꧑. ꦥꦟ꧀ꦟꦠ꧀ꦠꦶꦮꦴꦫꦮꦟ꧀ꦟꦤꦴ

꧑-꧙. ꦆꦢꦴꦤꦶ ꦠꦺꦪꦺꦮ ꦩꦹꦭꦪꦩꦏꦺ ꦢꦺꦱꦶꦠꦺ ꦏꦸꦱꦭꦴꦢꦶꦣꦩ꧀ꦩꦺ ꦱꦕ꧀ꦕꦮꦱꦺꦤ ꦱꦔ꧀ꦒꦟ꧀ꦲꦶꦠ꧀ꦮꦴ ꦣꦴꦠꦸꦪꦩꦏꦴꦤꦤ꧀ꦠꦫꦁ ꦢꦺꦱꦶꦠꦱ꧀ꦱ ꦱꦕ꧀ꦕꦪꦩꦏꦱ꧀ꦱ ꦮꦟ꧀ꦟꦤꦴ ꦲꦺꦴꦠꦶ. ꦠꦠ꧀ꦡꦴꦥꦶ ꦲꦺꦛ꧀ꦜꦴ ꦮꦸꦠ꧀ꦠꦤꦪꦺꦤꦺꦮ ꦥꦟ꧀ꦟꦠ꧀ꦠꦶꦮꦴꦫꦴꦢꦪꦺꦴ ꦠꦪꦺꦴ ꦩꦲꦴꦮꦴꦫꦴ ꦄꦤ꧀ꦠꦫꦮꦴꦫꦴꦢꦪꦺꦴ ꦕ ꦄꦮꦱꦺꦱꦥ꧀ꦥꦨꦺꦢꦴ ꦮꦺꦢꦶꦠꦧ꧀ꦧꦴ. ꦥꦟ꧀ꦟꦠ꧀ꦠꦶꦮꦴꦫꦺ ꦥꦤꦺꦠ꧀ꦡ ꦕꦠꦸꦤ꧀ꦤꦁ ꦱꦕ꧀ꦕꦴꦤꦁ ꦮꦱꦺꦤ ꦥꦢꦱꦺꦴꦣꦤꦮꦴꦫꦺꦴ, ꦥꦢꦱꦺꦴꦣꦤꦩꦹꦭꦕꦏ꧀ꦏꦮꦴꦫꦺꦴ, ꦱꦸꦢ꧀ꦣꦱꦕ꧀ꦕꦮꦴꦫꦺꦴ, ꦱꦸꦢ꧀ꦣꦱꦕ꧀ꦕꦩꦹꦭꦕꦏ꧀ꦏꦮꦴꦫꦺꦴꦠꦶ ꦆꦩꦺꦱꦸ ꦕꦠꦹꦱꦸ ꦮꦴꦫꦺꦱꦸ ꦪꦩꦏꦒꦟꦤꦴ ꦮꦺꦢꦶꦠꦧ꧀ꦧꦴ.

꧑꧐-꧒꧖. ꦥꦟ꧀ꦟꦠ꧀ꦠꦶꦮꦴꦫꦤꦶꦢ꧀ꦢꦺꦱꦺ ꦥꦤ ꦄꦮꦱꦺꦱꦁ ꦢꦸꦏ꧀ꦑꦱꦕ꧀ꦕꦤ꧀ꦠꦶ ꦢꦸꦏ꧀ꦑꦮꦺꦢꦤꦴꦪ ꦕꦺꦮ ꦠꦟ꧀ꦲꦴꦪ ꦕ ꦮꦶꦤꦶꦩꦸꦠ꧀ꦠꦴ ꦠꦺꦨꦹꦩꦏꦣꦩ꧀ꦩꦴ ꦮꦺꦢꦶꦠꦧ꧀ꦧꦴ. ꦄꦮꦱꦺꦱꦺꦴ ꦱꦩꦸꦢꦪꦺꦴꦠꦶ ꦱꦕ꧀ꦕꦮꦶꦨꦔ꧀ꦒꦺ ꦤꦶꦢ꧀ꦢꦶꦛ꧀ꦜꦏꦴꦩꦴꦮꦕꦫꦏꦸꦱꦭꦴꦢꦶꦨꦺꦢꦺꦴ ꦢꦸꦏ꧀ꦑꦱꦕ꧀ꦕꦱ꧀ꦱ ꦥꦕ꧀ꦕꦪꦺꦴ. ꦄꦮꦱꦺꦱꦺꦴ ꦤꦶꦫꦺꦴꦣꦺꦴꦠꦶ ꦠꦢꦔ꧀ꦒꦮꦶꦏ꧀ꦑꦩ꧀ꦨꦤꦱꦩꦸꦕ꧀ꦖꦺꦢꦥꦛꦶꦥꦱ꧀ꦱꦢ꧀ꦣꦶꦤꦶꦫꦺꦴꦣꦺꦴ ꦕꦺꦮ ꦑꦟꦨꦔ꧀ꦒꦤꦶꦫꦺꦴꦣꦺꦴ ꦕ. ꦄꦮꦱꦺꦱꦺꦴ ꦩꦒ꧀ꦒꦺꦴꦠꦶ ‘‘ꦠꦱ꧀ꦩꦶꦁ ꦑꦺꦴ ꦥꦤ ꦱꦩꦪꦺ ꦥꦚ꧀ꦕꦔ꧀ꦒꦶꦏꦺꦴ ꦩꦒ꧀ꦒꦺꦴ ꦲꦺꦴꦠꦶ, ꦄꦛ꧀ꦜꦔ꧀ꦒꦶꦏꦺꦴ ꦩꦒ꧀ꦒꦺꦴ, ꦩꦶꦕ꧀ꦖꦴꦩꦒ꧀ꦒꦺꦴ, ꦗꦔ꧀ꦓꦩꦒ꧀ꦒꦺꦴ, ꦱꦏꦛꦩꦒ꧀ꦒꦺꦴ’’ꦠꦶ ꦌꦮꦩꦴꦢꦶꦏꦺꦴ.

ꦥꦟ꧀ꦟꦠ꧀ꦠꦶꦮꦴꦫꦮꦟ꧀ꦟꦤꦴ.