꧖. ꦈꦥꦗ꧀ꦙꦴꦪꦱꦸꦠ꧀ꦠꦮꦟ꧀ꦟꦤꦴ

꧕꧖. ꦖꦛ꧀ꦜꦺ ꦩꦣꦸꦫꦏꦗꦴꦠꦺꦴꦠꦶ ꦱꦚ꧀ꦗꦴꦠꦒꦫꦸꦨꦴꦮꦺꦴ. ꦢꦶꦱꦴ ꦕ ꦩꦺ ꦤ ꦥꦏ꧀ꦑꦴꦪꦤ꧀ꦠꦷꦠꦶ ꦕꦠꦱ꧀ꦱꦺꦴ ꦢꦶꦱꦴ ꦕ ꦄꦤꦸꦢꦶꦱꦴ ꦕ ꦩꦪ꧀ꦲꦁ ꦤ ꦈꦥꦛ꧀ꦜꦲꦤ꧀ꦠꦷꦠꦶ ꦮꦢꦠꦶ. ꦣꦩ꧀ꦩꦴ ꦕ ꦩꦁ ꦤꦥ꧀ꦥꦛꦶꦨꦤ꧀ꦠꦷꦠꦶ ꦱꦩꦡꦮꦶꦥꦱ꧀ꦱꦤꦴꦣꦩ꧀ꦩꦴꦥꦶ ꦩꦺ ꦤ ꦈꦥꦛ꧀ꦜꦲꦤ꧀ꦠꦶ. ꦄꦤꦨꦶꦫꦠꦺꦴ ꦕ ꦧ꧀ꦫꦲ꧀ꦩꦕꦫꦶꦪꦁ ꦕꦫꦴꦩꦷꦠꦶ ꦈꦏ꧀ꦏꦟ꧀ꦜꦶꦠꦺꦴ ꦲꦸꦠ꧀ꦮꦴ ꦧ꧀ꦫꦲ꧀ꦩꦕꦫꦶꦪꦮꦴꦱꦁ ꦮꦱꦴꦩꦶ. ꦪꦺꦤ ꦨꦒꦮꦴ ꦠꦺꦤꦸꦥꦱꦔ꧀ꦏꦩꦷꦠꦶ ꦠꦱ꧀ꦱ ꦏꦡꦁ ꦱꦸꦠ꧀ꦮꦴ ‘‘ꦧꦸꦢ꧀ꦣꦮꦺꦤꦺꦪ꧀ꦪꦥꦸꦒ꧀ꦒꦭꦺꦴ ꦄꦪ’’ꦤ꧀ꦠꦶ ꦠꦁ ꦏꦴꦫꦟꦁ ꦨꦒꦮꦠꦺꦴ ꦄꦴꦫꦺꦴꦕꦺꦠꦸꦁ ꦈꦥꦱꦔ꧀ꦏꦩꦶ. ꦄꦮꦶꦥꦱ꧀ꦱꦏꦱ꧀ꦱ ꦏꦸꦱꦭꦴꦤꦁ ꦣꦩ꧀ꦩꦴꦤꦤ꧀ꦠꦶ ꦏꦸꦱꦭꦣꦩ꧀ꦩꦺ ꦄꦮꦶꦥꦱ꧀ꦱꦤ꧀ꦠꦱ꧀ꦱ, ꦄꦤꦺꦱꦤ꧀ꦠꦱ꧀ꦱ ꦄꦒꦮꦺꦱꦤ꧀ꦠꦱ꧀ꦱꦴꦠꦶ ꦄꦠ꧀ꦡꦺꦴ. ꦧꦺꦴꦣꦶꦥꦏ꧀ꦑꦶꦪꦴꦤꦁ ꦣꦩ꧀ꦩꦴꦤꦤ꧀ꦠꦶ ꦱꦠꦶꦥꦛ꧀ꦜꦴꦤꦴꦢꦷꦤꦁ ꦱꦠ꧀ꦠꦠꦶꦁꦱꦣꦩ꧀ꦩꦴꦤꦁ.