲꦴꦪꦠꦶ, ꦠꦁ ꦱꦧ꧀ꦧꦁ ꦱꦴꦣꦸꦏꦁ ꦱꦭ꧀ꦭꦏ꧀ꦑꦺꦠ꧀ꦮꦴ ꦱꦧ꧀ꦧꦥꦕ꧀ꦕꦤꦷꦪꦺꦱꦸ ꦒꦟꦤꦴ ꦈꦢ꧀ꦣꦫꦶꦠꦧ꧀ꦧꦴꦠꦶ.

ꦥꦕ꧀ꦕꦤꦷꦪꦒꦟꦤꦮꦟ꧀ꦟꦤꦴ.