꧒. ꦱꦭ꦳ꦴꦪꦠꦤꦸꦥ꧀ꦥꦠ꧀ꦠꦶꦏꦡꦴꦮꦟ꧀ꦟꦤꦴ

꧖꧙꧑-꧖꧙꧒. ꦆꦢꦴꦤꦶ ꦱꦭ꦳ꦴꦪꦠꦤꦸꦥ꧀ꦥꦠ꧀ꦠꦶꦏꦡꦴ ꦤꦴꦩ ꦲꦺꦴꦠꦶ. ꦠꦠ꧀ꦡ ꦈꦥꦥꦠ꧀ꦠꦺꦱꦶꦪꦺꦤ ꦥꦛꦶꦱꦤ꧀ꦣꦶꦕꦶꦠ꧀ꦠꦺꦤ ꦱꦲꦺꦮ ꦎꦥꦥꦴꦠꦶꦏꦴꦤꦁ ꦱꦭ꦳ꦴꦪꦠꦤꦁ ꦈꦥ꧀ꦥꦗ꧀ꦗꦠꦶ. ꦒꦧ꧀ꦨꦱꦺꦪ꧀ꦪꦏꦴꦤꦁ ꦄꦗ꧀ꦙꦠ꧀ꦠꦶꦏꦴꦪꦠꦤꦺꦱꦸ ꦩꦤꦴꦪꦠꦤꦏꦴꦪꦴꦪꦠꦤꦴꦤꦺꦮ ꦥꦛꦶꦱꦤ꧀ꦣꦶꦏ꧀ꦑꦟꦺ ꦈꦥ꧀ꦥꦗ꧀ꦗꦤ꧀ꦠꦶ. ꦱꦺꦱꦴꦤꦶ ꦕꦠ꧀ꦠꦴꦫꦶ ꦱꦠ꧀ꦠꦱꦠ꧀ꦠꦠꦶꦫꦠ꧀ꦠꦶꦩ꧀ꦲꦶ. ꦠꦴꦤꦶ ꦕ ꦑꦺꦴ ꦪꦺꦤ ꦏꦩ꧀ꦩꦸꦤꦴ ꦥꦛꦶꦱꦤ꧀ꦣꦶ ꦒꦲꦶꦠꦴ, ꦠꦱ꧀ꦱꦺꦮ ꦄꦚ꧀ꦚꦱ꧀ꦱ ꦮꦴ ꦏꦠꦠ꧀ꦠꦴꦠꦶ ꦄꦪꦁ ꦱꦏꦱꦩꦪꦺ ꦮꦴꦢꦺꦴ. ꦪꦺꦱꦁ ꦥꦤ ꦌꦏꦏꦩ꧀ꦩꦱꦩ꧀ꦨꦮꦠ꧀ꦠꦴ ꦱꦩ꧀ꦥꦤ꧀ꦤꦱꦴꦑꦴꦮꦶꦛꦥꦴꦤꦁ ꦫꦸꦏ꧀ꦑꦴꦢꦷꦤꦁ ꦄꦁꦏꦸꦫꦺꦴ ꦮꦶꦪ ꦧꦷꦗꦩꦠ꧀ꦠꦁ ꦱꦭ꦳ꦴꦪꦠꦤꦁ ꦩꦴꦠꦸꦏꦸꦕ꧀ꦖꦶꦱ꧀ꦩꦶꦁ ꦥꦛꦶꦱꦤ꧀ꦣꦶꦏ꧀ꦑꦟꦺꦪꦺꦮ ꦈꦥ꧀ꦥꦗ꧀ꦗꦠꦷꦠꦶ ꦭꦢ꧀ꦣꦶ, ꦱꦺꦪ꧀ꦪꦡꦴꦥꦶ ꦥꦸꦧ꧀ꦧꦱꦺꦭꦶꦪꦴꦤꦁ; ꦠꦺ ꦱꦤ꧀ꦣꦴꦪ ꦱꦭ꦳ꦴꦪꦠꦤꦤ꧀ꦠꦶ ꦥꦸꦕ꧀ꦖꦴ ꦱꦏꦮꦴꦢꦶꦱ꧀ꦱ, ꦥꦛꦶꦚ꧀ꦚꦴ ꦆꦠꦫꦱ꧀ꦱ. ꦱꦧ꧀ꦧꦔ꧀ꦒꦥꦕ꧀ꦕꦔ꧀ꦒꦷꦠꦶꦄꦴꦢꦶ ꦱꦭ꦳ꦴꦪꦠꦤꦺ ꦱꦠꦶ ꦌꦮꦫꦹꦥꦺꦴ ꦲꦸꦠ꧀ꦮꦴ ꦎꦏ꧀ꦏꦩꦺꦪ꧀ꦪꦴꦠꦶ ꦕꦺꦴꦢꦤꦠ꧀ꦡꦁ ꦮꦸꦠ꧀ꦠꦁ. ꦩꦴꦠꦸꦏꦸꦕ꧀ꦖꦶꦒꦠꦱ꧀ꦱꦴꦠꦶ ꦥꦸꦕ꧀ꦖꦴ ꦥꦫꦮꦴꦢꦶꦱ꧀ꦱ. ꦥꦫꦠꦺꦴ ꦩꦴꦠꦸꦏꦸꦕ꧀ꦖꦶꦒꦠꦱ꧀ꦱ ꦥꦕ꧀ꦖꦴ ꦏꦺꦱꦴꦠꦶ ꦥꦸꦕ꧀ꦖꦴ ꦱꦏꦮꦴꦢꦶꦱ꧀ꦱ. ꦱꦺꦱꦩꦺꦠ꧀ꦡ ꦈꦠ꧀ꦠꦴꦤꦠ꧀ꦡꦩꦺꦮꦴꦠꦶ.

ꦱꦭ꦳ꦴꦪꦠꦤꦸꦥ꧀ꦥꦠ꧀ꦠꦶꦏꦡꦴꦮꦟ꧀ꦟꦤꦴ.