꧕. ꦚꦴꦟꦁ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦤ꧀ꦠꦶꦏꦡꦴꦮꦟ꧀ꦟꦤꦴ

꧖꧑꧖-꧖꧑꧗. ꦆꦢꦴꦤꦶ ꦚꦴꦟꦁ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦤ꧀ꦠꦶꦏꦡꦴ ꦤꦴꦩ ꦲꦺꦴꦠꦶ. ꦠꦠ꧀ꦡ ꦪꦱ꧀ꦩꦴ ꦄꦫꦲꦴ ꦕꦏ꧀ꦑꦸꦮꦶꦚ꧀ꦚꦴꦟꦴꦢꦶꦱꦩꦔ꧀ꦒꦷ ꦥꦛꦶꦭꦢ꧀ꦣꦁ ꦩꦒ꧀ꦒꦚꦴꦟꦁ ꦱꦤ꧀ꦣꦴꦪ ‘‘ꦚꦴꦟꦷ’’ꦠꦶ ꦮꦸꦕ꧀ꦕꦠꦶ, ꦤ ꦕꦱ꧀ꦱ ꦠꦁ ꦠꦺꦤ ꦕꦶꦠ꧀ꦠꦺꦤ ꦱꦩ꧀ꦥꦪꦸꦠ꧀ꦠꦁ, ꦠꦱ꧀ꦩꦴ ‘‘ꦚꦴꦟꦁ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠ’’ꦤ꧀ꦠꦶ ꦪꦺꦱꦁ ꦭꦢ꧀ꦣꦶ, ꦱꦺꦪ꧀ꦪꦡꦴꦥꦶ ꦥꦸꦧ꧀ꦧꦱꦺꦭꦶꦪꦴꦤꦁ; ꦠꦺ ꦱꦤ꧀ꦣꦴꦪ ꦥꦸꦕ꧀ꦖꦴ ꦱꦏꦮꦴꦢꦶꦱ꧀ꦱ, ꦥꦛꦶꦚ꧀ꦚꦴ ꦆꦠꦫꦱ꧀ꦱ. ꦄꦡ ꦤꦁ ‘‘ꦪꦢꦶ ꦠꦺ ꦚꦴꦟꦁ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦁ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦺꦱꦸ ꦫꦹꦥꦴꦢꦷꦱꦸ ꦄꦚ꧀ꦚꦠꦫꦁ ꦱꦶꦪꦴ’’ꦠꦶ ꦕꦺꦴꦢꦺꦠꦸꦁ ꦫꦹꦥꦤ꧀ꦠꦶꦄꦴꦢꦶꦩꦴꦲ. ꦆꦠꦫꦺꦴ ꦥꦛꦶꦏ꧀ꦑꦶꦥꦠꦶ. ꦱꦺꦱꦁ ꦲꦺꦛ꧀ꦜꦴ ꦮꦸꦠ꧀ꦠꦤꦪꦩꦺꦮ. ꦥꦫꦶꦪꦺꦴꦱꦴꦤꦺ ꦥꦤ ꦥꦚ꧀ꦚꦮꦴꦠꦶ ꦥꦸꦛ꧀ꦜꦺꦴ ꦥꦛꦶꦭꦴꦨꦮꦱꦺꦤ ꦠꦁ ꦥꦮꦠ꧀ꦠꦶꦁ ꦆꦕ꧀ꦖꦠꦶ, ꦠꦱ꧀ꦩꦴ ꦥꦛꦶꦗꦴꦤꦴꦠꦷꦠꦶ.

ꦚꦴꦟꦁ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦤ꧀ꦠꦶꦏꦡꦴꦮꦟ꧀ꦟꦤꦴ.