꧓. ꦥꦗꦲꦤꦮꦴꦫꦮꦟ꧀ꦟꦤꦴ

꧑꧓꧒-꧑꧙꧗. ꦥꦗꦲꦤꦮꦴꦫꦺ ꦥꦗꦲꦠꦷꦠꦶ ꦠꦺꦤ ꦠꦺꦤ ꦩꦒ꧀ꦒꦺꦤ ꦥꦲꦴꦤꦥꦫꦶꦚ꧀ꦚꦴꦮꦱꦺꦤ ꦥꦗꦲꦠꦶ, ꦄꦴꦪꦠꦶꦁ ꦄꦤꦸꦥ꧀ꦥꦠ꧀ꦠꦶꦣꦩ꧀ꦩꦠꦁ ꦄꦴꦥꦴꦢꦺꦠꦶ. ꦄꦴꦩꦤ꧀ꦠꦴꦠꦶ ꦄꦤꦴꦒꦴꦩꦷꦩꦒ꧀ꦒꦛ꧀ꦜꦁ ꦱꦤ꧀ꦣꦴꦪ ꦥꦛꦶꦮꦕꦤꦁ. ꦠꦢꦺꦏꦛ꧀ꦜꦁ ꦥꦗꦲꦠꦷꦠꦶ ꦥꦲꦴꦤꦺꦏꦛ꧀ꦜꦠꦁ ꦱꦤ꧀ꦣꦴꦪ ꦮꦸꦠ꧀ꦠꦁ. ꦤꦺꦴꦠꦶ ꦄꦫꦲꦠ꧀ꦠꦩꦒ꧀ꦒꦛ꧀ꦜꦁ ꦱꦤ꧀ꦣꦴꦪ ꦥꦛꦶꦱꦺꦣꦺꦴ.

ꦪꦠꦺꦴ ꦏꦴꦩꦫꦴꦒꦴꦤꦸꦱꦪꦁ ꦥꦗꦲꦠꦷꦠꦶ ꦪꦠꦺꦴ ꦈꦥ꧀ꦥꦗ꧀ꦗꦤꦏꦁ ꦏꦴꦩꦫꦴꦒꦴꦤꦸꦱꦪꦁ ꦥꦗꦲꦠꦷꦠꦶ ꦄꦠ꧀ꦡꦺꦴ. ꦄꦛ꧀ꦜꦩꦏꦺꦴꦠꦶ ꦄꦫꦲꦠ꧀ꦠꦦꦭꦛ꧀ꦜꦠꦺꦴ ꦥꦛ꧀ꦜꦴꦪ ꦥꦕ꧀ꦕꦺꦴꦫꦺꦴꦲꦤꦒꦟꦤꦴꦪ ꦒꦟꦶꦪꦩꦴꦤꦺꦴ ꦱꦺꦴꦠꦴꦥꦠ꧀ꦠꦶꦩꦒ꧀ꦒꦛ꧀ꦜꦺꦴ ꦄꦛ꧀ꦜꦩꦏꦺꦴ ꦤꦴꦩ. ꦢꦏ꧀ꦑꦶꦟꦺꦪ꧀ꦪꦒꦟꦤꦴꦪ ꦲꦶ ꦄꦫꦲꦴ ꦄꦒ꧀ꦒꦢꦏ꧀ꦑꦶꦟꦺꦪ꧀ꦪꦠ꧀ꦠꦴ ꦥꦜꦩꦺꦴ, ꦄꦫꦲꦠ꧀ꦠꦩꦒ꧀ꦒꦛ꧀ꦜꦺꦴ ꦢꦸꦠꦶꦪꦺꦴ, ꦄꦤꦴꦒꦴꦩꦷ ꦠꦠꦶꦪꦺꦴ…ꦥꦺ… ꦱꦺꦴꦠꦴꦥꦠ꧀ꦠꦶꦩꦒ꧀ꦒꦛ꧀ꦜꦺꦴ ꦄꦛ꧀ꦜꦩꦺꦴ. ꦱꦺꦴ ꦆꦣ ‘‘ꦄꦛ꧀ꦜꦩꦏꦺꦴ’’ꦠꦶ ꦮꦸꦠ꧀ꦠꦺꦴ. ꦤꦴꦩꦱꦚ꧀ꦚꦴꦪꦺꦮ ꦮꦴ ꦌꦱꦴ ꦠꦱ꧀ꦱꦴꦠꦶ. ꦄꦤꦴꦒꦴꦩꦶꦩꦒ꧀ꦒꦱꦩꦔ꧀ꦒꦶꦚ꧀ꦕ ꦄꦛ꧀ꦜꦩꦏꦚ꧀ꦕ ꦜꦥꦺꦠ꧀ꦮꦴ ꦄꦮꦱꦺꦱꦴꦠꦶ ꦱꦢ꧀ꦣꦶꦁ ꦥꦸꦡꦸꦗ꧀ꦗꦤꦺꦤ ꦱꦺꦏ꧀ꦑꦴꦱꦺꦏ꧀ꦑꦴ. ꦠꦺꦱꦸ ꦲꦶ ꦥꦸꦡꦸꦗ꧀ꦗꦤꦺꦴ ꦥꦲꦴꦤꦥꦫꦶꦚ꧀ꦚꦴꦪ ꦄꦨꦴꦮꦺꦤ ꦤꦥ꧀ꦥꦗꦲꦠꦶ. ꦱꦺꦱꦴ ꦠꦺꦱꦁ ꦄꦤꦸꦱꦪꦴꦤꦁ ꦥꦲꦷꦤꦠ꧀ꦠꦴ. ꦢ꧀ꦮꦶꦤ꧀ꦤꦁ ꦩꦒ꧀ꦒꦱꦩꦔ꧀ꦒꦷꦤꦤ꧀ꦠꦶ ꦢ꧀ꦮꦺ ꦩꦒ꧀ꦒꦱꦩꦔ꧀ꦒꦶꦤꦺꦴ ꦜꦥꦺꦠ꧀ꦮꦴꦠꦶ ꦄꦠ꧀ꦡꦺꦴ. ꦆꦩꦶꦤꦴ ꦤꦪꦺꦤ ꦱꦧ꧀ꦧꦠ꧀ꦡ ꦮꦶꦤꦶꦕ꧀ꦖꦪꦺꦴ ꦮꦺꦢꦶꦠꦧ꧀ꦧꦺꦴꦠꦶ.

ꦥꦗꦲꦤꦮꦴꦫꦮꦟ꧀ꦟꦤꦴ.