꧙. ꦣꦩ꧀ꦩꦠꦟ꧀ꦲꦴꦄꦧ꧀ꦪꦴꦏꦠꦴꦠꦶꦏꦡꦴꦮꦟ꧀ꦟꦤꦴ

꧖꧗꧖-꧖꧘꧐. ꦆꦢꦴꦤꦶ ꦣꦩ꧀ꦩꦠꦟ꧀ꦲꦴ ꦄꦧ꧀ꦪꦴꦏꦠꦴꦠꦶꦏꦡꦴ ꦤꦴꦩ ꦲꦺꦴꦠꦶ. ꦠꦠ꧀ꦡ ꦫꦹꦥꦠꦟ꧀ꦲꦴ…ꦥꦺ… ꦣꦩ꧀ꦩꦠꦟ꧀ꦲꦴꦠꦶ ꦆꦩꦴꦱꦸ ꦖꦱꦸ ꦠꦟ꧀ꦲꦴꦱꦸ ꦪꦱ꧀ꦩꦴ ꦱꦧ꧀ꦧꦥꦕ꧀ꦖꦶꦩꦴ ꦠꦟ꧀ꦲꦴ ꦣꦩ꧀ꦩꦠꦟ꧀ꦲꦴꦠꦶ ꦮꦸꦠ꧀ꦠꦴ, ꦠꦱ꧀ꦩꦴ ꦱꦴ ꦄꦧ꧀ꦪꦴꦏꦠꦴꦠꦶ ꦪꦺꦱꦁ ꦭꦢ꧀ꦣꦶ, ꦱꦺꦪ꧀ꦪꦡꦴꦥꦶ ꦥꦸꦧ꧀ꦧꦱꦺꦭꦶꦪꦴꦤꦁ; ꦠꦺ ꦱꦤ꧀ꦣꦴꦪ ꦥꦸꦕ꧀ꦖꦴ ꦱꦏꦮꦴꦢꦶꦱ꧀ꦱ, ꦥꦛꦶꦚ꧀ꦚꦴ ꦆꦠꦫꦱ꧀ꦱ. ꦱꦺꦱꦥꦚ꧀ꦲꦴꦤꦁ ꦥꦴꦭ꦳ꦶꦪꦴ ꦄꦠ꧀ꦡꦺꦴ ꦤꦶꦪ꧀ꦪꦴꦠꦶ. ꦏꦴꦩꦠꦟ꧀ꦲꦴꦠꦶꦄꦴꦢꦷꦲꦶ ꦠꦷꦲꦶ ꦏꦺꦴꦛ꧀ꦜꦴꦱꦺꦲꦶ ꦖꦥꦶ ꦠꦟ꧀ꦲꦴ ꦱꦔ꧀ꦑꦶꦥꦶꦠ꧀ꦮꦴ ꦢꦱ꧀ꦱꦶꦠꦴ. ꦫꦹꦥꦴꦢꦷꦱꦸ ꦲꦶ ꦖꦱꦸ ꦄꦴꦫꦩ꧀ꦩꦟꦺꦱꦸ ꦏꦴꦩꦱ꧀ꦱꦴꦢꦮꦱꦺꦤ ꦥꦮꦠ꧀ꦠꦴ ꦠꦟ꧀ꦲꦴ ꦏꦴꦩꦠꦟ꧀ꦲꦴ. ‘‘ꦨꦮꦶꦱ꧀ꦱꦠꦶ ꦄꦠ꧀ꦠꦴ ꦕ ꦭꦺꦴꦏꦺꦴ ꦕꦴ’’ꦠꦶ ꦱꦱ꧀ꦱꦠꦢꦶꦛ꧀ꦜꦶꦱꦲꦒꦠꦴ ꦠꦟ꧀ꦲꦴ ꦨꦮꦠꦟ꧀ꦲꦴ. ‘‘ꦤ ꦨꦮꦶꦱ꧀ꦱꦠꦷ’’ꦠꦶ ꦈꦕ꧀ꦖꦺꦢꦢꦶꦛ꧀ꦜꦶꦱꦲꦒꦠꦴ ꦠꦟ꧀ꦲꦴ ꦮꦶꦨꦮꦠꦟ꧀ꦲꦴꦠꦶ. ꦤꦤꦸ ꦱꦴ ꦣꦩ꧀ꦩꦠꦟ꧀ꦲꦴꦠꦶ ꦥꦢꦁ ꦠꦟ꧀ꦲꦴꦪ ꦣꦩ꧀ꦩꦴꦫꦩ꧀ꦩꦟꦁ ꦄꦴꦫꦧ꧀ꦨ ꦥꦮꦠ꧀ꦠꦶꦁ ꦢꦷꦥꦺꦠꦶ, ꦤ ꦄꦧ꧀ꦪꦴꦏꦠꦨꦴꦮꦁ ꦠꦱ꧀ꦩꦴ ꦄꦱꦴꦣꦏꦤ꧀ꦠꦶ.

ꦣꦩ꧀ꦩꦠꦟ꧀ꦲꦴ ꦄꦧ꧀ꦪꦴꦏꦠꦴꦠꦶꦏꦡꦴꦮꦟ꧀ꦟꦤꦴ.