꧑. ꦥꦜꦩꦈꦒ꧀ꦒꦱꦸꦠ꧀ꦠꦮꦟ꧀ꦟꦤꦴ

꧒꧑. ꦠꦠꦶꦪꦱ꧀ꦱ ꦥꦜꦩꦺ ꦥꦚ꧀ꦚꦠ꧀ꦠꦺ ꦄꦴꦱꦤꦺ ꦤꦶꦱꦷꦢꦷꦠꦶ ꦠꦱ꧀ꦱ ꦏꦶꦫ ꦓꦫꦺ ꦥꦚ꧀ꦕꦤ꧀ꦤꦁ ꦨꦶꦏ꧀ꦑꦸꦱꦠꦴꦤꦁ ꦥꦚ꧀ꦕ ꦄꦴꦱꦤꦱꦠꦴꦤꦶ ꦤꦶꦕ꧀ꦕꦁ ꦥꦚ꧀ꦚꦠ꧀ꦠꦴꦤꦺꦮ ꦲꦺꦴꦤ꧀ꦠꦶ, ꦠꦺꦱꦸ ꦄꦚ꧀ꦚꦠꦫꦱ꧀ꦩꦶꦁ ꦄꦴꦱꦤꦺ ꦤꦶꦱꦷꦢꦶ. ꦠꦁ ꦱꦸꦟꦴꦲꦷꦠꦶ ꦠꦺ ꦱꦸꦟꦴꦲꦶ, ꦠꦁ ꦮꦴ ꦄꦛ꧀ꦜꦮꦶꦣꦁ ꦄꦕ꧀ꦖꦫꦶꦪꦣꦩ꧀ꦩꦁ ꦱꦸꦟꦴꦲꦶ. ꦕꦶꦠ꧀ꦠꦁ ꦥꦱꦷꦢꦷꦠꦶ ‘‘ꦧꦸꦢ꧀ꦣꦺꦴ ꦤꦸ ꦑꦺꦴ ꦤ ꦧꦸꦢ꧀ꦣꦺꦴ ꦤꦸ ꦑꦺꦴ’’ꦠꦶ ꦮꦶꦠꦏ꧀ꦏꦩꦠ꧀ꦠꦩ꧀ꦥꦶ ꦤ ꦈꦥ꧀ꦥꦗ꧀ꦗꦶ, ꦄꦪꦩꦺꦮ ꦧꦸꦢ꧀ꦣꦺꦴꦠꦶ ꦕꦶꦠ꧀ꦠꦸꦥ꧀ꦥꦴꦢꦺꦴ ꦥꦱꦤ꧀ꦤꦺꦴ ꦄꦤꦴꦮꦶꦭꦺꦴ ꦄꦲꦺꦴꦱꦶ. ꦱꦏꦴꦤꦶ ꦮꦴ ꦚꦴꦠꦶꦏꦸꦭꦴꦤꦷꦠꦶ ꦄꦠ꧀ꦠꦤꦺꦴ ꦪꦴꦥꦤꦩꦠ꧀ꦠꦁ ꦣꦤꦁ ꦒꦲꦺꦠ꧀ꦮꦴ ꦚꦴꦠꦶꦓꦫꦴꦤꦶ ꦒꦕ꧀ꦖꦠꦸ. ꦏꦱ꧀ꦱ ꦮꦺꦴ ꦢꦩ꧀ꦩꦷꦠꦶ ꦏꦠꦫꦥꦸꦫꦶꦱꦱ꧀ꦱ ꦠꦸꦩ꧀ꦲꦺ ꦢꦢꦴꦩꦶ, ꦄꦴꦫꦺꦴꦕꦺꦡ ꦩꦺ ꦄꦠ꧀ꦠꦤꦺꦴ ꦄꦣꦶꦥ꧀ꦥꦴꦪꦁ. ꦄꦥ꧀ꦥꦛꦶꦮꦶꦨꦠ꧀ꦠꦴꦠꦶ ‘‘ꦌꦠ꧀ꦠꦏꦁ ꦢꦱ꧀ꦱꦴꦩꦶ ꦌꦠ꧀ꦠꦏꦁ ꦤ ꦢꦱ꧀ꦱꦴꦩꦶ, ꦆꦢꦁ ꦢꦱ꧀ꦱꦴꦩꦶ ꦆꦢꦁ ꦤ ꦢꦱ꧀ꦱꦴꦩꦷ’’ꦠꦶ ꦕꦶꦠ꧀ꦠꦁ ꦈꦥ꧀ꦥꦴꦢꦺꦤ꧀ꦠꦺꦤ ꦲꦶ ꦥꦛꦶꦮꦶꦨꦠ꧀ꦠꦴ ꦤꦴꦩ ꦲꦺꦴꦠꦶ, ꦩꦪ꧀ꦲꦁ ꦥꦤ ꦤ ꦌꦮꦁ. ꦄꦡ ꦑꦺꦴ ꦱꦔ꧀ꦓꦶꦏꦴ ꦮꦶꦪ ꦒꦟꦱꦤ꧀ꦠꦏꦴ ꦮꦶꦪ ꦕ ꦱꦷꦭꦮꦤ꧀ꦠꦺꦲꦶ ꦱꦢ꧀ꦣꦶꦁ ꦱꦴꦣꦴꦫꦟꦴꦪꦺꦮ. ꦱꦏ꧀ꦏꦕ꧀ꦕꦁꦪꦺꦮ ꦥꦪꦶꦫꦸꦥꦴꦱꦴꦩꦷꦠꦶ ꦱꦲꦠ꧀ꦡꦴ ꦈꦥꦛ꧀ꦜꦲꦴꦩꦶ, ꦕꦶꦠ꧀ꦠꦷꦏꦴꦫꦺꦤ ꦈꦥꦱꦔ꧀ꦏꦩꦴꦩꦶ.

ꦄꦤꦕ꧀ꦖꦫꦶꦪꦁ ꦑꦺꦴ ꦥꦤ ꦩꦁ, ꦨꦤ꧀ꦠꦺꦠꦶ, ꦨꦤ꧀ꦠꦺ, ꦪꦁ ꦩꦁ ꦢꦺꦮꦠꦴ ꦈꦥꦱꦔ꧀ꦏꦩꦶꦠ꧀ꦮꦴ ꦌꦮꦁ ꦄꦴꦫꦺꦴꦕꦺꦤ꧀ꦠꦶ, ꦆꦢꦁ ꦤ ꦄꦕ꧀ꦖꦫꦶꦪꦁ. ꦪꦁ ꦥꦤꦴꦲꦁ ꦠꦠꦺꦴꦤꦶꦢꦴꦤꦁ ꦕꦶꦠ꧀ꦠꦱ꧀ꦱ ꦈꦟ꧀ꦟꦠꦶꦁ ꦤꦴꦨꦶꦗꦴꦤꦴꦩꦶ, ꦠꦁ ꦌꦮ ꦄꦕ꧀ꦖꦫꦶꦪꦤ꧀ꦠꦶ ꦮꦢꦠꦶ. ꦱꦴꦣꦸ ꦱꦴꦣꦸ, ꦨꦶꦏ꧀ꦑꦹꦠꦶ ꦌꦠ꧀ꦡ ꦏꦶꦚ꧀ꦕꦴꦥꦶ ꦨꦶꦏ꧀ꦑꦸꦁ ꦄꦴꦩꦤ꧀ꦠꦺꦠꦶ, ꦈꦥꦴꦱꦏꦱ꧀ꦱꦺꦮ ꦥꦤ ꦮꦺꦪ꧀ꦪꦴꦏꦫꦟꦱꦩ꧀ꦥꦲꦁꦱꦤꦺ ꦌꦱ ꦱꦴꦣꦸꦏꦴꦫꦺꦴꦠꦶ ꦮꦺꦢꦶꦠꦧ꧀ꦧꦺꦴ.