꧔. ꦱꦷꦲꦱꦺꦤꦴꦥꦠꦶꦱꦸꦠ꧀ꦠꦮꦟ꧀ꦟꦤꦴ

꧓꧔. ꦕꦠꦸꦠ꧀ꦡꦺ ꦱꦤ꧀ꦢꦶꦛ꧀ꦜꦶꦏꦤ꧀ꦠꦶ ꦱꦴꦩꦁ ꦥꦱ꧀ꦱꦶꦠꦧ꧀ꦧꦏꦁ. ꦢꦴꦪꦏꦺꦴꦠꦶ ꦢꦴꦤꦱꦹꦫꦺꦴ. ꦤ ꦱꦺꦴ ꦱꦢ꧀ꦣꦴꦩꦠ꧀ꦠꦏꦺꦤꦺꦮ ꦠꦶꦛ꧀ꦜꦠꦶ, ꦥꦫꦶꦕ꧀ꦕꦗꦶꦠꦸꦩ꧀ꦥꦶ ꦱꦏ꧀ꦏꦺꦴꦠꦷꦠꦶ ꦄꦠ꧀ꦡꦺꦴ. ꦢꦴꦤꦥꦠꦷꦠꦶ ꦪꦁ ꦢꦴꦤꦁ ꦢꦺꦠꦶ, ꦠꦱ꧀ꦱ ꦥꦠꦶ ꦲꦸꦠ꧀ꦮꦴ ꦢꦺꦠꦶ, ꦤ ꦢꦴꦱꦺꦴ, ꦤ ꦱꦲꦴꦪꦺꦴ. ꦪꦺꦴ ꦲꦶ ꦄꦠ꧀ꦠꦤꦴ ꦩꦣꦸꦫꦁ ꦨꦸꦚ꧀ꦗꦠꦶ, ꦥꦫꦺꦱꦁ ꦄꦩꦣꦸꦫꦁ ꦢꦺꦠꦶ, ꦱꦺꦴ ꦢꦴꦤꦱꦔ꧀ꦑꦴꦠꦱ꧀ꦱ ꦢꦺꦪ꧀ꦪꦣꦩ꧀ꦩꦱ꧀ꦱ ꦢꦴꦱꦺꦴ ꦲꦸꦠ꧀ꦮꦴ ꦢꦺꦠꦶ. ꦪꦺꦴ ꦪꦁ ꦄꦠ꧀ꦠꦤꦴ ꦨꦸꦚ꧀ꦗꦠꦶ, ꦠꦢꦺꦮ ꦢꦺꦠꦶ, ꦱꦺꦴ ꦱꦲꦴꦪꦺꦴ ꦲꦸꦠ꧀ꦮꦴ ꦢꦺꦠꦶ. ꦪꦺꦴ ꦥꦤ ꦄꦠ꧀ꦠꦤꦴ ꦪꦺꦤ ꦏꦺꦤꦕꦶ ꦪꦴꦥꦺꦠꦶ, ꦥꦫꦺꦱꦁ ꦩꦣꦸꦫꦁ ꦢꦺꦠꦶ, ꦱꦺꦴ ꦥꦠꦶ ꦗꦺꦛ꧀ꦜꦏꦺꦴ ꦱꦴꦩꦷ ꦲꦸꦠ꧀ꦮꦴ ꦢꦺꦠꦶ. ꦠꦴꦢꦶꦱꦁ ꦱꦤ꧀ꦣꦴꦪ ꦮꦸꦠ꧀ꦠꦁ – ‘‘ꦢꦴꦤꦥꦠꦷ’’ꦠꦶ.

ꦄꦩꦔ꧀ꦏꦸꦨꦹꦠꦺꦴꦠꦶ ꦤ ꦤꦶꦠ꧀ꦠꦺꦗꦨꦹꦠꦺꦴ. ꦮꦶꦱꦴꦫꦢꦺꦴꦠꦶ ꦚꦴꦟꦱꦺꦴꦩꦤꦱ꧀ꦱꦥ꧀ꦥꦠ꧀ꦠꦺꦴ. ꦱꦲꦧ꧀ꦪꦠꦁ ꦒꦠꦴꦠꦶ ꦱꦲꦨꦴꦮꦁ ꦌꦏꦷꦨꦴꦮꦁ ꦒꦠꦴ. ꦏꦠꦴꦮꦏꦴꦱꦴꦠꦶ ꦪꦺꦤ ꦏꦩ꧀ꦩꦺꦤ ꦠꦠ꧀ꦡ ꦄꦮꦏꦴꦱꦺꦴ ꦲꦺꦴꦠꦶ, ꦠꦱ꧀ꦱ ꦏꦠꦠ꧀ꦠꦴ ꦏꦠꦴꦮꦏꦴꦱꦴ. ꦠꦁ ꦥꦤ ꦪꦱ꧀ꦩꦴ ꦏꦸꦱꦭꦩꦺꦮ ꦲꦺꦴꦠꦶ, ꦠꦱ꧀ꦩꦴ ꦏꦠꦏꦸꦱꦭꦴꦠꦶ ꦮꦸꦠ꧀ꦠꦁ. ꦩꦺꦴꦢꦫꦺꦠꦶ ꦩꦺꦴꦢꦤ꧀ꦠꦶ ꦥꦩꦺꦴꦢꦤ꧀ꦠꦶ. ꦄꦱꦶꦠꦱ꧀ꦱꦴꦠꦶ ꦄꦤꦶꦱ꧀ꦱꦶꦠꦱ꧀ꦱ ꦠꦡꦴꦒꦠꦱ꧀ꦱ. ꦠꦴꦢꦶꦤꦺꦴꦠꦶ ꦠꦴꦢꦶꦭꦏ꧀ꦑꦟꦁ ꦥꦠ꧀ꦠꦱ꧀ꦱ.